8
Yahweh Klă Kơđi Kơ Ƀing Israel Yuakơ Kơkuh Kơ Rup Trah
1Yahweh laĭ tui anai, “Ayŭp bĕ tơdiăp kiăng kơ laĭ pơthâo!
Ƀing rŏh ayăt blĭp blăp juang trŭn pơ anih lŏn Kâo
hrup hăng čim si̱ng juang trŭn kiăng kơ mă hlô yơh!
Ƀing ană plei Kâo hơmâo pơjŏh hĭ laih tơlơi pơgop Kâo hơmâo pơjing laih hăng ƀing gơñu,
laih anŭn ƀing gơñu hơmâo pơkơdơ̆ng glaĭ laih hăng tơlơi pơđar Kâo.
2Wơ̆t tơdah ƀing gơñu yap Kâo jing Ơi Adai gơñu
laih anŭn ƀing gơñu yap gơñu pô jing ƀing ană plei Kâo laih anŭn thâo krăn Kâo,
3samơ̆ ƀing gơñu hơmâo hơngah hĭ laih hơget tơlơi jing hiam klă.
Kâo laĭ tui anŭn yuakơ ƀing gơñu ƀu ngă tui tơlơi pơđar Kâo ôh
laih anŭn ƀing rŏh ayăt či kiaŏ mă ƀing gơñu yơh.
4Ƀing ană plei Kâo ruah mă ƀing pơtao, samơ̆ bruă ƀing gơñu ngă anŭn tui hăng gơñu pô kiăng đôč.
Ƀing gơñu ruah ƀing khua djă̱ akŏ, samơ̆ Kâo ƀu tŭ ư hăng gơñu ôh.
Ƀing gơñu mă amrăk mah gơñu laih anŭn pơkra khul rup trah,
anŭn jing ƀing gơñu pơkra mă tơlơi răm rai kơ gơñu pô đôč yơh.
5Kâo pơrơmut biă mă kơ tơlơi ƀing Samaria kơkuh pơpŭ kơ rup ană rơmô mah anŭn.
Kâo hil ƀrŭk biă mă hăng ƀing gơñu.
Hơdôm sui dơ̆ng ƀing gơñu či lui hĭ bruă ƀing gơñu kơkuh pơpŭ kơ rup trah lĕ?
6Sa čô pô čruih tia ƀing Israel yơh pơkra rup trah anŭn,
rup trah anŭn ƀu djơ̆ yang ôh!
Ană rơmô jing rup ƀing Israel kơkuh pơpŭ amăng anih lŏn Samaria anŭn,
arăng či pơrai hĭ abih bang yơh!
7“Tơdang ƀing gơñu jŭ pla pơjĕh angĭn
sĭt ƀing gơñu či hơpuă mă angĭn hơkruăh yơh!
Phŭn pơdai ƀu pơtơbiă rai mŭng pơdai ôh,
sĭt pơdai anŭn ƀu thâo hơmâo rai tơpŭng kiăng kơ pơkra ƀañ tơpŭng ôh.
Samơ̆ tơdah pơdai anŭn pơtơbiă rai mŭng pơdai,
kơnơ̆ng ƀing tuai đôč yơh či huă ƀơ̆ng hĭ.
8Ƀing lŏn čar pơkŏn hơmâo blah juă hĭ laih ƀing Israel,
hrup hăng sa boh gŏ lŏn pơčah hĭ yơh arăng ƀu thâo yua ôh.
9Ƀing gơñu khăng akŏ hrup hăng aseh glai ƀu tui yơh,
ƀing gơñu nao tui hăng jơlan gơñu pô kiăng.
Ƀing gơñu hơmâo nao laih kiăng kơ rơkâo tơlơi djru mơ̆ng lŏn čar ƀing Assiria
laih anŭn ăt apăh ƀing lŏn čar pơkŏn dơ̆ng mơ̆n kiăng kơ pơgang brơi kơ ƀing gơñu.
10Samơ̆ ră anai Kâo či pơƀut glaĭ ƀing gơñu laih anŭn pơkơhma̱l hĭ ƀing gơñu.
Ƀu sui ôh ƀing gơñu či ruă nuă tơnap tap yơh
tơdang pơtao prŏng lŏn čar ƀing Assiria kơtư̆ juă ƀing gơñu.
11“Dơ̆ pă ƀing ană plei Israel pơdơ̆ng đĭ kơnưl ngă yang kiăng kơ mă pơđuaĭ hĭ tơlơi soh
ăt dơ̆ anŭn mơ̆n ƀing gơñu ngă soh lu jai!
12Kâo čih laih kơ ƀing gơñu lu tơlơi pơđar Kâo,
samơ̆ ƀing gơñu hơngah hĭ hơdôm tơlơi pơđar anŭn
kar hăng khul tơlơi pơtô tuai ƀing gơñu ƀu thâo ôh.
13Ƀing gơñu pơyơr hơdôm gơnam ngă yang kơ Kâo,
laih anŭn ƀing gơñu ƀơ̆ng hĭ čơđeh añăm hơdôm gơnam ngă yang anŭn.
Samơ̆ Kâo, jing Yahweh, ƀu mơak hăng ƀing gơñu ôh,
laih anŭn ră anai Kâo či hơdơr glaĭ hơdôm tơlơi soh gơñu,
kiăng pơkơhma̱l hĭ ƀing gơñu
yuakơ bruă sat ƀai ƀing gơñu hơmâo ngă laih,
Kâo či brơi ƀing gơñu wơ̆t glaĭ pơ lŏn čar Êjip yơh!
14Ƀing ană plei Israel hơmâo pơdơ̆ng đĭ laih hơdôm sang pơtao,
samơ̆ ƀing gơñu hơmâo wơr bĭt hĭ laih Pô Hrih Pơjing gơñu.
Ƀing ană plei Yudah hơmâo pơdơ̆ng đĭ laih hơdôm plei prŏng kơđông kơjăp gơñu.
Hơnăl tuč, Kâo či brơi rai apui kiăng kơ čuh pơrai hĭ abih sang pơtao gơñu
wơ̆t hăng plei prŏng kơđông kơjăp gơñu yơh.”
8
Israel to Reap the Whirlwind
1“Put the trumpet to your lips!
An eagle is over the house of the Lord
because the people have broken my covenant
and rebelled against my law.
2Israel cries out to me,
‘Our God, we acknowledge you!’
3But Israel has rejected what is good;
an enemy will pursue him.
4They set up kings without my consent;
they choose princes without my approval.
With their silver and gold
they make idols for themselves
to their own destruction.
5Samaria, throw out your calf-idol!
My anger burns against them.
How long will they be incapable of purity?
6They are from Israel!
This calf—a metalworker has made it;
it is not God.
It will be broken in pieces,
that calf of Samaria.
7“They sow the wind
and reap the whirlwind.
The stalk has no head;
it will produce no flour.
Were it to yield grain,
foreigners would swallow it up.
8Israel is swallowed up;
now she is among the nations
like something no one wants.
9For they have gone up to Assyria
like a wild donkey wandering alone.
Ephraim has sold herself to lovers.
10Although they have sold themselves among the nations,
I will now gather them together.
They will begin to waste away
under the oppression of the mighty king.
11“Though Ephraim built many altars for sin offerings,
these have become altars for sinning.
12I wrote for them the many things of my law,
but they regarded them as something foreign.
13Though they offer sacrifices as gifts to me,
and though they eat the meat,
the Lord is not pleased with them.
Now he will remember their wickedness
and punish their sins:
They will return to Egypt.
14Israel has forgotten their Maker
and built palaces;
Judah has fortified many towns.
But I will send fire on their cities
that will consume their fortresses.”