13

Tej lus uas hais txog Npanpiloo

¹Tej lus uas Vajtswv qhia rau Yaxaya uas yog Amoj tus tub pom txog Npanpiloo.
²Cia li tsa tus chij ntaus rog
rau saum lub roob do hau,
cia li hu lawv, cia li co tes kom lawv nkag
cov thawj lub rooj loog mus rau hauv.
³Kuv twb hais rau cov uas kuv xaiv cia lawm
thiab twb hu kuv cov tub rog
uas siab loj siab tuab
yog kuv cov uas khav theeb thiab khav ntxhias,
kom lawv mus ua raws li kuv chim.

⁴Mloog saib, lub suab nrov ntshu nrooj
saum tej roob yam li ib pab neeg coob coob.
Mloog saib, lub suab ntawd yog tej tebchaws
thiab tej haiv neeg tuaj txoos ua ke.
Yawmsaub uas muaj hwjchim loj kawg nkaus
tabtom txhij tub rog coob coob mus ntaus rog.
⁵Lawv tuaj tej tebchaws uas deb tuaj
thiab tuaj qab ntuj kawg tuaj,
twb yog Yawmsaub
thiab nws kev chim tej cuab yeej,
thiaj ua rau lub ntiajteb puam tsuaj huvsi.

⁶Cia li quaj nyiav rau qhov
hnub uas Yawmsaub teem cia los ze lawm,
hnub ntawd yuav los yog hnub uas Vajtswv
tus muaj hwjchim loj kawg nkaus⚓
yuav coj kev puam tsuaj los.
⁷Vim li ntawd txhua txhais tes yuav tsaug leeg
thiab txhua tus lub siab yuav yaj tag.
⁸Lawv yuav poob siab tag,
lawv yuav raug kev mob kev ntsaj.
Lawv yuav nti yam nkaus li
pojniam mob plab yug menyuam.
Lawv ib leeg yuav saib ib leeg
hle muag hlo ceeb kawg nkaus
ua ntsej muag thim xem tag.
⁹Saib maj, Yawmsaub hnub tabtom los,
ua nyaum npau taws vog chim heev
ua rau lub ntiajteb nyob do cuas cia
thiab muab tej neeg txhaum
rhuav tshem ploj tag.
¹⁰Tej hnub qub saum ntuj
thiab tej ntsauv hnub qub yuav tsis ci lawm.
Txawm yog lub hnub tawm tuaj
los yuav tsaus ntuj nti
thiab lub hli yuav tsis muaj duab ci lawm.
¹¹Kuv yuav rau txim rau lub ntiajteb
vim yog tej kev phem,
thiab tej neeg limhiam vim lawv tej kev txhaum.
Kuv yuav ua rau cov neeg muab hlob
tej kev khav theeb ploj tag
thiab yuav txo cov neeg ua limhiam ntais ntuj
uas tsab ua loj poob tag.
¹²Kuv yuav ua kom ceeblaj nrhiav tau
tej txivneej heev dua li nrhiav tau tej tseem kub,
thiab ceeblaj nrhiav tau neeg
heev dua li nrhiav tau tej kub ntawm Aufi.

¹³Kuv yuav ua kom lub ntuj ntseeg nkaws,
thiab lub ntiajteb ua zog koog txav dua ib qho,
vim yog Yawmsaub uas muaj hwjchim
loj kawg nkaus npau taws
rau hnub uas nws chim heev.
¹⁴Txhua tus nyias yuav tig rov mus
rau nyias haiv neeg
thiab txhua tus nyias yuav khiav mus
rau nyias lub tebchaws,
ib yam nkaus li tus kauv seb
uas raug luag raws
thiab yam li tej yaj uas tsis muaj
tus uas sau los ua ib pab.
¹⁵Yog luag ntsib tug twg
mas tus ntawd yuav raug muab nkaug,
thiab ntes tau tus twg mas yuav raug ntaj tua.
¹⁶Lawv tej menyuam mos yuav
raug muab ntsawm rau hauv av tuag tag
tab meeg ntawm lawv xubntiag,
lawv tej tsev yuav raug lws
thiab lawv tej pojniam yuav raug yuam.
¹⁷Kuv tabtom tshum cov Midia lub siab
kom tawm tsam lawv,
cov Midia yog cov uas tsis ntshaw tej nyiaj
thiab tsis nyiam tej kub.
¹⁸Lawv tej hneev yuav tua tej tub hluas tuag tag.
Lawv yuav tsis khuvleej tej menyuam mos,
thiab lawv lub qhov muag
yuav tsis tab ncuab tej menyuam yaus.
¹⁹Mas lub nroog Npanpiloo uas yog lub nroog
ci nplas zoo dua lwm lub tebchaws,
thiab yog cov Kheedia lub koob meej
thiab yog lub chaw uas lawv khav ntxhias,
mas yuav zoo ib yam li
lub moos Xaudoo thiab Kaumaula
rau thaum Vajtswv muab rhuav tshem tag.
²⁰Yuav tsis muaj leejtwg mus nyob
hauv Npanpiloo lossis nyob txhua tiam neeg.
Yuav tsis muaj ib tug Alam
mus tsa tsev ntaub rau hauv,
thiab tsis muaj ib tug yug yaj yuav coj
nws pab yaj mus pw rau qhov ntawd.
²¹Tej tsiaj qus yuav pw rau hauv,
thiab lawv tej tsev
yuav muaj lib nyug nyob puv nkaus,
tej noog ntxhuav yuav nyob qhov ntawd,
thiab tej dab tshis yuav seev cev yees rau hauv.
²²Tej hma liab yuav quaj nqov
hauv tej chaw tsom faj,
thiab tej hma ntsuab yuav quaj nqov
hauv vajntxwv tej vaj tse zoo nkauj.
Lub nroog ntawd li sijhawm twb los ze lawm,
thiab nws tej hnub nyoog
yuav rub tsis tau ntev lawm.

13

Proclamation Against Babylon

¹The ⚓burden against Babylon which Isaiah the son of Amoz saw.
²“Lift⚓ up a banner ⚓on the high mountain,
Raise your voice to them;
⚓Wave your hand, that they may enter the gates of the nobles.
³I have commanded My sanctified ones;
I have also called ⚓My mighty ones for My anger—
Those who ⚓rejoice in My exaltation.”
⁴The ⚓noise of a multitude in the mountains,
Like that of many people!
A tumultuous noise of the kingdoms of nations gathered together!
The Lord of hosts musters
The army for battle.
⁵They come from a far country,
From the end of heaven—
The ⚓Lord and His weapons of indignation,
To destroy the whole ⚓land.
⁶Wail, ⚓for the day of the Lordis at hand!
⚓It will come as destruction from the Almighty.
⁷Therefore all hands will be limp,
Every man’s heart will melt,
⁸And they will be afraid.
⚓Pangs and sorrows will take hold of them;
They will be in pain as a woman in childbirth;
They will be amazed at one another;
Their faces will be like flames.
⁹Behold, ⚓the day of the Lord comes,
Cruel, with both wrath and fierce anger,
To lay the land desolate;
And He will destroy ⚓its sinners from it.
¹⁰For the stars of heaven and their constellations
Will not give their light;
The sun will be ⚓darkened in its going forth,
And the moon will not cause its light to shine.
¹¹“I will ⚓punish the world for its evil,
And the wicked for their iniquity;
⚓I will halt the arrogance of the proud,
And will lay low the haughtiness of the terrible.
¹²I will make a mortal more rare than fine gold,
A man more than the golden wedge of Ophir.
¹³⚓Therefore I will shake the heavens,
And the earth will move out of her place,
In the wrath of the Lord of hosts
And in ⚓the day of His fierce anger.
¹⁴It shall be as the hunted gazelle,
And as a sheep that no man takes up;
⚓Every man will turn to his own people,
And everyone will flee to his own land.
¹⁵Everyone who is found will be thrust through,
And everyone who is captured will fall by the sword.
¹⁶Their children also will be ⚓dashed to pieces before their eyes;
Their houses will be plundered
And their wives ⚓ravished.
¹⁷“Behold,⚓ I will stir up the Medes against them,
Who will not regard silver;
And as for gold, they will not delight in it.
¹⁸Also their bows will dash the young men to pieces,
And they will have no pity on the fruit of the womb;
Their eye will not spare children.
¹⁹⚓And Babylon, the glory of kingdoms,
The beauty of the Chaldeans’ pride,
Will be as when God overthrew ⚓Sodom and Gomorrah.
²⁰⚓It will never be inhabited,
Nor will it be settled from generation to generation;
Nor will the Arabian pitch tents there,
Nor will the shepherds make their sheepfolds there.
²¹⚓But wild beasts of the desert will lie there,
And their houses will be full of owls;
Ostriches will dwell there,
And wild goats will caper there.
²²The hyenas will howl in their citadels,
And jackals in their pleasant palaces.
⚓Her time is near to come,
And her days will not be prolonged.”