2

Daviv Ntuas Xalumoos Thaum Kawg

¹Thaum Daviv yuav tuag, nws hu nws tus tub Xalumoos los ntuas thiab cob haujlwm rau Xalumoos zaum kawg hais tias, ²“Twb txog lub sijhawm uas kuv yuav tso lub ntiajteb no tseg lawm. Koj cia li ua siab tawv qhawv, ³ua raws li tus TSWV uas yog koj tus Vajtswv kom koj ua. Thiab coj raws li nws tej kevcai thiab tej lus samhwm uas muab sau tseg rau hauv Mauxes phau Kevcai, koj thiaj yuav vammeej, tsis hais koj ua dabtsi lossis koj yuav mus qhov twg. ⁴Tus TSWV yuav ua raws li tej lus uas nws cog tseg rau kuv hais tias, ‘Yog koj cov tubki ua neeg ncaj ncees thiab coj raws li kuv tej lus qhia kawg siab kawg ntsws kawg plab kawg plawv, mas koj cajces yuav tsis tu tus neeg uas zaum saum cov Yixalayees lub zwmtxwv ib zaug li.’
⁵“Dua li ntawd ntxiv, koj twb yeej paub lawm hais tias Yau-am tau ua li cas rau kuv. Nws tau tua cov Yixalayees ob tug thawj tubrog, Neles tus tub Aneles thiab Yethes tus tub Amaxas. Koj nco ntsoov hais tias nws tua nkawd povtseg thaum lub tebchaws muaj kev thajyeeb pauj tej neeg uas nkawd tua thaum lub tebchaws tseem ua tsov ua rog. Nws tua cov neeg uas tsis muaj txim, mas nimno kuv thiaj tau ris lub txim uas nws ua ntawd thiab raug kev txomnyem ntsuav li no. ⁶Koj yeej paub hais tias, koj yuav tsum ua li cas rau nws lawm; koj tsis txhob pub nws tuag sov siab so li.
⁷“Koj yuav tsum ua siab dawb siab zoo rau Npaxilais tus uas yog neeg Nkile-as cov tub thiab saib xyuas lawv, rau qhov lawv tau ua zoo heev rau kuv thaum uas kuv khiav mus nkaum koj tus tijlaug Axaloos.
⁸“Hnub uas kuv mus rau hauv lub nroog Mahana-ees, Nkelas tus tub Sime-is uas yog xeem Npeenyamees uas nyob hauv lub nroog Npahulees tau tsawm foom kuv phem kawg li, tiamsis thaum nws tuaj tos kuv tom tus dej Yauladees, kuv tau tuav tus TSWV lub npe coglus rau nws hais tias, kuv yuav tsis tua nws povtseg. ⁹Tiamsis nimno, koj tsis txhob cia nws dim dawb dim do. Koj yog neeg txawj ntse, koj yeej paub hais tias tsimnyog koj yuav ua li cas rau nws lawm, koj cia li muab nws tua povtseg.”

Daviv Tuag

¹⁰Daviv txawm tuag thiab luag coj nws mus faus rau hauv Daviv lub nroog. ¹¹Daviv ua vajntxwv kav lub tebchaws Yixalayees tau plaub caug xyoo, nws nyob hauv lub nroog Henploos kav tau xya xyoo thiab nyob hauv lub nroog Yeluxalees kav tau peb caug peb xyoo. ¹²Xalumoos ua vajntxwv hloov nws txiv Daviv chaw, thiab nws muaj hwjchim loj kav lub tebchaws nyob ruaj khov.

Adauniyas Tuag

¹³Adauniyas uas yog Hankis tus tub mus cuag Npasenpas uas yog Xalumoos niam. Npasenpas nug hais tias, “Puas yog koj tuaj ncaj tuaj ncees?”
Adauniyas teb hais tias, “Kuv yeej tuaj ncaj tuaj ncees,” ¹⁴thiab nws hais ntxiv hais tias, “Kuv muaj lo puav lus xav nug koj.”
Npasenpas teb hais tias, “Koj xav nug dabtsi?”
¹⁵Adauniyas teb hais tias, “Koj yeej paub hais tias kuv yuav tsum tau ua vajntxwv thiab txhua tus neeg Yixalayees yeej pom zoo cia kuv ua. Tiamsis muaj tej yam txawv heev tshwm tuaj hais tias kuv tus kwv tau ua vajntxwv lawm, rau qhov yog tus TSWV pom zoo. ¹⁶Mas nimno kuv xav yuav ib yam ntawm koj, thov koj muab rau kuv.”
Npasenpas nug hais tias, “Yog dabtsi?”
¹⁷Adauniyas teb hais tias, “Koj cia li mus thov Xalumoos kom nws muab Anpisas uas yog tus hluas nkauj Sunees rau kuv yuav ua pojniam, rau qhov kuv paub hais tias Xalumoos yuav ua li koj hais.”
¹⁸Npasenpas teb hais tias, “Ua li ntawd, kuv mam mus pab koj thov vajntxwv.”
¹⁹Yog li ntawd, Npasenpas thiaj mus cuag vajntxwv thiab coj Adauniyas cov lus mus hais rau Xalumoos. Vajntxwv sawv los hais lus zoo siab tos txais nws niam thiab nyo ntshis hawm nws niam. Xalumoos txawm mus zaum saum nws lub zwmtxwv thiab nws muab ib lub rooj los rau nws niam zaum ntawm nws sabxis. ²⁰Npasenpas hais tias, “Kuv muaj mentsis lus tseemceeb xav hais rau koj, thov koj teb rau kuv.”
Xalumoos teb hais tias, “Niam koj yuav hais dabtsi? Kuv yeej yuav mloog koj hais.”
²¹Npasenpas hais tias, “Koj cia li muab Anpisas rau koj tus tijlaug Adauniyas yuav ua pojniam.”
²²Vajntxwv nug hais tias, “Vim li cas koj tuaj thov kom kuv muab Anpisas rau Adauniyas yuav? Koj cia li thov kom kuv muab hlo kuv lub meejmom vajntxwv rau nws huv tibsi! Rau qhov nws yog kuv tus tijlaug thiab tus povthawj Anpiyathas thiab Yau-am los twb tuaj nws tog lawm!” ²³Ces Xalumoos thiaj tuav tus TSWV lub npe coglus hais tias, “Yog kuv tsis muab Adauniyas tua povtseg pauj qhov uas nws thov no, ces thov Vajtswv muab kuv tua povtseg! ²⁴Tus TSWV yog tus tsa kuv muaj meejmom los zaum saum kuv txiv lub zwmtxwv; Vajtswv tau ua raws li nws tej lus cog tseg thiab muab lub tebchaws no rau kuv thiab kuv cov xeebntxwv kav. Kuv thov coglus rau tus TSWV uas muaj sia nyob hais tias Adauniyas yuav tsum tuag hnub no.”
²⁵Yog li ntawd, Vajntxwv Xalumoos thiaj kom Npenayas mus muab Adauniyas tua tuag lawm.

Anpiyathas Raug Rho Tawm thiab Yau-am Raug Tua Tuag

²⁶Vajntxwv Xalumoos hais rau tus povthawj Anpiyathas hais tias, “Koj cia li rov qab mus nyob hauv koj lub nroog Anathaus uas yog koj lub zos. Koj yeej tsimnyog tuag lawm, tiamsis kuv yuav tsis tua kom koj tuag tamsim no, vim thaum koj nrog kuv txiv Daviv nyob, koj tau ua tus saib lub Phijxab uas ntim Vajtswv tej lus cog tseg, thiab koj tau nrog kuv txiv tiv tej kev nyuaj siab ntxhov plawv los lawm.” ²⁷Ces Xalumoos muab Anpiyathas rho tawm tsis pub ua povthawj ua tus TSWV tes haujlwm ntxiv lawm, thiab yeej muaj tseeb raws li tej lus uas tus TSWV tau hais txog Elis thiab nws cov xeebntxwv hauv lub nroog Silaus lawm.
²⁸Thaum Yau-am hnov dheev hais tias muaj tej xwm no lawm. (Nws yog tus uas tuaj Adauniyas tog, tiamsis nws tsis tuaj Axaloos tog.) Nws txawm khiav mus rau tom tus TSWV lub Tsevntaub thiab mus tuav ob tug kub saum lub thaj. ²⁹Muaj neeg mus qhia rau Vajntxwv Xalumoos hais tias, “Yau-am khiav mus rau tom tus TSWV lub Tsevntaub thiab mus sawv ntawm lub thaj lawm.” Xalumoos thiaj hais rau Yehauyadas tus tub Npenayas hais tias, “Koj cia li mus muab Yau-am tua povtseg.” ³⁰Npenayas thiaj mus rau ntawm tus TSWV lub Tsevntaub thiab hais rau Yau-am hais tias, “Vajntxwv hais kom koj cia li tawm los.”
Yau-am teb hais tias, “Kuv tsis los, kuv yuav tuag rau ntawm no xwb.”
Npenayas thiaj rov los piav Yau-am tej lus rau vajntxwv mloog.
³¹Xalumoos hais tias, “Kav tsij mus ua li nws hais ntag, muab nws tua thiab muab faus kiag xwb, kom kuv lossis Daviv cov xeebntxwv thiaj tsis tau ris lub txim uas Yau-am tua cov neeg tsis muaj txim ntawd ntxiv lawm. ³²Tus TSWV yuav rau txim rau Yau-am, vim tej kev tua neeg uas nws txhob txwm tua tsis pub kuv txiv Daviv paub. Yau-am tau muab Neles tus tub Aneles uas yog cov Yixalayees tus thawj tubrog thiab Yetheles tus tub Amaxas uas yog cov Yudas tus thawj tubrog uas ncaj ncees thiab tsim txiaj tshaj nws tua povtseg lawm. ³³Lub txim tua neeg ntawd thiaj poob los rau Yau-am thiab nws cov xeebntxwv mus ibtxhis li. Tiamsis tus TSWV yuav tsa Daviv cov xeebntxwv los zaum saum Daviv lub zwmtxwv mus li.”
³⁴Yog li ntawd, Npenayas thiaj mus rau tom tus TSWV lub Tsevntaub thiab muab Yau-am tua tuag lawm, thiab muab nws faus rau hauv nws lub tsev uas nyob tom ntug nroog. ³⁵Vajntxwv thiaj tsa Npenayas uas yog cov Yudas tus thawj tubrog hloov Yau-am chaw thiab muab tus povthawj Xadaus hloov Anpiyathas chaw.

Sime-is Tuag

³⁶Vajntxwv hais mus rau Sime-is hais tias, “Koj cia li ua ib lub tsev rau hauv lub nroog Yeluxalees no rau koj nyob. Koj nyob hauv tsev thiab tsis txhob tawm hauv lub nroog mus qhov twg li. ³⁷Yog koj tseem tawm thiab hla tus Dej Kiloos mus rau sab tid, mas koj yeej yuav raug tua tuag xwb, thiab koj cov ntshav yuav rov los ywg koj taubhau.”
³⁸Sime-is teb hais tias, “Ua li ntawd los mas vajntxwv, kuv yuav ua raws li koj hais ntag.” Yog li ntawd, nws thiaj nyob hauv lub nroog Yeluxalees tau ntev heev.
³⁹Tau peb xyoo tom qab no, Sime-is ob tug tubqhe khiav mus cuag Ma-akas tus tub Akhises uas ua vajntxwv kav lub nroog Nkas. Thaum Sime-is hnov hais tias nkawd nyob hauv lub nroog Nkas, ⁴⁰nws txawm muab eeb nog rau nws tus neesluav thiab caij mus cuag Vajntxwv Akhises hauv lub nroog Nkas, mus nrhiav nws ob tug tubqhe. Nws nrhiav tau nkawd thiab coj nkawd rov los tsev. ⁴¹Thaum Xalumoos hnov txog tej uas Sime-is tau ua ntawd, ⁴²nws thiaj hais mus rau Sime-is hais tias, “Kuv puas tau tuav tus TSWV lub npe coglus rau koj hais tias tsis pub koj tawm hauv lub nroog Yeluxalees no mus rau sab nraud li. Thiab kuv twb ceebtoom rau koj hais tias yog koj tawm hauv no mus, koj yuav raug tua tuag. Koj twb yeej los zoo siab li ntawd thiab koj hais tias, koj yuav mloog kuv lus no ne? ⁴³Yog li cas koj yuav rhuav koj tej lus cog tseg thiab tsis mloog kuv tej lus samhwm li? ⁴⁴Koj yeej paub txhua yam uas koj tau ua txhaum rau kuv txiv lawm. Tus TSWV yuav rau txim rau koj vim lub txim ntawd. ⁴⁵Tiamsis nws yuav foom koom hmoov rau kuv thiab nws yuav ua kom Daviv lub tebchaws nyob ruaj khov mus ibtxhis li.”
⁴⁶Ces vajntxwv thiaj kom Npenayas mus muab Sime-is tua povtseg lawm. Txij thaum ntawd los Xalumoos kev tswjhwm thiaj nyob thajyeeb lug li lawm.

2

David’s Instructions to Solomon

¹Now ⚓the days of David drew near that he should die, and he charged Solomon his son, saying: ²⚓“I go the way of all the earth; ⚓be strong, therefore, and prove yourself a man. ³And keep the charge of the Lord your God: to walk in His ways, to keep His statutes, His commandments, His judgments, and His testimonies, as it is written in the Law of Moses, that you may ⚓prosper in all that you do and wherever you turn; ⁴that the Lord may ⚓fulfill His word which He spoke concerning me, saying, ⚓‘If your sons take heed to their way, to ⚓walk before Me in truth with all their heart and with all their soul,’ He said, ⚓‘you shall not lack a man on the throne of Israel.’
⁵“Moreover you know also what Joab the son of Zeruiah ⚓did to me, and what he did to the two commanders of the armies of Israel, to ⚓Abner the son of Ner and ⚓Amasa the son of Jether, whom he killed. And he shed the blood of war in peacetime, and put the blood of war on his belt that was around his waist, and on his sandals that were on his feet. ⁶Therefore do ⚓according to your wisdom, and do not let his gray hair go down to the grave in peace.
⁷“But show kindness to the sons of ⚓Barzillai the Gileadite, and let them be among those who ⚓eat at your table, for so ⚓they came to me when I fled from Absalom your brother.
⁸“And see, you have with you ⚓Shimei the son of Gera, a Benjamite from Bahurim, who cursed me with a malicious curse in the day when I went to Mahanaim. But ⚓he came down to meet me at the Jordan, and ⚓I swore to him by the Lord, saying, ‘I will not put you to death with the sword.’ ⁹Now therefore, ⚓do not hold him guiltless, for you are a wise man and know what you ought to do to him; but ⚓bring his gray hair down to the grave with blood.”

Death of David

¹⁰So ⚓David rested with his fathers, and was buried in ⚓the City of David. ¹¹The period that David ⚓reigned over Israel was forty years; seven years he reigned in Hebron, and in Jerusalem he reigned thirty-three years. ¹²⚓Then Solomon sat on the throne of his father David; and his kingdom was ⚓firmly established.

Solomon Executes Adonijah

¹³Now Adonijah the son of Haggith came to Bathsheba the mother of Solomon. So she said, ⚓“Do you come peaceably?”
And he said, “Peaceably.” ¹⁴Moreover he said, “I have something to say to you.”
And she said, “Say it.”
¹⁵Then he said, “You know that the kingdom was ⚓mine, and all Israel had set their expectations on me, that I should reign. However, the kingdom has been turned over, and has become my brother’s; for ⚓it was his from the Lord. ¹⁶Now I ask one petition of you; do not deny me.”
And she said to him, “Say it.”
¹⁷Then he said, “Please speak to King Solomon, for he will not refuse you, that he may give me ⚓Abishag the Shunammite as wife.”
¹⁸So Bathsheba said, “Very well, I will speak for you to the king.”
¹⁹Bathsheba therefore went to King Solomon, to speak to him for Adonijah. And the king rose up to meet her and ⚓bowed down to her, and sat down on his throne and had a throne set for the king’s mother; ⚓so she sat at his right hand. ²⁰Then she said, “I desire one small petition of you; do not refuse me.”
And the king said to her, “Ask it, my mother, for I will not refuse you.”
²¹So she said, “Let Abishag the Shunammite be given to Adonijah your brother as wife.”
²²And King Solomon answered and said to his mother, “Now why do you ask Abishag the Shunammite for Adonijah? Ask for him the kingdom also—for he is my ⚓older brother—for him, and for ⚓Abiathar the priest, and for Joab the son of Zeruiah.” ²³Then King Solomon swore by the Lord, saying, ⚓“May God do so to me, and more also, if Adonijah has not spoken this word against his own life! ²⁴Now therefore, as the Lord lives, who has confirmed me and set me on the throne of David my father, and who has established a house for me, as He ⚓promised, Adonijah shall be put to death today!”
²⁵So King Solomon sent by the hand of ⚓Benaiah the son of Jehoiada; and he struck him down, and he died.

Abiathar Exiled, Joab Executed

²⁶And to Abiathar the priest the king said, “Go to ⚓Anathoth, to your own fields, for you are deserving of death; but I will not put you to death at this time, ⚓because you carried the ark of the Lord God before my father David, and because you were afflicted every time my father was afflicted.” ²⁷So Solomon removed Abiathar from being priest to the Lord, that he might ⚓fulfill the word of the Lord which He spoke concerning the house of Eli at Shiloh.
²⁸Then news came to Joab, for Joab ⚓had defected to Adonijah, though he had not defected to Absalom. So Joab fled to the tabernacle of the Lord, and ⚓took hold of the horns of the altar. ²⁹And King Solomon was told, “Joab has fled to the tabernacle of the Lord; there he is, by the altar.” Then Solomon sent Benaiah the son of Jehoiada, saying, “Go, ⚓strike him down.” ³⁰So Benaiah went to the tabernacle of the Lord, and said to him, “Thus says the king, ⚓‘Come out!’ ”
And he said, “No, but I will die here.” And Benaiah brought back word to the king, saying, “Thus said Joab, and thus he answered me.”
³¹Then the king said to him, ⚓“Do as he has said, and strike him down and bury him, ⚓that you may take away from me and from the house of my father the innocent blood which Joab shed. ³²So the Lord⚓will return his blood on his head, because he struck down two men more righteous ⚓and better than he, and killed them with the sword—⚓Abner the son of Ner, the commander of the army of Israel, and ⚓Amasa the son of Jether, the commander of the army of Judah—though my father David did not know it. ³³Their blood shall therefore return upon the head of Joab and ⚓upon the head of his descendants forever. ⚓But upon David and his descendants, upon his house and his throne, there shall be peace forever from the Lord.”
³⁴So Benaiah the son of Jehoiada went up and struck and killed him; and he was buried in his own house in the wilderness. ³⁵The king put Benaiah the son of Jehoiada in his place over the army, and the king put ⚓Zadok the priest in the place of ⚓Abiathar.

Shimei Executed

³⁶Then the king sent and called for ⚓Shimei, and said to him, “Build yourself a house in Jerusalem and dwell there, and do not go out from there anywhere. ³⁷For it shall be, on the day you go out and cross ⚓the Brook Kidron, know for certain you shall surely die; ⚓your blood shall be on your own head.”
³⁸And Shimei said to the king, “The saying is good. As my lord the king has said, so your servant will do.” So Shimei dwelt in Jerusalem many days.
³⁹Now it happened at the end of three years, that two slaves of Shimei ran away to ⚓Achish the son of Maachah, king of Gath. And they told Shimei, saying, “Look, your slaves are in Gath!” ⁴⁰So Shimei arose, saddled his donkey, and went to Achish at Gath to seek his slaves. And Shimei went and brought his slaves from Gath. ⁴¹And Solomon was told that Shimei had gone from Jerusalem to Gath and had come back. ⁴²Then the king sent and called for Shimei, and said to him, “Did I not make you swear by the Lord, and warn you, saying, ‘Know for certain that on the day you go out and travel anywhere, you shall surely die’? And you said to me, ‘The word I have heard is good.’ ⁴³Why then have you not kept the oath of the Lord and the commandment that I gave you?” ⁴⁴The king said moreover to Shimei, “You know, as your heart acknowledges, ⚓all the wickedness that you did to my father David; therefore the Lord will ⚓return your wickedness on your own head. ⁴⁵But King Solomon shall be blessed, and ⚓the throne of David shall be established before the Lord forever.”
⁴⁶So the king commanded Benaiah the son of Jehoiada; and he went out and struck him down, and he died. Thus the ⚓kingdom was established in the hand of Solomon.