14
Yaunathaa tua cov Filixatee
1Muaj ib nub Yaunathaa kws yog Xa‑u tug tub has rua tug hluas kws nqaa nwg tej cuab yeej ua rog tas, “Ib ca le hlaa moog rua tim cov Filixatee paab tub rog kws zuv kev.” Tassws nwg tsw qha rua nwg txwv paub.
2Xa‑u tsuam chaw nyob ntawm ntug moos Kinpe‑a huv qaab tsob ntoo txwv ntsab pobkws huv lub moos Miloo. Cov tuabneeg kws nrug Xa‑u nyob kwvlaam muaj rau pua leej,
3hab Ahiya kws coj lub efauj⚓ kuj nrug Xa‑u nyob. Ahiya txwv yog Ahithu kws yog Ikhanpau tug tijlaug, nwg yawm yog Fineha, nwg yawm koob yog Eli kws ua Yawmsaub tug pov thawj huv lub moos Silau. Cov tub rog kuj tsw paub tas Yaunathaa moog lawm.
4Lub dawm kws Yaunathaa yuav hlaa moog rua cov Filixatee paab tub rog kws zuv kev muaj ib ntxwj zeb zuag zuag nyob saab nuav hu ua Npauxe hab ib ntxwj zeb nyob saab tid hu ua Xene.
5Ntxwj zeb saab peg tshwm ncaaj ntawm Mimaj hab ntxwj zeb saab nraag tshwm ncaaj ntawm lub moos Kenpa.
6Yaunathaa has rua tug hluas kws nqaa nwg tej cuab yeej tas, “Ib ca le hlaa moog rua ntawm paab tub rog kws yog cov tuabneeg tsw ua kevcai txav. Tej zag Yawmsaub yuav paab peb tsua qhov tsw muaj ib yaam daabtsw yuav taav tau qhov kws Yawmsaub cawm peb tsw has nwg swv tuabneeg coob los tsawg.”
7Tug kws nqaa nwg tej cuab yeej teb nwg tas, “Koj ca le ua txhua yaam kws koj lub sab xaav ua. Kuv nrug koj ua ke hab koj lub sab xaav le caag kuv lub sab kuj ua ib yaam le ntawd.”
8Tes Yaunathaa txawm has tas, “Ib yuav hlaa moog rua ntawm cov tuabneeg hov hab tshwm rua puab pum.
9Yog puab has rua ib tas, ‘Ca le nyob tog txug thaus peb tuaj txug meb,’ tes ib yuav nyob tuabywv ntawm lub chaw hab ib yuav tsw nce moog rua ntawm puab.
10Yog puab has tas, ‘Ca le nce tuaj rua ntawm peb,’ tes ib yuav nce moog. Qhov kws puab teb le hov yuav qha rua ib paub tas Yawmsaub tub muab puab cob rua huv ib txhais teg lawm.”
11Ob tug txhad tshwm rua cov Filixatee paab tub rog pum, mas cov Filixatee has tas, “Saib nawj, cov Henplais tawm huv qhov tswv nraim tshwm tuaj lawm.”
12Tes cov tub rog kws zuv kev hov txawm hu Yaunathaa hab tug kws nqaa nwg tej cuab yeej has tas, “Ca le nce tuaj rua ntawm peb mas peb yuav qha ib yaam daabtsw rua meb.” Yaunathaa txawm has rua tug kws nqaa nwg tej cuab yeej tas, “Ca le lawv kuv qaab lug, tsua qhov Yawmsaub tub muab puab cob rua huv cov Yixayee txhais teg lawm.”
13Tes Yaunathaa txawm nkaag nce moog hab tug kws nqaa nwg tej cuab yeej kuj lawv nwg qaab moog. Cov tuabneeg nuav txhad le tuag rua ntawm Yaunathaa txhais teg hab tug kws nqaa nwg tej cuab yeej kuj tua puab lawv qaab moog.
14Thawj zag kws Yaunathaa hab tug kws nqaa nwg tej cuab yeej tua puab hov mas tuag kwvlaam neeg nkaum leej. Thaaj chaw kws puab sws tua hov daav le ib nkawm nyuj laij teb ib taav su.
15Cov Filixatee suavdawg raag zum zawg tsw has huv lub yeej hab ib ncig lub yeej. Paab tub rog kws zuv kev hab cov tub rog kws moog lws tebchaws kuj ntshai tshee quas nyo. Aav kuj tseeg quas nkawg, ua rua muaj kev raag zum zawg luj heev.
16Xa‑u cov tub rog kws faaj xwm huv lub moos Kinpe‑a huv Npeeyamee tebchaws tsaa muag saib na cav pum cov Filixatee coob coob hov dha tswv ntxhuv quas nyo rua hov u hov nuav.
17Tes Xa‑u txawm has rua cov tuabneeg kws nrug nwg nyob tas, “Ca le suav saib leejtwg tawm ntawm peb moog lawm.” Thaus puab suav saib na cav Yaunathaa hab tug kws nqaa nwg tej cuab yeej tsw nyob ntawd.
18Xa‑u txawm has rua Ahiya tas, “Ca le coj Vaajtswv lub swb xaab⚓ lug ntawm nuav,” tsua qhov lub swjhawm ntawd Vaajtswv lub swb xaabv nyob huv cov Yixayee lawm.
19Thaus Xa‑u nrug tug pov thawj has lug txawm muaj suab nrov heev quas zug huv cov Filixatee lub yeej. Xa‑u txhad has rua tug pov thawj tas, “Ca le nkaum teg, tsw xob ua nug lawm.”
20Tes Xa‑u hab nwg cov tub rog txawm sau nthwv moog ntaus rog, ua cav cov Filixatee rov sws tua ua ntxhuv quas nyo sws chaab sws chaws.
21Cov Henplais kws tub moog nrug cov Filixatee nyob ua ntej lug lawm hab tuaj rua huv lub yeej hov, kuj tig lug koom nrug cov Yixayee kws yog Xa‑u hab Yaunathaa tog.
22Thaus cov Yixayee kws tswv nraim rua peg toj sab Efa‑i tebchaws tau nov tas cov Filixatee saamswm tswv, puab kuj lawv qaab moog ua rog rua hab.
23Nub ntawd Yawmsaub cawm cov Yixayee le nuav. Puab txhad ntaus rog moog dhau plhawv lub moos Npe‑avee.
24Nub hov cov Yixayee raug kev ceblaaj heev vem yog Xa‑u twv tseg rua cov tub rog tas, “Leejtwg noj mov ua ntej nub tsw tau poob qho hab ua ntej kws kuv tsw tau pauj taub kuv cov yeeb ncuab taag, ca tug hov raug foom tsw zoo.” Vem le nuav cov tub rog tsw noj mov hlo le.
25Cov tuabneeg suavdawg moog rua huv haav zoov mas muaj zwb ntaab nyob huv peg teb.
26Thaus cov tuabneeg moog rua huv haav zoov lawm mas pum zwb ntaab saamswm nrug, tassws tsw muaj leejtwg cev teg muab lug noj, vem yog ntshai tej lug kws twv tseg lawd.
27Tassws Yaunathaa tsw nov leej txwv tej lug kws nwg twv rua cov pejxeem. Nwg txhad muab tug hauv paas nreg kws nwg coj tshaum xub ntaab cev teg muab cov zwb lug noj, tes nwg qhov muag txhad kaaj tuaj.
28Muaj ib tug yawm has tas, “Koj txwv twv tseg rua cov tub rog tas, ‘Nub nua leejtwg noj mov yuav raug foom tsw zoo.’ Cov tuabneeg txhad tsaug leeg heev.”
29Yaunathaa txhad has tas, “Kuv txwv ua rua lub tebchaws raug kev ceblaaj. Swm saib kuv lub qhov muag tub kaaj lawm vem kuv tau noj mivntswv zwb ntaab.
30Yog nub nua cov tuabneeg tau noj tej kws txeeb tau ntawm yeeb ncuab lug mas yuav zoo dua ntau npaug, tsua qhov nwgnuav qhov kws tua cov Filixatee kuj tsw muaj ntau lawm.”
31Nub ntawd puab tua cov Filixatee ntawm Mimaj moog txug lub moos Aiyaloo. Mas cov tub rog tsaug leeg heev.
32Puab txhad dha moog muab tej kws txeeb tau lug, yog yaaj hab nyuj hab mivnyuas nyuj coj lug tua kag rua huv aav, noj hlo nqaj hab ntshaav ua ke.
33Mas luas txhad moog has rua Xa‑u tas, “Cov tuabneeg ua txhum rua Yawmsaub vem yog noj hlo nqaj hab ntshaav.” Mas Xa‑u has tas, “Mej ua tuabneeg faav xeeb lawm. Ca le dov ib lub pob zeb luj lug rua ntawm kuv nuav.”
34Hab Xa‑u has tas, “Ca le moog has thoob plawg rua cov tuabneeg tas, ‘Mej txhua tug yuav tsum coj mej tej nyuj tej yaaj lug tua rua sau lub pob zeb nuav noj. Tsw xob ua txhum rua Yawmsaub vem yog noj nqaj hab ntshaav.’ ” Mas mo ntawd txhua tug coj puab tej nyuj lug tua rua hov ntawd.
35Xa‑u ua ib lub thaaj xyeem rua Yawmsaub. Yog thawj lub thaaj kws nwg ua rua Yawmsaub.
36Tes Xa‑u has tas, “Peb ca le moog lawv cov Filixatee mo ntuj hab txeeb puab tej hov txhua chaw ib mos kaaj ntug. Peb tsw xob tseg ib tug dim sav le.” Cov tuabneeg teb tas, “Ca le ua lawv le koj pum zoo.” Tassws tug pov thawj has tas, “Ca peb lug ua nug rua Vaajtswv ntawm nuav tsaiv.”
37Tes Xa‑u txhad nug Vaajtswv tas, “Kuv yuav moog lawv cov Filixatee los tsw xob moog? Koj yuav muab puab cob rua huv cov Yixayee txhais teg los tsw muab?” Tassws nub hov Vaajtswv tsw teb Xa‑u.
38Xa‑u txhad has tas, “Mej suavdawg kws yog cov thawj, ca le lug ntawm nuav, mej ca le tshuaj saib yog vem le caag nub nua muaj lub txem nuav tshwm lug.
39Muaj Yawmsaub tug kws cawm cov Yixayee muaj txujsa nyob pum, txawm yog txujkev txhum nyob ntawm kuv tug tub Yaunathaa los nwg yeej yuav tuag xwb.” Tassws cov tuabneeg suavdawg hov tsw muaj ib tug teb nwg le.
40Tes Xa‑u txawm has rua cov Yixayee suavdawg tas, “Ca mej tuaj ib tog, mas kuv hab kuv tug tub Yaunathaa tuaj ib tog.” Mas cov pejxeem has rua Xa‑u tas, “Ca le ua lawv le koj pum zoo.”
41Ua le hov Xa‑u txhad thov has tas, “Au Yawmsaub kws yog cov Yixayee tug Vaajtswv, ua caag nub nua koj tsw teb kuv kws yog koj tug qhev? Yog lub txem nyob ntawm kuv hab kuv tug tub Yaunathaa, thov teb rua Uli, yog lub txem nyob ntawm cov Yixayee thov teb rua Thumi.”⚓ Tes Xa‑u hab Yaunathaa txhad yog tog kws ua txhum mas cov pejxeem dim.
42Tes Xa‑u txhad has tas, “Rov qaab saib Uli hab Thumi rua kuv hab kuv tug tub Yaunathaa.” Mas kev txhum poob rua Yaunathaa.
43Tes Xa‑u txhad has rua Yaunathaa tas, “Koj tau ua daabtsw lawm? Ca le has rua kuv saib.” Yaunathaa txhad has tas, “Kuv tau swm noj mivntswv zwb ntaab ntawm tug hauv paas nreg huv kuv txhais teg. Kuv nyob ntawm nuav, kuv yeem tuag.”
44Xa‑u txhad has tas, “Yog kuv tsw tua koj thov Vaajtswv ua nyaav dua hov rua kuv. Yaunathaa koj yuav tuag tag tag le.”
45Cov pejxeem has rua Xa‑u tas, “Tswm nyog Yaunathaa kws coj kev kov yeej luj kawg lug rua cov Yixayee tuag lov? Tsw xob ua le hov. Muaj Yawmsaub kws muaj txujsa nyob pum, tsw tseev nwg ib txuj plaubhau poob rua huv aav le, vem nub nua nwg tau koom nrug Vaajtswv ua rog.” Cov pejxeem txhad txhwv tau Yaunathaa nwg txhad tsw tuag.
46Tes Xa‑u txawm tsw lawv caum cov Filixatee lawm. Cov Filixatee rov moog rua puab qub teb qub chaw.
47Thaus Xa‑u tau ua vaajntxwv kaav cov Yixayee, nwg ua rog rua nwg cov yeeb ncuab rua txhua faab, yog ua rog rua Mau‑a hab Aamoo hab Entoo hab cov vaajntxwv huv Xaunpa tebchaws hab cov Filixatee. Nwg moog rua hovtwg kuj ntaus yeej hov ntawd.
48Nwg muaj sab luj sab tuab ua rog hab ntaus yeej cov Amalej hab cawm cov Yixayee dim huv cov kws tuaj lws puab txhais teg.
49Xa‑u le tub yog Yaunathaa, Isavi hab Makhisuva. Nwg ob tug ntxhais tug hlub hu ua Mela, tug yau hu ua Mikhaa.
50Xa‑u tug quaspuj hu ua Ahinau‑aa, nwg yog Ahima‑a tug ntxhais. Xa‑u tug thawj rog yog Anaw kws yog Naw tug tub, Naw yog Xa‑u yawm laug.
51Khij yog Xa‑u txwv, Naw yog Anaw txwv, Naw hab Khij yog Anpi‑ee le tub.
52Xa‑u swm neej mas muaj kev ua rog rua cov Filixatee luj heev. Thaus Xa‑u pum leejtwg muaj zug hab sab luj sab tuab nwg coj lug nrug nwg nyob ua nwg le tub txwb tub khai.
14
Yaunathas tua cov Filixatee
1Muaj ib hnub Yaunathas uas yog Xa‑u tus tub hais rau tus hluas uas nqa nws tej cuab yeej ua rog tias, “Wb cia li hla mus rau tim cov Filixatee pab tub rog uas zov kev.” Tiamsis nws tsis qhia rau nws txiv paub.
2Xa‑u tsuam chaw nyob ntawm ntug moos Kinpe‑a hauv tsob qab ntoo txiv ntsiav kws hauv lub moos Miloo. Cov neeg uas nrog Xa‑u nyob kwvlam muaj rau pua leej,
3thiab Ahiya uas coj lub efauj⚓ kuj nrog Xa‑u nyob. Ahiya txiv yog Ahithu uas yog Ikhanpau tus tijlaug, nws yawg yog Fineha, nws yawg koob yog Eli uas ua Yawmsaub tus pov thawj hauv lub moos Silau. Cov tub rog kuj tsis paub tias Yaunathas mus lawm.
4Lub dawm uas Yaunathas yuav hla mus rau cov Filixatee pab tub rog uas zov kev muaj ib ntxwj zeb zuag zuag nyob sab no hu ua Npauxe thiab ib ntxwj zeb nyob sab tid hu ua Xene.
5Ntxwj zeb sab ped tshwm ncaj ntawm Mimaj thiab ntxwj zeb sab nrad tshwm ncaj ntawm lub moos Kenpa.
6Yaunathas hais rau tus hluas uas nqa nws tej cuab yeej tias, “Wb cia li hla mus rau ntawm pab tub rog uas yog cov neeg tsis ua kevcai txiav. Tej zaum Yawmsaub yuav pab peb rau qhov tsis muaj ib yam dabtsi yuav tav tau qhov uas Yawmsaub cawm peb tsis hais nws siv neeg coob los tsawg.”
7Tus uas nqa nws tej cuab yeej teb nws tias, “Koj cia li ua txhua yam uas koj lub siab xav ua. Kuv nrog koj ua ke thiab koj lub siab xav li cas kuv lub siab kuj ua ib yam li ntawd.”
8Ces Yaunathas txawm hais tias, “Wb yuav hla mus rau ntawm cov neeg ntawd thiab tshwm rau lawv pom.
9Yog lawv hais rau wb tias, ‘Cia li nyob tos txog thaum peb tuaj txog neb,’ ces wb yuav nyob twjywm ntawm lub chaw thiab wb yuav tsis nce mus rau ntawm lawv.
10Yog lawv hais tias, ‘Cia li nce tuaj rau ntawm peb,’ ces wb yuav nce mus. Qhov uas lawv teb li ntawd yuav qhia rau wb paub tias Yawmsaub twb muab lawv cob rau hauv wb txhais tes lawm.”
11Ob tug thiaj tshwm rau cov Filixatee pab tub rog pom, mas cov Filixatee hais tias, “Saib nawj, cov Henplais tawm hauv qhov tsiv nraim tshwm tuaj lawm.”
12Ces cov tub rog uas zov kev ntawd txawm hu Yaunathas thiab tus uas nqa nws tej cuab yeej hais tias, “Cia li nce tuaj rau ntawm peb mas peb yuav qhia ib yam dabtsi rau neb.” Yaunathas txawm hais rau tus uas nqa nws tej cuab yeej tias, “Cia li raws kuv qab los, rau qhov Yawmsaub twb muab lawv cob rau hauv cov Yixayee txhais tes lawm.”
13Ces Yaunathas txawm nkag nce mus thiab tus uas nqa nws tej cuab yeej kuj raws nws qab mus. Cov neeg no thiaj li tuag rau ntawm Yaunathas txhais tes thiab tus uas nqa nws tej cuab yeej kuj tua lawv raws qab mus.
14Thawj zaug uas Yaunathas thiab tus uas nqa nws tej cuab yeej tua lawv ntawd mas tuag kwvlam nees nkaum leej. Thaj chaw uas lawv sib tua ntawd dav li ib nkawg nyuj laij teb ib tav su.
15Cov Filixatee sawvdaws ras zom zaws tsis hais hauv lub yeej thiab ib ncig lub yeej. Pab tub rog uas zov kev thiab cov tub rog uas mus lws tebchaws kuj ntshai tshee hnyo. Av kuj ntseeg nkaws, ua rau muaj kev ras zom zaws loj heev.
16Xa‑u cov tub rog uas faj xwm hauv lub moos Kinpe‑a hauv Npeeyamee tebchaws tsa muag ntsia ua ciav pom cov Filixatee coob coob ntawd dhia khiav ntxhov hnyo rau tom ub tom no.
17Ces Xa‑u txawm hais rau cov neeg uas nrog nws nyob tias, “Cia li suav saib leejtwg tawm ntawm peb mus lawm.” Thaum lawv suav saib ua ciav Yaunathas thiab tus uas nqa nws tej cuab yeej tsis nyob ntawd.
18Xa‑u txawm hais rau Ahiya tias, “Cia li coj Vajtswv lub phij xab⚓ los ntawm no,” rau qhov lub sijhawm ntawd Vajtswv lub phij xabv nyob hauv cov Yixayee lawm.
19Thaum Xa‑u nrog tus pov thawj hais lus txawm muaj suab nrov heev zuj zus hauv cov Filixatee lub yeej. Xa‑u thiaj hais rau tus pov thawj tias, “Cia li nkaum tes, tsis txhob ua nug lawm.”
20Ces Xa‑u thiab nws cov tub rog txawm sau nthwv mus ntaus rog, ua ciav cov Filixatee rov sib tua ua ntxhov hnyo sib chab sib chaws.
21Cov Henplais uas twb mus nrog cov Filixatee nyob ua ntej los lawm thiab tuaj rau hauv lub yeej ntawd, kuj tig los koom nrog cov Yixayee uas yog Xa‑u thiab Yaunathas tog.
22Thaum cov Yixayee uas tsiv nraim rau pem toj siab Efa‑i tebchaws tau hnov tias cov Filixatee tabtom khiav, lawv kuj caum qab mus ua rog rau thiab.
23Hnub ntawd Yawmsaub cawm cov Yixayee li no. Lawv thiaj ntaus rog mus dhau plaws lub moos Npe‑avee.
24Hnub ntawd cov Yixayee raug kev ceeblaj heev vim yog Xa‑u twv tseg rau cov tub rog tias, “Leejtwg noj mov ua ntej hnub tsis tau poob qho thiab ua ntej uas kuv tsis tau ua pauj rau kuv cov yeeb ncuab tag, cia tus ntawd raug foom tsis zoo.” Vim li no cov tub rog tsis noj mov kiag li.
25Cov neeg sawvdaws mus rau hauv hav zoov mas muaj zib ntab nyob hauv pem teb.
26Thaum cov neeg mus rau hauv hav zoov lawm mas pom zib ntab tabtom nrog, tiamsis tsis muaj leejtwg cev tes muab los noj, vim yog ntshai tej lus uas twv tseg lawd.
27Tiamsis Yaunathas tsis hnov leej txiv tej lus uas nws twv rau cov pejxeem. Nws thiaj muab tus hau pas nrig uas nws coj tshum xub ntab cev tes muab cov zib los noj, ces nws qhov muag thiaj kaj tuaj.
28Muaj ib tug yawg hais tias, “Koj txiv twv tseg rau cov tub rog tias, ‘Hnub no leejtwg noj mov yuav raug foom tsis zoo.’ Cov neeg thiaj tsaug leeg heev.”
29Yaunathas thiaj hais tias, “Kuv txiv ua rau lub tebchaws raug kev ceeblaj. Sim saib kuv lub qhov muag twb kaj lawm vim kuv tau noj mentsis zib ntab.
30Yog hnub no cov neeg tau noj tej uas txeeb tau ntawm yeeb ncuab los mas yuav zoo dua ntau npaug, rau qhov nimno qhov uas tua cov Filixatee kuj tsis muaj ntau lawm.”
31Hnub ntawd lawv tua cov Filixatee ntawm Mimaj mus txog lub moos Aiyaloo. Mas cov tub rog tsaug leeg heev.
32Lawv thiaj dhia mus muab tej uas txeeb tau los, yog yaj thiab nyuj thiab menyuam nyuj coj los tua kiag rau hauv av, noj kiag nqaij thiab ntshav ua ke.
33Mas luag thiaj mus hais rau Xa‑u tias, “Cov neeg ua txhaum rau Yawmsaub vim yog noj kiag nqaij thiab ntshav.” Mas Xa‑u hais tias, “Nej ua neeg fav xeeb lawm. Cia li dov ib lub pob zeb loj los rau ntawm kuv no.”
34Thiab Xa‑u hais tias, “Cia li mus hais thoob plaws rau cov neeg tias, ‘Nej txhua tus yuav tsum coj nej tej nyuj tej yaj los tua rau saum lub pob zeb no noj. Tsis txhob ua txhaum rau Yawmsaub vim yog noj nqaij thiab ntshav.’ ” Mas hmo ntawd txhua tus coj lawv tej nyuj los tua rau qhov ntawd.
35Xa‑u ua ib lub thaj xyeem rau Yawmsaub. Yog thawj lub thaj uas nws ua rau Yawmsaub.
36Ces Xa‑u hais tias, “Peb cia li mus caum cov Filixatee hmo ntuj thiab txeeb lawv tej qhov txhia chaw ib hmos kaj ntug. Peb tsis txhob tseg ib tug dim siav li.” Cov neeg teb tias, “Cia li ua raws li koj pom zoo.” Tiamsis tus pov thawj hais tias, “Cia peb los ua nug rau Vajtswv ntawm no tso.”
37Ces Xa‑u thiaj nug Vajtswv tias, “Kuv yuav mus caum cov Filixatee los tsis txhob mus? Koj yuav muab lawv cob rau hauv cov Yixayee txhais tes los tsis muab?” Tiamsis hnub ntawd Vajtswv tsis teb Xa‑u.
38Xa‑u thiaj hais tias, “Nej sawvdaws uas yog cov thawj, cia li los ntawm no, nej cia li tshuaj saib yog vim li cas hnub no muaj lub txim no tshwm los.
39Muaj Yawmsaub tus uas cawm cov Yixayee muaj txojsia nyob pom, txawm yog txojkev txhaum nyob ntawm kuv tus tub Yaunathas los nws yeej yuav tuag xwb.” Tiamsis cov neeg sawvdaws ntawd tsis muaj ib tug teb nws li.
40Ces Xa‑u txawm hais rau cov Yixayee sawvdaws tias, “Cia nej tuaj ib tog, mas kuv thiab kuv tus tub Yaunathas tuaj ib tog.” Mas cov pejxeem hais rau Xa‑u tias, “Cia li ua raws li koj pom zoo.”
41Ua li ntawd Xa‑u thiaj thov hais tias, “Au Yawmsaub uas yog cov Yixayee tus Vajtswv, ua cas hnub no koj tsis teb kuv uas yog koj tus qhev? Yog lub txim nyob ntawm kuv thiab kuv tus tub Yaunathas, thov teb rau Uli, yog lub txim nyob ntawm cov Yixayee thov teb rau Thumi.”⚓ Ces Xa‑u thiab Yaunathas thiaj yog tog uas ua txhaum mas cov pejxeem dim.
42Ces Xa‑u thiaj hais tias, “Rov qab saib Uli thiab Thumi rau kuv thiab kuv tus tub Yaunathas.” Mas kev txhaum poob rau Yaunathas.
43Ces Xa‑u thiaj hais rau Yaunathas tias, “Koj tau ua dabtsi lawm? Cia li hais rau kuv saib.” Yaunathas thiaj hais tias, “Kuv tau sim noj mentsis zib ntab ntawm tus hau pas nrig hauv kuv txhais tes. Kuv nyob ntawm no, kuv yeem tuag.”
44Xa‑u thiaj hais tias, “Yog kuv tsis tua koj thov Vajtswv ua hnyav dua ntawd rau kuv. Yaunathas koj yuav tuag tiag tiag li.”
45Cov pejxeem hais rau Xa‑u tias, “Tsim nyog Yaunathas uas coj kev kov yeej loj kawg los rau cov Yixayee tuag lov? Tsis txhob ua li ntawd. Muaj Yawmsaub uas muaj txojsia nyob pom, tsis tseev nws ib txoj plaubhau poob rau hauv av li, vim hnub no nws tau koom nrog Vajtswv ua rog.” Cov pejxeem thiaj txhiv tau Yaunathas nws thiaj tsis tuag.
46Ces Xa‑u txawm tsis raws caum cov Filixatee lawm. Cov Filixatee rov mus rau lawv qub teb qub chaw.
47Thaum Xa‑u tau ua vajntxwv kav cov Yixayee, nws ua rog rau nws cov yeeb ncuab rau txhua fab, yog ua rog rau Mau‑a thiab Asmoo thiab Edoo thiab cov vajntxwv hauv Xaunpa tebchaws thiab cov Filixatee. Nws mus rau qhovtwg kuj ntaus yeej qhov ntawd.
48Nws muaj siab loj siab tuab ua rog thiab ntaus yeej cov Amalej thiab cawm cov Yixayee dim hauv cov uas tuaj lws lawv txhais tes.
49Xa‑u li tub yog Yaunathas, Isavi thiab Makhisuva. Nws ob tug ntxhais tus hlob hu ua Mela, tus yau hu ua Mikhas.
50Xa‑u tus pojniam hu ua Ahinau‑as, nws yog Ahima‑a tus ntxhais. Xa‑u tus thawj rog yog Anaw uas yog Naw tus tub, Naw yog Xa‑u yawg laus.
51Khij yog Xa‑u txiv, Naw yog Anaw txiv, Naw thiab Khij yog Anpi‑ee li tub.
52Xa‑u sim neej mas muaj kev ua rog rau cov Filixatee loj heev. Thaum Xa‑u pom leejtwg muaj zog thiab siab loj siab tuab nws coj los nrog nws nyob ua nws li tubtxib tub khai.