3

Muaj caij muaj nyoog rua txhua yaam

¹Muaj caij muaj nyoog rua txhua yaam,
muaj swjhawm rua txhua yaam
kws tshwm lug huv lub qaab ntuj.
²Muaj caij yug hab muaj caij tuag,
muaj caij cog hab caij dob yaam kws cog.
³Muaj caij muab tua
hab muaj caij khu kuas zoo,
muaj caij rhuav
hab muaj caij tswm dua tshab.
⁴Muaj caij quaj hab muaj caij luag,
muaj caij quaj ntsuag
hab muaj caij seev cev zoo sab.
⁵Muaj caij muab pob zeb laim pov tseg
hab muaj caij sau lug ua ke,
muaj caij sws puag
hab muaj caij tso tseg tsw puag.
⁶Muaj caij nrhav hab muaj caij ua kuas pluj,
muaj caij khaws ca
hab muaj caij tso pov tseg.
⁷Muaj caij muab dua,
hab muaj caij muab xaws,
muaj caij nyob tuabywv
hab muaj caij has lug.
⁸Muaj caij hlub hab muaj caij ntxub,
muaj caij ua rog
hab muaj caij nyob taj tug.
⁹Tug kws ua num tau daabtsw ntawm nwg teg num? ¹⁰Kuv pum tej num kws Vaajtswv muab rua tuabneeg ua. ¹¹Vaajtswv ua rua ib puas tsaav yaam zoo nkauj lawv le nwg lub caij lub nyoog. Nwg muab qhov kws nyob moog ib txhws tsw kawg tso rua huv tuabneeg lub sab, tassws tuabneeg tseed tsw txawj tshawb nrhav tej kws Vaajtswv ua thaus chiv keeb chiv thawj moog txug thaus kawg. ¹²Kuv paub lawm tas tsw muaj ib yaam daabtsw zoo dua le qhov kws tuabneeg kaaj sab hab xyiv faab taag puab swm neej. ¹³Hab paub tas qhov kws muaj noj muaj haus hab tau kev zoo sab ntawm tej num huvsw kws ua, yog yaam kws Vaajtswv pub rua tuabneeg. ¹⁴Kuv paub tas txhua yaam kws Vaajtswv ua nyob ruaj moog ib txhws, hab muab ib yaam daabtsw tsaav rua huv kuj tsw tau, hab muab ib yaam daabtsw rhu tawm moog kuj tsw tau. Vaajtswv tau ua le ntawd sub tuabneeg txhad le fwm hab paub ntshai nwg. ¹⁵Yaam kws muaj nwgnuav kuj yog yaam kws tub muaj tshwm lug ua ntej lawm. Yaam kws yuav muaj tshwm lug kuj yog yaam kws tub muaj tshwm lug lawm. Hab Vaajtswv tshawb nrhav yaam kws tub dua taag lawm.
¹⁶Tsw taag le hov xwb, huv qaab lub nub kuv tseed pum tas huv lub chaw kws txav txem ncaaj tseed muaj kev ua phem, hab huv lub chaw kws ua ncaaj nceeg tseed muaj kev ua phem hab. ¹⁷Kuv txhad xaav huv kuv lub sab tas, “Vaajtswv yuav txav txem rua cov kws ncaaj nceeg hab cov kws ua phem, tsua qhov nwg tub teem swjhawm rua txhua yaam hab rua txhua teg num lawm.” ¹⁸Has txug tuabneeg mas kuv xaav huv kuv lub sab tas, “Vaajtswv saamswm swm puab sub txhad qha puab paub tas puab tsuas yog tsaj txhu xwb. ¹⁹Tsua qhov tuabneeg tej khuab hab tsaj txhu tej khuab kuj zoo ib yaam nkaus. Ob co nuav puavleej txawj tuag ib yaam nkaus. Ob co nuav yeej ua paa ib yaam nkaus, hab tuabneeg tsw muaj ib yaam daabtsw zoo dhau tej tsaj txhu. Vem yog txhua yaam qhuav qhawv xwb. ²⁰Txhua tug puavleej moog rua tuab lub chaw. Txhua tug puavleej yog tshwm ntawm moov aav lug hab txhua tug yuav rov moog ua moov aav. ²¹Leejtwg yuav paub tas tuabneeg tug ntsuj plig moog rua sau ntuj hab tsaj txhu tug plig nqeg moog rua huv aav los tsw moog?” ²²Kuv txhad pum tas tsw muaj ib yaam daabtsw zoo dua qhov kws nwg zoo sab rua tej num kws nwg ua vem yog nwg le ndag. Leejtwg yuav qha tau rua nwg paub tas daabtsw yuav tshwm lug ua nwg qaab?

3

A Time for Everything

¹There is a time for everything,
and a season for every activity under the heavens:

²a time to be born and a time to die,
a time to plant and a time to uproot,
³a time to kill and a time to heal,
a time to tear down and a time to build,
⁴a time to weep and a time to laugh,
a time to mourn and a time to dance,
⁵a time to scatter stones and a time to gather them,
a time to embrace and a time to refrain from embracing,
⁶a time to search and a time to give up,
a time to keep and a time to throw away,
⁷a time to tear and a time to mend,
a time to be silent and a time to speak,
⁸a time to love and a time to hate,
a time for war and a time for peace.
⁹What do workers gain from their toil? ¹⁰I have seen the burden God has laid on the human race. ¹¹He has made everything beautiful in its time. He has also set eternity in the human heart; yet⚓ no one can fathom what God has done from beginning to end. ¹²I know that there is nothing better for people than to be happy and to do good while they live. ¹³That each of them may eat and drink, and find satisfaction in all their toil—this is the gift of God. ¹⁴I know that everything God does will endure forever; nothing can be added to it and nothing taken from it. God does it so that people will fear him.
¹⁵Whatever is has already been,
and what will be has been before;
and God will call the past to account.⚓
¹⁶And I saw something else under the sun:
In the place of judgment—wickedness was there,
in the place of justice—wickedness was there.
¹⁷I said to myself,
“God will bring into judgment
both the righteous and the wicked,
for there will be a time for every activity,
a time to judge every deed.”
¹⁸I also said to myself, “As for humans, God tests them so that they may see that they are like the animals. ¹⁹Surely the fate of human beings is like that of the animals; the same fate awaits them both: As one dies, so dies the other. All have the same breath⚓ ; humans have no advantage over animals. Everything is meaningless. ²⁰All go to the same place; all come from dust, and to dust all return. ²¹Who knows if the human spirit rises upward and if the spirit of the animal goes down into the earth?”
²²So I saw that there is nothing better for a person than to enjoy their work, because that is their lot. For who can bring them to see what will happen after them?