6
Yeeb ncuab tuav tswvyim ua phem
1Thaus muaj tuabneeg moog has rua Xaanpala hab Thaunpia hab Kesee, kws yog tuabneeg Alam, hab lwm tug kws ua yeeb ncuab rua peb paub tas kuv tau ua lub ntsaa loog hab khu tej qhov kws pob tav lawm (lub swjhawm ntawd kuv tsw tau nruab txhwb qhov rooj rua ntawm rooj loog),
2mas Xaanpala hab Kesee khaiv tuabneeg tuaj has rua kuv tas, “Thov koj tuaj ntswb peb rua huv ib lub zog ntawm lub taj Aunau.” Tub yog puab tuav huv yuav ua phem rua kuv ntaag.
3Kuv txhad khaiv tuabneeg moog has rua puab tas, “Kuv saamswm ua num tseem ceeb kawg, tuaj tsw tau. Ua caag peb yuav tso num tseg rua thaus kuv tawm moog cuag mej?”
4Mas puab tseed khaiv tuabneeg tuaj has rua kuv le nuav plaub zag, kuv kuj teb puab ib yaam nkaus hab.
5Zag tswb Xaanpala khaiv nwg ib tug tub teg tub taw tuaj cuag kuv ib yaam le qub hab coj ib tsaab ntawv qheb quas lug tuaj.
6Huv tsaab ntawv sau has tas, “Muaj xuv huv ib tsoom tuabneeg hab Kesee kuj has tas, koj hab cov Yutai npaaj sab yuav faav xeeb. Yog le nuav koj txhad ua lub ntsaa loog, hab koj xaav ua puab tug vaajntxwv lawv le tej xuv nuav.
7Hab koj tub tsaa cov xwbfwb cev Vaajtswv lug tshaaj tawm txug koj rua huv Yeluxalee tas, ‘Muaj ib tug vaajntxwv huv Yuta lawm.’ Nwgnuav yuav has tej lug nuav moog rua vaajntxwv paub. Vem le nuav thov koj tuaj es ib sablaaj ua ke.”
8Mas kuv txhad tso tuabneeg moog has rua nwg tas, “Yaam kws koj has kod kuv yeej tsw tau ua le, koj xaav tswvyim lawv le koj lub sab xwb.”
9Tsua qhov puab suavdawg xaav hem kuas peb ntshai, hab xaav tas peb txhais teg yuav tso daag num tseg hab tej num yuav tsw tav. Au Vaajtswv, nwgnuav thov koj txhawb kuv txhais teg tug zug.
10Kuv txawm moog rua huv Ntelaya tug tub Semaya lub tsev, nwg yog Mehethanpee tug xeeb ntxwv, nwg pheej nyob huv tsev xwb, mas Semaya has tas, “Ca ib moog sws ntswb rua huv Vaajtswv lub tuam tsev chaav kws pe Vaajtswv, hab ca ib muab qhov rooj tuam tsev kaw, tsua qhov puab yuav tuaj tua koj, thaus tsaus ntuj puab yuav tuaj tua koj pov tseg.”
11Tassws kuv has tas, “Tuabneeg zoo le kuv yuav txaus tswv lov? Hab tuabneeg zoo le kuv yuav nkaag moog rua huv lub tuam tsev txhad cawm tau sav lov? Kuv tsw moog.”
12Mas kuv nkaag sab hab pum tas, tsw yog Vaajtswv khaiv nwg tuaj tassws yog nwg cev lug tawm tsaam kuv vem Thaunpia hab Xaanpala tau ndav nwg lawm.
13Ob tug ndav nwg tuaj xaav tas yuav ua rua kuv ntshai hab kuv yuav ua le hov txhad ua txhum muaj txem, mas puab txhad le coj tau kuv lub npe moog xyaav sub puab txhad thuaj luag tau kuv.
14Au kuv tug Vaajtswv, thov koj ncu txug Thaunpia hab Xaanpala lawv le tej kws ob tug ua nuav, hab ncu txug Nau‑antiya kws yog tug puj xwbfwb cev Vaajtswv lug hab lwm tug kws cev Vaajtswv lug kws xaav ua kuas kuv ntshai.
15Lub ntsaa loog txhad tav rua nub tim neeg nkaum tswb lub hli Elu,⚓ huvsw peb ua tswb caug ob nub.
16Thaus peb cov yeeb ncuab suavdawg tau nov, ib tsoom tebchaws kws nyob ib ncig peb kuj ntshai hab poob ntsej muag taag, tsua qhov puab pum tas tej num nuav ua tau tav vem yog muaj peb tug Vaajtswv paab peb.
17Dua le ntawd lub swjhawm ntawd cov kws ua hlub huv Yuta kuj xaa ntau tsaab ntawv moog rua Thaunpia, hab Thaunpia tej ntawv kuj tuaj txug puab.
18Tsua qhov cov Yuta muaj ntau leej nrug Thaunpia cog lug sws raug zoo vem nwg yog Alag tug tub Sekhaniya le vauv, hab nwg tug tub Yehauhanaa tau yuav Npelekhiya tug tub Mesulaa le ntxhais ua quaspuj.
19Puab has txug tej qhov zoo kws Thaunpia ua rua kuv noog hab coj kuv tej lug moog qha rua nwg. Mas Thaunpia xaa ntawv tuaj hem ua kuas kuv ntshai.
6
敵對尼希米的陰謀
1參巴拉、多比雅、阿拉伯人基善和我們其餘的仇敵聽見我已經建造了城牆，沒有破裂之處在其中，那時我還沒有在城門安門扇；
2參巴拉和基善就派人來見我，說：「請你來，我們在阿挪平原的村莊見面。」其實，他們想要害我。
3於是我派使者到他們那裏，說：「我正在進行大的工程，不能下去。我怎麼能離開，下去見你們，而讓工程停頓呢？」
4他們這樣派人來見我四次，我都用這話回答他們。
5參巴拉第五次同樣派僕人來見我，手裏拿着未封的信，
6信上寫着：「列國中有風聲，基善⚓也說，你和猶太人謀反，所以你建造城牆。據說，你要作他們的王，
7並且你派先知在耶路撒冷指着你宣講說，『在猶大有王。』如今這些話必傳給王知，現在請你來，我們一起商議。」
8我就派人到他那裏，說：「你所說的這些事，一概沒有，是你心裏捏造的。」
9他們全都要使我們懼怕，說：「他們的手必軟弱，不能工作，以致不能完工。」現在，求你堅固我的手。
10我到了米希大別的孫子，第來雅的兒子示瑪雅家裏；那時，他閉門不出。他說：「我們可以在上帝的殿裏，就在殿的中間會面，鎖住殿門，因為他們要來殺你，要在夜裏來殺你。」
11我說：「像我這樣的人豈會逃跑呢？像我這樣的人豈能進入殿裏保全生命呢？我不進去！」
12我看清楚了，看哪，上帝並沒有派他，是他自己說預言攻擊我，是多比雅和參巴拉收買了他；
13收買他的目的是要叫我懼怕，依從他犯罪，留下一個壞名聲，好讓他們毀謗我。
14我的上帝啊，求你記得多比雅、參巴拉、挪亞底女先知和其餘的先知，因他們行這些事，要叫我懼怕。
工程結束
15以祿月二十五日，城牆修完了，共修了五十二天。
16我們所有的仇敵聽見了，四圍的列國就懼怕，愁眉不展，因為他們知道這工作得以完成，是出於我們的上帝。
17而且，在那些日子，猶大的貴族屢次寄信給多比雅，多比雅也回信給他們。
18在猶大有許多人與多比雅結盟，因為他是亞拉的兒子示迦尼的女婿，並且他的兒子約哈難娶了比利迦的兒子米書蘭的女兒。
19他們也在我面前說多比雅的好話，又把我的話傳給他。多比雅常寄信來，要叫我懼怕。