21

新天新地

¹我又看見一個新天新地，因為先前的天和先前的地已經過去了，海也不再有了。 ²我又看見聖城，新耶路撒冷由上帝那裏，從天而降，預備好了，就如新娘打扮整齊，等候丈夫。 ³我聽見有大聲音從寶座出來，說：
「看哪，上帝的帳幕在人間！
他要和他們同住，
他們要作他的子民。
上帝要親自與他們同在。⚓
⁴上帝要擦去他們一切的眼淚；
不再有死亡，
也不再有悲哀、哭號、痛苦，
因為先前的事都過去了。」
⁵那位坐在寶座上的說：「看哪，我把一切都更新了！」他又說：「你要寫下來，因為這些話是可信靠的，是真實的。」 ⁶他又對我說：「成了！我是阿拉法，我是俄梅戛；我是開始，我是終結。我要把生命的泉水白白賜給那口渴的人喝。 ⁷得勝的要承受這些為業；我要作他的上帝，他要作我的兒子。 ⁸至於膽怯的、不信的、可憎的、殺人的、淫亂的、行邪術的、拜偶像的和一切說謊話的人，他們將在燒着硫磺的火湖裏有份；這是第二次的死。」

新耶路撒冷

⁹拿着七個金碗、盛滿末後七種災禍的七位天使中，有一位來對我說：「你來，我要給你看新娘，就是羔羊的妻子。」 ¹⁰我在聖靈感動下，天使帶我到一座高大的山，給我看由上帝那裏、從天而降的聖城耶路撒冷， ¹¹這城有上帝的榮耀，它光輝如同極貴的寶石，好像碧玉，明如水晶。 ¹²它有高大的牆，有十二個門，門上有十二位天使，門上又寫着以色列人十二個支派的名字⚓。 ¹³東邊有三個門，北邊有三個門，南邊有三個門，西邊有三個門。 ¹⁴城牆有十二個根基，根基上有羔羊十二使徒的名字。
¹⁵那對我說話的天使拿着金的蘆葦當尺，要量那城、城門和城牆。 ¹⁶城是四方的，長寬一樣。天使用蘆葦量那城，共有一萬二千斯他迪，長、寬、高都是一樣。 ¹⁷他又量了城牆，按着人的尺寸，就是天使的尺寸，共有一百四十四肘。 ¹⁸牆是碧玉造的；城是純金的，如同明淨的玻璃。 ¹⁹城牆的根基是用各樣寶石修飾的：第一個根基是碧玉，第二是藍寶石，第三是綠瑪瑙，第四是綠寶石， ²⁰第五是紅瑪瑙，第六是紅寶石，第七是黃璧璽，第八是水蒼玉，第九是紅璧璽，第十是翡翠，第十一是紫瑪瑙，第十二是紫晶。 ²¹十二個門是十二顆珍珠；每一個門是一顆珍珠造的。城內的街道是純金的，好像透明的玻璃。
²²我沒有看見城內有殿，因主－全能者上帝和羔羊就是城的殿。 ²³那城內不用日月光照，因為有上帝的榮耀光照，又有羔羊為城的燈。 ²⁴列國要藉着城的光行走；地上的君王要把自己的榮耀帶給那城。 ²⁵城門白晝總不關閉，在那裏沒有黑夜。 ²⁶人要將列國的榮耀尊貴帶給那城。 ²⁷凡不潔淨的，和那行可憎與虛謊之事的人，都不得進那城，只有名字寫在羔羊生命冊上的才得進去。

21

Lub ntuj tshab hab lub nplajteb tshab

¹Hab kuv pum lub ntuj tshab hab lub nplajteb tshab tsua qhov lub ntuj qub hab lub nplajteb qub tub dua taag lawm hab dej havtxwv tsw muaj dua le lawm. ²Kuv pum lub nroog dawb huv kws yog lub nroog Yeluxalee tshab nqeg sau ntuj ntawm Vaajtswv lug, tub npaaj txhwj yaam nkaus le tug nkauj nyaab tu cev rua nwg tug nraug vauv. ³Hab kuv nov ib lub suab nrov ntawm lub zwm txwv tuaj has tas, “Saib maj, Vaajtswv lub chaw nyob nrug tuabneeg nyob lawm. Nwg yuav nrug puab nyob hab puab yuav ua nwg haiv tuabneeg. Vaajtswv yeej yuav nrug puab nyob hab ua puab tug Vaajtswv. ⁴Nwg yuav so txhua ncos kua muag ntawm puab qhov muag, txujkev tuag yuav tsw muaj dua le lawm, txujkev quaj ntsuag txujkev quaj hab kev mob yuav tsw muaj dua le lawm, vem tej qub tub dua taag lawm.”
⁵Mas tug kws nyob sau lub zwm txwv has tas, “Saib maj, kuv tswm txhua yaam dua tshab.” Nwg kuj has tas, “Ca le sau tej nuav ca vem tej lug nuav tso sab tau hab muaj tseeb.” ⁶Hab nwg has rua kuv tas, “Tav lawm lauj. Kuv yog Alafa hab Aumeka, yog chiv keeb hab qhov kawg. Tug kws nqhes, kuv yuav pub nwg tau haus lub qhov dej txhawv kws pub txujsa tsw txug them nqe hlo le. ⁷Tug kws kov yeej yuav tau tej nuav ua qub txeeg qub teg, hab kuv yuav ua nwg tug Vaajtswv hab nwg yuav ua kuv le mivnyuas.⚓ ⁸Tassws cov tuabneeg sab yau, cov kws tsw ntseeg, cov kws ua qas vuab tsuab, cov tua tuabneeg, cov ua nkauj ua nraug, cov ua khawv koob yeeg swv, cov pe txoov daab hab txhua tug tuabneeg daag, puab le feem yog nyob huv ntuj tawg lawj faaj,^x kws yog txujkev tuag zag ob.”

Lub nroog Yeluxalee tshab

⁹Xyaa tug tubkhai ntuj kws tuav xyaa lub phaaj kws rau xyaa yaam sub tawg sub ntshaa zag kawg hov ib tug has rua kuv has tas, “Ca le lug, kuv yuav qha koj pum tug nkauj nyaab kws yog tug Mivnyuas Yaaj le quaspuj.” ¹⁰Nwg txawm coj kuv huv Vaaj Ntsuj Plig nce rua sau lub roob luj sab heev hab qha kuv pum lub nroog Yeluxalee kws dawb huv nqeg sau ntuj ntawm Vaajtswv lug. ¹¹Lub nroog hov muaj Vaajtswv tug fwjchim ci ntsaa ab ib yaam le qai zeb hlaws tswm txaj, ib yaam le qai zeb hlaws daaj tshab tshab, ntshab le qai zeb av. ¹²Lub nroog muaj ntsaa loog luj hab sab, muaj kaum ob lub rooj loog hab muaj kaum ob tug tubkhai ntuj ib tug zuv ib lub rooj loog. Sau lub qhov rooj muaj cov Yixayee kaum ob xeem le npe sau ca. ¹³Saab nub tuaj muaj peb lub rooj loog, saab peg muaj peb lub, saab nraag muaj peb lub hab saab nub poob muaj peb lub. ¹⁴Lub nroog nuav lub ntsaa loog muaj kaum ob ntu taw tag, hab muaj tug Mivnyuas Yaaj kaum ob tug tubkhai le npe sau ca rua sau tej ntu taw tag hov, ib lub npe rua ib ntu taw tag.
¹⁵Tug tubkhai ntuj kws has rua kuv hov tuav rawv ib tug paas ntsuag kws xuas kub ua, yuav ntsuag lub nroog hab tej rooj loog hab lub ntsaa loog. ¹⁶Lub nroog plaub faab daav xwm yeem ib yaam nkaus. Nwg xuas tug paas ntsuag lub nroog muaj ob txheeb plaub puas kilumeb, qhov daav qhov ntev hab qhov sab sws npaug ib yaam nkaus. ¹⁷Nwg ntsuag lub ntsaa loog muaj ib puas plaub caug plaub tshwm lawv le tuabneeg tug paas ntsuag kws tug tubkhai ntuj swv. ¹⁸Lub ntsaa loog muab tej qai zeb daaj tshab tshab ua, lub nroog yog xuas tej tseem kub kws ntshab le av ua. ¹⁹Tej taw kws tag lub ntsaa loog muab txhua yaam qai zeb hlaws lu kuas zoo nkauj. Thawj ntu yog qai zeb hlaws daaj tshab tshab, ntu ob yog qai zeb phaithu yimlaaj, ntu peb yog qai zeb txho tawg, ntu plaub yog qai zeb ntsuab txho, ²⁰ntu tswb yog qai zeb av txho ci laam, ntu rau yog qai zeb lab pis tseb, ntu xyaa yog qai zeb ntsuab laam lug, ntu yim yog qai zeb ntsuab pis xab, ntu cuaj yog qai zeb daaj pis lig, ntu kaum yog qai zeb yimlaam xav, ntu kaum ib yog qai zeb ntsuab xav, ntu kaum ob yog qai zeb yimlaaj zem zwv. ²¹Kaum ob lub rooj loog yog xuas kaum ob lub qai qwj muaj nqes ua, ib lub rooj loog xuas ib lub qai qwj ua. Txujkev luj huv lub nroog hov yog xuas cov tseem kub kws pum kev tshaab plawg le av ua.
²²Kuv tsw pum muaj lub tuam tsev nyob huv lub nroog tsua qhov tug Tswv kws yog Vaajtswv muaj fwjchim luj kawg nkaus hab tug Mivnyuas Yaaj yog lub tuam tsev huv lub nroog hov. ²³Lub nroog tsw txug muaj lub nub lub hli le duab ci, tsua qhov Vaajtswv tug fwjchim ci ntsaa ab ci pum kev hab tug Mivnyuas Yaaj yog lub teeb huv lub nroog hov. ²⁴Ib tsoom tebchaws yuav taug kev huv lub nroog tug duab ci kaaj hab tej vaajntxwv huv nplajteb yuav coj puab tej meej mom nyaj txag tuaj rua huv lub nroog hov. ²⁵Nruab nub lub nroog tej rooj loog yeej tsw kaw, hab tsw muaj mo ntuj hlo le. ²⁶Luas yuav coj ib tsoom tebchaws tej meej mom nyaj txag hab lub koob meej tuaj rua huv hab. ²⁷Tsw muaj ib yaam qas tsw huv lossws ib tug tuabneeg kws ua qas vuab tsuab lossws daag ntxag yuav nkaag tau rua huv lub nroog hov, tsuas yog cov kws muaj npe sau ca rua huv tug Mivnyuas Yaaj phoo ntawv txujsa xwb txhad nkaag tau.