1Yog le nuav, cov kwvtij, vem Vaajtswv txujkev khuvleej kuv txhad thov mej muab mej lub cev xyeem pub rua Vaajtswv, yog yaam kws xyeem caj sa hab dawb huv hab txaus Vaajtswv lub sab ua qhov kws mej saab ntsuj plig pe hawm Vaajtswv. 2Tsw xob yoog lawv le tej tuabneeg tam nuav ua. Mej yuav tsum txais kev hloov dua sab mej tej kev xaav txhad hloov dua tshab. Mas mej yuav paub tas Vaajtswv lub sab nyam le caag txhad paub tas yaam kws zoo hab yaam kws txaus nwg sab hab yaam kws zoo kawg nkaus. 3Kuv has rua mej txhua tug huv Vaajtswv txujkev hlub kws pub rua kuv lawm tas, mej tsw xob xaav tas mej tug kheej luj dhau le kws tswm nyog xaav, tassws mej yuav tsum ua tuab zoo xaav kuas phim qhov kws Vaajtswv pub txujkev ntseeg npaum le caag rua mej. 4Huv peb lub cev peb muaj ntau yaam hab txhua yaam ntawd tsw yog ua tuab yaam num xwb. 5Ib yaam le ntawd, peb muaj coob leej kuj koom ib lub cev huv Kheto hab ib leeg koom rua ib leeg. 6Peb txhua tug nyag muaj nyag tswvyim lawv le txujkev hlub kws Vaajtswv pub rua peb. Yog nwg pub kuas cev Vaajtswv lug, kuj ca le cev lawv le muaj kev ntseeg npaum le caag, 7tug txawj ua koom rua lwm tug, ca le ua koom, tug txawj qhuab qha ca le qhuab qha, 8tug txawj txhawb lwm tug tug zug ca le txhawb, tug txawj pub rua luas, ca le ua sab daav pub, tug txawj kaav ca le muab tsua sau sab kaav, tug txawj khuvleej luas ca le zoo sab hlo khuvleej. 9Ca le hlub tuaj nruab sab tag tag. Ca le ntxub yaam kws phem, tuav rawv yaam kws zoo. 10Ca le sws hlub le kwvtij sws hlub. Muab lwm tug saib hlub dua yug. 11Ca le rau sab ua num tsw xob qaug zug, ca le kub sab quas lug saab ntsuj plig⚓ ua koom rua tug Tswv. 12Ca le zoo sab xyiv faab rua huv txujkev vaam, ca le ua lub sab ntev thev kev txom nyem, hab thov Vaajtswv tsw tseg tsw tu le. 13Ca le pub rua cov xuv dawb kws tu pluag, hab ua sab daav txais qhua. 14Ca le foom koob moov rua cov kws tswm txom mej, ca le foom koob moov rua puab tsw xob tsawm foom le. 15Ca le nrug cov kws xyiv faab zoo sab xyiv faab, hab nrug cov kws quaj, quaj. 16Ca le koom ua ib lub sab, tsw xob tsaab ua luj, yuav tsum yeem koom nrug cov tuabneeg tsw tseem ceeb. Tsw xob xaav tas yug ntse dua. 17Tsw xob ua phem pauj phem rua leejtwg hlo le, tassws tsom ntsoov ua yaam kws suavdawg pum tas zoo. 18Yog ua tau mas koj yuav swv zug nrug luas nyob sws hum xeeb npaum le kws koj tug kheej ua tau. 19Mej cov kws kuv hlub, tsw xob sws pauj taub, ca le muab qhov nuav tso rua Vaajtswv txujkev npau tawg vem muaj lug sau ca has tas, “Qhov kws pauj taub yog kuv le feem, kuv yuav pauj. Tug Tswv has le nuav ntaag.”⚓20Tassws “Yog koj tug yeeb ncuab tshaib plaab ca le muab mov rua nwg noj, yog nwg nqhes dej ca le muab rua nwg haus, Yog koj ua le hov, koj yuav rauv ib cub thee cig quas plawg rua sau nwg taubhau.”⚓ 21Tsw xob ca kev phem kov yeej mej, tassws ca qhov zoo kov yeej qhov phem.
12
Lub neej tshiab
1Yog li no, cov kwvtij, vim Vajtswv txojkev khuvleej kuv thiaj thov nej muab nej lub cev xyeem pub rau Vajtswv, yog yam uas xyeem ciaj sia thiab dawb huv thiab txaus Vajtswv lub siab ua qhov uas nej sab ntsuj plig pe hawm Vajtswv. 2Tsis txhob yoog raws li tej neeg tiam no ua. Nej yuav tsum txais kev hloov dua siab nej tej kev xav thiaj hloov dua tshiab. Mas nej yuav paub tias Vajtswv lub siab nyiam li cas thiaj paub tias yam uas zoo thiab yam uas txaus nws siab thiab yam uas zoo kawg nkaus. 3Kuv hais rau nej txhua tus hauv Vajtswv txojkev hlub uas pub rau kuv lawm tias, nej tsis txhob xav tias nej tus kheej loj dhau li uas tsim nyog xav, tiamsis nej yuav tsum ua tib zoo xav kom phim qhov uas Vajtswv pub txojkev ntseeg npaum li cas rau nej. 4Hauv peb lub cev peb muaj ntau yam thiab txhua yam ntawd tsis yog ua tib yam haujlwm xwb. 5Ib yam li ntawd, peb muaj coob leej kuj koom ib lub cev hauv Khetos thiab ib leeg koom rau ib leeg. 6Peb txhua tus nyias muaj nyias tswvyim raws li txojkev hlub uas Vajtswv pub rau peb. Yog nws pub kom cev Vajtswv lus, kuj cia li cev raws li muaj kev ntseeg npaum li cas, 7tus txawj tu lwm tus, cia li ua koom, tus txawj qhuab qhia cia li qhuab qhia, 8tus txawj txhawb lwm tus lub zog cia li txhawb, tus txawj pub rau luag, cia li ua siab dav pub, tus txawj kav cia li muab siab rau kav, tus txawj khuvleej luag cia li zoo siab hlo khuvleej. 9Cia li hlub tuaj nruab siab tiag tiag. Cia li ntxub yam uas phem, tuav rawv yam uas zoo. 10Cia li sib hlub li kwvtij sib hlub. Muab lwm tus saib hlob dua yus. 11Cia li rau siab ua haujlwm tsis txhob qaug zog, cia li kub siab lug sab ntsuj plig⚓ ua koom tu tus Tswv. 12Cia li zoo siab xyiv fab rau hauv txojkev vam, cia li ua lub siab ntev thev kev txom nyem, thiab thov Vajtswv tsis tseg tsis tu li. 13Cia li pub rau cov xov dawb uas tu pluas, thiab ua siab dav txais qhua. 14Cia li foom koob hmoov rau cov uas tsim txom nej, cia li foom koob hmoov rau lawv tsis txhob tsawm foom li. 15Cia li nrog cov uas xyiv fab zoo siab xyiv fab, thiab nrog cov uas quaj, quaj. 16Cia li koom ua ib lub siab, tsis txhob tsab ua loj, yuav tsum yeem koom nrog cov neeg tsis tseem ceeb. Tsis txhob xav tias yus ntse dua. 17Tsis txhob ua phem pauj phem rau leejtwg kiag li, tiamsis tsom ntsoov ua yam uas sawvdaws pom tias zoo. 18Yog ua tau mas koj yuav siv zog nrog luag nyob sib hum xeeb npaum li uas koj tus kheej ua tau. 19Nej cov uas kuv hlub, tsis txhob sib pauj, cia li muab qhov no tso rau Vajtswv txojkev npau taws vim muaj lus sau cia hais tias, “Qhov uas ua pauj yog kuv li feem, kuv yuav pauj. Tus Tswv hais li no ntag.”⚓20Tiamsis “Yog koj tus yeeb ncuab tshaib plab cia li muab mov rau nws noj, yog nws nqhis dej cia li muab rau nws haus, Yog koj ua li ntawd, koj yuav rauv ib cub thee cig plaws rau saum nws taubhau.”⚓ 21Tsis txhob cia kev phem kov yeej nej, tiamsis cia qhov zoo kov yeej qhov phem.