12

Lub neej tshab

¹Yog le nuav, cov kwvtij, vem Vaajtswv txujkev khuvleej kuv txhad thov mej muab mej lub cev xyeem pub rua Vaajtswv, yog yaam kws xyeem caj sa hab dawb huv hab txaus Vaajtswv lub sab ua qhov kws mej saab ntsuj plig pe hawm Vaajtswv. ²Tsw xob yoog lawv le tej tuabneeg tam nuav ua. Mej yuav tsum txais kev hloov dua sab mej tej kev xaav txhad hloov dua tshab. Mas mej yuav paub tas Vaajtswv lub sab nyam le caag txhad paub tas yaam kws zoo hab yaam kws txaus nwg sab hab yaam kws zoo kawg nkaus.
³Kuv has rua mej txhua tug huv Vaajtswv txujkev hlub kws pub rua kuv lawm tas, mej tsw xob xaav tas mej tug kheej luj dhau le kws tswm nyog xaav, tassws mej yuav tsum ua tuab zoo xaav kuas phim qhov kws Vaajtswv pub txujkev ntseeg npaum le caag rua mej. ⁴Huv peb lub cev peb muaj ntau yaam hab txhua yaam ntawd tsw yog ua tuab yaam num xwb. ⁵Ib yaam le ntawd, peb muaj coob leej kuj koom ib lub cev huv Kheto hab ib leeg koom rua ib leeg. ⁶Peb txhua tug nyag muaj nyag tswvyim lawv le txujkev hlub kws Vaajtswv pub rua peb. Yog nwg pub kuas cev Vaajtswv lug, kuj ca le cev lawv le muaj kev ntseeg npaum le caag, ⁷tug txawj ua koom rua lwm tug, ca le ua koom, tug txawj qhuab qha ca le qhuab qha, ⁸tug txawj txhawb lwm tug tug zug ca le txhawb, tug txawj pub rua luas, ca le ua sab daav pub, tug txawj kaav ca le muab tsua sau sab kaav, tug txawj khuvleej luas ca le zoo sab hlo khuvleej.
⁹Ca le hlub tuaj nruab sab tag tag. Ca le ntxub yaam kws phem, tuav rawv yaam kws zoo. ¹⁰Ca le sws hlub le kwvtij sws hlub. Muab lwm tug saib hlub dua yug. ¹¹Ca le rau sab ua num tsw xob qaug zug, ca le kub sab quas lug saab ntsuj plig⚓ ua koom rua tug Tswv. ¹²Ca le zoo sab xyiv faab rua huv txujkev vaam, ca le ua lub sab ntev thev kev txom nyem, hab thov Vaajtswv tsw tseg tsw tu le. ¹³Ca le pub rua cov xuv dawb kws tu pluag, hab ua sab daav txais qhua.
¹⁴Ca le foom koob moov rua cov kws tswm txom mej, ca le foom koob moov rua puab tsw xob tsawm foom le. ¹⁵Ca le nrug cov kws xyiv faab zoo sab xyiv faab, hab nrug cov kws quaj, quaj. ¹⁶Ca le koom ua ib lub sab, tsw xob tsaab ua luj, yuav tsum yeem koom nrug cov tuabneeg tsw tseem ceeb. Tsw xob xaav tas yug ntse dua. ¹⁷Tsw xob ua phem pauj phem rua leejtwg hlo le, tassws tsom ntsoov ua yaam kws suavdawg pum tas zoo. ¹⁸Yog ua tau mas koj yuav swv zug nrug luas nyob sws hum xeeb npaum le kws koj tug kheej ua tau. ¹⁹Mej cov kws kuv hlub, tsw xob sws pauj taub, ca le muab qhov nuav tso rua Vaajtswv txujkev npau tawg vem muaj lug sau ca has tas, “Qhov kws pauj taub yog kuv le feem, kuv yuav pauj. Tug Tswv has le nuav ntaag.”⚓ ²⁰Tassws
“Yog koj tug yeeb ncuab tshaib plaab
ca le muab mov rua nwg noj,
yog nwg nqhes dej
ca le muab rua nwg haus,
Yog koj ua le hov, koj yuav rauv ib cub thee
cig quas plawg rua sau nwg taubhau.”⚓
²¹Tsw xob ca kev phem kov yeej mej, tassws ca qhov zoo kov yeej qhov phem.

12

基督里的新生活

¹所以，弟兄们，我以上帝的慈悲劝你们，将身体献上当作活祭，是圣洁的，是上帝所喜悦的，你们如此事奉乃是理所当然的⚓。 ²不要效法这个世界，只要心意更新而变化，叫你们察验何为上帝的善良、纯全、可喜悦的旨意。
³我凭着所赐我的恩对你们每一位说：不要把自己看得太高，要照着上帝所分给各人的信心来衡量，看得合乎中道。 ⁴正如我们一个身子上有好些肢体，肢体也不都有一样的用处。 ⁵这样，我们许多人在基督里是一个身体，互相联络作肢体。 ⁶按着所得的恩典，我们各有不同的恩赐：或说预言，要按着信心的程度说预言； ⁷或服事的，要专一服事；或教导的，要专一教导； ⁸或劝勉的，要专一劝勉；施舍的，要诚实；治理的，要殷勤；怜悯人的，要乐意。

基督徒的生活守则

⁹爱，不可虚假；恶，要厌恶；善，要亲近。 ¹⁰爱弟兄，要相亲相爱；恭敬人，要彼此推让； ¹¹殷勤，不可懒惰。要灵里火热；常常服侍主。 ¹²在盼望中要喜乐；在患难中要忍耐；祷告要恒切。 ¹³圣徒有缺乏，要供给；异乡客，要殷勤款待。 ¹⁴要祝福迫害你们⚓的，要祝福，不可诅咒。 ¹⁵要与喜乐的人同乐；要与哀哭的人同哭。 ¹⁶要彼此同心，不要心高气傲，倒要俯就卑微的人。不要自以为聪明。 ¹⁷不要以恶报恶，众人以为美的事要留心去做。 ¹⁸若是可行，总要尽力与众人和睦。 ¹⁹各位亲爱的，不要自己伸冤，宁可给主的愤怒留地步，因为经上记着：“主说：‘伸冤在我，我必报应。’” ²⁰不但如此，“你的仇敌若饿了，就给他吃；若渴了，就给他喝。因为你这样做，就是把炭火堆在他的头上。” ²¹不要被恶所胜，反要以善胜恶。