18
Axaloo tuag
1Tavi txawm txheeb cov tuabneeg kws nrug nwg moog hab tsaa kuas muaj thawj kaav ib txheeb leej hab kaav ib puas leej.
2Tavi xaa nwg cov tub rog tawm moog ua peb paab, Yau‑a kaav ib paab, Anpisai kws yog Xeluya tug tub kaav ib paab hab Ithai kws yog tuabneeg Ka kaav ib paab. Vaajntxwv has rua nwg cov tub rog tas, “Kuv yuav nrug mej moog hab.”
3Tassws puab has tas, “Koj tsw xob moog. Yog peb yuav tswv, yeeb ncuab yuav tsw quav ntsej peb. Yog peb tuag ib nraab lawm, los puab yeej yuav tsw quav ntsej peb. Tassws koj muaj nqes npaum le peb ib vaam leej. Koj nyob huv lub moos xaa tuabneeg tuaj paab peb xwb mas zoo dua.”
4Vaajntxwv has rua puab tas, “Mej pum zoo le caag kuv yuav ua lawv le ntawd.” Vaajntxwv txhad sawv ntsug ntawm rooj loog ib saab saib thaus cov tub rog suavdawg tawm tuaj moog ua tej paab ib puas leej tej paab ib txheeb leej.
5Vaajntxwv has rua Yau‑a hab Anpisai hab Ithai tas, “Saib rua sau kuv es tsw xob ua nyaav rua tug tub hluas Axaloo hov.” Thaus vaajntxwv has txug Axaloo le nuav rua cov thawj rog suavdawg, mas cov tub rog suavdawg kuj puavleej nov.
6Cov tub rog txawm tawm moog ua rog rua cov Yixayee, puab sws ntaus sws tua rua huv haav zoov Efa‑i.
7Cov Yixayee kuj swb Tavi cov tub rog, mas nub hov muaj tuabneeg raug tua tuag coob kawg, tuag ob vaam leej rua hov ntawd.
8Kev ua rog nthuav daav moog thoob plawg lub tebchaws ntawd. Nub ntawd haav zoov noj tuabneeg coob dua nav ntaaj noj.
9Mas Axaloo ca le ntswb nthaav Tavi cov tub rog. Axaloo caij rawv luj txwv, mas thaus luj txwv dha moog rua huv qaab tug ntoo qheb kws ntxhuv ntxhuv, Axaloo lub taubhau txawm khuab nkaus rua huv tug ceg ntoo ceev ceev le. Thaus tug luj txwv kws nwg caij dha dhau lawm nwg txawm dai quas vag ib ntaa ntoo.
10Muaj ib tug yawm lug pum tes txawm moog has rua Yau‑a tas, “Kuv pum Axaloo dai sau ib tug ntoo qheb.”
11Yau‑a has rua tug kws has rua nwg hov tas, “Ua le caag nua? Koj pum nwg lawm lov? Ua caag koj tsw muab nwg tua pov tseg rua hov ntawd? Kuv yuav zoo sab muab kaum lub txag nyaj hab ib txuj hlaab tawv rua koj.”
12Tassws tug yawm hov teb Yau‑a tas, “Txawm yog kuv txhais teg tau puag ib txheeb lub txag nyaj los kuv yuav tsw cev teg tawm tsaam vaajntxwv tug tub, tsua qhov peb lub qhov ntsej tau nov tej kws vaajntxwv has rua koj hab Anpisai hab Ithai lawm has tas, ‘Mej saib rua sau kuv es tsom kwm tug tub hluas Axaloo hov.’
13Yog kuv tsw noog lug es txuv nwg txujsa lawm, yeej tsw muaj daabtsw yuav npog tau ntawm vaajntxwv, tes koj yuav tsw quav ntsej paab kuv.”
14Yau‑a txawm has tas, “Kuv yuav tsw nkim swjhawm rua koj le nuav.” Yau‑a txawm coj peb raab muv moog nkaug raug Axaloo lub plawv rua thaus nwg tseed caj dai sau tug ntoo qheb.
15Kaum tug tub rog hluas kws nqaa Yau‑a tej cuab yeej ua rog vej nkaus Axaloo hab muab nwg tua kag.
16Yau‑a txawm tshuab raaj kub yaaj, mas cov tub rog txhad rov qaab tsw lawv cov Yixayee lawm, vem yog Yau‑a tswj puab ca.
17Puab muab Axaloo lub cev tuag nrum rua huv ib lub qhov luj huv haav zoov, hab tib ib pawg pob zeb luj luj rua sau. Cov Yixayee suavdawg nyag taug nyag tswv rov moog tsev taag lawm.
18Thaus Axaloo tseed ua neej nyob nwg txhus ib tug ncej ua chaw ncu txug nwg rua huv lub Haav Vaajntxwv, vem nwg has tas, “Kuv tsw muaj tub kws yuav tuav kuv lub npe moog le.” Nwg txhad hu tug ncej hov lawv le nwg lub npe, luas txhad hu tas tug ncej Axaloo lug txug naj nub nwgnuav.
19Xantau tug tub Ahima‑a has tas, “Ca kuv dha coj xuv moog has rua vaajntxwv paub tas Yawmsaub cawm nwg dim huv nwg cov yeeb ncuab txhais teg lawm.”
20Yau‑a has rua nwg tas, “Nub nua koj tsw xob coj xuv moog. Koj coj xuv moog dua rua lwm nub kuj tau, tassws nub nua koj tsw xob coj xuv moog tsua qhov vaajntxwv tug tub tuag lawm.”
21Yau‑a has rua ib tug tuabneeg Khuj tas, “Koj ca le coj xuv moog has rua vaajntxwv lawv le koj qhov muag pum.” Tug tuabneeg Khuj hov kuj nyo hau pe Yau‑a hab dha moog.
22Xantau tug tub Ahima‑a txawm rov has rua Yau‑a tas, “Txawm le caag kuj xwj, thov ca kuv dha lawv tug tuabneeg Khuj hov moog.” Yau‑a has tas, “Miv tub, koj yuav dha moog ua daabtsw, tsua qhov koj yuav tsw tau nqe zug xaa tsaab xuv nuav?”
23Nwg has tas, “Txawm le caag los xwj kuv yuav dha moog.” Yau‑a has rua nwg tas, “Dha los maj.” Tes Ahima‑a txawm dha taug txujkev nraag taj moog, fuas tau tug tuabneeg Khuj ntej moog.
24Thaus ntawd Tavi nyob tsawg ntawm ob txheej rooj loog ntu nruab nraab. Muaj ib tug faaj xwm nce moog rua sau lub ntsaa loog moog sawv txheej saab sau lub rooj loog. Thaus nwg tsaa muag saib pum ib tug yawm dha tuab leeg lug.
25Tug faaj xwm qw has rua vaajntxwv paub. Vaajntxwv has tas, “Yog tuab leeg lug xwb, yeej yog coj xuv zoo lug.” Tug yawm hov dha lug ze quas zug.
26Tug faaj xwm pum dua ib tug dha lug hab. Tug faaj xwm qw rua tug kws zuv rooj loog tas, “Saib nawj, muaj dua ib tug dha tuab leeg lug hab.” Vaajntxwv has tas, “Yog nwg coj xuv zoo lug hab.”
27Tug faaj xwm has tas, “Kuv saib mas tug kws dha ua ntej dha zoo yaam nkaus le Xantau tug tub Ahima‑a.” Vaajntxwv has tas, “Nwg yog tuabneeg zoo. Nwg coj xuv zoo lug.”
28Tes Ahima‑a qw rua vaajntxwv tas, “Zoo lauj!” Nwg txawm khoov ntshws ua lub plhu ti nkaus aav pe has tas, “Qhuas Yawmsaub kws yog koj tug Vaajtswv kws tau muab cov tuabneeg faav xeeb kws tawm tsaam kuv tug tswv cob rua huv vaajntxwv txhais teg lawm.”
29Vaajntxwv has tas, “Tug tub hluas Axaloo nyob zoo lov?” Ahima‑a teb tas, “Thaus Yau‑a khaiv kuv kws yog koj tug qhev lug nuav, kuv pum muaj tuabneeg coob vej quas vog kuas tsw paub tas sov yog daabtsw.”
30Vaajntxwv has tas, “Ca le lug sawv ntawm nuav.” Nwg txawm moog sawv ntsug tuabywv.
31Ua cav tug tuabneeg Khuj hov txawm dha lug txug. Nwg has tas, “Muaj xuv zoo has rua vaajntxwv kws yog kuv tug tswv, tsua qhov nub nua Yawmsaub cawm koj dim huv cov tuabneeg suavdawg kws sawv tawm tsaam koj txhais teg lawm.”
32Vaajntxwv nug tug tuabneeg Khuj tas, “Tug tub hluas Axaloo nyob zoo lov?” Tug tuabneeg Khuj teb tas, “Thov ca vaajntxwv tej yeeb ncuab hab txhua tug kws sawv tawm tsaam vaajntxwv kws yog kuv tug tswv zoo le tug tub hluas hov.”
33Vaajntxwv nyuaj sab heev kawg, nwg nce moog rua ib chaav tsev kws nyob txheej sau lub rooj loog hab quaj quaj. Thaus nwg nce moog nwg has tas, “Au kuv tug tub Axaloo, kuv tug tub, kuv tug tub Axaloo 'e, kuv xaav tuag thij koj. Au Axaloo, kuv tug tub, kuv tug tub 'e.”
18
Axaloo tuag
1Davi txawm txheeb cov neeg uas nrog nws mus thiab tsa kom muaj thawj kav ib txhiab leej thiab kav ib puas leej.
2Davi xa nws cov tub rog tawm mus ua peb pab, Yau‑a kav ib pab, Anpisai uas yog Xeluya tus tub kav ib pab thiab Ithai uas yog neeg Ka kav ib pab. Vajntxwv hais rau nws cov tub rog tias, “Kuv yuav nrog nej mus thiab.”
3Tiamsis lawv hais tias, “Koj tsis txhob mus. Yog peb yuav khiav, yeeb ncuab yuav tsis quav ntsej peb. Yog peb tuag ib nrab lawm, los lawv yeej yuav tsis quav ntsej peb. Tiamsis koj muaj nqes npaum li peb ib vam leej. Koj nyob hauv lub moos xa neeg tuaj pab peb xwb mas zoo dua.”
4Vajntxwv hais rau lawv tias, “Nej pom zoo li cas kuv yuav ua raws li ntawd.” Vajntxwv thiaj sawv ntsug ntawm rooj loog ib sab saib thaum cov tub rog sawvdaws tawm tuaj mus ua tej pab ib puas leej tej pab ib txhiab leej.
5Vajntxwv hais rau Yau‑a thiab Anpisai thiab Ithai tias, “Saib rau kuv es tsis txhob ua hnyav rau tus tub hluas Axaloo ntawd.” Thaum vajntxwv hais txog Axaloo li no rau cov thawj rog sawvdaws, mas cov tub rog sawvdaws kuj puavleej hnov.
6Cov tub rog txawm tawm mus ua rog rau cov Yixayee, lawv sib ntaus sib tua rau hauv hav zoov Efa‑i.
7Cov Yixayee kuj swb Davi cov tub rog, mas hnub ntawd muaj neeg raug tua tuag coob kawg, tuag ob vam leej rau qhov ntawd.
8Kev ua rog nthuav dav mus thoob plaws lub tebchaws ntawd. Hnub ntawd hav zoov noj neeg coob dua hniav ntaj noj.
9Mas Axaloo cia li ntsib nthav Davi cov tub rog. Axaloo caij rawv luj txwv, mas thaum luj txwv dhia mus rau hauv tus qab ntoo qheb uas ntxhov ntxhov, Axaloo lub taubhau txawm khuab nkaus rau hauv tus ceg ntoo ceev ceev li. Thaum tus luj txwv uas nws caij dhia dhau lawm nws txawm dai vias ib nta ntoo.
10Muaj ib tug yawg los pom ces txawm mus hais rau Yau‑a tias, “Kuv pom Axaloo dai saum ib tug ntoo qheb.”
11Yau‑a hais rau tus uas hais rau nws ntawd tias, “Ua li cas no? Koj pom nws lawm lov? Ua cas koj tsis muab nws tua pov tseg rau qhov ntawd? Kuv yuav zoo siab muab kaum lub txiag nyiaj thiab ib txoj siv tawv rau koj.”
12Tiamsis tus yawg ntawd teb Yau‑a tias, “Txawm yog kuv txhais tes tau puag ib txhiab lub txiag nyiaj los kuv yuav tsis cev tes tawm tsam vajntxwv tus tub, rau qhov peb lub qhov ntsej tau hnov tej uas vajntxwv hais rau koj thiab Anpisai thiab Ithai lawm hais tias, ‘Nej saib rau kuv es tsom kwm tus tub hluas Axaloo ntawd.’
13Yog kuv tsis mloog lus es txov nws txojsia lawm, yeej tsis muaj dabtsi yuav npog tau ntawm vajntxwv, ces koj yuav tsis quav ntsej pab kuv.”
14Yau‑a txawm hais tias, “Kuv yuav tsis nkim sijhawm rau koj li no.” Yau‑a txawm coj peb rab hmuv mus nkaug raug Axaloo lub plawv rau thaum nws tseem ciaj dai saum tus ntoo qheb.
15Kaum tus tub rog hluas uas nqa Yau‑a tej cuab yeej ua rog vij nkaus Axaloo thiab muab nws tua kiag.
16Yau‑a txawm tshuab raj kub yaj, mas cov tub rog thiaj rov qab tsis caum cov Yixayee lawm, vim yog Yau‑a tswj lawv cia.
17Lawv muab Axaloo lub cev tuag pov rau hauv ib lub qhov loj hauv hav zoov, thiab tib ib pawg pob zeb loj loj rau saud. Cov Yixayee sawvdaws nyias taus nyias khiav rov mus tsev tag lawm.
18Thaum Axaloo tseem ua neej nyob nws txhos ib tug ncej ua chaw nco txog nws rau hauv lub Hav Vajntxwv, vim nws hais tias, “Kuv tsis muaj tub uas yuav tuav kuv lub npe mus li.” Nws thiaj hu tus ncej ntawd raws li nws lub npe, luag thiaj hu tias tus ncej Axaloo los txog niaj hnub nimno.
19Xadau tus tub Ahima‑a hais tias, “Cia kuv dhia coj xov mus hais rau vajntxwv paub tias Yawmsaub cawm nws dim hauv nws cov yeeb ncuab txhais tes lawm.”
20Yau‑a hais rau nws tias, “Hnub no koj tsis txhob coj xov mus. Koj coj xov mus dua rau lwm hnub kuj tau, tiamsis hnub no koj tsis txhob coj xov mus rau qhov vajntxwv tus tub tuag lawm.”
21Yau‑a hais rau ib tug neeg Khuj tias, “Koj cia li coj xov mus hais rau vajntxwv raws li koj qhov muag pom.” Tus neeg Khuj ntawd kuj nyo hau pe Yau‑a thiab dhia mus.
22Xadau tus tub Ahima‑a txawm rov hais rau Yau‑a tias, “Txawm li cas kuj xij, thov cia kuv dhia raws tus neeg Khuj ntawd mus.” Yau‑a hais tias, “Metub, koj yuav dhia mus ua dabtsi, rau qhov koj yuav tsis tau nqe zog xa tsab xov no?”
23Nws hais tias, “Txawm li cas los xij kuv yuav dhia mus.” Yau‑a hais rau nws tias, “Dhia los maj.” Ces Ahima‑a txawm dhia taug txojkev nram tiaj mus, huas tau tus neeg Khuj ntej mus.
24Thaum ntawd Davi zaum ntawm ob txheej rooj loog ntu nruab nrab. Muaj ib tug faj xwm nce mus rau saum lub ntsa loog mus sawv txheej sab saum lub rooj loog. Thaum nws tsa muag ntsia pom ib tug yawg dhia tib leeg los.
25Tus faj xwm qw hais rau vajntxwv paub. Vajntxwv hais tias, “Yog tib leeg los xwb, yeej yog coj xov zoo los.” Tus yawg ntawd dhia los ze zuj zus.
26Tus faj xwm pom dua ib tug dhia los thiab. Tus faj xwm qw rau tus uas zov rooj loog tias, “Saib nawj, muaj dua ib tug dhia tib leeg los thiab.” Vajntxwv hais tias, “Yog nws coj xov zoo los thiab.”
27Tus faj xwm hais tias, “Kuv saib mas tus uas dhia ua ntej dhia zoo yam nkaus li Xadau tus tub Ahima‑a.” Vajntxwv hais tias, “Nws yog neeg zoo. Nws coj xov zoo los.”
28Ces Ahima‑a qw rau vajntxwv tias, “Zoo lauj!” Nws txawm khoov ntshis ua lub plhu ti nkaus av pe hais tias, “Qhuas Yawmsaub uas yog koj tus Vajtswv uas tau muab cov neeg fav xeeb uas tawm tsam kuv tus tswv cob rau hauv vajntxwv txhais tes lawm.”
29Vajntxwv hais tias, “Tus tub hluas Axaloo nyob zoo lov?” Ahima‑a teb tias, “Thaum Yau‑a txib kuv uas yog koj tus qhev los no, kuv pom muaj neeg coob vij vog uas tsis paub tias xyov yog dabtsi.”
30Vajntxwv hais tias, “Cia li los sawv ntawm no.” Nws txawm mus sawv ntsug twjywm.
31Ua ciav tus neeg Khuj ntawd txawm dhia los txog. Nws hais tias, “Muaj xov zoo hais rau vajntxwv uas yog kuv tus tswv, rau qhov hnub no Yawmsaub cawm koj dim hauv cov neeg sawvdaws uas sawv tawm tsam koj txhais tes lawm.”
32Vajntxwv nug tus neeg Khuj tias, “Tus tub hluas Axaloo nyob zoo lov?” Tus neeg Khuj teb tias, “Thov cia vajntxwv tej yeeb ncuab thiab txhua tus uas sawv tawm tsam vajntxwv uas yog kuv tus tswv zoo li tus tub hluas ntawd.”
33Vajntxwv nyuaj siab heev kawg, nws nce mus rau ib chav tsev uas nyob txheej saum lub rooj loog thiab quaj quaj. Thaum nws nce mus nws hais tias, “Au kuv tus tub Axaloo, kuv tus tub, kuv tus tub Axaloo 'e, kuv xav tuag this koj. Au Axaloo, kuv tus tub, kuv tus tub 'e.”