14

Vajntxwv Axas Tua Yeej Cov Sudas

¹Vajntxwv Anpiyas tuag thiab luag muab nws faus rau ntawm cov vajntxwv lub tojntxas hauv Daviv lub nroog, thiab nws tus tub Axas ua vajntxwv hloov nws chaw. Tiam uas Axas kav, lub tebchaws muaj kev thajyeeb tau kaum xyoo. ²Axas ua zoo thiab ua ncaj ncees haum tus TSWV uas yog nws tus Vajtswv siab nyiam. ³Nws rhuav cov neeg txawv tebchaws tej thaj thiab tej chaw teev dab, tsoo tej ncej zeb thiab ntov tus mlom Aselas povtseg huv tibsi. ⁴Axas hais kom cov Yudas mloog tus TSWV uas yog lawv cov yawgkoob tus Vajtswv lus, thiab ua raws li tus TSWV tej lus qhia thiab tej lus samhwm. ⁵Qhov uas nws rhuav tej chaw teev dab thiab tej thaj uas hlawv hmoov tshuaj tsw qab hauv cov Yudas tej nroog, nws thiaj tswj tau lub tebchaws nyob thajyeeb. ⁶Thaum Axas ua vajntxwv kav tebchaws nws xov ntsa yeej thaiv tej nroog hauv tebchaws Yudas, lub tebchaws thiaj tsis muaj tsov tsis muaj rog tau ntau xyoo, rau qhov tus TSWV pub nws muaj kev thajyeeb. ⁷Nws hais rau cov Yudas hais tias, “Peb cia li xov ntsa yeej thiab ua roojvag thaiv tej nroog thiab ua chaw tsomfaj rau tej nroog, cheem nimno peb tau kav thiab lub tebchaws yog peb tug, rau qhov peb tau ua raws li tus TSWV uas yog peb tus Vajtswv lub siab nyiam. Nws tiv thaiv peb txhua phab thiab pub peb nyob kaj siab lug.” Yog li ntawd, lawv thiaj txhim kho tej nroog thiab lub tebchaws rov muaj kev vammeej.
⁸Vajntxwv Axas muaj peb puas txhiab tus tubrog uas yog xeem Yudas, lawv puavleej muaj daim thaiv hniav ntaj, thiab hmuv, thiab ob puas yim caum txhiab tus tubrog uas yog xeem Npeenyamees, lawv puavleej muaj daim thaiv hniav ntaj thiab hneevnti. Cov tubrog no yog cov uas muaj siab tawv thiab tau kawm kev tua rog lawm.
⁹Zelas uas yog cov Sudas tug thawj tubrog coj ib plhom tus tubrog thiab peb puas lub tsheb nees tuaj tua tebchaws Yudas, thaum lawv tuaj txog rau ntawm Malesas lawm. ¹⁰Axas thiaj coj nws cov tubrog mus tua Zelas, thiab ob tog tubrog tuaj txum chaw sib tua rau hauv lub Hav Xefathas uas ze ntawm Malesas. ¹¹Axas thov tus TSWV uas yog nws tus Vajtswv hais tias, “Tus TSWV, koj yog tus pab tau cov tubrog uas qaug zog tawmtsam yeej cov tubrog uas muaj zog. Tus TSWV uas yog peb tus Vajtswv, nimno thov koj cia li pab peb, peb tso siab rau koj, peb tuav koj lub npe tuaj tua cov tubrog uas coob heev no. Tus TSWV, koj yog peb tus Vajtswv; thov tsis txhob cia neeg kovyeej koj.”
¹²Tus TSWV ua rau cov tubrog Sudas swb, thaum Axas thiab cov Yudas tua lawv. Cov Sudas khiav, ¹³Axas thiab nws cov tubrog caum cov Sudas tua mus ti nkaus lub nroog Nkelales. Cov tubrog Sudas tuag tas tsis seem ib tug li; tus TSWV thiab nws cov tubrog ua rau cov Sudas swb, cov tubrog Yudas thiaj huab tau khoom ntaus heev nqa los tsev. ¹⁴Axas lawv tseem mus tua tej nroog uas nyob ibncig lub nroog Nkelales, thiab lawv huab tau khoom ntau heev nqa los, rau qhov tus TSWV ua rau cov neeg uas nyob hauv tej nroog ntawd ntshai heev. ¹⁵Dua li ntawd lawv tseem mus tua cov neeg yug tsiaj ntawm lawv tej tsev ntaub, ntes tej yaj, tej tshis thiab tej ntxhuav tau coob heev. Ces lawv txawm rov los rau hauv Yeluxalees lawm.

14

Axa ua vaajntxwv kaav Yuta

(1Vntx. 5:11-12)

¹Anpiya txawm tuag moog nrug nwg tej laug nyob, puab muab nwg log rua huv Tavi lub nroog. Nwg tug tub Axa sawv nwg chaw ua vaajntxwv kaav. Thaus Axa ua vaajntxwv lub tebchaws su tsw ua rog tau kaum xyoo. ²Axa ua tej kws Yawmsaub kws yog nwg tug Vaajtswv pum tas zoo hab raug cai. ³Nwg rhuav tshem tej thaaj teev lwm haiv tuabneeg tej daab hab tej chaw sab, hab tsoo tej ncej teev daab hab ntuv tej ncej daab Asela pov tseg, ⁴hab has kuas cov Yuta nrhav Yawmsaub kws yog puab tej laug tug Vaajtswv, hab tuav rawv nwg txuj kevcai hab nwg tej lug nkaw. ⁵Hab nwg rhuav tshem tej chaw sab teev daab hab tej thaaj hlawv moov xyaab huv Yuta txhua lub moos pov tseg. Mas nwg txhad kaav lub tebchaws nyob tug yeeg. ⁶Nwg tswm ntsaa loog rua tej moos huv Yuta tebchaws, tsua qhov lub tebchaws nyob tug yeeg. Nwg tsw tau ua rog rua ncua swjhawm ntawd, vem yog Yawmsaub pub nwg tau su tsw ua rog. ⁷Nwg has rua cov Yuta tas, “Ca peb tswm khu tej moos nuav, xov ntsaa loog hab ua chaw tsom faaj hab ua rooj loog hab laag rooj. Lub tebchaws tseed yog peb le vem yog peb tau nrhav Yawmsaub kws yog peb tug Vaajtswv. Peb tau nrhav nwg, nwg txhad pub peb tau su tug yeeg rua txhua faab.” Puab txhad le tswm tej ntawd hab vaam meej tuaj. ⁸Axa muaj tub rog huv Yuta tebchaws 300,000 leej tuav rawv daim phaj hlau luj hab muv, hab muaj tub rog huv Npeeyamee tebchaws 280,000 leej tuav rawv phaj hlau hab txawj tua neev, puavleej yog tub rog sab luj sab tuab.
⁹Xelag kws yog tuabneeg Khuj kuj tuaj ua rog rua puab, nwg muaj tub rog 1,000,000 leej hab tsheb neeg ua rog peb puas lub tuaj rua ntawm lub moos Malesa. ¹⁰Axa txawm moog ua rog rua nwg mas puab ob tog npaaj chaw ua rog rua huv lub haav Xefatha ntawm lub moos Melesa. ¹¹Mas Axa thov hu Yawmsaub kws yog nwg tug Vaajtswv tas, “Au Yawmsaub, tsw muaj leejtwg paab tau yaam le koj huv txujkev ua rog kws ib tog muaj zug ib tog tsw muaj zug. Au Yawmsaub kws yog peb tug Vaajtswv, thov koj paab peb tsua qhov peb vaam khom koj hab peb tuaj tawm tsaam haiv tuabneeg coob heev nuav huv koj lub npe. Au Yawmsaub, koj yog peb tug Vaajtswv, thov tsw xob ca tuabneeg kov yeej koj.” ¹²Yawmsaub txhad ua rua cov tuabneeg Khuj swb Axa hab cov Yuta, cov tuabneeg Khuj txhad tswv moog lawm. ¹³Axa hab nwg cov tub rog lawv caum puab moog txug lub moos Kelas, mas cov tuabneeg Khuj raug tua tuag taag tsw tshuav ib tug caj le, tsua qhov puab tawg swb hlo Yawmsaub hab nwg paab tub rog. Cov Yuta txeeb tau puab tej hov txhua chaw ntau kawg le coj moog. ¹⁴Puab kuj ntaus txhua lub moos kws nyob ib ncig ntawm Kelas tsua qhov Yawmsaub ua rua luas ntshai kawg le. Puab lws txhua lub moos hov tsua qhov muaj ntau yaam kws txeeb tau huv tej moos hov. ¹⁵Puab ntaus tej tuabneeg yug tsaj tej tsev ntaub hab coj tej yaaj tej ntxhuav coob kawg le moog. Tes puab txawm rov lug rua huv Yeluxalee lawm.