18

Axaloo tuag

¹Tavi txawm txheeb cov tuabneeg kws nrug nwg moog hab tsaa kuas muaj thawj kaav ib txheeb leej hab kaav ib puas leej. ²Tavi xaa nwg cov tub rog tawm moog ua peb paab, Yau‑a kaav ib paab, Anpisai kws yog Xeluya tug tub kaav ib paab hab Ithai kws yog tuabneeg Ka kaav ib paab. Vaajntxwv has rua nwg cov tub rog tas, “Kuv yuav nrug mej moog hab.” ³Tassws puab has tas, “Koj tsw xob moog. Yog peb yuav tswv, yeeb ncuab yuav tsw quav ntsej peb. Yog peb tuag ib nraab lawm, los puab yeej yuav tsw quav ntsej peb. Tassws koj muaj nqes npaum le peb ib vaam leej. Koj nyob huv lub moos xaa tuabneeg tuaj paab peb xwb mas zoo dua.” ⁴Vaajntxwv has rua puab tas, “Mej pum zoo le caag kuv yuav ua lawv le ntawd.” Vaajntxwv txhad sawv ntsug ntawm rooj loog ib saab saib thaus cov tub rog suavdawg tawm tuaj moog ua tej paab ib puas leej tej paab ib txheeb leej. ⁵Vaajntxwv has rua Yau‑a hab Anpisai hab Ithai tas, “Saib rua sau kuv es tsw xob ua nyaav rua tug tub hluas Axaloo hov.” Thaus vaajntxwv has txug Axaloo le nuav rua cov thawj rog suavdawg, mas cov tub rog suavdawg kuj puavleej nov.
⁶Cov tub rog txawm tawm moog ua rog rua cov Yixayee, puab sws ntaus sws tua rua huv haav zoov Efa‑i. ⁷Cov Yixayee kuj swb Tavi cov tub rog, mas nub hov muaj tuabneeg raug tua tuag coob kawg, tuag ob vaam leej rua hov ntawd. ⁸Kev ua rog nthuav daav moog thoob plawg lub tebchaws ntawd. Nub ntawd haav zoov noj tuabneeg coob dua nav ntaaj noj.
⁹Mas Axaloo ca le ntswb nthaav Tavi cov tub rog. Axaloo caij rawv luj txwv, mas thaus luj txwv dha moog rua huv qaab tug ntoo qheb kws ntxhuv ntxhuv, Axaloo lub taubhau txawm khuab nkaus rua huv tug ceg ntoo ceev ceev le. Thaus tug luj txwv kws nwg caij dha dhau lawm nwg txawm dai quas vag ib ntaa ntoo. ¹⁰Muaj ib tug yawm lug pum tes txawm moog has rua Yau‑a tas, “Kuv pum Axaloo dai sau ib tug ntoo qheb.” ¹¹Yau‑a has rua tug kws has rua nwg hov tas, “Ua le caag nua? Koj pum nwg lawm lov? Ua caag koj tsw muab nwg tua pov tseg rua hov ntawd? Kuv yuav zoo sab muab kaum lub txag nyaj hab ib txuj hlaab tawv rua koj.”
¹²Tassws tug yawm hov teb Yau‑a tas, “Txawm yog kuv txhais teg tau puag ib txheeb lub txag nyaj los kuv yuav tsw cev teg tawm tsaam vaajntxwv tug tub, tsua qhov peb lub qhov ntsej tau nov tej kws vaajntxwv has rua koj hab Anpisai hab Ithai lawm has tas, ‘Mej saib rua sau kuv es tsom kwm tug tub hluas Axaloo hov.’ ¹³Yog kuv tsw noog lug es txuv nwg txujsa lawm, yeej tsw muaj daabtsw yuav npog tau ntawm vaajntxwv, tes koj yuav tsw quav ntsej paab kuv.” ¹⁴Yau‑a txawm has tas, “Kuv yuav tsw nkim swjhawm rua koj le nuav.” Yau‑a txawm coj peb raab muv moog nkaug raug Axaloo lub plawv rua thaus nwg tseed caj dai sau tug ntoo qheb. ¹⁵Kaum tug tub rog hluas kws nqaa Yau‑a tej cuab yeej ua rog vej nkaus Axaloo hab muab nwg tua kag.
¹⁶Yau‑a txawm tshuab raaj kub yaaj, mas cov tub rog txhad rov qaab tsw lawv cov Yixayee lawm, vem yog Yau‑a tswj puab ca. ¹⁷Puab muab Axaloo lub cev tuag nrum rua huv ib lub qhov luj huv haav zoov, hab tib ib pawg pob zeb luj luj rua sau. Cov Yixayee suavdawg nyag taug nyag tswv rov moog tsev taag lawm. ¹⁸Thaus Axaloo tseed ua neej nyob nwg txhus ib tug ncej ua chaw ncu txug nwg rua huv lub Haav Vaajntxwv, vem nwg has tas, “Kuv tsw muaj tub kws yuav tuav kuv lub npe moog le.” Nwg txhad hu tug ncej hov lawv le nwg lub npe, luas txhad hu tas tug ncej Axaloo lug txug naj nub nwgnuav.
¹⁹Xantau tug tub Ahima‑a has tas, “Ca kuv dha coj xuv moog has rua vaajntxwv paub tas Yawmsaub cawm nwg dim huv nwg cov yeeb ncuab txhais teg lawm.” ²⁰Yau‑a has rua nwg tas, “Nub nua koj tsw xob coj xuv moog. Koj coj xuv moog dua rua lwm nub kuj tau, tassws nub nua koj tsw xob coj xuv moog tsua qhov vaajntxwv tug tub tuag lawm.” ²¹Yau‑a has rua ib tug tuabneeg Khuj tas, “Koj ca le coj xuv moog has rua vaajntxwv lawv le koj qhov muag pum.” Tug tuabneeg Khuj hov kuj nyo hau pe Yau‑a hab dha moog. ²²Xantau tug tub Ahima‑a txawm rov has rua Yau‑a tas, “Txawm le caag kuj xwj, thov ca kuv dha lawv tug tuabneeg Khuj hov moog.” Yau‑a has tas, “Miv tub, koj yuav dha moog ua daabtsw, tsua qhov koj yuav tsw tau nqe zug xaa tsaab xuv nuav?” ²³Nwg has tas, “Txawm le caag los xwj kuv yuav dha moog.” Yau‑a has rua nwg tas, “Dha los maj.” Tes Ahima‑a txawm dha taug txujkev nraag taj moog, fuas tau tug tuabneeg Khuj ntej moog.
²⁴Thaus ntawd Tavi nyob tsawg ntawm ob txheej rooj loog ntu nruab nraab. Muaj ib tug faaj xwm nce moog rua sau lub ntsaa loog moog sawv txheej saab sau lub rooj loog. Thaus nwg tsaa muag saib pum ib tug yawm dha tuab leeg lug. ²⁵Tug faaj xwm qw has rua vaajntxwv paub. Vaajntxwv has tas, “Yog tuab leeg lug xwb, yeej yog coj xuv zoo lug.” Tug yawm hov dha lug ze quas zug. ²⁶Tug faaj xwm pum dua ib tug dha lug hab. Tug faaj xwm qw rua tug kws zuv rooj loog tas, “Saib nawj, muaj dua ib tug dha tuab leeg lug hab.” Vaajntxwv has tas, “Yog nwg coj xuv zoo lug hab.” ²⁷Tug faaj xwm has tas, “Kuv saib mas tug kws dha ua ntej dha zoo yaam nkaus le Xantau tug tub Ahima‑a.” Vaajntxwv has tas, “Nwg yog tuabneeg zoo. Nwg coj xuv zoo lug.”
²⁸Tes Ahima‑a qw rua vaajntxwv tas, “Zoo lauj!” Nwg txawm khoov ntshws ua lub plhu ti nkaus aav pe has tas, “Qhuas Yawmsaub kws yog koj tug Vaajtswv kws tau muab cov tuabneeg faav xeeb kws tawm tsaam kuv tug tswv cob rua huv vaajntxwv txhais teg lawm.” ²⁹Vaajntxwv has tas, “Tug tub hluas Axaloo nyob zoo lov?” Ahima‑a teb tas, “Thaus Yau‑a khaiv kuv kws yog koj tug qhev lug nuav, kuv pum muaj tuabneeg coob vej quas vog kuas tsw paub tas sov yog daabtsw.” ³⁰Vaajntxwv has tas, “Ca le lug sawv ntawm nuav.” Nwg txawm moog sawv ntsug tuabywv.
³¹Ua cav tug tuabneeg Khuj hov txawm dha lug txug. Nwg has tas, “Muaj xuv zoo has rua vaajntxwv kws yog kuv tug tswv, tsua qhov nub nua Yawmsaub cawm koj dim huv cov tuabneeg suavdawg kws sawv tawm tsaam koj txhais teg lawm.” ³²Vaajntxwv nug tug tuabneeg Khuj tas, “Tug tub hluas Axaloo nyob zoo lov?” Tug tuabneeg Khuj teb tas, “Thov ca vaajntxwv tej yeeb ncuab hab txhua tug kws sawv tawm tsaam vaajntxwv kws yog kuv tug tswv zoo le tug tub hluas hov.” ³³Vaajntxwv nyuaj sab heev kawg, nwg nce moog rua ib chaav tsev kws nyob txheej sau lub rooj loog hab quaj quaj. Thaus nwg nce moog nwg has tas, “Au kuv tug tub Axaloo, kuv tug tub, kuv tug tub Axaloo 'e, kuv xaav tuag thij koj. Au Axaloo, kuv tug tub, kuv tug tub 'e.”

18

Axaloos Swb thiab Tuag

¹Vajntxwv Daviv sau zog nws cov neeg los ua ke, muab faib ua tej pab ib txhiab leej thiab tej pab ib puas leej, thiab tsa cov thawj los saib lawv. ²Daviv thiaj xa lawv tawm mus ua peb pab nrog Yau-am thiab nws tus kwv Anpisais thiab Ithais uas tuaj hauv lub nroog Nkas tuaj, lawv ib leeg coj ib pab. Thiab vajntxwv hais rau nws cov neeg hais tias, “Kuv yuav nrog nej mus.”
³Tiamsis lawv teb hais tias, “Koj tsis txhob mus, txawm yog peb cov seem thim khiav ntawm cov yeebncuab rov los, lossis peb raug tua tuag ib nrab lawm los yeej tsis tseemceeb dabtsi; rau qhov koj yog tus tseemceeb tshaj peb kaum txhiab leej. Yog li ntawd, koj nyob hauv nroog no txhij neeg tuaj pab peb zoo dua.”
⁴Vajntxwv teb hais tias, “Kuv yuav ua txhua yam raws li nej xav kom kuv ua.” Ces nws txawm mus sawv ntawm roojvag saib nws cov neeg tawm mus ua tej pab ib txhiab leej thiab tej pab ib puas leej. ⁵Daviv hais rau Yau-am, Anpisais thiab Ithais hais tias: “Yog nej hlub kuv, thov nej tsis txhob ua phem rau tus tub hluas Axaloos.” Cov tubrog puavleej hnov Daviv hais li ntawd rau nws cov thawj tubrog.
⁶Daviv cov tubrog tawm mus rau tom roob mojsab thiab tua cov Yixalayees hauv thaj Havzoov uas yog cov Efalayees cheebtsam av. ⁷Cov Yixalayees swb Daviv cov tubrog yog ib qho poob tsam txaus ntshai kawg li, hnub ntawd xwb muaj nees nkaum txhiab leej raug tua tuag. ⁸Lawv sib tua tawg ri sua mus thoob plaws rau pem tej roob mojsab, thiab cov neeg uas tuag rau hauv havzoov tseem coob tshaj cov uas raug tua tuag rau hauv tshavrog.
⁹Ces thaum ntawd Axaloos txawm ntsib dheev Daviv cov neeg. Axaloos caij ib tug zag, tus zag khiav mus nkag rau hauv ib tsob qab ntoo qhib, Axaloos lub cajdab thiaj daig nkaus rau saum nkhib ntoo. Tus zag khiav dhau plaws lawm cia Axaloos dai ncuv rau saud. ¹⁰Daviv cov neeg ib tug los pom Axaloos, nws thiaj mus qhia rau Yau-am hais tias, “Kuv pom Axaloos khuam dai ncuv saum tus nkhib ntoo qhib!”
¹¹Yau-am teb hais tias, “Yog koj pom nws tiag, ua li cas koj tsis muab nws tua kiag? Kuv yuav muab kaum daim nyiaj thiab ib txojsiv rau koj.”
¹²Tiamsis tus txivneej ntawd teb hais tias, “Txawm yog koj yuav muab ib txhiab daim nyiaj rau kuv los, kuv yuav tsis muab kuv tus ntiv tes mus tawmtsam vajntxwv tus tub lub cev li. Peb sawvdaws puavleej hnov vajntxwv tej lus hais rau koj, Anpisais thiab Ithais hais tias, ‘Yog nej hlub kuv, thov tsis txhob ua phem rau tus tub hluas Axaloos.’ ¹³Yog hais tias kuv tsis mloog vajntxwv lus, kuv muab Axaloos tua lawm, (vajntxwv yeej yuav paub xwb; rau qhov thaum nws hnov), koj yuav tsis pab kuv daws zaj no.”
¹⁴Yau-am teb hais tias, “Kuv tsis xav nkim sijhawm nrog koj hais ntxiv lawm.” Nws thiaj rho hlo nws peb rab hmuv nkaug kiag Axaloos hauv siab thaum uas Axaloos tseem tsis tau tuag thiab khuam ncuv saum tus nkhib ntoo qhib. ¹⁵Ces Yau-am cov tubrog kaum leej thiaj hla hlo mus rau ntawm Axaloos thiab muab nws loos tuag kiag lawm.
¹⁶Yau-am tshuab raj tshuab xyu kom tseg tsis txhob sib tua, cov tubrog thiaj tig rov qab los tsis caum cov Yixalayees ntxiv lawm. ¹⁷Lawv muab Axaloos lub cev txo los thiab kwv mus pov rau hauv ib lub qhov tob heev hauv hav zoov thiab muab pobzeb txhub lub qhov ntawd ua ib pawg cia. Tagnrho cov Yixalayees nyias thiaj khiav rov mus nyias tsev tas lawm.
¹⁸Thaum uas Axaloos tseem ua neej nyob, nws puab tau ib tug pejthuam rau hauv lub Hav Vajntxwv, cia ua chaw nco txog nws rau qhov nws tsis muaj tub los ris nws lub npe. Yog li ntawd, nws thiaj muab tus pejthuam ntawd hu raws li nws lub npe, thiab niaj hnub no tseem paub hais tias yog Axaloos tus pejthuam.

Qhia rau Daviv Hais Tias Axaloos Tuag

¹⁹Ces Xadaus tus tub Ahima-as thiaj thov Yau-am hais tias, “Cia kuv coj tej xov no mus qhia rau vajntxwv paub hais tias tus TSWV twb cawm nws dim ntawm nws cov yeebncuab lawm.”
²⁰Yau-am teb hais tias, “Tsis txhob mus, hnub no koj tsis txhob coj ib yam xov dabtsi mus qhia rau vajntxwv paub li. Lwm hnub tso koj mam li mus, rau qhov hnub no yog hnub uas vajntxwv tus tub tuag.” ²¹Yau-am hais rau nws tus tubqhe uas yog neeg Sudas hais tias, “Koj cia li mus qhia tej uas koj pom ntawd rau vajntxwv paub.” Tus tubqhe thiaj li nyo ntshis hawm thiab mus lawm. ²²Ahima-as pheej thov hais tias, “Txawm yog li cas los xij, thov cia kuv coj tej xov no mus qhia rau vajntxwv thiab.”
Yau-am nug hais tias, “Metub, vim li cas koj xav mus? Koj yeej yuav tsis tau nqi zog dabtsi li los sav!”
²³Ahima-as rov hais dua hais tias, “Txawm yog li cas los xij, kuv xav mus xwb.”
Yau-am teb hais tias, “Koj cia li mus.” Yog li ntawd, Ahima-as thiaj khiav taug txojkev uas mus rau nram lub Hav Yauladees thiab mus huas kiag tus qhev ntawd ntej lawm.
²⁴Daviv tabtom zaum ntawm lub roojvag nroog sab hauv thiab sab nraud kis nruab nrab. Tus tub fajxwm nce mus rau saum tus ntsa yeej thiab sawv saum roojvag saib mus rau tim ncaujke, nws pom ib tug txivneej khiav taug kev los. ²⁵Nws hu qhia rau vajntxwv, vajntxwv teb hais tias, “Yog nws tib leeg los xwb, ces yog nws coj xov zoo los ntag.” Tus txivneej ntawd khiav los ze zuj zus.
²⁶Tus tub fajxwm rov pom dua ib tug khiav los thiab, nws thiaj hu rau tus zov lub roojvag hais tias, “Ntsia tid saib, muaj dua ib tug txivneej khiav los thiab!”
Vajntxwv teb hais tias, “Tus ntawd los yog coj xov zoo los thiab.”
²⁷Tus fajxwm hais tias, “Kuv saib mas tus txivneej uas khiav ua ntej zoo li yog Ahima-as ntag.”
Vajntxwv hais tias, “Nws yog ib tug neeg zoo, nws thiaj coj xov zoo los.”
²⁸Ahima-as los txhos caug ntua rau ntawm vajntxwv xubntiag hawm thiab hais tias, “Vajntxwv, ua tus TSWV uas yog koj tus Vajtswv tsaug, nws twb pab koj yeej cov neeg uas ntxeev siab rau koj lawm.”
²⁹Vajntxwv nug hais tias, “Tus tub hluas Axaloos puas noj qab nyob zoo?”
Ahima-as teb hais tias, “Vajntxwv, thaum koj tus thawj tubrog Yau-am tso kuv los, kuv pom sawvdaws ntxhov siab kawg li, tiamsis kuv tsis muaj cuabkav qhia rau koj paub hais tias yog muaj xwm dabtsi.”
³⁰Vajntxwv hais tias, “Koj los ntawm no,” ces nws txawm txav zog mus sawv ntawd.
³¹Tus tubqhe uas yog neeg Sudas los txog thiab hais rau vajntxwv hais tias, “Vajntxwv, kuv muaj xov zoo yuav qhia rau koj! Hnub no tus TSWV twb pab koj yeej cov neeg uas ntxeev siab rau koj lawm!”
³²Vajntxwv nug hais tias, “Tus tub hluas Axaloos puas noj qab nyob zoo thiab?”
Tus tubqhe teb hais tias, “Kuv thov kom tej xwm txheej uas raug nws ntawd poob mus raug koj cov yeebncuab ib yam nkaus, thiab raug txhua tus uas ntxeev siab rau koj.”
³³Vajntxwv tu siab kawg li. Nws thiaj nce mus rau hauv chav uas nyob saum lub roojvag thiab mus quaj saud. Thaum nws tabtom nce mus nws quaj hais tias, “Kuv tus metub! Kuv tus tub Axaloos! Axaloos, kuv tus metub! Yog hloov tau cia kuv tuag hloov koj chaw, Axaloos! Kuv tus metub! Kuv tus tub!”