2

Daviv Ntuas Xalumoos Thaum Kawg

¹Thaum Daviv yuav tuag, nws hu nws tus tub Xalumoos los ntuas thiab cob haujlwm rau Xalumoos zaum kawg hais tias, ²“Twb txog lub sijhawm uas kuv yuav tso lub ntiajteb no tseg lawm. Koj cia li ua siab tawv qhawv, ³ua raws li tus TSWV uas yog koj tus Vajtswv kom koj ua. Thiab coj raws li nws tej kevcai thiab tej lus samhwm uas muab sau tseg rau hauv Mauxes phau Kevcai, koj thiaj yuav vammeej, tsis hais koj ua dabtsi lossis koj yuav mus qhov twg. ⁴Tus TSWV yuav ua raws li tej lus uas nws cog tseg rau kuv hais tias, ‘Yog koj cov tubki ua neeg ncaj ncees thiab coj raws li kuv tej lus qhia kawg siab kawg ntsws kawg plab kawg plawv, mas koj cajces yuav tsis tu tus neeg uas zaum saum cov Yixalayees lub zwmtxwv ib zaug li.’
⁵“Dua li ntawd ntxiv, koj twb yeej paub lawm hais tias Yau-am tau ua li cas rau kuv. Nws tau tua cov Yixalayees ob tug thawj tubrog, Neles tus tub Aneles thiab Yethes tus tub Amaxas. Koj nco ntsoov hais tias nws tua nkawd povtseg thaum lub tebchaws muaj kev thajyeeb pauj tej neeg uas nkawd tua thaum lub tebchaws tseem ua tsov ua rog. Nws tua cov neeg uas tsis muaj txim, mas nimno kuv thiaj tau ris lub txim uas nws ua ntawd thiab raug kev txomnyem ntsuav li no. ⁶Koj yeej paub hais tias, koj yuav tsum ua li cas rau nws lawm; koj tsis txhob pub nws tuag sov siab so li.
⁷“Koj yuav tsum ua siab dawb siab zoo rau Npaxilais tus uas yog neeg Nkile-as cov tub thiab saib xyuas lawv, rau qhov lawv tau ua zoo heev rau kuv thaum uas kuv khiav mus nkaum koj tus tijlaug Axaloos.
⁸“Hnub uas kuv mus rau hauv lub nroog Mahana-ees, Nkelas tus tub Sime-is uas yog xeem Npeenyamees uas nyob hauv lub nroog Npahulees tau tsawm foom kuv phem kawg li, tiamsis thaum nws tuaj tos kuv tom tus dej Yauladees, kuv tau tuav tus TSWV lub npe coglus rau nws hais tias, kuv yuav tsis tua nws povtseg. ⁹Tiamsis nimno, koj tsis txhob cia nws dim dawb dim do. Koj yog neeg txawj ntse, koj yeej paub hais tias tsimnyog koj yuav ua li cas rau nws lawm, koj cia li muab nws tua povtseg.”

Daviv Tuag

¹⁰Daviv txawm tuag thiab luag coj nws mus faus rau hauv Daviv lub nroog. ¹¹Daviv ua vajntxwv kav lub tebchaws Yixalayees tau plaub caug xyoo, nws nyob hauv lub nroog Henploos kav tau xya xyoo thiab nyob hauv lub nroog Yeluxalees kav tau peb caug peb xyoo. ¹²Xalumoos ua vajntxwv hloov nws txiv Daviv chaw, thiab nws muaj hwjchim loj kav lub tebchaws nyob ruaj khov.

Adauniyas Tuag

¹³Adauniyas uas yog Hankis tus tub mus cuag Npasenpas uas yog Xalumoos niam. Npasenpas nug hais tias, “Puas yog koj tuaj ncaj tuaj ncees?”
Adauniyas teb hais tias, “Kuv yeej tuaj ncaj tuaj ncees,” ¹⁴thiab nws hais ntxiv hais tias, “Kuv muaj lo puav lus xav nug koj.”
Npasenpas teb hais tias, “Koj xav nug dabtsi?”
¹⁵Adauniyas teb hais tias, “Koj yeej paub hais tias kuv yuav tsum tau ua vajntxwv thiab txhua tus neeg Yixalayees yeej pom zoo cia kuv ua. Tiamsis muaj tej yam txawv heev tshwm tuaj hais tias kuv tus kwv tau ua vajntxwv lawm, rau qhov yog tus TSWV pom zoo. ¹⁶Mas nimno kuv xav yuav ib yam ntawm koj, thov koj muab rau kuv.”
Npasenpas nug hais tias, “Yog dabtsi?”
¹⁷Adauniyas teb hais tias, “Koj cia li mus thov Xalumoos kom nws muab Anpisas uas yog tus hluas nkauj Sunees rau kuv yuav ua pojniam, rau qhov kuv paub hais tias Xalumoos yuav ua li koj hais.”
¹⁸Npasenpas teb hais tias, “Ua li ntawd, kuv mam mus pab koj thov vajntxwv.”
¹⁹Yog li ntawd, Npasenpas thiaj mus cuag vajntxwv thiab coj Adauniyas cov lus mus hais rau Xalumoos. Vajntxwv sawv los hais lus zoo siab tos txais nws niam thiab nyo ntshis hawm nws niam. Xalumoos txawm mus zaum saum nws lub zwmtxwv thiab nws muab ib lub rooj los rau nws niam zaum ntawm nws sabxis. ²⁰Npasenpas hais tias, “Kuv muaj mentsis lus tseemceeb xav hais rau koj, thov koj teb rau kuv.”
Xalumoos teb hais tias, “Niam koj yuav hais dabtsi? Kuv yeej yuav mloog koj hais.”
²¹Npasenpas hais tias, “Koj cia li muab Anpisas rau koj tus tijlaug Adauniyas yuav ua pojniam.”
²²Vajntxwv nug hais tias, “Vim li cas koj tuaj thov kom kuv muab Anpisas rau Adauniyas yuav? Koj cia li thov kom kuv muab hlo kuv lub meejmom vajntxwv rau nws huv tibsi! Rau qhov nws yog kuv tus tijlaug thiab tus povthawj Anpiyathas thiab Yau-am los twb tuaj nws tog lawm!” ²³Ces Xalumoos thiaj tuav tus TSWV lub npe coglus hais tias, “Yog kuv tsis muab Adauniyas tua povtseg pauj qhov uas nws thov no, ces thov Vajtswv muab kuv tua povtseg! ²⁴Tus TSWV yog tus tsa kuv muaj meejmom los zaum saum kuv txiv lub zwmtxwv; Vajtswv tau ua raws li nws tej lus cog tseg thiab muab lub tebchaws no rau kuv thiab kuv cov xeebntxwv kav. Kuv thov coglus rau tus TSWV uas muaj sia nyob hais tias Adauniyas yuav tsum tuag hnub no.”
²⁵Yog li ntawd, Vajntxwv Xalumoos thiaj kom Npenayas mus muab Adauniyas tua tuag lawm.

Anpiyathas Raug Rho Tawm thiab Yau-am Raug Tua Tuag

²⁶Vajntxwv Xalumoos hais rau tus povthawj Anpiyathas hais tias, “Koj cia li rov qab mus nyob hauv koj lub nroog Anathaus uas yog koj lub zos. Koj yeej tsimnyog tuag lawm, tiamsis kuv yuav tsis tua kom koj tuag tamsim no, vim thaum koj nrog kuv txiv Daviv nyob, koj tau ua tus saib lub Phijxab uas ntim Vajtswv tej lus cog tseg, thiab koj tau nrog kuv txiv tiv tej kev nyuaj siab ntxhov plawv los lawm.” ²⁷Ces Xalumoos muab Anpiyathas rho tawm tsis pub ua povthawj ua tus TSWV tes haujlwm ntxiv lawm, thiab yeej muaj tseeb raws li tej lus uas tus TSWV tau hais txog Elis thiab nws cov xeebntxwv hauv lub nroog Silaus lawm.
²⁸Thaum Yau-am hnov dheev hais tias muaj tej xwm no lawm. (Nws yog tus uas tuaj Adauniyas tog, tiamsis nws tsis tuaj Axaloos tog.) Nws txawm khiav mus rau tom tus TSWV lub Tsevntaub thiab mus tuav ob tug kub saum lub thaj. ²⁹Muaj neeg mus qhia rau Vajntxwv Xalumoos hais tias, “Yau-am khiav mus rau tom tus TSWV lub Tsevntaub thiab mus sawv ntawm lub thaj lawm.” Xalumoos thiaj hais rau Yehauyadas tus tub Npenayas hais tias, “Koj cia li mus muab Yau-am tua povtseg.” ³⁰Npenayas thiaj mus rau ntawm tus TSWV lub Tsevntaub thiab hais rau Yau-am hais tias, “Vajntxwv hais kom koj cia li tawm los.”
Yau-am teb hais tias, “Kuv tsis los, kuv yuav tuag rau ntawm no xwb.”
Npenayas thiaj rov los piav Yau-am tej lus rau vajntxwv mloog.
³¹Xalumoos hais tias, “Kav tsij mus ua li nws hais ntag, muab nws tua thiab muab faus kiag xwb, kom kuv lossis Daviv cov xeebntxwv thiaj tsis tau ris lub txim uas Yau-am tua cov neeg tsis muaj txim ntawd ntxiv lawm. ³²Tus TSWV yuav rau txim rau Yau-am, vim tej kev tua neeg uas nws txhob txwm tua tsis pub kuv txiv Daviv paub. Yau-am tau muab Neles tus tub Aneles uas yog cov Yixalayees tus thawj tubrog thiab Yetheles tus tub Amaxas uas yog cov Yudas tus thawj tubrog uas ncaj ncees thiab tsim txiaj tshaj nws tua povtseg lawm. ³³Lub txim tua neeg ntawd thiaj poob los rau Yau-am thiab nws cov xeebntxwv mus ibtxhis li. Tiamsis tus TSWV yuav tsa Daviv cov xeebntxwv los zaum saum Daviv lub zwmtxwv mus li.”
³⁴Yog li ntawd, Npenayas thiaj mus rau tom tus TSWV lub Tsevntaub thiab muab Yau-am tua tuag lawm, thiab muab nws faus rau hauv nws lub tsev uas nyob tom ntug nroog. ³⁵Vajntxwv thiaj tsa Npenayas uas yog cov Yudas tus thawj tubrog hloov Yau-am chaw thiab muab tus povthawj Xadaus hloov Anpiyathas chaw.

Sime-is Tuag

³⁶Vajntxwv hais mus rau Sime-is hais tias, “Koj cia li ua ib lub tsev rau hauv lub nroog Yeluxalees no rau koj nyob. Koj nyob hauv tsev thiab tsis txhob tawm hauv lub nroog mus qhov twg li. ³⁷Yog koj tseem tawm thiab hla tus Dej Kiloos mus rau sab tid, mas koj yeej yuav raug tua tuag xwb, thiab koj cov ntshav yuav rov los ywg koj taubhau.”
³⁸Sime-is teb hais tias, “Ua li ntawd los mas vajntxwv, kuv yuav ua raws li koj hais ntag.” Yog li ntawd, nws thiaj nyob hauv lub nroog Yeluxalees tau ntev heev.
³⁹Tau peb xyoo tom qab no, Sime-is ob tug tubqhe khiav mus cuag Ma-akas tus tub Akhises uas ua vajntxwv kav lub nroog Nkas. Thaum Sime-is hnov hais tias nkawd nyob hauv lub nroog Nkas, ⁴⁰nws txawm muab eeb nog rau nws tus neesluav thiab caij mus cuag Vajntxwv Akhises hauv lub nroog Nkas, mus nrhiav nws ob tug tubqhe. Nws nrhiav tau nkawd thiab coj nkawd rov los tsev. ⁴¹Thaum Xalumoos hnov txog tej uas Sime-is tau ua ntawd, ⁴²nws thiaj hais mus rau Sime-is hais tias, “Kuv puas tau tuav tus TSWV lub npe coglus rau koj hais tias tsis pub koj tawm hauv lub nroog Yeluxalees no mus rau sab nraud li. Thiab kuv twb ceebtoom rau koj hais tias yog koj tawm hauv no mus, koj yuav raug tua tuag. Koj twb yeej los zoo siab li ntawd thiab koj hais tias, koj yuav mloog kuv lus no ne? ⁴³Yog li cas koj yuav rhuav koj tej lus cog tseg thiab tsis mloog kuv tej lus samhwm li? ⁴⁴Koj yeej paub txhua yam uas koj tau ua txhaum rau kuv txiv lawm. Tus TSWV yuav rau txim rau koj vim lub txim ntawd. ⁴⁵Tiamsis nws yuav foom koom hmoov rau kuv thiab nws yuav ua kom Daviv lub tebchaws nyob ruaj khov mus ibtxhis li.”
⁴⁶Ces vajntxwv thiaj kom Npenayas mus muab Sime-is tua povtseg lawm. Txij thaum ntawd los Xalumoos kev tswjhwm thiaj nyob thajyeeb lug li lawm.

2

大衛給所羅門的遺訓

¹大衛的死期臨近了，就吩咐他兒子所羅門說： ²「我要走世人必走的路了。你當剛強，作大丈夫， ³遵守耶和華－你上帝所吩咐的，照着摩西律法上所寫的行耶和華的道，謹守他的律例、誡命、典章、法度，好讓你無論做甚麼，不拘往何處去，盡都亨通。 ⁴耶和華必成就他所說關於我的話，說：『你的子孫若謹慎自己的行為，盡心盡意憑信實行在我面前，就不斷有人坐以色列的王位。』 ⁵你也知道洗魯雅的兒子約押向我所做的事，他對付以色列的兩個元帥，尼珥的兒子押尼珥和益帖的兒子亞瑪撒，殺了他們。他在太平之時，如同戰爭一般，流這二人的血，把這戰爭的血染了他腰間束的帶和腳上穿的鞋。 ⁶所以你要照你的智慧去做，不讓他白髮安然下陰間。 ⁷你當恩待基列人巴西萊的眾兒子，請他們常與你同席吃飯，因為我躲避你哥哥押沙龍的時候，他們親近我。 ⁸看哪，在你這裏有來自巴戶琳的便雅憫人，基拉的兒子示每。我到瑪哈念去的那日，他用狠毒的言語咒罵我。後來他卻下約旦河迎接我，我就指着耶和華向他起誓說：『我必不用刀殺死你。』 ⁹但現在你不要以他為無罪。你是有智慧的人，必知道怎樣待他，使他白髮流血下陰間。」

大衛壽終

¹⁰大衛與他祖先同睡，葬在大衛城。 ¹¹大衛作以色列王四十年：在希伯崙作王七年，在耶路撒冷作王三十三年。 ¹²所羅門坐他父親大衛的王位，他的國度非常穩固。

亞多尼雅的死

¹³哈及的兒子亞多尼雅到所羅門的母親拔示巴那裏，拔示巴問他說：「你是為平安來的嗎？」他說：「為平安來的。」 ¹⁴他又說：「我有話對你說。」拔示巴說：「你說吧。」 ¹⁵亞多尼雅說：「你知道這國原是歸我的，全以色列也都期望我作王。然而，這國反歸了我兄弟，因這國歸了他是出乎耶和華。 ¹⁶現在我有一件事求你，請你不要推辭。」拔示巴對他說：「你說吧。」 ¹⁷他說：「求你請所羅門王把書念女子亞比煞賜我為妻，因他必不拒絕你。」 ¹⁸拔示巴說：「好，我必為你對王提說。」
¹⁹於是，拔示巴來到所羅門王那裏，要為亞多尼雅說話。王起來迎接，向她下拜，然後坐在自己的位上，又為王的母親設一座位，她就坐在王的右邊。 ²⁰拔示巴說：「我要向你提出一個小小的請求，請你不要回絕我。」王對她說：「母親，請提出來，我必不回絕你。」 ²¹拔示巴說：「請你把書念女子亞比煞賜給你哥哥亞多尼雅為妻。」 ²²所羅門王回答母親說：「為何替亞多尼雅求書念女子亞比煞呢？可以為他求王國吧！他是我的兄長，不但為他，也為亞比亞他祭司和洗魯雅的兒子約押求吧！」⚓ ²³所羅門王指着耶和華起誓說：「亞多尼雅講這話是自己送命，不然，願上帝重重懲罰我。 ²⁴耶和華堅立我，使我坐在父親大衛的王位上，照着他所應許的為我建立家室；現在我指着永生的耶和華起誓，亞多尼雅今日必被處死。」 ²⁵於是所羅門王派耶何耶大的兒子比拿雅去擊殺亞多尼雅，他就死了。

亞比亞他被廢和約押的死

²⁶王對亞比亞他祭司說：「你回亞拿突歸自己的田地去吧！你本是該死的，但因你在我父親大衛面前抬過主耶和華的約櫃，又與我父親同受一切苦難，所以我今日不殺死你。」 ²⁷所羅門就革除亞比亞他，不讓他作耶和華的祭司。這就應驗了耶和華在示羅論以利家所說的話。
²⁸雖然約押沒有擁護押沙龍，卻擁護了亞多尼雅；這消息傳到約押那裏，他就逃到耶和華的帳幕，抓住祭壇的翹角。 ²⁹有人告訴所羅門王：「約押逃到耶和華的帳幕，看哪，他在祭壇的旁邊。」⚓所羅門就派耶何耶大的兒子比拿雅，說：「去，殺了他。」 ³⁰比拿雅來到耶和華的帳幕，對約押說：「王這樣吩咐：『你出來吧！』」他說：「不，我要死在這裏。」比拿雅就去回覆王，說：「約押這樣說，他這樣回答我。」 ³¹王對他說：「你可以照着他的話去做，殺了他，把他葬了，好叫約押流無辜人血的罪不歸在我和我的父家。 ³²耶和華必使約押的血歸到他自己頭上，因為他擊殺兩個比他又公義又良善的人，就是尼珥的兒子以色列的元帥押尼珥和益帖的兒子猶大的元帥亞瑪撒，用刀殺了他們，我父親大衛卻不知道。 ³³這二人的血必歸到約押和他後裔頭上，直到永遠；惟有大衛和他的後裔，以及他的家與王位，必從耶和華那裏得平安，直到永遠。」 ³⁴於是耶何耶大的兒子比拿雅上去，擊殺約押，殺死他，把他葬在曠野約押自己的家裏。 ³⁵王就立耶何耶大的兒子比拿雅作元帥，代替約押，又使撒督祭司代替亞比亞他。

示每的死

³⁶王派人召示每來，對他說：「你要在耶路撒冷為自己建造房屋，住在那裏，不可從那裏出來到任何地方去。 ³⁷你當確實知道，你何日出來過汲淪溪，就必定死！你的血必歸到自己頭上。」 ³⁸示每對王說：「這話很好！我主我王怎樣說，僕人必照樣做。」於是示每住在耶路撒冷許多日子。
³⁹過了三年，示每的兩個奴僕逃到瑪迦的兒子迦特王亞吉那裏去。有人告訴示每說：「看哪，你的奴僕在迦特。」 ⁴⁰示每起來，備上驢，往迦特到亞吉那裏去找他的奴僕，從迦特帶他的奴僕回來。 ⁴¹有人告訴所羅門：「示每出耶路撒冷到迦特去，又回來了。」 ⁴²王就派人召示每來，對他說：「我豈不是叫你指着耶和華起誓，並且警告你說『你當確實知道，你何日出來到任何地方去，就必定死』嗎？你也對我說：『這話很好，我必聽從。』 ⁴³你為何不遵守你對耶和華的誓言和我吩咐你的命令呢？」 ⁴⁴王又對示每說：「你向我父親大衛所做的一切惡事，你自己心裏都知道，耶和華必使你的罪惡歸到你自己的頭上。 ⁴⁵但所羅門王必蒙福，大衛的王位必在耶和華面前堅立，直到永遠。」 ⁴⁶於是王吩咐耶何耶大的兒子比拿雅，他就出去，擊殺示每，示每就死了。這樣，國度在所羅門的手中鞏固了。