27
Tơlơi Čŏk Hia Kơ Plei Tir
1Yahweh pơhiăp hăng kâo tui anai dơ̆ng,
2“Ơ ană mơnuih hơi, yăl bĕ tơlơi kơŭ kơuăn kơ plei Tir.
3Pơhiăp bĕ kơ plei Tir, jing plei dŏ ƀơi bah amăng nao pơ rơsĭ, hơmâo ƀing sĭ mơnia ƀơi lu ha̱ng ia tui anai, ‘Anai yơh jing tơlơi Khua Yang Yahweh pơhiăp,
“ ‘Ơ plei Tir, ih laĭ tui anai,
“Kâo hiam rô̆ jing hlo̱m ƀo̱m.”
4Sang ih dŏ jing ƀơi ia rơsĭ prŏng.
Ƀing ma̱n pơdơ̆ng ih pơkra kơ ih jing kar hăng sŏng hiam rô̆ yơh.
5Ƀing gơñu pơkra abih bang kơyâo hlô̱ng ih
mơ̆ng khul kơyâo hơngo̱ mơ̆ng čư̆ Senir.
Ƀing gơñu mă kơyâo sar mơ̆ng anih lŏn Lebanôn
kiăng kơ pơkra tơmĕh kơyâo glông brơi kơ ih yơh.
6Mơ̆ng khul kơyâo sen amăng anih lŏn Basan
ƀing gơñu pơkra brơi kơ ih khul kơyâo pơnăng sŏng.
Mơ̆ng kơyâo hơngo̱⚓ amăng anih kơtuai ha̱ng ia Kittim,
ƀing gơñu pơkra brơi kơ ih adri̱ng atur, lo̱m hĭ hăng bla.
7Khul bơnăl sĭt jă̱ hiam mơ̆ng lŏn čar Êjip jing gơnam ih pơđu̱ng sŏng nao mă
laih anŭn pơkra jing hla gru ih.
Khul khăn păng sŏng ih jing hăng ia mik ia mla̱ng
mơ̆ng khul anih ha̱ng ia Êlisah yơh.
8Ƀing mơnuih plei Sidôn hăng plei Arwad jing ƀing pơđu̱ng sŏng ih.
Ƀing mơnuih rơgơi ih, Ơ plei Tir hơi, jing ƀing mă bruă amăng sŏng ih.
9Ƀing mă bruă hơmâo tơlơi thâo hăng tơlơi mưn tŭ mơ̆ng anih lŏn Gebal nao hrŏm ƀơi sŏng anŭn mơ̆n.
Ƀing gơñu ƀlir hăng pơkra hơdôm kơyâo čơđa̱ng jing anih răm amăng sŏng ih.
Abih bang khul sŏng ia rơsĭ laih anŭn ƀing pơgăt sŏng
nao hrŏm hơbĭt kiăng kơ sĭ mơnia brơi kơ khul dram gơnam ih.
10“ ‘Ƀing mơnuih Persia, Lidia hăng Put
mă bruă jing ƀing ling tơhan ih yơh.
Ƀing gơñu tơƀăk khul khiơl gơñu hăng khul đoăn pơgang gơñu ƀơi pơnăng plei ih,
jing tơlơi ba rai tơlơi hiam hing ang kơ ih yơh.
11Ƀing ling tơhan mơ̆ng plei Arwad hăng plei Hêlêk
pơkơjăp bĕ khul pơnăng ih ƀơi rĭm bơnăh.
Ƀing tơhan mơ̆ng plei Gamad
jing ƀing dŏ amăng khul sang kơtŭm ih.
Ƀing gơñu tơƀăk khul khiơl gơñu jum dar pơnăng plei ih.
Ƀing gơñu ngă brơi kơ tơlơi hiam rô̆ ih jing hlo̱m ƀo̱m.
12“ ‘Lŏn čar Tarsis sĭ mơnia hăng ih yuakơ ih hơmâo mŭk dram lu yơh. Ƀing gơñu pơplih amrăk, pơsơi, tin laih anŭn lê̱k hăng gơnam mơnia ih.
13“ ‘Ƀing lŏn čar Grek, Tubal hăng Mesek ăt sĭ mơnia hăng ih mơ̆n. Ƀing gơñu pơplih ƀing hlŭn laih anŭn khul gơnam ko̱ng hăng khul dram gơnam ih.
14“ ‘Ƀing mơnuih mơ̆ng plei Tôgarmah pơplih hăng bruă khul aseh, aseh pioh pơblah laih anŭn khul aseh glưn kơ khul gơnam mơnia ih.
15“ ‘Ƀing mơnuih mơ̆ng plei Dedan sĭ mơnia hăng ih laih anŭn ƀing mơnuih amăng lu anih lŏn ha̱ng ia jing ƀing blơi gơnam ih. Ƀing gơñu kla kơ ih hăng khul bla laih anŭn khul kơyâo yom yơh.
16“ ‘Ƀing Aram ngă bruă mơnia hăng ih yuakơ ih hơmâo lu dram gơnam. Ƀing gơñu pơplih khul pơtâo yom, bơnăl mơla̱ng, gơnam sĭt jă̱, bơnăl blâo ƀlĭ, pơtâo rơsĭ yom laih anŭn khul pơtâo mriah yom pơkŏn hăng khul gơnam mơnia ih.
17“ ‘Yudah hăng Israel sĭ mơnia hăng ih. Ƀing gơñu pơplih pơdai kơtor mơ̆ng anih Minnit laih anŭn khul boh kơƀâo krô, ia hơni, ia rơmuă ôliwơ laih anŭn khul gơnam hăng pioh pơjrao hăng khul gơnam mơnia ih pơkŏn.
18“ ‘Ƀing mơnuih amăng plei Damaskus jing ƀing sĭ mơnia brơi kơ ih. Ƀing gơñu sĭ mơnia tơpai mơ̆ng anih Helbôn laih anŭn mơrai mơ̆ng anih Zahar yuakơ ih hơmâo lu dram gơnam laih anŭn mŭk dram pơdrŏng săh yơh.
19“ ‘Ƀing mơnuih Dan hăng ƀing mơnuih Grek mơ̆ng anih Uzal ba rai dram gơnam ih kiăng kơ sĭ mơnia. Ƀing gơñu pơplih gơnam pơsơi, kơyâo ƀâo mơngưi kasia laih anŭn rơ̆k rơya hăng khul gơnam mơnia ih.
20“ ‘Plei Dedan sĭ mơnia hăng gơnam ih amăng khul abăn a̱n aseh ƀing gơñu ba rai.
21“ ‘Ƀing Arabia hăng abih bang ƀing khua moa Kêdar jing ƀing blơi gơnam ih. Ƀing gơñu sĭ mơnia hăng ih kơ ană triu, triu prŏng laih anŭn bơbe yơh brơi kơ dram gơnam plei Tir.
22“ ‘Ƀing sĭ mơnia mơ̆ng anih lŏn Čheba hăng anih Raamah sĭ mơnia hăng ih. Yuakơ gơnam mơnia ih yơh ƀing gơñu pơplih hăng khul gơnam hăng ƀâo mơngưi hiam hloh, khul pơtâo yom hloh laih anŭn mah.
23“ ‘Khul plei Haran, Khanêh, Iden laih anŭn ƀing sĭ mơnia anih lŏn Čheba, Asshur, Kilmad sĭ mơnia hăng ih.
24Amăng anih sĭ mơnia ih, ƀing gơñu pơplih hăng ih khul sum ao hiam, bơnăl mik, khul khăn la̱ng sĭt jă̱ hăng lu ia phara hơmâo hrĕ kuĭ wơ̆t hăng atŭt akă hruă mơ̆n.
25“ ‘Khul sŏng anih lŏn Tarsis djru
ba rai dram gơnam kơ ih.
Ih hơmâo bă hăng dram gơnam lu amăng sŏng
jing amăng anih ataih tŏng krah ia rơsĭ yơh.⚓
26Ƀing pơđu̱ng sŏng ba nao ih
tơbiă nao pơ ia rơsĭ prŏng.
Samơ̆ angĭn gah ngŏ̱ či ngă pơčah hĭ ih jing lu črăn
amăng tŏng krah ia rơsĭ yơh.
27Mŭk dram, gơnam mơnia hăng dram gơnam ih,
ƀing pơđu̱ng sŏng ih, ƀing ding kơna mă bruă ih laih anŭn ƀing djru pơkra brơi kơ sŏng ih,
ƀing sĭ mơnia brơi kơ ih laih anŭn abih bang ƀing ling tơhan ih,
wơ̆t hăng abih bang mơnuih pơkŏn đĭ sŏng hrŏm
či kơdram hĭ amăng tŏng krah ia rơsĭ
ƀơi hrơi sŏng ih pơčah hĭ yơh.
28Khul ha̱ng ia či rŭng răng yơh
tơdang ƀing mă bruă amăng sŏng ih ur kraih.
29Abih bang hlơi pô waih pơđu̱ng sŏng
či đuaĭ lui hĭ sŏng gơñu yơh.
Ƀing pơđu̱ng sŏng laih anŭn abih bang ƀing djru bruă amăng sŏng
či đuaĭ nao pơ ha̱ng ia yơh.
30Ƀing gơñu či pơyơ̆ng đĭ hiăp gơñu
laih anŭn čŏk hia kraih krin yuakơ ih yơh.
Ƀing gơñu či pruai ƀruih lŏn ƀơi akŏ gơñu
laih anŭn tơglŭng gơñu pô amăng hơbâo tơpur yơh.
31Ƀing gơñu či kuăh hĭ akŏ gơñu yuakơ ih
laih anŭn či buh hơô ao tâo yơh.
Ƀing gơñu či hia rơngot yuakơ ih hăng tơlơi ruă pran biă mă
laih anŭn hăng tơlơi kơŭ kơuăn kơtang yơh.
32Tơdang ƀing gơñu čŏk hia kơŭ kơuăn yuakơ ih,
ƀing gơñu či čŏk hia kơ ih tui anai,
“Hơmâo mơ̆ hlơi pô dưi pơrơiăt hĭ kar hăng plei Tir,
jing plei hơmâo ia rơsĭ jum dar lĕ?”
33Tơdang khul gơnam ih arăng ba nao laih ƀơi ia rơsĭ,
ih pơmơak kơ lu lŏn čar yơh.
Hăng khul mŭk dram pơdrŏng săh ih yơh
ih hơmâo ngă pơdrŏng kơ ƀing pơtao lŏn tơnah.
34Ră anai ih pơčah hĭ yua mơ̆ng khul jơlah ia rơsĭ laih
jing amăng glung dơlăm ia prŏng.
Khul dram gơnam ih hăng abih bang ƀing nao hrŏm hăng ih
ăt răm rai hĭ hrŏm hăng ih mơ̆n.
35Abih bang ƀing hlơi pô hơdip ƀơi khul anih ha̱ng ia
le̱ng kơ dŏ kơtuă huĭ kơ ih yơh.
Ƀing pơtao gơñu rŭng răng huĭ bra̱l yơh
laih anŭn ƀô̆ mơta gơñu huĭ hyưt biă mă yơh.
36Ƀing sĭ mơnia amăng ƀing lŏn čar hoč djik kơ ih yơh.
Ih hơmâo truh laih pơ hơnăl tuč tơlơi răm rai
laih anŭn ƀu či hơmâo dơ̆ng tah.’ ”
27
哀悼推羅的輓歌
1耶和華的話臨到我，說：
2「人子啊，要為推羅作哀歌。
3你要對位於海口，跟許多海島的百姓做生意的推羅說，主耶和華如此說：
推羅啊，你曾說：
『我全然美麗。』
4你的疆界在海的中心，
造你的使你全然美麗。
5他們用示尼珥的松樹作你的甲板，
用黎巴嫩的香柏樹作桅杆，
6用巴珊的橡樹作你的槳，
用鑲嵌象牙的基提海島黃楊木⚓為艙板。
7你的帆是用埃及繡花細麻布做的，
可作你的大旗；
你的篷是用以利沙島的藍色和紫色布做的。
8西頓和亞發的居民為你划槳；
推羅啊，你們中間的智慧人為你掌舵。
9迦巴勒的長者和智者
在你中間修補裂縫；
海上一切的船隻和水手
都在你那裏進行貨物交易。
10「波斯人、路德人、弗⚓人在你的軍營中作戰士；他們在你們中間懸掛盾牌和頭盔，彰顯你的尊榮。
11亞發人和你的軍隊都駐守在四圍的城牆上，你的城樓上也有勇士；他們懸掛盾牌，成全你的美麗。
12「他施因你多有財物，就作你的客商，他們帶着銀、鐵、錫、鉛前來換你的商品。
13雅完、土巴、米設都與你交易，以人口和銅器換你的貨物。
14陀迦瑪族用馬匹、戰馬和騾子換你的商品。
15底但人與你交易，許多海島成為你的碼頭；他們拿象牙、黑檀木與你交換。
16亞蘭⚓ 因你貨品充裕，就作你的客商；他們用綠寶石、紫色布、刺繡、細麻布、珊瑚、紅寶石換你的商品。
17猶大和以色列地都與你交易；他們用米匿的小麥、餅、蜜、油、乳香換你的貨物。
18大馬士革也因你貨品充裕，多有各類財物，就帶來黑本酒和白羊毛與你交易。
19威但和從烏薩來的雅完人⚓為了你的貨物，以加工的鐵、桂皮、香菖蒲換你的商品。
20底但以騎馬用的座墊毯子與你交換。
21阿拉伯和基達所有的領袖都作你的客商，用羔羊、公綿羊、公山羊與你交換。
22示巴和拉瑪的商人也來與你交易，他們用各類上好的香料、各類的寶石和黃金換你的商品。
23哈蘭、干尼、伊甸、示巴商人、亞述⚓和基抹都與你交易。
24這些商人將美好的貨物包在藍色的繡花包袱內，又將華麗的衣服裝在香柏木的箱子裏，用繩索捆着，以此與你交易⚓。
25他施的船隻為你運貨，
你在海中滿載貨物，極其沉重。
26划槳的把你划到水深之處，
東風在海中將你擊破。
27你的財寶、商品、貨物、
水手、掌舵的、
修補船縫的、進行貨物交易的，
並你那裏所有的戰士
和你中間所有的軍隊，
在你傾覆的日子都必沉在海底。
28因掌舵者的呼聲，
郊野就必震動。
29所有划槳的
都從他們的船下來；
水手和所有在海上掌舵的，
都要登岸。
30他們必為你放聲痛哭，
撒塵土於頭上，
在灰中打滾；
31又為你使頭光禿，
用麻布束腰，
號咷痛哭，
痛苦至極。
32他們哀號的時候，
為你作哀歌，
為你痛哭：
有何城如推羅，
在海中沉寂呢？
33你由海上運出商品，
使許多民族充裕；
你以許多財寶貨物
令地上的君王豐富。
34在深水中被海浪打破的時候，
你的貨物和你中間所有的軍隊都下沉。
35海島所有的居民為你驚奇，
他們的君王都甚恐慌，面帶愁容。
36萬民中的商人向你發噓聲；
你令人驚恐，
不再存留於世，直到永遠。」