53
Neeg txojkev phem
(Nt.Nk. 14:1-7)
Sau rau tus thawj coj hu nkauj, raws li lub suab Mahala. Yog zaj nkauj Maxakhi⚓ uas Davi sau.
1Cov neeg ruam xav hauv lub siab tias,
“Tsis muaj Vajtswv.”
Lawv lub siab phem kawg li thiab lawv ua
tej kev txhaum uas qias vuab tsuab.
Tsis muaj ib tug twg ua zoo kiag li.
2Vajtswv saib saum ntuj tuaj
rau neeg ntiajteb,
saib yuav muaj ib tug twg
uas ntse thiab nrhiav Vajtswv.
3Lawv txhua tus kuj poob ntawm Vajtswv lawm,
thiab lawv lub siab phem tag huvsi
ib yam nkaus.
Tsis muaj ib tug ua zoo,
tsis muaj kiag li.
4Cov uas ua phem tsis paub li lov,
yog cov uas noj kuv haiv neeg
yam li noj ncuav,
thiab tsis taij thov Vajtswv li?
5Lawv yuav nyob ntshai kawg ua siab puas tsus,
ntshai heev dua li uas lawv txeev ntshai,
rau qhov Vajtswv ua rau cov neeg uas
tuaj ntaus nej tej pob txha dhia ri sua.
Nej ua rau lawv raug txaj muag
rau qhov Vajtswv twb tso lawv tseg lawm.
6Xav kom muaj kev cawm dim
tshwm hauv Xi‑oo tuaj rau cov Yixayee.
Thaum Vajtswv pub nws haiv neeg
rov vam meej li qub,
Yakhauj yuav xyiv fab,
Yixayee yuav zoo siab.
53
Tuabneeg txujkev phem
(Nt.Nk. 14:1-7)
Sau rua tug thawj coj hu nkauj, lawv le lub suab Mahala. Yog zaaj nkauj Maxakhi⚓ kws Tavi sau.
1Cov tuabneeg ruag xaav huv lub sab tas,
“Tsw muaj Vaajtswv.”
Puab lub sab phem kawg le hab puab ua
tej kev txhum kws qas vuab tsuab.
Tsw muaj ib tug twg ua zoo hlo le.
2Vaajtswv saib sau ntuj tuaj
rua tuabneeg nplajteb,
saib yuav muaj ib tug twg
kws ntse hab nrhav Vaajtswv.
3Puab txhua tug
kuj poob ntawm Vaajtswv lawm,
hab puab lub sab phem taag huvsw
ib yaam nkaus.
Tsw muaj ib tug ua zoo, tsw muaj hlo le.
4Cov kws ua phem tsw paub le lov, yog cov kws
noj kuv haiv tuabneeg yaam le noj ncuav,
hab tsw taij thov Vaajtswv le?
5Puab yuav nyob ntshai kawg ua sab puag tsug,
ntshai heev dua le kws puab txeev ntshai,
tsua qhov Vaajtswv ua rua cov tuabneeg kws
tuaj ntaus mej tej pob txhaa dha rw quas sua.
Mej ua rua puab raug txaaj muag
tsua qhov Vaajtswv tub tso puab tseg lawm.
6Xaav kuas muaj kev cawm dim
tshwm huv Xi‑oo tuaj rua cov Yixayee.
Thaus Vaajtswv pub nwg haiv tuabneeg
rov vaam meej le qub,
Yakhauj yuav xyiv faab,
Yixayee yuav zoo sab.