11
Cov Yixayee kws tseed tshuav nyob
1Kuv txawm nug tas, Vaajtswv muab nwg haiv tuabneeg tso tseg lawm lov? Tsw yog le ntawd. Kuv tug kheej kuv yeej yog haiv Yixayee, yog Aplahaa caaj ceg hab yog xeem Npeeyamee.
2Vaajtswv tsw tau muab haiv tuabneeg kws nwg xaiv ca lawd tso tseg. Mej tsw paub Vaajtswv phoo ntawv zaaj kws has txug Eliya lov? Nwg ywg cov Yixayee lub txem rua Vaajtswv tas,
3“Tug Tswv, puab tua cov xwbfwb cev koj le lug, puab muab koj tej thaaj xyeem rhuav pov tseg. Tsuas tshuav kuv tuab leeg xwb los puab tseed nrhav txuv kuv txujsa hab.”⚓
4Tassws Vaajtswv teb nwg le caag? “Kuv tseg xyaa txheeb leej ca rua kuv, yog cov kws tsw tau txhus caug pe daab Npa‑aa.”⚓
5Ib yaam le ntawd, naj nub nwgnuav tseed tshuav ib co nyob lawv le kws Vaajtswv txujkev hlub xaiv ca.
6Tassws yog xaiv lawv le txujkev hlub, mas tsw yog lawv le txujkev xyum lawm. Yog lawv le txujkev xyum mas txujkev hlub tsw yog tseem kev hlub lawm.
7Yog le ntawd yuav has le caag? Cov Yixayee tsw ntswb yaam kws puab nrhav. Cov kws Vaajtswv xaiv ca txhad ntswb, tassws dua le lwm tug ua lub sab tawv,
8lawv le kws muaj lug sau ca tas,
“Vaajtswv pub lub sab ruag qhwv,
lub qhov muag tsw pum kev,
hab lub qhov ntsej tsw nov lug rua puab
lug txug naj nub nwgnuav.”⚓
9Hab Tavi has tas,
“Thov ca puab lub rooj noj
ua yej ua ntxab cuab puab,
hab ua yaam kws puab dawm
hab yaam kws pauj rua puab.
10Thov kuas puab lub qhov muag tsaus
puab txhad tsw pum kev,
hab ua kuas puab lub duav khoov moog le.”⚓
Lwm haiv tuabneeg dim
11Kuv txhad nug tas cov Yixayee dawm qaug taag lov? Tsw yog le ntawd. Tassws qhov kws puab faav xeeb hov ua rua txujkev dim nthuav moog rua lwm haiv tuabneeg sub txhad ua rua cov Yixayee khib.
12Yog qhov kws puab faav xeeb hov ua rua taag nrho lub nplajteb tau koob moov nplua quas mag hab yog qhov kws puab nplaam lawm ua rua lwm haiv tuabneeg tau koob moov nplua quas mag, mas thaus cov Yixayee lug ntseeg txhwj lawm yuav yimfuab zoo dua.
13Kuv has rua mej cov kws yog lwm haiv tuabneeg. Vem kuv yog ib tug tubkhai rua lwm haiv tuabneeg, kuv txhad qhuas kuv teg num
14sub txhad ua rua kuv cov tuabneeg khib hab cawm tau puab qee leej dim.
15Yog qhov kws puab raug muab tso tseg lawm ua chaw rua lub nplajteb rov lug nrug Vaajtswv sws raug zoo, mas qhov kws Vaajtswv rov leeg yuav puab dua, mas yuav zoo le puab sawv huv qhov tuag rov lug los tsw yog?
16Yog thawj phaum moov kws muab xyeem, dawb huv lawm, taag nrho cov moov huvsw dawb huv hab. Yog tug caag dawb huv lawm tej ceg kuj dawb huv hab.
17Yog tej ceg ib txha raug muab txav lawm hab muab koj kws yog txwv aulib qus tug ntsuag lug txuas nyob cov ceg hov le chaw sub txhad koom tuab cov dej ntawm lub hauv paug txwv aulib nyeg lug yug,
18mas koj tsw xob khaav saib tsw taug cov ceg hov. Yog koj khaav, ca le ncu tas koj tsw tau yug tug caag, tassws tug caag yug koj.
19Koj yuav has tas, “Tej ceg raug muab txav pov tseg sub txhad muab kuv txuas rua huv.”
20Tseeb tag. Puab yeej raug muab txav vem puab tsw ntseeg, tassws koj nyob tau vem yog koj ntseeg. Yog le ntawd koj tsw xob khaav theeb, koj yuav tsum paub ntshai,
21tsua qhov yog Vaajtswv tsw tseg tej ceg nyeg hov nyob, nwg yeej yuav tsw tseg koj nyob ib yaam nkaus hab.
22Vem le nuav ca le tshuaj saib Vaajtswv txujkev hlub hab qhov kws nwg ua nruj ua tswv. Nwg ua nruj ua tswv rua cov kws dawm qaug, tassws nwg ua txujkev hlub tshwm rua koj, tsuav yog koj nyob huv nwg txujkev hlub hov moog le. Yog tsw ua le ntawd, koj yuav raug muab txav pov tseg hab.
23Hab cov Yixayee yog puab yeem tso qhov kws pheej tsw ntseeg tseg mas puab yuav raug muab rov txuas dua, tsua qhov Vaajtswv muaj fwjchim muab puab rov lug txuas dua tau hab.
24Yog koj raug muab txav ntawm tsob txwv aulib kws ib txwm yeej yog txwv aulib qus hab raug muab txuas rua huv tsob txwv aulib nyeg kws ib txwm tsw tau txuas dua le, mas qhov kws muab tej ceg kws ib txwm yog ceg nyeg txuas rua puab tsob txwv aulib nyeg kuj yimfuab yoojyim dua.
Cov Yixayee yuav dim
25Cov kwvtij 'e, kuv xaav kuas mej nkaag sab txug tej kws muab npog ca lawd, sub mej txhad tsw khaav tas mej txawj ntse. Cov Yixayee ua lub sab tawv ib ntus xwb moog txug thaus lwm haiv tuabneeg nkaag lug txhwj lawm,
26tes taag nrho cov Yixayee suavdawg kuj yuav dim, lawv le kws muaj lug sau ca has tas,
“Tug cawmseej yuav tuaj huv Xi‑oo tuaj,
nwg yuav rhuav tej kev phem
kuas pluj huv Yakhauj moog.”⚓
27“Nuav yog tej lug cog tseg kws kuv cog
rua thaus kuv daws puab lub txem.”⚓
28Has txug txuj xuv zoo mas puab ua yeeb ncuab rua Vaajtswv mej txhad tau qaabhau. Tassws has txug qhov kws xaiv ca lawd, puab yog cov kws Vaajtswv hlub vem yog saib rua puab tej laug.
29Tsua qhov Vaajtswv yeej tsw hloov sab rua tej kws nwg pub dawb hab qhov kws nwg hu lug.
30Yaav taag lug mej tsw noog Vaajtswv lug tassws nwgnuav mej tau Vaajtswv txujkev khuvleej vem yog tim cov Yixayee tsw noog lug.
31Ib yaam le ntawd puab cov hov kuj tsw noog lug sub nwgnuav puab txhad tau kev khuvleej vem yog Vaajtswv tub khuvleej mej lawm.
32Vaajtswv tub tu kuas tuabneeg txhua tug tsw noog lug sub nwg txhad khuvleej tau txhua tug.
33Au, Vaajtswv muaj txhua yaam nplua quas mag. Nwg tug tswvyim hab kev txawj ntse nyob tub kawg. Tej kws Vaajtswv txav sab mas paub tsw taag, hab nwg tej kev mas tshuaj tsw tau.
34“Leejtwg txawj paub tug Tswv lub sab
lossws leejtwg ua nwg lub chaw sablaaj?”⚓
35“Leejtwg pub ib yaam daabtsw rua Vaajtswv
kws Vaajtswv yuav tsum pauj rua nwg?”⚓
36Tsua qhov txhua yaam lug ntawm Vaajtswv lug hab muaj nyob huv nwg hab tswm lug rua nwg. Thov kuas nwg tau koob meej moog ib txhws. Amee.
11
以色列的余民
1那么，我要问，上帝弃绝了他的百姓吗？绝对没有！因为我也是以色列人，亚伯拉罕的后裔，属便雅悯支派的。
2上帝并没有弃绝他预先所知道的百姓。你们岂不知道经上论到以利亚是怎么说的呢？他在上帝面前怎样控告以色列人说：
3“主啊，他们杀了你的先知，拆了你的祭坛，只剩下我一个人，他们还要我的命。”
4但上帝的指示是怎么对他说的呢？他说：“我为自己留下七千人，是未曾向巴力屈膝的。”
5现在这时刻也是这样，照着出于恩典的拣选，还有所留的余数。
6既是靠恩典，就不凭行为，不然，恩典就不再是恩典了。
7那又怎么说呢？以色列人所寻求的，他们没有得着。但是蒙拣选的人得着了，其余的人却成了顽梗不化的。
8如经上所记：
“上帝给他们昏沉的灵，
眼睛看不见，
耳朵听不到，
直到今日。”
9大卫也说：
“愿他们的宴席变为罗网，变为陷阱，
变为绊脚石，作他们的报应。
10愿他们的眼睛昏花，看不见；
愿你时常弯下他们的腰。”
外邦人得救
11那么，我再问，他们失足是要他们跌倒吗？绝对不是！因他们的过犯，救恩反而临到外邦人，要激起他们嫉妒的心。
12如果他们的过犯成为世界的富足，他们的缺乏成为外邦人的富足，更何况他们全数得救呢？
13我对你们外邦人说，正因为我是外邦人的使徒，我敬重我的职分，
14希望可以激起我骨肉之亲的嫉妒，好救他们一些人。
15如果他们被丢弃，世界因而得以与上帝和好；他们被收纳，岂不就是从死人中复生吗？
16所献的新面若圣洁，整个面团都圣洁了；树根若圣洁，树枝也圣洁了。
17若有几根枝子被折下来，你这野橄榄枝接上去，同享橄榄根的肥汁，
18你就不可向旧枝子夸口；若是夸口，该知道不是你托着根，而是根托着你。
19你会说，那些枝子被折下来是为了使我接上去。
20不错。他们因为不信，所以被折下来；你因为信，所以立得住。你不可自高，反要战战兢兢。
21上帝既然不顾惜原来的枝子，岂会顾惜你？⚓
22可见，上帝又恩慈又严厉：对那跌倒的人是严厉的；对你是恩慈的，只要你长久在他的恩慈里，不然，你也要被砍下来。
23而且，他们若不是长久不信，仍要被接上，因为上帝能够重新把他们接上去。
24你是从那天生的野橄榄上砍下来的，尚且违反自然地接在好橄榄上，何况这些原来的枝子岂不更要接在原树上吗？
全以色列都将得救
25弟兄们，我不愿意你们不知道这奥秘，恐怕你们自以为聪明。这奥秘就是有一部分以色列人是硬心的，等到外邦人的数目添满了，
26以色列全家都要得救。如经上所记：
“必有一位救主从锡安出来，
要消除雅各家一切不虔不敬。”
27“这就是我与他们所立的约，
那时我要除去他们的罪。”
28就福音来说，他们为你们的缘故是仇敌；就拣选来说，他们因列祖的缘故是蒙爱的。
29因为上帝的恩赐和选召是不会撤回的。
30你们从前不顺服上帝，如今因他们的不顺服，你们倒蒙了怜悯。
31同样，他们现在也是不顺服，叫他们因着施给你们的怜悯，现在⚓也就蒙怜悯。
32因为上帝把众人都圈在不顺服中，为的是要怜悯众人。
33深哉，上帝的丰富、智慧和知识！
他的判断何其难测！
他的踪迹何其难寻！
34谁知道主的心？
谁作过他的谋士？
35谁先给了他，
使他后来偿还呢？
36因为万有都是本于他，
倚靠他，归于他。
愿荣耀归给他，直到永远。阿们！