24

¹Tsw xob khib cov tuabneeg phem,
tsw xob ntshaw nrug puab nyob ua ke,
²tsua qhov puab lub sab
ntaus tswvyim ua nruj ua tswv,
hab puab daim tawv ncauj
has tej lug kws yuav moog ua phem.

³Swv tswvyim txhad ua tau lub tsev,
hab muaj kev thoob tswb to nrog
ua lub tsev nyob ruaj khov.
⁴Hab muaj kev txawj ntse
txhad ua rua tej chaav tsev
muaj cuab txhaj cuab taam
zoo zoo nkauj puv nkaus.
⁵Tug kws muaj tswvyim muaj zug heev,
tug kws txawj ntse kuj muaj zug tuaj.
⁶Yog muaj cov txawj ntse qha
mas koj txhad nqeg teg ua rog tau,
hab muaj ntau leej ua chaw sablaaj
koj txhad kov yeej.
⁷Tswvyim nyob sab dhau tug ruag,
ntawm lub rooj loog⚓
nwg tsw rua qhov ncauj has.

⁸Tug kws ntaus tswvyim ua phem
luas yuav hu tas tug thaab plaub.
⁹Qhov kws ntaus tswvyim
ua tej yaam ruag kuj txhum,
hab tug kws thuaj luag
yog tug kws tuabneeg ntxub kawg.

¹⁰Yog koj poob sab nthaav
rua nub kws koj raug ceblaaj,
koj kuj tsw muaj zug.
¹¹Ca le cawm cov kws
raug caab moog tua kuas dim,
ca le paab tug kws raug caab
nrhaaj nrhuj nrheev moog tua kuas dim.
¹²Yog koj has tas,
“Peb tsw paub zaaj nuav le,”
mas Vaajtswv kws tshuaj saib lub sab
yuav tsw pum lov?
Tug kws zuv rawv koj tug ntsuj plig
tsw paub hab lov?
Nwg yuav tsw pauj rua tuabneeg
lawv le puab tau ua lug lawm lov?

¹³Kuv tub 'e, ca le noj zwb ntaab
vem yog yaam kws zoo,
hab zwb ntaab kws nrug ntawm lub tsev ntaab
kuj qaab zwb heev.
¹⁴Yuav tsum paub tas tswvyim
zoo ib yaam le ntawd rua koj tug ntsuj plig,
yog koj tau tswvyim, koj lub hauv ntej yuav zoo
hab koj yuav tsw nplaam tej kws koj vaam.

¹⁵Tsw xob zuv tog nrhw
ib yaam le tej tuabneeg limham
kws yuav lws tug ncaaj nceeg lub tsev,
tsw xob ua nruj ua tswv rua nwg lub tsev,
¹⁶tsua qhov tug ncaaj nceeg
txawm qaug xyaa zag los tseed sawv lug hab,
tassws tug tuabneeg limham
raug vej sub vej sw muab ntxuav pov tseg.

¹⁷Tsw xob zoo sab xyiv faab
rua thaus koj tug yeeb ncuab qaug,
hab tsw xob zoo sab rua thaus nwg dawm,
¹⁸ntshai tsaam Yawmsaub pum
tes yuav tsw txaus sab
hab nwg yuav thim qhov kws nwg npau tawg
rua koj tug yeeb ncuab.

¹⁹Koj tsw xob nyuaj sab
rua tej tuabneeg kws ua phem
hab tsw xob khib cov kws ua limham,
²⁰tsua qhov tug tuabneeg phem
tsw muaj lub hauv ntej zoo,
hab tug tuabneeg limham lub teeb
yuav raug muab tua.

²¹Kuv tub 'e, ca le fwm hab paub ntshai
Yawmsaub hab vaajntxwv,
tsw xob nrug tej tuabneeg kws faav xeeb
ua ib lub sab,
²²tsua qhov ob tug yuav ua
vej sub vej sw tshwm lug sai sai,
mas leejtwg yuav paub tej kev puam tsuaj
kws ob tug ua?

Tej lug ntuag ntxwv

²³Tej lug nuav yog cov kws muaj tswvyim has.
Qhov kws saib dej ua ntu saib tuabneeg plhu
mas tsw zoo le.
²⁴Tug kws has rua tug tuabneeg limham tas,
“Koj tsw txhum,”
mas yuav raug tej pejxeem tshev foom
hab raug tej tebchaws ntxub.
²⁵Tassws cov kws qhuab ntuag
tug tuabneeg limham
yuav tau nyob kaaj sab
hab yuav tau koob moov.
²⁶Tug kws teb lu lug tseeb
mas zoo le nwj daim tawv ncauj.
²⁷Ca le npaaj koj tej daag num saab nrau
hab ua txhua yaam kuas txhwj huv koj daim teb,
dhau ntawd kuj ua koj lub tsev.
²⁸Tsw xob laam ua timkhawv
tum koj kwvtij zej zog kws tsw tau ua txhum,
hab koj daim tawv ncauj tsw xob daag.
²⁹Tsw xob has tas, “Kuv yuav ua rua nwg
yaam le nwg tau ua rua kuv lawm,
kuv yuav ua pauj tej kws nwg tub ua lawm.”
³⁰Kuv hlaa huv tug cis nkeeg daim teb
hab tug tsw thoob tswb lub vaaj txwv maab,
³¹ua cav xuav paug tuaj puv nkaus,
nroj tsuag tuaj ntum quas nti,
hab tej ntsaa laaj kaab pob zeb pob taag.
³²Kuv pum hab ua tuab zoo xaav,
kuv saib ntsoov
mas kuv txhad tau kev qhuab qha.
³³Tsaug ib nyuas tswg zug,
ib nyuas qe muag, khawm teg su ib plag,
³⁴mas txujkev pluag yuav lug txug koj
yaam nkaus le tub saab tuaj lws,
hab kev txom nyem yuav lug
yaam nkaus le tug coj ntaaj coj rag tuaj lws.

24

¹Tsis txhob khib cov neeg phem,
tsis txhob ntshaw nrog lawv nyob ua ke,
²rau qhov lawv lub siab
ntaus tswvyim ua nruj ua tsiv,
thiab lawv daim tawv ncauj
hais tej lus uas yuav mus ua phem.

³Siv tswvyim thiaj ua tau lub tsev,
thiab muaj kev thoob tsib to nrog
ua lub tsev nyob ruaj khov.
⁴Thiab muaj kev txawj ntse
thiaj ua rau tej chav tsev
muaj cuab txhiaj cuab tam
zoo zoo nkauj puv nkaus.
⁵Tus uas muaj tswvyim muaj zog heev,
tus uas txawj ntse kuj muaj zog tuaj.
⁶Yog muaj cov txawj ntse qhia
mas koj thiaj nqes tes ua rog tau,
thiab muaj ntau leej ua chaw sablaj
koj thiaj kov yeej.
⁷Tswvyim nyob siab dhau tus ruam,
ntawm lub rooj loog⚓
nws tsis rua qhov ncauj hais.

⁸Tus uas ntaus tswvyim ua phem
luag yuav hu tias tus thab plaub.
⁹Qhov uas ntaus tswvyim
ua tej yam ruam kuj txhaum,
thiab tus uas thuam luag
yog tus uas neeg ntxub kawg.

¹⁰Yog koj poob siab nthav
rau hnub uas koj raug ceeblaj,
koj kuj tsis muaj zog.
¹¹Cia li cawm cov uas
raug cab mus tua kom dim,
cia li pab tus uas raug cab
nrhaj nrhuj nrheev mus tua kom dim.
¹²Yog koj hais tias, “Peb tsis paub zaj no li,”
mas Vajtswv uas tshuaj saib lub siab
yuav tsis pom lov?
Tus uas zov rawv koj tus ntsuj plig
tsis paub thiab lov?
Nws yuav tsis pauj rau neeg
raws li lawv tau ua los lawm lov?

¹³Kuv tub 'e, cia li noj zib ntab
vim yog yam uas zoo,
thiab zib ntab uas nrog ntawm
lub tsev ntab kuj qab zib heev.
¹⁴Yuav tsum paub tias tswvyim
zoo ib yam li ntawd rau koj tus ntsuj plig,
yog koj tau tswvyim,
koj lub hauv ntej yuav zoo
thiab koj yuav tsis plam tej uas koj vam.

¹⁵Tsis txhob zov tos nrhw ib yam li tej neeg
limhiam uas yuav lws tus ncaj ncees lub tsev,
tsis txhob ua nruj ua tsiv rau nws lub tsev,
¹⁶rau qhov tus ncaj ncees
txawm ntog xya zaus los tseem sawv los thiab,
tiamsis tus neeg limhiam
raug vij sub vij sw muab ntxuav pov tseg.

¹⁷Tsis txhob zoo siab xyiv fab
rau thaum koj tus yeeb ncuab ntog,
thiab tsis txhob zoo siab rau thaum nws dawm,
¹⁸ntshai tsam Yawmsaub pom
ces yuav tsis txaus siab
thiab nws yuav thim qhov uas nws npau taws
rau koj tus yeeb ncuab.

¹⁹Koj tsis txhob nyuaj siab
rau tej neeg uas ua phem
thiab tsis txhob khib cov uas ua limhiam,
²⁰rau qhov tus neeg phem
tsis muaj lub hauv ntej zoo,
thiab tus neeg limhiam lub teeb
yuav raug muab tua.

²¹Kuv tub 'e, cia li hwm thiab paub ntshai
Yawmsaub thiab vajntxwv,
tsis txhob nrog tej neeg uas fav xeeb
ua ib lub siab,
²²rau qhov ob tug yuav ua
vij sub vij sw tshwm los sai sai,
mas leejtwg yuav paub tej kev puam tsuaj
uas ob tug ua?

Tej lus ntuas ntxiv

²³Tej lus no yog cov uas muaj tswvyim hais.

Qhov uas saib dej ua ntu saib neeg ua plhu
mas tsis zoo li.
²⁴Tus uas hais rau tus neeg limhiam tias,
“Koj tsis txhaum,”
mas yuav raug tej pejxeem cem foom
thiab raug tej tebchaws ntxub.
²⁵Tiamsis cov uas qhuab ntuas
tus neeg limhiam
yuav tau nyob kaj siab
thiab yuav tau koob hmoov.
²⁶Tus uas teb lo lus tseeb
mas zoo li nwj daim tawv ncauj.
²⁷Cia li npaj koj tej haujlwm sab nraud
thiab ua txhua yam kom txhij hauv koj daim teb,
dhau ntawd kuj ua koj lub tsev.
²⁸Tsis txhob lam ua timkhawv tom
koj kwvtij zej zog uas tsis tau ua txhaum,
thiab koj daim tawv ncauj tsis txhob dag.
²⁹Tsis txhob hais tias, “Kuv yuav ua rau nws
yam li nws tau ua rau kuv lawm,
kuv yuav ua pauj tej uas nws twb ua lawm.”
³⁰Kuv hla hauv tus tub nkeeg daim teb
thiab tus tsis thoob tsib lub vaj txiv hmab,
³¹ua ciav pos tuaj puv nkaus,
nroj tsuag tuaj ntom qas nti,
thiab tej ntsa laj kab pob zeb pob tag.
³²Kuv pom thiab ua tib zoo xav,
kuv ntsia ntsoov
mas kuv thiaj tau kev qhuab qhia.
³³Tsaug ib nyuag tsig zog,
ib nyuag qe muag, khawm tes so ib pliag,
³⁴mas txojkev pluag yuav los txog koj
yam nkaus li tub sab tuaj lws,
thiab kev txom nyem yuav los
yam nkaus li tus coj ntaj coj riam tuaj lws.