10

Xalaumoo tej paj lug

¹Xalaumoo tej paj lug.

Tus tub ntse ua rau leej txiv zoo siab,
tus tub ruam ua rau leej niam nyuaj siab.
²Tej nyiaj txiag uas ua limhiam tau los
tsis muaj nuj nqes,
tiamsis txojkev ncaj ncees
cawm kom dim kev tuag.
³Yawmsaub tsis cia cov neeg ncaj ncees tshaib,
tiamsis nws tsis pub cov neeg limhiam
tau raws li uas lawv ntshaw.
⁴Txhais tes tub nkeeg yuav pluag,
txhais tes nquag yuav ua rau nplua nuj.
⁵Tus tub uas sau qoob loo
rau lub caij ntuj qhua mas nws paub tab,
tiamsis tus tub uas tsaug zog
lub caij sau qoob yuav coj kev txaj muag los.
⁶Tej koob hmoov yuav los rau saum
cov neeg ncaj ncees taubhau,
tiamsis cov neeg limhiam lub qhov ncauj
npog txojkev ua nruj ua tsiv.
⁷Qhov uas nco txog cov neeg ncaj ncees
yog tau koob hmoov,
tiamsis cov neeg limhiam
lub suab lub npe yuav lwj tag.
⁸Tus uas lub siab muaj tswvyim
nws yuav muab tej lus nkaw saib hlob,
tiamsis tus uas ruam ncauj ntau
yuav raug kev puam tsuaj.
⁹Tus uas ua lub siab dawb paug
yuav nyob ruaj khov,
tiamsis tus uas coj nkhaus
sawvdaws yeej yuav paub.
¹⁰Tus uas zij ncaug ntxi muag
kuj ua kom muaj kev ntxhov,
tiamsis tus uas muaj cuabkav ntuas
ua kom nyob sib hum xeeb.⚓
¹¹Cov uas ncaj ncees lub qhov ncauj
yog lub qhov dej txhawv uas pub txojsia,
tiamsis tus neeg limhiam lub qhov ncauj
npog txojkev ua nruj ua tsiv.
¹²Txojkev sib ntxub tshum kom muaj
kev sib cav sib ceg,
tiamsis txojkev hlub yuav tswj tau
txhua yam kev txhaum.
¹³Yuav tau tswvyim ntawm
tus uas thoob tsib to nrog daim tawv ncauj,
tiamsis rab nplawm yuav ntaus
tus uas tsis thoob tsib nrob qaum.
¹⁴Cov uas muaj tswvyim
yuav khaws kev txawj ntse cia,
tiamsis qhov uas tus ruam ntau ncauj
coj kev puam tsuaj los ze.
¹⁵Tus nplua nuj tej nyiaj txiag
yog nws lub nroog ruaj khov,
tiamsis tus pluag txojkev pluag
yog nws txojkev puam tsuaj.
¹⁶Cov neeg ncaj ncees tej nqe zog
yuav coj mus tau txojsia,
cov neeg limhiam tej nqe zog
yuav coj mus saws lub txim.
¹⁷Tus uas mloog lus qhuab qhia
kuj nyob hauv txojkev uas tau txojsia,
tiamsis tus uas tsis lees yuav
tej lus qhuab ntuas yuav yuam kev.
¹⁸Tus uas zais nws tej kev ntxub
rau hauv nruab siab,
nws daim tawv ncauj dag,
thiab tus uas iab hiam luag
yog tus neeg ruam.
¹⁹Yog ntau ncauj yeej yuav muaj kev txhaum,
tiamsis tus uas tswj nws daim tawv ncauj
mas nws paub tab.
²⁰Tus uas ncaj ncees tus nplaig
yog cov tseem nyiaj,
tus neeg limhiam lub siab
tsis muaj nuj nqes kiag li.
²¹Tus uas ncaj ncees daim tawv ncauj
yug tau neeg coob coob,
tiamsis tus uas ruam tuag vim tsis thoob tsib.
²²Yawmsaub tej koob hmoov ua kom nplua nuj,
nws tsis ntxiv kev nyuaj siab rau.
²³Qhov uas ua txhaum ua qias
mas tus ruam saib yog kev lomzem xwb,
qhov uas muaj tswvyim xyaum zoo
mas ua rau tus uas thoob tsib to nrog zoo siab.
²⁴Yam uas tus neeg limhiam ntshai
yeej yuav los raug nws,
yam uas tus ncaj ncees ntshaw
Vajtswv yeej yuav pub.
²⁵Thaum cua daj cua dub ntsawj tuaj
tus neeg limhiam ploj tag lawm,
tiamsis tus uas ncaj ncees
nyob ruaj khov mus ib txhis.
²⁶Tej kua qaub rhiab hniav li cas
thiab tej pa taws ncho qhov muag li cas,
ces tus tub nkeeg yuav zoo ib yam li ntawd
rau tus uas txib nws.
²⁷Qhov uas hwm thiab paub ntshai Yawmsaub
yuav txuas txojsia ntev mus,
tiamsis tus neeg limhiam
lub niaj lub xyoo yuav tsis ntev.
²⁸Qhov uas cov ncaj ncees vam
yuav tiav rau txojkev zoo siab xyiv fab,
tiamsis qhov uas cov neeg limhiam vam
yuav ploj tag mus.
²⁹Yawmsaub yog lub chaw ruaj khov
rau tus uas siab ncaj,
tiamsis nws yuav rhuav tshem cov uas ua phem.
³⁰Cov uas ncaj ncees
yuav tsis raug muab rho pov tseg,
tiamsis tus uas ua limhiam
yuav tsis tau nyob hauv lub tebchaws.
³¹Tus neeg ncaj ncees lub qhov ncauj
nthuav tswvyim tawm los,
tiamsis tus nplaig ntxeev ntxias
yuav raug muab txiav pov tseg.
³²Tus neeg ncaj ncees daim tawv ncauj
paub tej lus uas hum luag,
tiamsis tus neeg limhiam lub qhov ncauj
tsuas paub tej lus ntxeev ntxias xwb.

10

Xalaumoo tej paaj lug

¹Xalaumoo tej paaj lug.

Tug tub ntse ua rua leej txwv zoo sab,
tug tub ruag ua rua leej nam nyuaj sab.
²Tej nyaj txag kws ua limham tau lug
tsw muaj nuj nqes,
tassws txujkev ncaaj nceeg
cawm kuas dim kev tuag.
³Yawmsaub tsw ca cov tuabneeg
ncaaj nceeg tshaib,
tassws nwg tsw pub cov tuabneeg limham
tau lawv le kws puab ntshaw.
⁴Txhais teg cis nkeeg yuav pluag,
txhais teg nquag yuav ua rua nplua nuj.
⁵Tug tub kws sau qoob loos
rua lub caij ntuj qhua mas nwg paub taab,
tassws tug tub kws tsaug zug lub caij sau qoob
yuav coj kev txaaj muag lug.
⁶Tej koob moov yuav lug rua sau
cov tuabneeg ncaaj nceeg taubhau,
tassws cov tuabneeg limham lub qhov ncauj
npog txujkev ua nruj ua tswv.
⁷Qhov kws ncu txug cov tuabneeg ncaaj nceeg
yog tau koob moov,
tassws cov tuabneeg limham
lub suab lub npe yuav lwj taag.
⁸Tug kws lub sab muaj tswvyim
nwg yuav muab tej lug nkaw saib hlub,
tassws tug kws ruag ncauj ntau
yuav raug kev puam tsuaj.
⁹Tug kws ua lub sab dawb paug
yuav nyob ruaj khov,
tassws tug kws coj nkhaus
suavdawg yeej yuav paub.
¹⁰Tug kws zwg ncauj ntxw muag
kuj ua kuas muaj kev ntxhuv,
tassws tug kws muaj cuabkaav ntuag
ua kuas nyob sws hum xeeb.⚓
¹¹Cov kws ncaaj nceeg lub qhov ncauj
yog lub qhov dej txhawv kws pub txujsa,
tassws tug tuabneeg limham lub qhov ncauj
npog txujkev ua nruj ua tswv.
¹²Txujkev sws ntxub tshaum kuas muaj
kev sws caav sws tshe,
tassws txujkev hlub yuav tswj tau
txhua yaam kev txhum.
¹³Yuav tau tswvyim ntawm
tug kws thoob tswb to nrog daim tawv ncauj,
tassws raab nplawm yuav ntaus
tug kws tsw thoob tswb nraus qaum.
¹⁴Cov kws muaj tswvyim
yuav khaws kev txawj ntse ca,
tassws qhov kws tug ruag ntau ncauj
coj kev puam tsuaj lug ze.
¹⁵Tug nplua nuj tej nyaj txag
yog nwg lub nroog ruaj khov,
tassws tug pluag txujkev pluag
yog nwg txujkev puam tsuaj.
¹⁶Cov tuabneeg ncaaj nceeg tej nqe zug
yuav coj moog tau txujsa,
cov tuabneeg limham tej nqe zug
yuav coj moog saws lub txem.
¹⁷Tug kws noog lug qhuab qha
kuj nyob huv txujkev kws tau txujsa,
tassws tug kws tsw leeg yuav
tej lug qhuab ntuag yuav yuam kev.
¹⁸Tug kws zais nwg tej kev ntxub rua nruab sab,
nwg daim tawv ncauj daag,
hab tug kws ab ham luas
yog tug tuabneeg ruag.
¹⁹Yog ntau ncauj yeej yuav muaj kev txhum,
tassws tug kws tswj nwg daim tawv ncauj
mas nwg paub taab.
²⁰Tug kws ncaaj nceeg tug nplaig
yog cov tseem nyaj,
tug tuabneeg limham lub sab
tsw muaj nuj nqes hlo le.
²¹Tug kws ncaaj nceeg daim tawv ncauj
yug tau tuabneeg coob coob,
tassws tug kws ruag tuag vem tsw thoob tswb.
²²Yawmsaub tej koob moov ua kuas nplua nuj,
nwg tsw ntxwv kev nyuaj sab rua.
²³Qhov kws ua txhum ua qas
mas tug ruag saib yog kev lomzem xwb,
qhov kws muaj tswvyim xyum zoo
mas ua rua tug kws thoob tswb to nrog zoo sab.
²⁴Yaam kws tug tuabneeg limham ntshai
yeej yuav lug raug nwg,
yaam kws tug ncaaj nceeg ntshaw
Vaajtswv yeej yuav pub.
²⁵Thaus cua daaj cua dub ntsawj tuaj
tug tuabneeg limham pluj taag lawm,
tassws tug kws ncaaj nceeg
nyob ruaj khov moog ib txhws.
²⁶Tej kua qaub rhab nav le caag
hab tej paa tawg nchu qhov muag le caag,
tes tug cis nkeeg yuav zoo ib yaam le ntawd
rua tug kws khaiv nwg.
²⁷Qhov kws fwm hab paub ntshai Yawmsaub
yuav txuas txujsa ntev moog,
tassws tug tuabneeg limham lub naj lub xyoo
yuav tsw ntev.
²⁸Qhov kws cov ncaaj nceeg vaam
yuav tav rua txujkev zoo sab xyiv faab,
tassws qhov kws cov tuabneeg limham vaam
yuav pluj taag moog.
²⁹Yawmsaub yog lub chaw ruaj khov
rua tug kws sab ncaaj,
tassws nwg yuav rhuav tshem cov kws ua phem.
³⁰Cov kws ncaaj nceeg
yuav tsw raug muab rhu pov tseg,
tassws tug kws ua limham
yuav tsw tau nyob huv lub tebchaws.
³¹Tug tuabneeg ncaaj nceeg lub qhov ncauj
nthuav tswvyim tawm lug,
tassws tug nplaig ntxeev ntxag
yuav raug muab txav pov tseg.
³²Tug tuabneeg ncaaj nceeg daim tawv ncauj
paub tej lug kws hum luas,
tassws tug tuabneeg limham lub qhov ncauj
tsuas paub tej lug ntxeev ntxag xwb.