14

Yauhaa tuag

(Mk. 6:14-29; Lk. 9:7-9)

¹Thaus tug tswv xeev Helauj tau nov txug Yexu lub moo, ²nwg txawm has rua nwg cov tub teg tub taw tas, “Tug nuav yeej yog Yauhaa kws coj ua kevcai raus dej. Nwg sawv huv qhov tuag rov lug lawm, mas nwg txhad muaj fwjchim ua tau tej txujci phemfwj nuav.” ³Helauj tub nteg Yauhaa hab muab khi kaw rua huv tsev lojfaaj, vem yog tim Helauntia kws yog Helauj tug kwv Fili tug quaspuj, ⁴tsua qhov Yauhaa txeev has rua Helauj tas, “Koj tsw muaj cai yuav tug hov ua koj quaspuj.” ⁵Txawm yog Helauj xaav muab Yauhaa tua los nwg kuj ntshai cov pejxeem, tsua qhov puab fwm tas Yauhaa yog ib tug xwbfwb cev Vaajtswv lug. ⁶Thaus ua kevcai ncu txug nub kws yug Helauj, Helauntia tug ntxhais txawm dha seev cev taab meeg cov qhua suavdawg mas ua rua Helauj txaus sab heev, ⁷Helauj txhad cog lug twv tas nwg thov daabtsw nwg yeej yuav tau yaam ntawd. ⁸Tug ntxhais txhad thov lawv le leej nam qha rua nwg tas, “Thov muab Yauhaa kws coj ua kevcai raus dej lub taubhau tso huv lub choo coj lug rua kuv ntawm nuav.” ⁹Mas vaajntxwv ntxhuv sab, tassws vem yog saib rua tej lug kws nwg twv hab saib rua cov qhua nwg txhad tso ncauj kuas muab rua tug ntxhais. ¹⁰Nwg txawm khaiv tuabneeg moog txav Yauhaa lub taubhau huv tsev lojfaaj. ¹¹Puab muab Yauhaa lub taubhau tso rua huv lub choo coj lug pub rua tug ntxhais hov, tug ntxhais txhad coj moog rua leej nam. ¹²Mas Yauhaa cov thwjtim tuaj coj Yauhaa lub cev moog log, hab puab moog has rua Yexu paub.

Pub mov rua tswb txheeb leej noj

(Mk. 6:30-44; Lk. 9:10-17; Yh. 6:1-14)

¹³Thaus Yexu nov le ntawd nwg txawm nce nkoj tawm hov ntawd moog nyob tuab leeg rua ib qho chaw kws tsw muaj tuabneeg. Thaus tej tuabneeg nov le hov, puab txawm tawm huv tej moos moog kwtaw lawv nwg qaab moog. ¹⁴Thaus Yexu tawm huv lub nkoj lug nwg pum muaj tuabneeg coob coob, nwg txhad taab ncuab puab hab khu cov tuabneeg muaj mob kuas zoo. ¹⁵Thaus yuav tsaus ntuj nwg cov thwjtim lug has rua nwg tas, “Ntawm nuav yog ntuj nraag teb do, hab taav nuav lig lawm. Ca le tso cov tuabneeg moog sub puab txhad tau moog yuav mov noj tom tej zej zog.” ¹⁶Yexu has tas, “Tsw txug puab tawm moog, mej ca le pub rua puab noj.” ¹⁷Puab has rua nwg tas, “Ntawm nuav peb tsuas muaj tswb lub ncuav hab ob tug ntseg xwb.” ¹⁸Nwg txawm has tas, “Muab lug rua kuv.” ¹⁹Tes nwg txawm has kuas cov tuabneeg hov nyob tsawg rua ntawm tej nyom. Thaus nwg txais tswb lub ncuav hab ob tug ntseg hov lawm, nwg tsaa muag saib sau ntuj thov Vaajtswv foom koob moov mas muab ndais cev rua cov thwjtim, mas cov thwjtim faib rua cov tuabneeg coob coob hov. ²⁰Puab txhua tug noj tsau huvsw. Tej ncuav kws noj tsw taag puab khaws tau kaum ob tawb puv nkaus. ²¹Cov tuabneeg kws noj hov cov txwvneej xwb muaj kwvlaam tswb txheeb leej tsw suav cov quaspuj mivnyuas.

Yexu moog kwtaw sau nplaim dej

(Mk. 6:45-52; Yh. 6:15-21)

²²Thaus ntawd Yexu has kuas nwg cov thwjtim nce nkoj hlaa dej ua nwg ntej moog rua saab tid, tes Yexu txawm tso cov tuabneeg rov moog. ²³Thaus nwg tso cov tuabneeg hov moog taag lawd, nwg tuab leeg txawm nce moog thov Vaajtswv peg roob. Thaus tsaus ntuj lawd, Yexu tuab leeg tseed nyob peg roob, ²⁴tassws lub nkoj nyob deb ntawm ntug havtxwv lawm hab raug tej nam nthwv dej nplawm vem yog cua ntsawj tom hauv ntej tuaj. ²⁵Thaus qab qua thawj tswg Yexu moog kwtaw sau nplaim dej havtxwv tuaj rua ntawm cov thwjtim. ²⁶Thaus cov thwjtim pum nwg lug kwtaw sau nplaim dej, puab ntshai kawg hab has tas, “Yog daab!” Puab qw nrov vem yog ntshai. ²⁷Taamswm ntawd Yexu has rua puab tas, “Ua sab tuab, yog kuv ntaag. Tsw xob ntshai.” ²⁸Petu txawm teb nwg tas, “Tug Tswv, yog koj tag, thov has kuas kuv tuaj sau nplaim dej rua ntawm koj.” ²⁹Yexu has tas, “Tuaj los maj.” Petu txawm nqeg nkoj moog kwtaw sau nplaim dej rua ntawm Yexu. ³⁰Tassws thaus nwg pum cua ntsawj nwg txawm ntshai. Nwg chiv tog txawm qw nrov tas, “Tug Tswv, cawm kuv lauj!” ³¹Taamswm ntawd Yexu cev loo teg ntsab nkaus nwg hab has rua nwg tas, “Tug kws kev ntseeg yau 'e, ua caag koj tsw ruaj sab?” ³²Thaus ob tug nce rua huv lub nkoj lawm, cua kuj tu lawm. ³³Puab cov kws nyob huv nkoj txawm pe hawm Yexu has tas, “Koj yog Vaajtswv tug tub tag.”

Yexu khu mob huv Kenexale

(Mk. 6:53-56)

³⁴Thaus puab hlaa dhau havtxwv lawd puab nreg nkoj rua ntawm Kenexale. ³⁵Thaus cov tuabneeg kws nyob ntawd cim tau Yexu, puab txawm khaiv tuabneeg moog has thoob plawg ib ncig ntawd, mas puab coj txhua tug kws muaj mob tuaj cuag Yexu, ³⁶hab thov Yexu ca cov tuabneeg mob hov kov nwg lub qaab tsho xwb. Txhua tug kws tau kov lawd kuj zoo huvsw.

14

Yauhas tuag

(Mk. 6:14-29; Lk. 9:7-9)

¹Thaum tus tswv xeev Helauj tau hnov txog Yexus lub moo, ²nws txawm hais rau nws cov tub teg tub taws tias, “Tus no yeej yog Yauhas uas coj ua kevcai raus dej. Nws sawv hauv qhov tuag rov los lawm, mas nws thiaj muaj hwjchim ua tau tej txujci phimhwj no.” ³Helauj twb ntes Yauhas thiab muab khi kaw rau hauv tsev lojfaj, vim yog tim Helaudia uas yog Helauj tus kwv Fili tus pojniam, ⁴rau qhov Yauhas txeev hais rau Helauj tias, “Koj tsis muaj cai yuav tus ntawd ua koj pojniam.” ⁵Txawm yog Helauj xav muab Yauhas tua los nws kuj ntshai cov pejxeem, rau qhov lawv hwm tias Yauhas yog ib tug xibhwb cev Vajtswv lus. ⁶Thaum ua kevcai nco txog hnub uas yug Helauj, Helaudia tus ntxhais txawm dhia seev cev tab meeg cov qhua sawvdaws mas ua rau Helauj txaus siab heev, ⁷Helauj thiaj cog lus twv tias nws thov dabtsi nws yeej yuav tau yam ntawd. ⁸Tus ntxhais thiaj thov raws li leej niam qhia rau nws tias, “Thov muab Yauhas uas coj ua kevcai raus dej lub taubhau tso hauv lub choo coj los rau kuv ntawm no.” ⁹Mas vajntxwv ntxhov siab, tiamsis vim yog saib rau tej lus uas nws twv thiab saib rau cov qhua nws thiaj tso ncauj kom muab rau tus ntxhais. ¹⁰Nws txawm txib neeg mus txiav Yauhas lub taubhau hauv tsev lojfaj. ¹¹Lawv muab Yauhas lub taubhau tso rau hauv lub choo coj los pub rau tus ntxhais ntawd, tus ntxhais thiaj coj mus rau leej niam. ¹²Mas Yauhas cov thwjtim tuaj coj Yauhas lub cev mus log, thiab lawv mus hais rau Yexus paub.

Pub mov rau tsib txhiab leej noj

(Mk. 6:30-44; Lk. 9:10-17; Yh. 6:1-14)

¹³Thaum Yexus hnov li ntawd nws txawm nce nkoj tawm qhov ntawd mus nyob tib leeg rau ib qho chaw uas tsis muaj neeg. Thaum tej neeg hnov li ntawd, lawv txawm tawm hauv tej moos mus kotaw raws nws qab mus. ¹⁴Thaum Yexus tawm hauv lub nkoj los nws pom muaj neeg coob coob, nws thiaj khuvleej lawv thiab kho cov neeg muaj mob kom zoo. ¹⁵Thaum yuav tsaus ntuj nws cov thwjtim los hais rau nws tias, “Ntawm no yog ntuj nrag teb do, thiab tav no lig lawm. Cia li tso cov neeg mus xwv lawv thiaj tau mus yuav mov noj tom tej zej zog.” ¹⁶Yexus hais tias, “Tsis txog lawv tawm mus, nej cia li pub rau lawv noj.” ¹⁷Lawv hais rau nws tias, “Ntawm no peb tsuas muaj tsib lub ncuav thiab ob tug ntses xwb.” ¹⁸Nws txawm hais tias, “Muab los rau kuv.” ¹⁹Ces nws txawm hais kom cov neeg ntawd zaum rau ntawm tej nyom. Thaum nws txais tsib lub ncuav thiab ob tug ntses ntawd lawm, nws tsa muag ntsia saum ntuj thov Vajtswv foom koob hmoov mas muab ntais cev rau cov thwjtim, mas cov thwjtim faib rau cov neeg coob coob ntawd. ²⁰Lawv txhua tus noj tsau huvsi. Tej ncuav uas noj tsis tag lawv khaws tau kaum ob tawb puv nkaus. ²¹Cov neeg uas noj ntawd cov txivneej xwb muaj kwvlam tsib txhiab leej tsis suav cov pojniam menyuam.

Yexus mus kotaw saum nplaim dej

(Mk. 6:45-52; Yh. 6:15-21)

²²Thaum ntawd Yexus hais kom nws cov thwjtim nce nkoj hla dej ua nws ntej mus rau sab tid, ces Yexus txawm tso cov neeg rov mus. ²³Thaum nws tso cov neeg ntawd mus tag lawd, nws tib leeg txawm nce mus thov Vajtswv pem roob. Thaum tsaus ntuj lawd, Yexus tib leeg tseem nyob pem roob, ²⁴tiamsis lub nkoj nyob deb ntawm ntug hiavtxwv lawm thiab raug tej niag nthwv dej nplawm vim yog cua ntsawj tom hauv ntej tuaj. ²⁵Thaum qaib qua thawj tsig Yexus mus kotaw saum nplaim dej hiavtxwv tuaj rau ntawm cov thwjtim. ²⁶Thaum cov thwjtim pom nws los kotaw saum nplaim dej, lawv ntshai kawg thiab hais tias, “Yog dab!” Lawv qw nrov vim yog ntshai. ²⁷Tamsim ntawd Yexus hais rau lawv tias, “Ua siab tuab, yog kuv ntag. Tsis txhob ntshai.” ²⁸Petus txawm teb nws tias, “Tus Tswv, yog koj tiag, thov hais kom kuv tuaj saum nplaim dej rau ntawm koj.” ²⁹Yexus hais tias, “Tuaj los maj.” Petus txawm nqes nkoj mus kotaw saum nplaim dej rau ntawm Yexus. ³⁰Tiamsis thaum nws pom cua ntsawj nws txawm ntshai. Nws pib tog txawm qw nrov tias, “Tus Tswv, cawm kuv lauj!” ³¹Tamsim ntawd Yexus cev loo tes ntsiab nkaus nws thiab hais rau nws tias, “Tus uas kev ntseeg yau 'e, ua cas koj tsis ruaj siab?” ³²Thaum ob tug nce rau hauv lub nkoj lawm, cua kuj tu lawm. ³³Lawv cov uas nyob hauv nkoj txawm pe hawm Yexus hais tias, “Koj yog Vajtswv tus tub tiag.”

Yexus kho mob hauv Kenexale

(Mk. 6:53-56)

³⁴Thaum lawv hla dhau hiavtxwv lawd lawv nres nkoj rau ntawm Kenexale. ³⁵Thaum cov neeg uas nyob ntawd cim tau Yexus, lawv txawm txib neeg mus hais thoob plaws ib ncig ntawd, mas lawv coj txhua tus uas muaj mob tuaj cuag Yexus, ³⁶thiab thov Yexus cia cov neeg mob ntawd kov nws lub qab tsho xwb. Txhua tus uas tau kov lawd kuj zoo huvsi.