17
Jiex Gaatv Nyei Leiz Zoux Ngaengc Waac Nyei Jangx-Hoc
1Apc^laam nyei hnyangx-jeiv duqv juov ziepc juov hnyangx wuov zanc, Ziouv hinc cuotv daaih mbuox ninh, “Yie se Nernh Jiex nyei Tin-Hungh.⚓ Meih oix zuqc muangx yie nyei waac, zanc-zanc zoux horpc, maiv lamh nqemh dorngx.
2Yie oix caux meih liepc ngaengc waac yaac oix bun meih nyei zeiv-fun hiaangx jienv faaux camv.”
3Apc^laam ziouc puoqv njiec ndau. Tin-Hungh gorngv mbuox ninh,
4“Naaiv se yie caux meih liepc nyei ngaengc waac. Meih ziouc zoux camv-fingx mienh nyei ong-taaix-ngaeqv.
5Yangh naaiv jiex meih nyei mbuox maiv heuc Apc^laam⚓ aqv. Meih nyei mbuox oix zuqc heuc Apc^laa^ham,⚓ weic zuqc yie bun meih zoux camv-fingx mienh nyei ong-taaix-ngaeqv.⚓
6Yie oix bun meih nyei zeiv-fun hiaangx camv daaih, zungv benx ziex fingx mienh, yaac maaih camv-dauh hungh yiem meih cuotv daaih.
7Yie caux meih aengx caux meih doic jiex doic nyei zeiv-fun liepc jiez ngaengc waac, benx yietc liuz nyei ngaengc waac. Se yie laengz zoux meih nyei Tin-Hungh yaac zoux meih nyei hoz doic zeiv-fun nyei Tin-Hungh.⚓
8Dongh meih ih zanc yiem jienv benx ganh fingx mienh naaiv norm deic-bung, se Kaa^naa^an nyei yietc zungv deic-bung, yie oix jiu bun meih, bun meih caux meih nyei zeiv-fun yietc liuz duqv nzipc. Yie yaac oix zoux ninh mbuo nyei Tin-Hungh.”⚓
9Tin-Hungh gorngv mbuox Apc^laa^ham, “Meih ganh aengx caux meih nyei hoz doic zeiv-fun oix zuqc doic jiex doic ei jienv yie nyei ngaengc waac.
10Naaiv se yie caux meih aengx caux meih nyei hoz doic zeiv-fun liepc nyei ngaengc waac, dongh meih mbuo oix zuqc ei jienv nyei ngaengc waac. Yiem meih mbuo gu'nyuoz nyei dauh dauh m'jangc dorn oix zuqc ⟨jiex gaatv nyei leiz.⟩⚓
11Meih oix zuqc jiex gaatv nyei leiz weic zoux yie caux meih liepc ngaengc waac nyei jangx-hoc.⚓
12Meih doic jiex doic nyei m'jangc dorn, da'faanh gu'nguaaz-dorn cuotv seix daaih duqv hietc hnoi wuov hnoi oix zuqc jiex gaatv nyei leiz. Liemh yiem meih nyei biauv zong cuotv seix nyei caux longc nyaanh tengx ganh fingx maaiz daaih nyei mienh, se maiv zeiz meih mbuo ganh nyei cien zeiv-fun, oix zuqc jiex gaatv nyei leiz.
13Maiv gunv yiem meih nyei biauv zong cuotv seix fai longc meih nyei nyaanh maaiz daaih, dauh dauh zungv oix zuqc jiex gaatv nyei leiz. Hnangv naaiv se yiem meih mbuo nyei sin zoux jangx-hoc bun cing yie caux meih mbuo liepc jiez yietc liuz nyei ngaengc waac.
14Haaix dauh m'jangc dorn maiv jiex gaatv nyei leiz ziouc yiem ninh nyei mienh mbu'ndongx zuqc pai guangc,⚓ laaix ninh maiv ei yie nyei ngaengc waac.”
15Tin-Hungh aengx gorngv mbuox Apc^laa^ham, “Meih nyei auv, Saalaai, yiem naaiv mingh maiv heuc Saalaai aqv. Oix zuqc heuc Saalaa.⚓
16Yie oix ceix fuqv bun ninh, zungv oix bun ninh yungz dauh dorn bun meih. Yie oix ceix fuqv ninh, bun ninh zoux camv-fingx mienh nyei m'gux taaix ngaeqv. Yaac oix maaih camv-fingx mienh nyei hungh yiem ninh cuotv.”
17Apc^laa^ham puoqv njiec ndau jatv jienv yiem hnyouv hnamv, “Duqv yietc baeqv hnyangx nyei m'jangc dorn corc haih maaih fu'jueiv fai ni? Saalaa duqv juov ziepc hnyangx ninh corc haih maaih gu'nguaaz nyei?”
18Ninh mbuox Tin-Hungh, “O tov meih ceix fuqv bun I^saa^maa^en.”
19Tin-Hungh dau, “Maiv zeiz. Se meih nyei auv, Saalaa ganh, oix yungz dauh dorn bun meih. Meih oix zuqc tengx ninh cuotv mbuox heuc I^sakc.⚓ Yie oix caux ninh liepc ngaengc waac, se caux ninh nyei hoz doic zeiv-fun liepc yietc liuz nyei ngaengc waac.
20Mv baac yie haiz meih tengx I^saa^maa^en tov, yie ziouc ceix fuqv bun ninh yaac bun ninh maaih zeiv-fun hiaangx daaih camv. Ninh oix zoux ziepc nyeic dauh bieiv zeiv nyei die. Yie yaac oix bun ninh nyei zeiv-fun benx yietc guoqv hlo nyei.
21Mv baac yie liepc nyei ngaengc waac, yie oix caux I^sakc liepc, dongh Saalaa taux da'nyeic hnyangx naaiv norm ziangh hoc oix yungz wuov dauh.”
22Tin-Hungh caux Apc^laa^ham gorngv liuz naaiv deix waac, Tin-Hungh ziouc leih nqoi ninh mi'aqv.
23Dongh wuov hnoi Apc^laa^ham ei jienv Tin-Hungh nyei waac zoux. Ninh tengx ninh nyei dorn, I^saa^maa^en, caux yiem ninh nyei biauv zong dauh dauh m'jangc dorn, maiv gunv yiem ninh nyei biauv cuotv seix fai longc nyaanh tengx ganh fingx maaiz nyei, yietc zungv m'jangc dorn jiex gaatv nyei leiz nzengc aqv.
24Jiex gaatv nyei leiz wuov zanc Apc^laa^ham duqv juov ziepc juov hnyangx.
25Ninh nyei dorn, I^saa^maa^en, duqv ziepc faam hnyangx.
26Dongh wuov hnoi Apc^laa^ham caux ninh nyei dorn, I^saa^maa^en, jiex gaatv nyei leiz.
27Ninh nyei biauv zong yietc zungv m'jangc dorn, se yiem ninh nyei biauv cuotv seix fai longc nyaanh tengx ganh fingx maaiz daaih nyei mienh, caux Apc^laa^ham mbuo yietc njiec jiex gaatv nyei leiz.
17
割礼为立约的记号
1亚伯兰九十九岁时，耶和华向他显现，对他说：“我是全能的上帝。你当在我面前行走，作完全的人，
2我要与你立约，使你的后裔极其繁多。”
3亚伯兰脸伏于地；上帝又对他说：
4“看哪，这就是我与你立的约，你要成为多国的父。
5从今以后，你的名字不再叫亚伯兰，要叫亚伯拉罕，因为我已经立你作多国之父。
6我必使你生养极其繁多；国度要从你而立，君王要从你而出。
7我要与你，以及你世世代代的后裔坚立我的约，成为永远的约，是要作你和你后裔的上帝。
8我要把你现在寄居的地，就是迦南全地，赐给你和你的后裔永远为业；我也必作他们的上帝。”
9上帝又对亚伯拉罕说：“你和你的后裔一定要世世代代遵守我的约。
10这就是我与你，以及你的后裔所立的约，是你们所当遵守的，你们所有的男子都要受割礼。
11你们要割去肉体的包皮，这是我与你们立约的记号。
12你们世世代代的男子，无论是在家里生的，或是用银子从外人买来而不是你后裔生的，都要在生下来的第八日受割礼。
13你家里生的和你用银子买的，都必须受割礼。这样，我的约就在你们肉体上成为永远的约。
14不受割礼的男子都必从民中剪除，因他违背了我的约。”
15上帝又对亚伯拉罕说：“至于你的妻子撒莱，不可再叫她撒莱，她的名要叫撒拉。
16我必赐福给她，也要从她赐一个儿子给你。我必赐福给撒拉，她要兴起多国；必有百姓的君王从她而出。”
17亚伯拉罕就脸伏于地窃笑，心里想：“一百岁的人还能有孩子吗？撒拉已经九十岁了，还能生育吗？”
18亚伯拉罕对上帝说：“但愿以实玛利活在你面前。”
19上帝说：“不！你妻子撒拉必为你生一个儿子，你要给他起名叫以撒。我要与他坚立我的约，成为他后裔永远的约。
20至于以实玛利，我已听见你了：看哪，我必赐福给他，使他兴旺，极其繁多。他必生十二个族长，我要使他成为大国。
21到明年所定的时候，撒拉必为你生以撒，我要与他坚立我的约。”
22上帝和亚伯拉罕说完了话，就离开他上升去了。
23在那一天，亚伯拉罕遵照上帝所说的，给他的儿子以实玛利和家里所有的男丁，无论是在家里生的，或是用银子买来的，都行了割礼⚓。
24亚伯拉罕受割礼时，年九十九岁。
25他儿子以实玛利受割礼时，年十三岁。
26在那一天，亚伯拉罕和他儿子以实玛利一同受了割礼。
27家里所有的男人，无论是在家里生的，或是用银子从外人买来的，也都一同受了割礼。