103
Vajtswv txojkev hlub
Tavi sau.
1Kuv tus ntsuj plig 'e, cia li qhuas Yawmsaub,
kuv lub siab lub ntsws,
cia li qhuas nws lub npe uas dawb huv.
2Kuv tus ntsuj plig 'e, cia li qhuas Yawmsaub,
thiab pheej nco ntsoov
nws tej txiaj ntsig huvsi.
3Nws yog tus uas zam
koj tej kev txhaum huvsi,
thiab kho koj tej mob kom zoo huvsi.
4Nws txhiv koj txojsia dim hauv qhov tuag,
thiab muab txojkev hlub uas ruaj khov
thiab txojkev khuvleej rau koj ntoo.
5Nws pub tej yam zoo txaus nkaus koj lub siab
mus tag koj sim neej,
koj thiaj rov muaj lub neej hluas
zoo li tus dav.
6Yawmsaub tsa txhua tus
uas raug quab yuam txojcai,
thiab tu plaub ncaj rau lawv.
7Nws qhia nws tej kev rau Mauxe paub,
thiab qhia nws tej haujlwm
rau cov Yixayee pom.
8Yawmsaub muaj siab khuvleej
thiab muaj kev hlub,
nws tsis chim sai,
nws muaj txojkev hlub ruaj khov nplua mias,
9Nws yuav tsis cem mus li,
nws yuav tsis chim mus ib txhis.
10Nws tsis ua rau peb raws li peb lub txim,
lossis ua pauj rau peb
raws li peb tej kev txhaum.
11Lub ntuj nyob siab saum lub ntiajteb
npaum li cas,
nws txojkev hlub ruaj khov
muaj rau cov uas paub ntshai nws
siab npaum li ntawd.
12Hnub tuaj nyob deb hnub poob npaum li cas,
nws daws peb tej kev fav xeeb pov tseg
deb npaum li ntawd.
13Leejtxiv khuvleej nws tej menyuam li cas,
Yawmsaub khuvleej cov uas hwm
thiab paub ntshai nws ib yam li ntawd.
14Rau qhov nws paub tias
peb raug tsim los li cas,
nws nco ntsoov tias peb yog hmoov av xwb.
15Neeg lub hnub nyoog
zoo ib yam li tej nroj tsuag,
uas tuaj hlob mos nyoos
zoo li tej paj nroj hauv teb.
16Cua ntsawj dhau lawm ces txawm ploj tag,
nws lub chaw twb tsis paub nws lawm.
17Tiamsis Yawmsaub txojkev hlub ruaj khov
muaj nyob ib txhis thaum ub los tsis txawj kawg
rau cov uas hwm thiab paub ntshai nws,
thiab nws txojkev ncaj ncees
muaj rau lawv tej xeeb ntxwv mus li,
18yog cov uas tuav rawv nws tej lus cog tseg
thiab nco ntsoov ua raws li nws tej lus nkaw.
19Yawmsaub tsa nws lub zwm txwv
nyob ruaj saum ntuj,
nws ua vajntxwv kav txhua yam huvsi.
20Nej cov uas yog
nws cov tub txib saum ntuj 'e,
nej cov uas saib loj siab tuab
thiab ua raws li nws tej lus,
thiab mloog nws lub suab uas nws hais,
nej cia li qhuas Yawmsaub.
21Nws cov neeg sawvdaws 'e,
nej cov uas ua koom tu nws
thiab ua raws li nws lub siab,
cia li qhuas Yawmsaub.
22Txhua yam uas nws tsim los lawd
thoob txhua qhov uas nws kav,
cia li qhuas Yawmsaub.
Kuv tus ntsuj plig 'e,
cia li qhuas Yawmsaub.
103
Of David.
1Praise the Lord, my soul;
all my inmost being, praise his holy name.
2Praise the Lord, my soul,
and forget not all his benefits—
3who forgives all your sins
and heals all your diseases,
4who redeems your life from the pit
and crowns you with love and compassion,
5who satisfies your desires with good things
so that your youth is renewed like the eagle’s.
6The Lord works righteousness
and justice for all the oppressed.
7He made known his ways to Moses,
his deeds to the people of Israel:
8The Lord is compassionate and gracious,
slow to anger, abounding in love.
9He will not always accuse,
nor will he harbor his anger forever;
10he does not treat us as our sins deserve
or repay us according to our iniquities.
11For as high as the heavens are above the earth,
so great is his love for those who fear him;
12as far as the east is from the west,
so far has he removed our transgressions from us.
13As a father has compassion on his children,
so the Lord has compassion on those who fear him;
14for he knows how we are formed,
he remembers that we are dust.
15The life of mortals is like grass,
they flourish like a flower of the field;
16the wind blows over it and it is gone,
and its place remembers it no more.
17But from everlasting to everlasting
the Lord’s love is with those who fear him,
and his righteousness with their children’s children—
18with those who keep his covenant
and remember to obey his precepts.
19The Lord has established his throne in heaven,
and his kingdom rules over all.
20Praise the Lord, you his angels,
you mighty ones who do his bidding,
who obey his word.
21Praise the Lord, all his heavenly hosts,
you his servants who do his will.
22Praise the Lord, all his works
everywhere in his dominion.
Praise the Lord, my soul.