27
Sau tej kevcai cia rau saum lub roob Enpas
1Mauxe thiab Yixayee cov kev txwj laus hais rau cov pejxeem tias, “Nej yuav tsum tuav rawv tej lus nkaw huvsi uas hnub no kuv cob rau nej.
2Hnub uas nej yuav hla tus dej Yaladee mus rau hauv lub tebchaws uas nej tus Vajtswv Yawmsaub pub rau nej, nej yuav tsum teeb tej lub pob zeb loj loj muab hmoov zeb sib pleev,
3thiab sau tej kevcai no txhua nqe huvsi rau saum tej pob zeb ntawd rau thaum nej hla mus rau hauv lub tebchaws uas nej tus Vajtswv Yawmsaub pub rau nej, yog lub tebchaws uas muaj kua mis thiab zib ntab ntws nto, raws li Yawmsaub uas yog nej tej poj koob yawm txwv tus Vajtswv cog lus rau nej.
4Thaum nej hla tus dej Yaladee mus lawm, nej yuav tsum teeb tej pob zeb no rau saum lub roob Enpas raws li uas hnub no kuv hais rau nej, thiab nej yuav tsum muab hmoov zeb sib pleev.
5Thiab nej yuav tsum tib ib lub thaj xyeem rau Yawmsaub uas yog nej tus Vajtswv rau qhov ntawd, yog ib lub thaj pob zeb, tsis txhob siv twj hlau txaug tej pob zeb ntawd.
6Nej yuav muab tej pob zeb uas tsis tau muab txhwm muab npawm kiag li los tib ua lub thaj xyeem rau nej tus Vajtswv Yawmsaub, thiab nej yuav muab tsiaj hlawv xyeem saum lub thaj ntawd rau Yawmsaub uas yog nej tus Vajtswv.
7Nej yuav muab qhov txhia chaw xyeem ua kevcai sib raug zoo thiab noj rau qhov ntawd, thiab nej yuav zoo siab xyiv fab rau ntawm nej tus Vajtswv Yawmsaub lub xubntiag.
8Thiab nej yuav muab tej kevcai no huvsi sau meej meej rau saum cov pob zeb ntawd.”
9Mauxe thiab cov pov thawj uas yog xeem Levi hais rau cov Yixayee sawvdaws tias, “Cov Yixayee 'e, cia li nyob twjywm tig ntsej mloog. Hnub no nej tau ua Yawmsaub uas yog nej tus Vajtswv haiv neeg lawm.
10Vim li no nej yuav tsum mloog nej tus Vajtswv Yawmsaub lus, thiab tuav rawv nws tej lus nkaw thiab nws tej kab ke uas hnub no kuv hais rau nej.”
Tej lus tsawm foom saum lub roob Enpa
11Tib hnub ntawd Mauxe nkaw lus rau cov pejxeem tias,
12“Thaum nej hla tus dej Yaladee mus lawd, cov xeem no yuav mus sawv saum lub roob Kelixi hais tej lus foom koob hmoov rau cov pejxeem, yog Xime‑oo, Levi, Yuda, Ixakha, Yauxej thiab Npeeyamee.
13Thiab cov xeem no yuav mus sawv saum lub roob Enpas hais tej lus tsawm foom, yog Lunpee, Kas, Asaw, Xenpuloo, Daj thiab Nathali.
14“Cov Levi yuav piav nrov nrov rau ib tsoom Yixayee tias,
15“ ‘Leejtwg ua dab mlom tsis hais txua los lossis nchuav los, yog yam uas qias vuab tsuab rau Yawmsaub, thiab yog yam uas tus niag Kws txawj txhais tes ua tau los xwb, thiab muab teev nraim nkoos, mas tus ntawd raug foom tsis zoo.’ Mas cov pejxeem sawvdaws yuav teb hais tias, ‘Amee.’
16“ ‘Leejtwg saib tsis taus nws niam nws txiv, mas tus ntawd yuav raug foom tsis zoo.’ Mas cov pejxeem sawvdaws yuav hais tias, ‘Amee.’
17“ ‘Leejtwg txav kwvtij zej zog ciam teb, tus ntawd yuav raug foom tsis zoo.’ Mas cov pejxeem sawvdaws yuav teb hais tias, ‘Amee.’
18“ ‘Leejtwg dag cov dig muag mus yuam kev, tus ntawd yuav raug foom tsis zoo.’ Mas cov pejxeem sawvdaws yuav hais tias, ‘Amee.’
19“ ‘Leejtwg yuam lwm haiv neeg uas nrog nej nyob thiab cov menyuam uas tsis muaj txiv thiab cov poj ntsuam txojcai, tus ntawd yuav raug foom tsis zoo.’ Mas cov pejxeem sawvdaws yuav hais tias, ‘Amee.’
20“ ‘Leejtwg nrog nws txiv tus pojniam pw, yog nws thws nws txiv tus pojniam chaw txaj muag, tus ntawd yuav raug foom tsis zoo.’ Mas cov pejxeem sawvdaws yuav hais tias, ‘Amee.’
21“ ‘Leejtwg deev tsiaj txhu yam twg kuj xij, tus ntawd yuav raug foom tsis zoo.’ Mas cov pejxeem sawvdaws yuav hais tias, ‘Amee.’
22“ ‘Leejtwg nrog nws tus muam pw, yog nws txiv li ntxhais lossis nws niam li ntxhais kuj xij, tus ntawd yuav raug foom tsis zoo.’ Mas cov pejxeem sawvdaws yuav hais tias, ‘Amee.’
23“ ‘Leejtwg nrog nws niam tais pw, tus ntawd yuav raug foom tsis zoo.’ Mas cov pejxeem sawvdaws yuav hais tias, ‘Amee.’
24“ ‘Leejtwg nyiag tua neeg twjywm, tus ntawd yuav raug foom tsis zoo.’ Mas cov pejxeem sawvdaws yuav hais tias, ‘Amee.’
25“ ‘Leejtwg yuav nyiaj ntiav es tua tus neeg uas tsis txhaum, tus ntawd yuav raug foom tsis zoo.’ Mas cov pejxeem sawvdaws yuav hais tias, ‘Amee.’
26“ ‘Leejtwg tsis tuav rawv tej kevcai no thiab tsis ua raws nraim, tus ntawd yuav raug foom tsis zoo.’ Mas cov pejxeem sawvdaws yuav hais tias, ‘Amee.’ ”
27
Sau tej kevcai ca rua sau lub roob Enpaa
1Mauxe hab Yixayee cov kev txwj quas laug has rua cov pejxeem tas, “Mej yuav tsum tuav rawv tej lug nkaw huvsw kws nub nua kuv cob rua mej.
2Nub kws mej yuav hlaa tug dej Yalatee moog rua huv lub tebchaws kws mej tug Vaajtswv Yawmsaub pub rua mej, mej yuav tsum teeb tej lub pob zeb luj luj muab moov swb pleev,
3hab sau tej kevcai nuav txhua nqai huvsw rua sau tej pob zeb hov rua thaus mej hlaa moog rua huv lub tebchaws kws mej tug Vaajtswv Yawmsaub pub rua mej, yog lub tebchaws kws muaj kua mig hab zwb ntaab ndwg ndo, lawv le Yawmsaub kws yog mej tej laug tug Vaajtswv cog lug rua mej.
4Thaus mej hlaa tug dej Yalatee moog lawm, mej yuav tsum teeb tej pob zeb nuav rua sau lub roob Enpaa lawv le kws nub nua kuv has rua mej, hab mej yuav tsum muab moov swb pleev.
5Hab mej yuav tsum tib ib lub thaaj xyeem rua Yawmsaub kws yog mej tug Vaajtswv rua hov ntawd, yog ib lub thaaj pob zeb, tsw xob swv pestwj hlau txaug tej pob zeb hov.
6Mej yuav muab tej pob zeb kws tsw tau muab txhwm muab npawm hlo le lug tib ua lub thaaj xyeem rua mej tug Vaajtswv Yawmsaub, hab mej yuav muab tsaj hlawv xyeem sau lub thaaj hov rua Yawmsaub kws yog mej tug Vaajtswv.
7Mej yuav muab hov txhua chaw xyeem ua kevcai sws raug zoo hab noj rua hov ntawd, hab mej yuav zoo sab xyiv faab rua ntawm mej tug Vaajtswv Yawmsaub lub xubndag.
8Hab mej yuav muab tej kevcai nuav huvsw sau meej meej rua sau cov pob zeb ntawd.”
9Mauxe hab cov pov thawj kws yog xeem Levi has rua cov Yixayee suavdawg tas, “Cov Yixayee 'e, ca le nyob tuabywv tig ntsej noog. Nub nua mej tau ua Yawmsaub kws yog mej tug Vaajtswv haiv tuabneeg lawm.
10Vem le nuav mej yuav tsum noog mej tug Vaajtswv Yawmsaub lug, hab tuav rawv nwg tej lug nkaw hab nwg tej kaab ke kws nub nua kuv has rua mej.”
Tej lug tsawm foom sau lub roob
11Tuab nub ntawd Mauxe nkaw lug rua cov pejxeem tas,
12“Thaus mej hlaa tug dej Yalatee moog lawd, cov xeem nuav yuav moog sawv sau lub roob Kelixi has tej lug foom koob moov rua cov pejxeem, yog Xime‑oo, Levi, Yuta, Ixakha, Yauxej hab Npeeyamee.
13Hab cov xeem nuav yuav moog sawv sau lub roob Enpaa has tej lug tsawm foom, yog Lunpee, Kas, Asaw, Xenpuloo, Ntaaj hab Nathali.
14“Cov Levi yuav pav nrov nrov rua ib tsoom Yixayee tas,
15“ ‘Leejtwg ua txoov daab tsw has txua lug lossws nchuav lug, yog yaam kws qas vuab tsuab rua Yawmsaub, hab yog yaam kws tug nam Kws txawj txhais teg ua tau lug xwb, hab muab teev nraim quas nreeg, mas tug hov raug foom tsw zoo.’ Mas cov pejxeem suavdawg yuav teb has tas, ‘Amee.’
16“ ‘Leejtwg saib tsw taug nwg nam nwg txwv, mas tug hov yuav raug foom tsw zoo.’ Mas cov pejxeem suavdawg yuav has tas, ‘Amee.’
17“ ‘Leejtwg txaav kwvtij zej zog nrwm teb, tug hov yuav raug foom tsw zoo.’ Mas cov pejxeem suavdawg yuav teb has tas, ‘Amee.’
18“ ‘Leejtwg daag cov dig muag moog yuam kev, tug hov yuav raug foom tsw zoo.’ Mas cov pejxeem suavdawg yuav has tas, ‘Amee.’
19“ ‘Leejtwg yuam lwm haiv tuabneeg kws nrug mej nyob hab cov mivnyuas kws tsw muaj txwv hab cov puj ntsuag txujcai, tug hov yuav raug foom tsw zoo.’ Mas cov pejxeem suavdawg yuav has tas, ‘Amee.’
20“ ‘Leejtwg nrug nwg txwv tug quaspuj pw, yog nwg thws nwg txwv tug quaspuj chaw txaaj muag, tug hov yuav raug foom tsw zoo.’ Mas cov pejxeem suavdawg yuav has tas, ‘Amee.’
21“ ‘Leejtwg deev tsaj txhu yaam twg kuj xwj, tug hov yuav raug foom tsw zoo.’ Mas cov pejxeem suavdawg yuav has tas, ‘Amee.’
22“ ‘Leejtwg nrug nwg tug muam pw, yog nwg txwv le ntxhais lossws nwg nam le ntxhais kuj xwj, tug hov yuav raug foom tsw zoo.’ Mas cov pejxeem suavdawg yuav has tas, ‘Amee.’
23“ ‘Leejtwg nrug nwg nam tais pw, tug hov yuav raug foom tsw zoo.’ Mas cov pejxeem suavdawg yuav has tas, ‘Amee.’
24“ ‘Leejtwg nyag tua tuabneeg tuabywv, tug hov yuav raug foom tsw zoo.’ Mas cov pejxeem suavdawg yuav has tas, ‘Amee.’
25“ ‘Leejtwg yuav nyaj ndav es tua tug tuabneeg kws tsw txhum, tug hov yuav raug foom tsw zoo.’ Mas cov pejxeem suavdawg yuav has tas, ‘Amee.’
26“ ‘Leejtwg tsw tuav rawv tej kevcai nuav hab tsw ua lawv nraim, tug hov yuav raug foom tsw zoo.’ Mas cov pejxeem suavdawg yuav has tas, ‘Amee.’ ”