10

Beiv Kuv Mienh Caux Orqv Mienh

1Naaiv se Saa^lo^morn nyei cong-mengh waac.
  Cong-mengh nyei dorn bun die duqv njien-youh,
   mv baac hngongx nyei dorn hoic maa nzauh.
  2Zoux maiv zingx duqv daaih nyei zinh zoih maiv lamh longc,
   mv baac zoux duqv horpc nyei sic haih njoux mienh maiv zuqc daic.
  3Ziouv maiv bun kuv mienh ngorc,
   mv baac ninh dangv jienv maiv bun orqv mienh duqv ninh mbuo cei nyei.
  4Buoz lueic bun mienh zuqc jomc,
   mv baac buoz jienh bun mienh butv zoih.
  5Guai nyei dorn taux nqaai gorng siou cun-gaeng,
   mv baac gaatv nyei ziangh hoc bueix m'njormh nyei dorn se zuqc nyaiv nyei dorn.
  6Kuv mienh duqv fuqv-loqc,
   mv baac orqv mienh nyei nzuih bingx jienv oix zoux doqc nyei sic.
  7Jangx kuv mienh haiz hnangv duqv fuqv,
   mv baac orqv mienh nyei mbuox mienh la'kuqv, hnangv benx ga'naaiv-huv nor.
  8Hnyouv cong-mengh nyei mienh oix ei jienv leiz-latc,
   mv baac la'guaih gorngv hngongx nyei jauv wuov deix, oix zuqc baaic.
  9Yangh ziepc zuoqv nyei jauv wuov deix duqv baengh orn nyei yangh,
   gan ngau njuotv nyei jauv wuov deix ziouc biux mengh cuotv daaih aqv.
  10Mienh nyapc m'zing zoux cuotv sic,
   mv baac bungx laangc nyei kuinx mienh wuov deix, liepc baengh orn.
  11Kuv mienh nyei nzuih benx ziangh maengc nyei wuom-zingv,
   mv baac orqv mienh nyei nzuih bingx oix zoux doqc nyei sic.
  12Nzorng nyei jauv coqv cuotv nzaeng jaax nyei sic,
   mv baac se gorngv hnamv mienh ziouc guangc yietc zungv zoux dorngc nyei sic.
  13Mengh baeqc nyei mienh nyei nzuih maaih wuonh zaang,
  mv baac maiv hiuv haaix nyungc nyei mienh puix duqv biaav mborqv diqc daanz.
  14Cong-mengh mienh siou jienv wuonh zaang,
   mv baac mienh hngongx mienh gorngv nyei waac bun baaic waaic nyei sic taux fatv.
  15Butv-zoih mienh nyei zinh zoih benx ninh wuonv nyei zingh.
   Mv baac mienh jomc mienh jomc nyei jauv bun ninh mbuo zuqc baaic waaic.
  16Kuv mienh nyei fin-kouv dorh mienh duqv maengc ziangh,
   mv baac orqv mienh duqv nyei buonc se dorh mienh baamz zuiz.
  17Ei jienv njaaux nyei waac wuov deix yiem ziangh maengc nyei jauv.
   Mv baac haaix dauh ngaengc jienv gorngv-njaaux nyei waac ziouc mingh dorngc jauv aqv.
  18Haaix dauh bingx jienv nzorng nyei sic maaih gorngv-baeqc nyei nzuih.
   Haaix dauh cuotv nzuih gorngv waac-huv benx mienh hngongx mienh.
  19Gorngv camv waac camv, simv maiv ndutv baamz zuiz nyei jauv,
   mv baac mienh guai mienh nyienz duqv ganh nyei nzuih.
  20Kuv mienh nyei waac hnangv zien nyaanh,
   orqv mienh nyei hnyouv hnamv nyei jauv maiv zic zinh.
  21Kuv mienh nyei nzuih gorngv nyei waac yungz mienh camv,
   mv baac mienh hngongx mienh zuqc daic laaix maiv hiuv haaix nyungc.
  22Se Ziouv ceix fuqv bun mienh butv zoih,
   ninh yaac maiv jaa you-nzauh.
  23Mienh hngongx mienh zoux dorngc ninh mbuo haiz oix nyei,
   mv baac mengh baeqc nyei mienh a'hneiv cong-mengh nyei jauv.
  24Orqv mienh gamh nziex nyei zungv oix zunc zaaic ninh,
   mv baac kuv mienh oix duqv nyei zungv duqv aqv.
  25Nziaaux-jieqv jiex mingh, ziouc maiv maaih orqv mienh aqv,
   mv baac kuv mienh duqv liepc wuonv taux yietc liuz.
  26Paaiv mienh lueic mienh mingh zoux haaix nyungc,
   weic paaiv ninh wuov deix ninh se hnangv wuom-sui bun nyaah njienz,
   yaac hnangv douz-sioux bieqc m'zing.
  27Mienh taaih Ziouv bun ziangh nyei hnoi-nyieqc jaa ndaauv,
   mv baac orqv mienh nyei hnyangx-soux nangv njiec.
  28Kuv mienh maaih lamh hnamv nyei setv mueiz se njien-youh,
   mv baac orqv mienh hnamv oix duqv nyei, setv mueiz maiv duqv haaix nyungc aqv.
  29Ziouv zoux hnyouv zingx nyei mienh kaux wuonv nyei dorngx,
   mv baac bun zoux orqv sic nyei mienh zuqc mietc.
  30Kuv mienh yietc liuz maiv zuqc tuix cuotv,
   mv baac orqv mienh zungv maiv duqv yiem deic-bung.
  31Kuv mienh nyei nzuih gorngv cuotv cong-mengh nyei waac,
   mv baac buv longh buv dangv mienh nyei mbietc zungv oix gaatv guangc.
  32Kuv mienh nyei nzuih gorngv waac longx,
   mv baac orqv mienh nyei nzuih kungx gorngv gorngv-baeqc nyei waac hnangv.