15
Yu^ndaa Nyei Hungh, Aa^mbi^yam
(Beiv mangc 2 Zunh Doic Douh 13:1-14:1)
1Ne^mbatc nyei dorn, Ye^lo^mbo^am zoux hungh ziepc betv hnyangx wuov hnyangx, Aa^mbi^yam⚓ faaux weic zoux hungh gunv Yu^ndaa.
2Ninh yiem Ye^lu^saa^lem gunv buo hnyangx. Ninh nyei maa nyei mbuox heuc Maa^aa^kaa, se Aa^mbi^qaa^lom⚓ nyei sieqv.
3Aa^mbi^yam baamz zuiz hnangv ninh nyei die baamz nyei yietc zungv zuiz. Ninh maiv ziepc zuoqv nyei zoux bun Ziouv, ninh nyei Tin-Hungh, hnangv ninh nyei ong-taaix, Ndaawitv, nor.
4Mv baac weic Ndaawitv, Ziouv, ninh nyei Tin-Hungh, bun ninh maaih zeiv-fun⚓ yiem Ye^lu^saa^lem Zingh. Ziouv oix bun ninh maaih dauh dorn nzipc jienv ninh zoux hungh yaac liepc wuonv Ye^lu^saa^lem,⚓
5weic zuqc ziux Ziouv mangc, Ndaawitv zoux duqv horpc. Ziangh seix ninh yaac maiv bungx ndortv Ziouv nyei yietc diuh leiz-latc, cuotv liuz Hitv^tai Mienh, U^li^yaa, wuov deix sic.⚓
6Ye^lo^mbo^am caux Le^hox^mbo^am mborqv jaax nyei sic, yiem Aa^mbi^yam nyei seix zeiv yaac nzipc jienv mborqv.⚓
7Aa^mbi^yam zoux liuz zengc njiec nyei yietc zungv sic caux ninh zoux nyei yietc zungv, fiev jienv Yu^ndaa Hungh nyei hungh douh daan. Aa^mbi^yam caux Ye^lo^mbo^am zanc-zanc mborqv jaax.
8Aa^mbi^yam guei seix mi'aqv,⚓ yaac zangx jienv Ndaawitv nyei Zingh. Ninh nyei dorn, Aasaax, nzipc jienv ninh zoux hungh.
Yu^ndaa Nyei Hungh, Aasaax
(Beiv mangc 2 Zunh Doic Douh 15:16-16:6)
9Ye^lo^mbo^am zoux I^saa^laa^en nyei hungh nyic ziepc hnyangx wuov hnyangx, Aasaax faaux weic zoux Yu^ndaa nyei hungh.
10Ninh yiem Ye^lu^saa^lem gunv feix ziepc yietv hnyangx. Ninh nyei gux nyei mbuox heuc Maa^aa^kaa, se Aa^mbi^qaa^lom nyei sieqv.
11Ziux Ziouv buatc, Aasaax zoux duqv horpc hnangv ninh nyei ong-taaix, Ndaawitv, zoux nor.
12Yiem deic-bung zaangc zienh nyei dorngx maaic buonv-sin nyei m'jangc dorn ninh zunc cuotv mi'aqv. Ninh yaac zorqv ninh nyei die zoux daaih nyei miuc-fangx guangc nzengc.⚓
13Ninh yaac tuix ninh nyei gux nyei mengh hoc, maiv duqv zoux hungh gux, weic zuqc ninh zoux norm aqc mangc, gamh nziev haic nyei ⟨Aa^se^laa⟩ zienh nyeiz nyei fangx. Aasaax yaac goix wuov dauh miuc-fangx dorh mingh taux Kitc^lon Ndoqv buov.
14Mv baac yiem hlang zaangc zienh nyei dorngx ninh maiv zorqv nqoi. Maiv gunv hnangv naaiv, Aasaax yietc seix longc nzengc hnyouv ziepc zuoqv nyei gan Ziouv.
15Ninh zorqv ninh nyei die weic jaauv sung laengz ngaengc waac nyei ga'naaiv caux ninh ganh jaauv sung laengz ngaengc waac nyei ga'naaiv caux jiem nyaanh caux jaa-dorngx, dorh mingh Ziouv nyei biauv.
Aasaax Caux Mbaa^aa^qaa Mborqv Jaax
16Yiem Aasaax caux I^saa^laa^en nyei hungh, Mbaa^aa^qaa zoux hungh nyei ziangh hoc ninh mbuo zanc-zanc mborqv jaax.
17I^saa^laa^en nyei hungh, Mbaa^aa^qaa, cuotv mingh caux Yu^ndaa mborqv jaax. Ninh ceix Laamaa Zingh daaih wuonv nyei weic dangv jienv maiv bun haaix dauh bieqc cuotv Yu^ndaa nyei hungh, Aasaax, nyei deic.⚓
18Aasaax ziouc zorqv yiem zaangc Ziouv nyei biauv caux hungh dinc zengc njiec nyei jiem nyaanh yaac paaiv ninh nyei jien mingh taux Ndaa^matv^gatc Zingh, Tapv^lim^mon nyei dorn, He^si^on nyei fun, Silie Deic-Bung⚓ nyei hungh, Mben Haa^ndatc.
19Ninh gorngv, “Tov meih caux yie liepc ngaengc waac hnangv meih nyei die caux yie nyei die liepc ngaengc waac nor. Yie fungx naaiv deix jiem nyaanh mingh bun meih. Tov mingh tuix meih caux I^saa^laa^en nyei hungh, Mbaa^aa^qaa liepc nyei ngaengc waac weic bun ninh leih nqoi yie.”
20Mben Haa^ndatc muangx Aasaax Hungh nyei waac, ziouc paaiv ninh nyei baeng-bieiv mingh mborqv I^saa^laa^en nyei zingh. Ninh mborqv hingh I^yon, Ndaan, Aa^mben Mbetc Maa^aa^kaa caux Kin^ne^letv Deic yietc zungv caux Napv^taa^li Deic yietc zungv.
21Mbaa^aa^qaa haiz naaiv deix sic cuotv, ninh dingh, maiv ceix Laamaa, aengx tuix mingh yiem Ti^laa^saa Zingh.
22Aasaax ziouc njiec lingc hatc Yu^ndaa Deic-Bung nyei zuangx mienh mingh bienh Mbaa^aa^qaa longc ceix Laamaa wuov deix la'bieiv caux ndiangx mingh. Maiv maaih haaix dauh maiv zuqc tengx zoux. Aasaax Hungh longc naaiv deix la'bieiv caux ndiangx ceix yiem Mben^yaa^min nyei Ge^mbaa caux Mitv^baa Zingh.
23Aasaax gunv nyei ziangh hoc zoux liuz zengc njiec nyei sic, ninh nyei qaqv zoux cuotv nyei yietc zungv sic caux ninh ceix nyei zingh, fiev jienv Yu^ndaa Hungh nyei hungh douh daan. Mv baac gox daaih nyei ziangh hoc Aasaax nyei zaux maaih baengc.
24Aasaax ziouc guei seix mi'aqv,⚓ yaac caux ninh nyei ong-taaix mbuo zangx jienv yiem ninh nyei ong-taaix, Ndaawitv, nyei Zingh. Ninh nyei dorn, Ye^ho^saa^fatv, nzipc jienv ninh zoux hungh.
I^saa^laa^en Nyei Hungh, Naa^ndapc
25Aasaax zoux Yu^ndaa nyei hungh da'nyeic hnyangx wuov hnyangx, Ye^lo^mbo^am nyei dorn, Naa^ndapc, faaux weic zoux I^saa^laa^en nyei hungh. Ninh zoux hungh gunv I^saa^laa^en i hnyangx.
26Ziux Ziouv mangc, ninh zoux waaic sic. Ninh ei jienv ninh nyei die nyei za'eix yaac baamz zuiz hnangv ninh nyei die nor, ziouc bun I^saa^laa^en Mienh caux jienv baamz zuiz.
27Itc^saax^kaa Mienh, Aa^hi^yaa nyei dorn, Mbaa^aa^qaa, daav za'eix hoic Naa^ndapc ziouc yiem norm Fi^li^saa^die Mienh nyei zingh, Gipc^mbe^ton, daix ninh. Wuov zanc Naa^ndapc caux I^saa^laa^en nyei zuangx mienh weih jienv Gipc^mbe^ton, oix mborqv wuov norm zingh.
28Aasaax zoux Yu^ndaa nyei hungh da'faam hnyangx wuov hnyangx, Mbaa^aa^qaa daix Naa^ndapc yaac div ninh zoux hungh.
29Mbaa^aa^qaa yietv faaux weic zoux hungh, ninh daix nzengc Ye^lo^mbo^am nyei douh zong nyei yietc zungv mienh. Da'faanh haih tauv qiex nyei, maiv liouh yietc dauh cuotv singx maengc, ziux Ziouv longc ninh nyei bou, Silo Mienh, Aa^hi^yaa, gorngv nyei waac,⚓
30weic zuqc Ye^lo^mbo^am baamz zuiz aengx bun I^saa^laa^en Mienh caux jienv baamz zuiz ziouc cuoqv Ziouv, I^saa^laa^en Mienh nyei Tin-Hungh, qiex jiez.
31Naa^ndapc gunv nyei ziangh hoc zoux liuz zengc njiec nyei sic, caux ninh zoux nyei yietc zungv, fiev jienv I^saa^laa^en Hungh nyei hungh douh daan.
32Yiem Aasaax caux I^saa^laa^en nyei hungh, Mbaa^aa^qaa, zoux hungh nyei ziangh hoc ninh mbuo zanc-zanc mborqv jaax.
I^saa^laa^en Nyei Hungh, Mbaa^aa^qaa
33Yiem Aasaax zoux Yu^ndaa nyei hungh da'faam hnyangx wuov hnyangx, Aa^hi^yaa nyei dorn, Mbaa^aa^qaa, yiem Ti^laa^saa Zingh faaux weic zoux I^saa^laa^en Mienh nyei hungh, yaac gunv nyic ziepc feix hnyangx.
34Ziux Ziouv mangc, ninh zoux waaic sic. Ninh ei jienv Ye^lo^mbo^am nyei za'eix zoux yaac baamz zuiz hnangv ninh nor, bun I^saa^laa^en Mienh caux jienv baamz zuiz.
15
犹大王亚比央
（代下13．1－14．1）
1尼八的儿子耶罗波安王十八年，亚比央登基作犹大王，
2在耶路撒冷作王三年。他母亲名叫玛迦，是押沙龙的女儿。
3亚比央行他父亲从前所犯一切的罪，他的心不像他曾祖父大卫以纯正的心顺服耶和华－他的上帝。
4然而耶和华－他的上帝因大卫的缘故，仍使大卫在耶路撒冷有灯光，立他儿子接续他作王，又坚立耶路撒冷。
5因为大卫除了赫人乌利亚那件事，都行耶和华眼中看为正的事，一生没有违背耶和华一切所吩咐的。
6罗波安在世的日子常与耶罗波安交战。
7亚比央其余的事，凡他所做的，不都写在《犹大列王记》上吗？亚比央常与耶罗波安交战。
8亚比央与他祖先同睡，葬在大卫城，他儿子亚撒接续他作王。
犹大王亚撒
（代下15．16－16．6）
9以色列王耶罗波安第二十年，亚撒登基作犹大王，
10在耶路撒冷作王四十一年。他祖母名叫玛迦，是押沙龙的女儿。
11亚撒效法他的高祖父大卫行耶和华眼中看为正的事，
12从国中除去男的庙妓，又除掉他祖先所造的一切偶像。
13他甚至废了他祖母玛迦太后的位，因玛迦造了可憎的亚舍拉。亚撒砍下她的偶像，在汲沦溪边烧了，
14只是丘坛还没有废去。亚撒一生向耶和华存纯正的心。
15亚撒将他父亲所分别为圣与自己所分别为圣的金银和器皿都奉到耶和华的殿里。
16亚撒和以色列王巴沙在世的日子常常交战。
17以色列王巴沙上来攻击犹大，修筑拉玛，不许人从犹大王亚撒那里出入。
18于是亚撒把耶和华殿和王宫府库里所剩下的金银都交在他臣仆手中，派他们到住在大马士革的亚兰王，就是希旬的孙子，他伯利门的儿子便．哈达那里去，说：
19“你父曾与我父立约，我与你也要这样立约。看哪，我把金银送给你作礼物，请你废掉你与以色列王巴沙所立的约，使他从我这里撤退。”
20便．哈达听从了亚撒王，就派遣他的军官去攻打以色列的城镇，攻下了以云、但、亚伯．伯．玛迦、全基尼烈、拿弗他利全地。
21巴沙听见了，就停工不修筑拉玛，仍住在得撒。
22于是亚撒王向犹大众人宣布，不准任何人推辞，吩咐他们运走巴沙修筑拉玛所用的石头和木料。亚撒王用它们来修筑便雅悯的迦巴和米斯巴。
23亚撒其余的事，他英勇的事迹，凡他所做的，以及他所建筑的城镇，不都写在《犹大列王记》上吗？只是亚撒年老的时候患有脚疾。
24亚撒与他祖先同睡，与他祖先同葬在大卫城，他儿子约沙法接续他作王。
以色列王拿答
25犹大王亚撒第二年，耶罗波安的儿子拿答登基作以色列王二年，
26拿答行耶和华眼中看为恶的事，行他父亲所行的道，犯他父亲使以色列陷入罪里的那罪。
以色列王巴沙
27以萨迦人亚希雅的儿子巴沙背叛拿答，在非利士人的基比顿杀了他，那时拿答和以色列众人正围困基比顿。
28犹大王亚撒第三年，巴沙杀了拿答，篡了他的位。
29巴沙一作王就杀了耶罗波安全家，耶罗波安家凡有气息的，一个也没有留下，都杀灭了，正如耶和华藉他仆人示罗人亚希雅所说的话。
30这是因为耶罗波安所犯的罪，他使以色列陷入罪里，激怒了耶和华－以色列的上帝。
31拿答其余的事，凡他所做的，不都写在《以色列诸王记》上吗？
32亚撒和以色列王巴沙在世的日子常常交战。
33犹大王亚撒第三年，亚希雅的儿子巴沙在得撒登基，作全以色列的王二十四年。
34他行耶和华眼中看为恶的事，行耶罗波安所行的道，犯他使以色列陷入罪里的那罪。