15

Yuda yuav puam tsuaj

¹Yawmsaub hais rau kuv tias, “Txawm yog Mauxe thiab Xamuyee los sawv ntawm kuv lub xubntiag los kuv lub siab yuav tsis tig mus hlub cov neeg no. Cia li ntiab lawv tawm kom dhau ntawm kuv lub qhov muag mus, thiab tso lawv mus. ²Mas thaum lawv nug koj tias, ‘Peb yuav mus rau qhovtwg?’ koj hais rau lawv tias, ‘Yawmsaub hais li no tias,
“ ‘Cov neeg uas twb npaj rau kev mob kis,
cia li mus raug kev mob kis.
Cov uas twb npaj rau hniav ntaj hniav riam,
cia li mus raug hniav ntaj hniav riam,
cov uas twb npaj rau kev tshaib kev nqhis,
cia li mus raug kev tshaib kev nqhis,
cov uas twb npaj rau luag ntes mus,
cia li mus raug luag ntes.’ ”
³Yawmsaub hais tias, “Kuv yuav npaj plaub yam kev puam tsuaj los rau lawv, yog raug ntaj tua, raug dev tom dev dua, raug liaj dav saum nruab ntug thiab tej tsiaj qus hauv ntiajteb muab tom noj puam tsuaj tag. ⁴Kuv yuav ua rau lawv ua lub chaw uas ib tsoom tebchaws hauv ntiajteb huvsi ceeb thiab ntshai vim tej uas Hexekhiya tus tub Manaxe uas yog Yuda tus vajntxwv tau ua rau hauv Yeluxalee.”

⁵“Yeluxalees 'e, leejtwg yuav khuvleej koj,
leejtwg yuav mob siab koj,
leejtwg yuav tig los xauj nug txog
koj kev noj qab nyob zoo?”
⁶Yawmsaub hais tias, “Koj tsis lees yuav kuv,
koj pheej thim rov qab.
Kuv thiaj tsa tes tawm tsam koj
thiab ua rau koj puam tsuaj.
Kuv dhuav qhov uas zam koj lawm.
⁷Kuv twb xuas ntxuam ntxuaj⚓ lawv
ntawm tej rooj loog hauv lub tebchaws no
Kuv ua rau lawv tej menyuam tuag,
kuv muab kuv haiv neeg ua kom puam tsuaj.
Lawv tsis tig ntawm lawv tej kev phem rov los.
⁸Kuv ua rau lawv cov poj ntsuam
coob dua tej xuab zeb ntawm hiavtxwv.
Thaum tav su kuv coj tus uas ua kom puam tsuaj
tuaj txog cov tub hluas leej niam.
Ib pliag ntshis xwb kuv ua kom
kev lwj siab kev txhawj kev ntshai
poob rau saum lawv.
⁹Tus uas muaj xya tus menyuam
nws kuj qaug zog tag, feeb hlo lawm.
Nws lub hnub poob qho
thaum tseem nruab hnub.
Nws raug kev txaj muag
thiab raug rhuav ntsej muag.
Kuv yuav muab cov uas tseem tshuav nyob
cob rau hniav ntaj hniav riam
tab meeg lawv cov yeeb ncuab.”
Yawmsaub hais li no ntag.

¹⁰Kuv niam, qhov uas koj yug kuv
ua rau kuv txom nyem lauj.
Kuv yog tus uas xeeb kom muaj
kev sib cav sib faib thoob tebchaws.
Kuv tsis tau qev rau luag
thiab kuv tsis tau qev luag li,
los lawv sawvdaws tsawm foom kuv.
¹¹Yawmsaub hais tias,
“Kuv yeej yuav pab koj dim
kom noj qab nyob zoo,
kuv yeej yuav ua rau koj cov yeeb ncuab
taij thov koj rau thaum
lawv raug kev txom nyem thiab kev nyuaj siab.⚓
¹²Muaj leejtwg lov tau hlau,
yog tej hlau uas tuaj sab ped tuaj,
thiab lov tau tooj liab?
¹³Nej tej nyiaj txiag cuab txhiaj cuab tam
kuv yuav pub rau luag txeeb tau tsis yuav nqe,
vim nej tej kev txhaum txim huvsi uas muaj
thoob plaws hauv nej lub tebchaws.
¹⁴Kuv yuav ua rau nej mus
ua nej cov yeeb ncuab qhev rau hauv l
ub tebchaws uas nej tsis tau paub dua li,
vim yog kuv chim kuv thiaj zes taws
kom kub mus ib txhis li.”
¹⁵Au Yawmsaub, koj yeej paub,
thov koj nco txog kuv thiab los xyuas kuv.
Thov koj pab kuv thiab ua pauj
rau cov uas tsim txom kuv.
Vim yog koj ua tau lub siab ntev,
mas thov tsis txhob muab kuv coj mus.
Thov nco txog qhov uas kuv raug luag thuam
vim yog saib rau koj.
¹⁶Thaum uas ntsib koj tej lus lawm
kuv cia li muab noj kiag,
mas koj tej lus ua rau kuv zoo siab xyiv fab
thiab yog tej uas kuv lub siab nyiam kawg li.
Au Vajtswv Yawmsaub uas muaj hwjchim
loj kawg nkaus, kuv raug hu raws li koj lub npe.
¹⁷Kuv tsis nrog cov neeg uas ua lomzem
zaum ua ke thiab kuv tsis nrog lawv zoo siab.
Kuv nyob tib leeg xwb,
vim yog koj txhais tes nyob saum kuv,
thiab vim koj muab txojkev chim
ntim puv nkaus rau hauv kuv.
¹⁸Ua li cas kuv tej kev mob
tseem mob tsis tu ncua li,
kuv li kiav txhab kuj kho tsis tau zoo,
nws tsis yeem zoo?
Koj yuav zoo li lub hav dej uas dag kuv,
zoo yam li lub hav dej qhuav lov?

¹⁹Vim li no Yawmsaub hais li no tias,
“Yog koj rov los, kuv yuav pub koj
rov zoo li qub,
thiab koj yuav tau sawv
ntawm kuv lub xubntiag.
Yog koj hais tej lus tseem ceeb
tsis txhob hais tej lus tsis muaj qabhau,
mas koj yuav zoo li kuv lub qhov ncauj.
Lawv yuav tig rov los cuag koj,
tiamsis koj tsis txhob tig mus cuag lawv.
²⁰Kuv yuav muab koj ua lub ntsa loog tooj liab
uas ruaj khov rau haiv neeg no.
Lawv yuav tawm tsam koj
tiamsis lawv kov tsis yeej koj,
vim yog kuv nrog koj nyob
kom thiaj pab koj dim thiab cawm koj.”
Yawmsaub hais li no ntag.
²¹“Kuv yuav cawm koj dim
hauv cov neeg limhiam txhais tes
thiab txhiv koj hauv cov neeg
ua nruj ua tsiv txhais tes.”

15

Yuta yuav puam tsuaj

¹Yawmsaub has rua kuv tas, “Txawm yog Mauxe hab Xamuyee lug sawv ntawm kuv lub xubndag los kuv lub sab yuav tsw tig moog hlub cov tuabneeg nuav. Ca le lawv puab tawm kuas dhau ntawm kuv lub qhov muag moog, hab tso puab moog. ²Mas thaus puab nug koj tas, ‘Peb yuav moog rua hovtwg?’ koj has rua puab tas, ‘Yawmsaub has le nuav tas,
“ ‘Cov tuabneeg kws tub npaaj rua kev mob kis,
ca le moog raug kev mob kis.
Cov kws tub npaaj rua nav ntaaj nav rag,
ca le moog raug nav ntaaj nav rag,
cov kws tub npaaj rua kev tshaib kev nqhes,
ca le moog raug kev tshaib kev nqhes,
cov kws tub npaaj rua luas nteg moog,
ca le moog raug luas nteg.’ ”
³Yawmsaub has tas, “Kuv yuav npaaj plaub yaam kev puam tsuaj lug rua puab, yog raug ntaaj tua, raug dev tum dev dua, raug laj daav sau nruab ntug hab tej tsaj qus huv nplajteb muab tum noj puam tsuaj taag. ⁴Kuv yuav ua rua puab ua lub chaw kws ib tsoom tebchaws huv nplajteb huvsw ceeb hab ntshai vem tej kws Hexekhiya tug tub Manaxe kws yog Yuta tug vaajntxwv tau ua rua huv Yeluxalee.”

⁵“Yeluxalee 'e, leejtwg yuav khuvleej koj,
leejtwg yuav mob sab koj,
leejtwg yuav tig lug xauj nug txug
koj kev noj qaab nyob zoo?”
⁶Yawmsaub has tas, “Koj tsw leeg yuav kuv,
koj pheej thim rov qaab.
Kuv txhad tsaa teg tawm tsaam koj
hab ua rua koj puam tsuaj.
Kuv dhuav qhov kws zaam koj lawm.
⁷Kuv tub xuas ntxuam ntxuaj⚓ puab
ntawm tej rooj loog huv lub tebchaws nuav
Kuv ua rua puab tej mivnyuas tuag,
kuv muab kuv haiv tuabneeg ua kuas puam tsuaj.
Puab tsw tig ntawm puab tej kev phem rov lug.
⁸Kuv ua rua puab cov puj ntsuag
coob dua tej xuab zeb ntawm havtxwv.
Thaus taav su kuv coj tug kws ua kuas puam tsuaj
tuaj txug cov tub hluas leej nam.
Ib plag ntshws xwb kuv ua kuas
kev lwj sab kev txhawj kev ntshai
poob rua sau puab.
⁹Tug kws muaj xyaa tug mivnyuas
nwg kuj qaug zug taag, feeb hlo lawm.
Nwg lub nub poob qho thaus tseed nruab nub.
Nwg raug kev txaaj muag hab raug rhuav ntsej muag.
Kuv yuav muab cov kws tseed tshuav nyob
cob rua nav ntaaj nav rag taab meeg puab cov yeeb ncuab.”
Yawmsaub has le nuav ntaag.

¹⁰Kuv nam, qhov kws koj yug kuv
ua rua kuv txom nyem lauj.
Kuv yog tug kws xeeb kuas muaj
kev sws caav sws faib thoob tebchaws.
Kuv tsw tau qev rua luas hab kuv tsw tau qev luas le,
los puab suavdawg tsawm foom kuv.
¹¹Yawmsaub has tas,
“Kuv yeej yuav paab koj dim kuas noj qaab nyob zoo,
kuv yeej yuav ua rua koj cov yeeb ncuab taij thov koj
rua thaus puab raug kev txom nyem hab kev nyuaj sab.⚓
¹²Muaj leejtwg luv tau hlau,
yog tej hlau kws tuaj saab peg tuaj,
hab luv tau tooj lab?
¹³Mej tej nyaj txag cuab txhaj cuab taam
kuv yuav pub rua luas txeeb tau tsw yuav nqe,
vem mej tej kev txhum txem huvsw
kws muaj thoob plawg huv mej lub tebchaws.
¹⁴Kuv yuav ua rua mej moog ua mej cov yeeb ncuab qhev
rua huv lub tebchaws kws mej tsw tau paub dua le,
vem yog kuv chim kuv txhad tis tawg
kuas kub moog ib txhws le.”
¹⁵Au Yawmsaub, koj yeej paub,
thov koj ncu txug kuv hab lug saib kuv.
Thov koj paab kuv hab pauj taub rua cov kws tswm txom kuv.
Vem yog koj ua tau lub sab ntev,
mas thov tsw xob muab kuv coj moog.
Thov ncu txug qhov kws kuv raug luas thuaj
vem yog saib rua koj.
¹⁶Thaus kws ntswb koj tej lug lawm
kuv ca le muab noj kag,
mas koj tej lug ua rua kuv zoo sab xyiv faab
hab yog tej kws kuv lub sab nyam kawg le.
Au Vaajtswv Yawmsaub
kws muaj fwjchim luj kawg nkaus,
kuv raug hu lawv le koj lub npe.
¹⁷Kuv tsw nrug cov tuabneeg kws ua lomzem nyob tsawg ua ke,
hab kuv tsw nrug puab zoo sab.
Kuv nyob tuab leeg xwb,
vem yog koj txhais teg nyob sau kuv,
hab vem koj muab txujkev chim
ntim puv nkaus rua huv kuv.
¹⁸Ua le caag kuv tej kev mob tseed mob tsw tu ncua le,
kuv le kav txhaab kuj khu tsw tau zoo,
nwg tsw yeem zoo?
Koj yuav zoo le lub haav dej kws daag kuv,
zoo yaam le lub haav dej qhuav lov?

¹⁹Vem le nuav Yawmsaub has le nuav tas,
“Yog koj rov lug, kuv yuav pub koj rov zoo le qub,
hab koj yuav tau sawv ntawm kuv lub xubndag.
Yog koj has tej lug tseem ceeb
tsw xob has tej lug tsw muaj qaabhau,
mas koj yuav zoo le kuv lub qhov ncauj.
Puab yuav tig rov lug cuag koj,
tassws koj tsw xob tig moog cuag puab.
²⁰Kuv yuav muab koj ua lub ntsaa loog tooj lab
kws ruaj khov rua haiv tuabneeg nuav.
Puab yuav tawm tsaam koj
tassws puab kov tsw yeej koj,
vem yog kuv nrug koj nyob
sub txhad paab koj dim hab cawm koj.”
Yawmsaub has le nuav ntaag.
²¹“Kuv yuav cawm koj dim huv cov tuabneeg limham txhais teg
hab txhwv koj huv cov tuabneeg ua nruj ua tswv txhais teg.”