14

Yaunathaa tua cov Filixatee

¹Muaj ib nub Yaunathaa kws yog Xa‑u tug tub has rua tug hluas kws nqaa nwg tej cuab yeej ua rog tas, “Ib ca le hlaa moog rua tim cov Filixatee paab tub rog kws zuv kev.” Tassws nwg tsw qha rua nwg txwv paub. ²Xa‑u tsuam chaw nyob ntawm ntug moos Kinpe‑a huv qaab tsob ntoo txwv ntsab pobkws huv lub moos Miloo. Cov tuabneeg kws nrug Xa‑u nyob kwvlaam muaj rau pua leej, ³hab Ahiya kws coj lub efauj⚓ kuj nrug Xa‑u nyob. Ahiya txwv yog Ahithu kws yog Ikhanpau tug tijlaug, nwg yawm yog Fineha, nwg yawm koob yog Eli kws ua Yawmsaub tug pov thawj huv lub moos Silau. Cov tub rog kuj tsw paub tas Yaunathaa moog lawm. ⁴Lub dawm kws Yaunathaa yuav hlaa moog rua cov Filixatee paab tub rog kws zuv kev muaj ib ntxwj zeb zuag zuag nyob saab nuav hu ua Npauxe hab ib ntxwj zeb nyob saab tid hu ua Xene. ⁵Ntxwj zeb saab peg tshwm ncaaj ntawm Mimaj hab ntxwj zeb saab nraag tshwm ncaaj ntawm lub moos Kenpa.
⁶Yaunathaa has rua tug hluas kws nqaa nwg tej cuab yeej tas, “Ib ca le hlaa moog rua ntawm paab tub rog kws yog cov tuabneeg tsw ua kevcai txav. Tej zag Yawmsaub yuav paab peb tsua qhov tsw muaj ib yaam daabtsw yuav taav tau qhov kws Yawmsaub cawm peb tsw has nwg swv tuabneeg coob los tsawg.” ⁷Tug kws nqaa nwg tej cuab yeej teb nwg tas, “Koj ca le ua txhua yaam kws koj lub sab xaav ua. Kuv nrug koj ua ke hab koj lub sab xaav le caag kuv lub sab kuj ua ib yaam le ntawd.” ⁸Tes Yaunathaa txawm has tas, “Ib yuav hlaa moog rua ntawm cov tuabneeg hov hab tshwm rua puab pum. ⁹Yog puab has rua ib tas, ‘Ca le nyob tog txug thaus peb tuaj txug meb,’ tes ib yuav nyob tuabywv ntawm lub chaw hab ib yuav tsw nce moog rua ntawm puab. ¹⁰Yog puab has tas, ‘Ca le nce tuaj rua ntawm peb,’ tes ib yuav nce moog. Qhov kws puab teb le hov yuav qha rua ib paub tas Yawmsaub tub muab puab cob rua huv ib txhais teg lawm.” ¹¹Ob tug txhad tshwm rua cov Filixatee paab tub rog pum, mas cov Filixatee has tas, “Saib nawj, cov Henplais tawm huv qhov tswv nraim tshwm tuaj lawm.” ¹²Tes cov tub rog kws zuv kev hov txawm hu Yaunathaa hab tug kws nqaa nwg tej cuab yeej has tas, “Ca le nce tuaj rua ntawm peb mas peb yuav qha ib yaam daabtsw rua meb.” Yaunathaa txawm has rua tug kws nqaa nwg tej cuab yeej tas, “Ca le lawv kuv qaab lug, tsua qhov Yawmsaub tub muab puab cob rua huv cov Yixayee txhais teg lawm.” ¹³Tes Yaunathaa txawm nkaag nce moog hab tug kws nqaa nwg tej cuab yeej kuj lawv nwg qaab moog. Cov tuabneeg nuav txhad le tuag rua ntawm Yaunathaa txhais teg hab tug kws nqaa nwg tej cuab yeej kuj tua puab lawv qaab moog. ¹⁴Thawj zag kws Yaunathaa hab tug kws nqaa nwg tej cuab yeej tua puab hov mas tuag kwvlaam neeg nkaum leej. Thaaj chaw kws puab sws tua hov daav le ib nkawm nyuj laij teb ib taav su. ¹⁵Cov Filixatee suavdawg raag zum zawg tsw has huv lub yeej hab ib ncig lub yeej. Paab tub rog kws zuv kev hab cov tub rog kws moog lws tebchaws kuj ntshai tshee quas nyo. Aav kuj tseeg quas nkawg, ua rua muaj kev raag zum zawg luj heev.
¹⁶Xa‑u cov tub rog kws faaj xwm huv lub moos Kinpe‑a huv Npeeyamee tebchaws tsaa muag saib na cav pum cov Filixatee coob coob hov dha tswv ntxhuv quas nyo rua hov u hov nuav. ¹⁷Tes Xa‑u txawm has rua cov tuabneeg kws nrug nwg nyob tas, “Ca le suav saib leejtwg tawm ntawm peb moog lawm.” Thaus puab suav saib na cav Yaunathaa hab tug kws nqaa nwg tej cuab yeej tsw nyob ntawd. ¹⁸Xa‑u txawm has rua Ahiya tas, “Ca le coj Vaajtswv lub swb xaab⚓ lug ntawm nuav,” tsua qhov lub swjhawm ntawd Vaajtswv lub swb xaab^v nyob huv cov Yixayee lawm. ¹⁹Thaus Xa‑u nrug tug pov thawj has lug txawm muaj suab nrov heev quas zug huv cov Filixatee lub yeej. Xa‑u txhad has rua tug pov thawj tas, “Ca le nkaum teg, tsw xob ua nug lawm.” ²⁰Tes Xa‑u hab nwg cov tub rog txawm sau nthwv moog ntaus rog, ua cav cov Filixatee rov sws tua ua ntxhuv quas nyo sws chaab sws chaws. ²¹Cov Henplais kws tub moog nrug cov Filixatee nyob ua ntej lug lawm hab tuaj rua huv lub yeej hov, kuj tig lug koom nrug cov Yixayee kws yog Xa‑u hab Yaunathaa tog. ²²Thaus cov Yixayee kws tswv nraim rua peg toj sab Efa‑i tebchaws tau nov tas cov Filixatee saamswm tswv, puab kuj lawv qaab moog ua rog rua hab. ²³Nub ntawd Yawmsaub cawm cov Yixayee le nuav. Puab txhad ntaus rog moog dhau plhawv lub moos Npe‑avee.
²⁴Nub hov cov Yixayee raug kev ceblaaj heev vem yog Xa‑u twv tseg rua cov tub rog tas, “Leejtwg noj mov ua ntej nub tsw tau poob qho hab ua ntej kws kuv tsw tau pauj taub kuv cov yeeb ncuab taag, ca tug hov raug foom tsw zoo.” Vem le nuav cov tub rog tsw noj mov hlo le. ²⁵Cov tuabneeg suavdawg moog rua huv haav zoov mas muaj zwb ntaab nyob huv peg teb. ²⁶Thaus cov tuabneeg moog rua huv haav zoov lawm mas pum zwb ntaab saamswm nrug, tassws tsw muaj leejtwg cev teg muab lug noj, vem yog ntshai tej lug kws twv tseg lawd. ²⁷Tassws Yaunathaa tsw nov leej txwv tej lug kws nwg twv rua cov pejxeem. Nwg txhad muab tug hauv paas nreg kws nwg coj tshaum xub ntaab cev teg muab cov zwb lug noj, tes nwg qhov muag txhad kaaj tuaj. ²⁸Muaj ib tug yawm has tas, “Koj txwv twv tseg rua cov tub rog tas, ‘Nub nua leejtwg noj mov yuav raug foom tsw zoo.’ Cov tuabneeg txhad tsaug leeg heev.” ²⁹Yaunathaa txhad has tas, “Kuv txwv ua rua lub tebchaws raug kev ceblaaj. Swm saib kuv lub qhov muag tub kaaj lawm vem kuv tau noj mivntswv zwb ntaab. ³⁰Yog nub nua cov tuabneeg tau noj tej kws txeeb tau ntawm yeeb ncuab lug mas yuav zoo dua ntau npaug, tsua qhov nwgnuav qhov kws tua cov Filixatee kuj tsw muaj ntau lawm.”
³¹Nub ntawd puab tua cov Filixatee ntawm Mimaj moog txug lub moos Aiyaloo. Mas cov tub rog tsaug leeg heev. ³²Puab txhad dha moog muab tej kws txeeb tau lug, yog yaaj hab nyuj hab mivnyuas nyuj coj lug tua kag rua huv aav, noj hlo nqaj hab ntshaav ua ke. ³³Mas luas txhad moog has rua Xa‑u tas, “Cov tuabneeg ua txhum rua Yawmsaub vem yog noj hlo nqaj hab ntshaav.” Mas Xa‑u has tas, “Mej ua tuabneeg faav xeeb lawm. Ca le dov ib lub pob zeb luj lug rua ntawm kuv nuav.” ³⁴Hab Xa‑u has tas, “Ca le moog has thoob plawg rua cov tuabneeg tas, ‘Mej txhua tug yuav tsum coj mej tej nyuj tej yaaj lug tua rua sau lub pob zeb nuav noj. Tsw xob ua txhum rua Yawmsaub vem yog noj nqaj hab ntshaav.’ ” Mas mo ntawd txhua tug coj puab tej nyuj lug tua rua hov ntawd. ³⁵Xa‑u ua ib lub thaaj xyeem rua Yawmsaub. Yog thawj lub thaaj kws nwg ua rua Yawmsaub.
³⁶Tes Xa‑u has tas, “Peb ca le moog lawv cov Filixatee mo ntuj hab txeeb puab tej hov txhua chaw ib mos kaaj ntug. Peb tsw xob tseg ib tug dim sav le.” Cov tuabneeg teb tas, “Ca le ua lawv le koj pum zoo.” Tassws tug pov thawj has tas, “Ca peb lug ua nug rua Vaajtswv ntawm nuav tsaiv.” ³⁷Tes Xa‑u txhad nug Vaajtswv tas, “Kuv yuav moog lawv cov Filixatee los tsw xob moog? Koj yuav muab puab cob rua huv cov Yixayee txhais teg los tsw muab?” Tassws nub hov Vaajtswv tsw teb Xa‑u. ³⁸Xa‑u txhad has tas, “Mej suavdawg kws yog cov thawj, ca le lug ntawm nuav, mej ca le tshuaj saib yog vem le caag nub nua muaj lub txem nuav tshwm lug. ³⁹Muaj Yawmsaub tug kws cawm cov Yixayee muaj txujsa nyob pum, txawm yog txujkev txhum nyob ntawm kuv tug tub Yaunathaa los nwg yeej yuav tuag xwb.” Tassws cov tuabneeg suavdawg hov tsw muaj ib tug teb nwg le. ⁴⁰Tes Xa‑u txawm has rua cov Yixayee suavdawg tas, “Ca mej tuaj ib tog, mas kuv hab kuv tug tub Yaunathaa tuaj ib tog.” Mas cov pejxeem has rua Xa‑u tas, “Ca le ua lawv le koj pum zoo.” ⁴¹Ua le hov Xa‑u txhad thov has tas, “Au Yawmsaub kws yog cov Yixayee tug Vaajtswv, ua caag nub nua koj tsw teb kuv kws yog koj tug qhev? Yog lub txem nyob ntawm kuv hab kuv tug tub Yaunathaa, thov teb rua Uli, yog lub txem nyob ntawm cov Yixayee thov teb rua Thumi.”⚓ Tes Xa‑u hab Yaunathaa txhad yog tog kws ua txhum mas cov pejxeem dim. ⁴²Tes Xa‑u txhad has tas, “Rov qaab saib Uli hab Thumi rua kuv hab kuv tug tub Yaunathaa.” Mas kev txhum poob rua Yaunathaa.
⁴³Tes Xa‑u txhad has rua Yaunathaa tas, “Koj tau ua daabtsw lawm? Ca le has rua kuv saib.” Yaunathaa txhad has tas, “Kuv tau swm noj mivntswv zwb ntaab ntawm tug hauv paas nreg huv kuv txhais teg. Kuv nyob ntawm nuav, kuv yeem tuag.” ⁴⁴Xa‑u txhad has tas, “Yog kuv tsw tua koj thov Vaajtswv ua nyaav dua hov rua kuv. Yaunathaa koj yuav tuag tag tag le.” ⁴⁵Cov pejxeem has rua Xa‑u tas, “Tswm nyog Yaunathaa kws coj kev kov yeej luj kawg lug rua cov Yixayee tuag lov? Tsw xob ua le hov. Muaj Yawmsaub kws muaj txujsa nyob pum, tsw tseev nwg ib txuj plaubhau poob rua huv aav le, vem nub nua nwg tau koom nrug Vaajtswv ua rog.” Cov pejxeem txhad txhwv tau Yaunathaa nwg txhad tsw tuag. ⁴⁶Tes Xa‑u txawm tsw lawv caum cov Filixatee lawm. Cov Filixatee rov moog rua puab qub teb qub chaw.
⁴⁷Thaus Xa‑u tau ua vaajntxwv kaav cov Yixayee, nwg ua rog rua nwg cov yeeb ncuab rua txhua faab, yog ua rog rua Mau‑a hab Aamoo hab Entoo hab cov vaajntxwv huv Xaunpa tebchaws hab cov Filixatee. Nwg moog rua hovtwg kuj ntaus yeej hov ntawd. ⁴⁸Nwg muaj sab luj sab tuab ua rog hab ntaus yeej cov Amalej hab cawm cov Yixayee dim huv cov kws tuaj lws puab txhais teg.
⁴⁹Xa‑u le tub yog Yaunathaa, Isavi hab Makhisuva. Nwg ob tug ntxhais tug hlub hu ua Mela, tug yau hu ua Mikhaa. ⁵⁰Xa‑u tug quaspuj hu ua Ahinau‑aa, nwg yog Ahima‑a tug ntxhais. Xa‑u tug thawj rog yog Anaw kws yog Naw tug tub, Naw yog Xa‑u yawm laug. ⁵¹Khij yog Xa‑u txwv, Naw yog Anaw txwv, Naw hab Khij yog Anpi‑ee le tub.
⁵²Xa‑u swm neej mas muaj kev ua rog rua cov Filixatee luj heev. Thaus Xa‑u pum leejtwg muaj zug hab sab luj sab tuab nwg coj lug nrug nwg nyob ua nwg le tub txwb tub khai.

14

Yaunathas Tua Cov Filitees

¹Muaj ib hnub Yaunathas hais rau tus tub hluas uas nqa nws rab ntaj thiab rab hmuv hais tias, “Wb mus hauv cov Filitees lub yeej.” Tiamsis Yaunathas tsis qhia rau Xa-ules tus uas yog nws txiv paub ²ntawm tsob qab ntoo txiv ntsiavkws ntawm lub nroog Minkeloos uas nyob tsis deb ntawm lub nroog Nkinpe-as; Xa-ules cov tubrog muaj kwvlam li rau pua leej. ( ³Tus povthawj uas hnav lub tsho efaus yog Ahiyas uas yog Ahitus tus tijlaug Ikhanpaus tus tub, Ikhanpaus thiab Ahitus yog Finehas tub thiab yog Elis xeebntxwv, Elis yog tus povthawj uas ua tus TSWV tes haujlwm nyob hauv lub nroog Silaus.) Cov tubrog tsis paub hais tias, Yaunathas twb mus lawm.
⁴Ntawm lub Dawm Mikemas uas Yaunathas nkawd hla mus rau ntawm cov Filitees lub yeej muaj ob tug ncej zeb loj ntse zuag plias, ib tug nyob ib sab kev: ib tug hu ua Npauxes thiab ib tug hu ua Xenes. ⁵Tus uas nyob sab ped tig mus rau lub nroog Mikemas thiab tus uas nyob sab nrad tig mus rau nram lub nroog Nkenpas.
⁶Yaunathas hais rau tus tub hluas hais tias, “Wb cia li hla mus rau tom cov Filitees uas tsis ua kevcai txiav lub yeej. Tej zaum tus TSWV yuav pab wb; yog nws pab wb, yeej tsis muaj dabtsi yuav txwv tau nws kom tsis pub wb yeej li. Txawm yog wb ob leeg xwb los wb yuav kovyeej.”
⁷Tus tub hluas teb hais tias, “Koj ua dabtsi kuv nrog koj ua, koj mus qhov twg kuv nrog koj mus.”
⁸Yaunathas teb hais tias, “Zoo heev, wb cia li mus kom cov Filitees pom wb. ⁹Yog lawv hu kom wb tos lawv tuaj cuag wb, wb cia li nyob twjywm tos. ¹⁰Tiamsis yog lawv kom wb mus cuag lawv, wb cia li mus, rau qhov tej ntawd yuav yog lub cim qhia rau wb paub hais tias, tus TSWV twb muab lawv cob rau wb tes lawm.”
¹¹Yog li ntawd, Yaunathas thiab tus hluas txawm tawm mus rau cov Filitees pom, thiab cov Filitees hais tias, “Nej ntsia tid saib! Cov Henplais muaj qee leej tawm hauv tej qhov av uas lawv nkaum los lawm tiag!” ¹²Cov Filitees txawm hu Yaunathas thiab tus tub hluas hais tias, “Neb cia li los ntawm no! Peb yuav qhia dabtsi rau neb!”
Yaunathas hais rau tus tub hluas tias, “Koj cia li raws kuv qab. Tus TSWV twb pub peb cov Yixalayees kovyeej lawv lawm.” ¹³Yaunathas txawm nkag ua ntej thiab tus tub hluas nkag raws nws qab. Yaunathas ntaus cov Filitees ntog rau hauv av, ces tus tub hluas cia li khaws tua xwb. ¹⁴Thawj zaug no Yaunathas thiab tus tub hluas tua cov Filitees tuag kwvlam li nees nkaum leej. Thaj chaw uas lawv sib ntaus sib tua lwj ntsuav ntawd dav li ob zeg liaj, ¹⁵Cov Filitees, tsis hais cov uas nyob hauv tiaj, cov tubrog uas nyob hauv yeej, thiab cov tubrog uas pheej nyas tuaj tua cov Yixalayees, puavleej ntshai kawg li; av txawm qeeg ua zog koog ua rau cov Filitees ntshai thiab yoob tas.

Cov Filitees Swb

¹⁶Xa-ules cov tubrog uas zov lub nroog Nkinpe-as hauv xeem Npeenyamees cheebtsam av pom cov Filitees khiav zom zaws rau txhua qhov. ¹⁷Yog li ntawd, Xa-ules hais rau nws cov tubrog hais tias, “Nej cia li txheeb peb cov tubrog saib leejtwg tsis nyob hauv yeej lawm.” Thaum lawv txheeb, lawv tsis pom Yaunathas thiab tus tub hluas uas nqa Yaunathas rab ntaj thiab rab hmuv lawm. ¹⁸Xa-ules hais rau tus povthawj Ahiyas hais tias, “Koj cia li nqa lub efaus los ntawm no.” (Hnub ntawd Ahiyas yog tus nqa lub efaus ua cov Yixalayees ntej.) ¹⁹Thaum Xa-ules tseem hais rau tus povthawj, cov tubrog Filitees uas nyob hauv yeej yimhuab ua ntxhov quav niab. Yog li ntawd, Xa-ules thiaj hais rau tus povthawj Ahiyas hais tias, “Tsis muaj sijhawm nug tus TSWV lawm!” ²⁰Xa-ules thiab nws cov tubrog thiaj dhia mus tua cov Filitees uas lawv tabtom rov sib ntaus sib tua ntxhov hnyo ntawd. ²¹Cov Henplais qee leej uas tuaj cov Filitees tog thiab nrog cov Filitees nyob hauv lub yeej ntawd, lawv txawm hloov siab rov los tuaj Xa-ules thiab Yaunathas tog tua cov Filitees. ²²Cov Henplais uas khiav mus nkaum pem tej roob hauv tebchaws Efalayees hnov hais tias cov Filitees tabtom swb thiab khiav zom zaws lawm, lawv txawm sau nthwv tuaj pab Xa-ules tua cov Filitees ²³mus dhau plaws lub nroog Npethavees. Hnub ntawd tus TSWV pab cov Yixalayees dim.

Yaunathas Noj Zib Ntab

²⁴Hnub ntawd, cov Yixalayees tshaib plab thiab qaug zog heev, rau qhov Xa-ules coglus hais tias, “Hnub no, yog leejtwg noj mov ua ntej uas kuv ua pauj rau kuv cov yeebncuab, tus ntawd yuav raug foom tsis zoo.” Yog li ntawd, hnub ntawd ib hnub thiaj tsis muaj leej twg noj mov li. ²⁵Tagnrho cov tubrog los txog rau hauv ib thaj havzoov uas muaj zib ntab ntau heev. ²⁶Zib ntab nyob puv nrees txhua qhov, tiamsis tsis muaj leejtwg muaj cuabkav muab noj li, rau qhov lawv ntshai Xa-ules tej lus foom tsis zoo. ²⁷Tiamsis Yaunathas tsis hnov qhov uas nws txiv yuav foom tsis zoo rau tus uas tsis mloog lus; nws thiaj muab nws tus pa nrig tshum lub qia nas ntab los noj. Thaum Yaunathas noj tas, nws thiaj muaj zog mentsis tuaj. ²⁸Tiamsis muaj ib tug tubrog hais rau Yaunathas hais tias, “Peb sawvdaws tshaib plab thiab qaug zog heev, tiamsis koj txiv yuam kom peb coglus hais tias, ‘Tus uas noj mov hnub no, tus ntawd yuav raug foom tsis zoo.’ ”
²⁹Yaunathas teb hais tias, “Ua li cas kuv txiv yuav ua nruj ua luaj rau peb cov neeg! Nej saib kuv muaj zog mentsis tuaj, rau qhov kuv noj cov zib ntab ntawd! ³⁰Yog hnub no cov tubrog tseem tau noj tej mov uas txeeb tau ntawm cov yeebncuab los, mas sawvdaws hajyam muaj zog tua cov Filitees tuag coob dua thiab.”
³¹Hnub ntawd, cov Yixalayees tua yeej cov Filitees ntawm lub nroog Mikemas mus ti nkaus lub nroog Aiyaloos. Thaum ntawd cov Yixalayees tshaib plab thiab qaug zog heev, ³²lawv thiaj dhia mus muab tej yaj thiab tej nyuj uas lawv txeeb tau ntawm cov yeebncuab los tua thiab muab hlais noj nyoos ua ntshav liab vog. ³³Muaj neeg mus qhia rau Xa-ules hais tias, “Koj saib, muaj neeg noj tej nqaij nyoos uas tseem muaj ntshav. Lawv ua li ntawd, yog lawv ua txhaum rau tus TSWV lawm.”
Xa-ules nthe tawg ntho hais tias, “Cov nyuag neeg ntxeev siab ko, cia li mus dov ib lub pobzeb loj los rau kuv ntawm no.” ³⁴Tom qab ntawd, Xa-ules hais rau lawv hais tias, “Nej cia li mus hais kom lawv cab lawv tej nyuj thiab tej yaj tuaj tua noj rau ntawm no. Lawv tsis txhob noj tej nqaij nyoos uas muaj ntshav, yuav ua txhaum rau tus TXWV.” Yog li hmo ntawd, lawv thiaj cab lawv tej nyuj los tua qhov ntawd. ³⁵Xa-ules teeb tau ib lub thaj fij khoom rau tus TSWV, lub thaj ntawd yog thawj lub uas Xa-ules teeb.
³⁶Xa-ules hais rau nws cov tubrog hais tias, “Hmo no peb yuav mus tua cov Filitees ib hmo kaj ntug kom lawv tuag tas thiab huab lawv tej khoom huv tibsi.”
Cov tubrog teb hais tias, “Cia li ua raws li koj pom zoo.” Tiamsis tus povthawj teb hais tias, “Cia peb nug Vajtswv tso.”
³⁷Yog li ntawd, Xa-ules nug Vajtswv hais tias, “Kuv yuav mus tua cov Filitees los tsis mus?” Koj puas pub kom peb tua yeej lawv? Tiamsis hnub ntawd Vajtswv tsis teb li. ³⁸Xa-ules hais rau cov Yixalayees cov thawjcoj hais tias, “Nej los ntawm no, peb ua tib zoo xav saib hnub no peb tau ua txhaum dabtsi lawm. ³⁹Kuv cog lus rau tus TSWV uas muaj sia nyob thiab yog tus uas pub rau cov Yixalayees muaj yeej hais tias, txawm yog kuv tus tub Yaunathas ua txhaum los yuav tsum muab nws tua povtseg.” Tiamsis tsis muaj leejtwg hais ib los li. ⁴⁰Ces Xa-ules hais rau lawv hais tias, “Nej cia li mus sawv lawm tod, kuv thiab Yaunathas yuav sawv ntawm no.” Lawv teb hais tias, “Ua raws li koj pom zoo.”
⁴¹Xa-ules thov tus TSWV uas yog cov Yixalayees tus Vajtswv hais tias, “Tus TSWV, ua li cas hnub no koj tsis teb kuv? Tus TSWV uas yog cov Yixalayees tus Vajtswv, yog kuv tus tub Yaunathas lossis kuv ua txhaum, thov koj qhia rau kuv ntawm lub Ulees; tiamsis yog koj haivneeg Yixalayees ua txhaum, thov koj qhia rau kuv ntawm lub Thumees.” Thaum nws saib, ua ciav yog Yaunathas thiab Xa-ules ua txhaum; tsis yog cov pejxeem ua txhaum. ⁴²Xa-ules hais tias, “Tus TSWV thov koj qhia siab, yog kuv tus tub Yaunathas lossis kuv ua txhaum.” Thaum nws saib, ua ciav yog Yaunathas ua txhaum. ⁴³Xa-ules nug Yaunathas hais tias, “Koj ua txhaum dabtsi?”
Yaunathas teb hais tias, “Kuv noj mentsis zib ntab xwb. Kuv nyob ntawm no, kuv yeej zoo siab tuag.”
⁴⁴Xa-ules hais tias, “Yog kuv tsis tua koj, thov kom Vajtswv tua kuv povtseg!”
⁴⁵Tiamsis cov neeg hais rau Xa-ules hais tias, “Koj yuav muab Yaunathas, tus uas pab tau cov Yixalayees kovyeej loj npaum li no tua povtseg los? Yog koj tua nws, peb yeej tsis zoo siab rau koj li! Peb thov coglus rau tus TSWV uas muaj sia nyob hais tias, txawm yog Yaunathas ib txoj nyuag plaubhau los tsis pub kom poob li. Tej uas hnub no nws ua yeej yog Vajtswv pab xwb.” Yog li ntawd, sawvdaws thiaj pab tau Yaunathas dim tsis raug tua tuag.
⁴⁶Ces Xa-ules txawm tso tseg tsis caum cov Filitees tua, thiab cov Filitees rov qab mus rau lawv lub tebchaws lawm.

Xa-ules Tsevneeg

⁴⁷Lub sijhawm uas Xa-ules ua vajntxwv kav tebchaws Yixalayees, nws ntaus tsov ntau rog tawmtsam nws cov yeebncuab rau txhua qhov: nws tua cov Mau-am, cov Amoos thiab cov Edoos, cov vajntxwv uas kav tebchaws Xaunpas thiab cov Filitees. Txhua qhov uas nws tua, nws puavleej tua yeej. ⁴⁸Nws siab tawv thiab tua rog ua tau heev tsis ntshai leejtwg li, txawm yog cov Amalej los nws tua yeej huv tibsi. Txhua zaus uas yeebncuab tuaj tua cov Yixalayees los nws cawm tau lawv dim.
⁴⁹Xa-ules cov tub yog: Yaunathas, Isevis thiab Makhisuas. Xa-ules tus ntxhais hlob hu ua Melas thiab tus ntxhais yau hu ua Mikhas. ⁵⁰Xa-ules tus pojniam hu ua Ahinaus uas yog Ahimas tus ntxhais; Xa-ules tus thawj tubrog hu Aneles uas yog Xa-ules txiv hlob Neles tus tub. ⁵¹Kises uas yog Xa-ules txiv thiab Neles uas yog Aneles txiv, yog Anpiyees tub.
⁵²Thaum Xa-ules ua neej nyob, nws nrog cov Filitees sib tua hnyav heev. Yog nws pom ib tug txivneej khov kho thiab siab tawv, ces nws txawm coj tus ntawd mus ua nws tubrog.