4

Phung Pah Kan Ndrel Y-Salômôn Phung Kôranh Tahan Păng

¹Hađăch Salômôn chiă uănh ma lĕ rngôch phung Israel. ²Aơ phung kôranh toyh păng geh: Y-Asaria, kon buklâu Y-Sadôk, jêng kôranh ƀư brah; ³Y-Êlihôrep jêh ri Y-Ahija phung kon buklâu Y-Sisa jêng phung kôranh chih samƀŭt; Y-Jêhôsaphat, kon buklâu Y-Ahilut jêng nơm kâp chih prăp nau tât; ⁴Y-Bênaya, kon buklâu Y-Jêhôida, jêng kôranh tâm lĕ lĭng tahan, Y-Sadôk jêh ri Y-Abiathar jêng phung kôranh ƀư brah;
⁵Y-Asaria, kon buklâu Y-Nathan, jêng kôranh phung kôranh tahan; Y-Sabut, kon buklâu Y-Nathan, jêng kôranh kâp kơl jêh ri mĭt jiăng hađăch; ⁶Y-Ahisar jêng kôranh chiă ngih hađăch, jêh ri Y-Adôniram, kon buklâu Y-Apda, jêng kôranh ma phung pah kan pi. ⁷Y-Salômôn geh jê̆t ma bar phung kôranh chiă uănh phung Israel, phung ăn geh ndơ sông sa ma hađăch jêh ri ma lĕ bunuyh tâm ngih păng. Ăp nơm nkra prăp ndơ sông sa du khay tâm du năm. ⁸Aơ amoh khân păng: Kon buklâu Y-Ben-Hur, uănh mpeh tâm yôk dor Êphraim. ⁹Kon buklâu Y-Ben-Dêker, uănh mpeh n'gor Makas, ƀon Salbim, ƀon Bet-Sêmes, jêh ri ƀon Êlon-Bet Hanan.
¹⁰Kon buklâu Y-Ben-Heset, uănh tâm n'gor Arubôt, păng nây uănh đŏng nkual Sôkô jêh ri lĕ neh n'gor Hêphê jêng ndơ păng. ¹¹Kon buklâu Y-Aminadap, uănh tâm lĕ n'gor Napat-Dor. Ur păng jêng H'Tapet, kon bu ur Y-Salômôn.
¹²Y-Bana, kon buklâu Y-Ahilut, uănh tâm nkual ƀon Tanach, ƀon Mêgidô, jêh ri lĕ ƀon Betsêan, tât ma ƀon Abel-Mêhôla tât mpeh kơh tê̆ ƀon Jok mêam.
¹³Kon buklâu Y-Ben Gêber, tâm ƀon Ramôt-Galaat; (păng geh lĕ ƀon Y-Jar kon buklâu Y-Manasê tâm n'gor Galaat, păng chiă uănh đŏng nkual Argôp tâm n'gor Basan, prao jê̆t rplay ƀon toyh geh mpêr mâng rnăng kông).
¹⁴Y-Ahinadap, kon buklâu Y-Idô uănh nkual ƀon Mahanaim. ¹⁵Y-Ahimas, uănh tâm n'gor-Naptali; (păng hŏ sŏk jêh H'Basêmat, kon bu ur Y-Salômôn, jêng ur păng).
¹⁶Y-Bana, kon buklâu Y-Husai, uănh tâm nkual Aser jêh ri ƀon Bêalôt.
¹⁷Y-Jêhôsaphat, kon buklâu Y-Parua, uănh tâm nkual Isakar. ¹⁸Y-Simei, kon buklâu Y-Êla, uănh tâm nkual Benjamin ¹⁹Y-Gêber, kon buklâu Y-Uri, uănh tâm n'gor Galaat, kăl e jêng n'gor Hađăch-Sihôn, phung Amôrit, jêh ri Hađăch Ôk hađăch n'gor Basan. Kanŏng êng du huê păng chiă uănh tâm lĕ bar n'gor aơ.

Nau Y-Salômôn Gĭt Mĭn Nau Păng Chăt Hao

²⁰Phung Yuda jêh ri phung Israel jêng bĭk rơ̆ nâm bu choih ta kơh dak mƀŭt.
Khân păng sông sa, nhêt jêh ri hâk răm ngăn. ²¹Y-Salômôn chiă uănh lĕ rngôch ƀon bri hađăch ntơn bơh dak krong Ơprat tât ma n'gor phung Philistin, kŏ tât n'har bri n'gor bri Êjipt. Bu chê̆ pi jêh ri pah kan ma Y-Salômôn lôch du njăr rêh păng.
²²Ăp nar tâm ngih gŭ hađăch Y-Salômôn geh ndơ prăp sông sa pe jê̆t kor ranih muy jêh ri prao jê̆t kor phe; ²³jê̆t mlâm ndrôk lay, bar jê̆t mlâm ndrôk rong tă bơh ndrêch, du rhiăng mlâm biăp, rmeh ma nây geh âk mlâm jun, yơng, jĭl jêh ri kik (pêp) iăr lay. ²⁴Yorlah Y-Salômôn chiă uănh lĕ nkual padâng dak krong ơprat ntơm bơh ƀon Tipsa tât ma ƀon Gasa, lĕ rngôch phung hađăch mpeh padâng dak krong ơprat tâm dâng nau chiă uănh păng da dê. Jêh ri păng geh nau đăp mpăn đah lĕ rngôch n'gor bri gŭ jŭm păng. ²⁵Du bông Y-Salômôn chiă uănh, phung Yuda jêh ri phung Israel, ntơm bơh ƀon Dan tât ma ƀon Bet-Sêba, gŭ lơh mir jan ba mpăn, ăp nơm tâm dâng tơm play kriăk ƀâu jêh ri tơm play rvi păng.
²⁶Hađăch Salômôn geh đŏng puăn rmưn ndrung ndrôk geh hip gơ̆ siăm ndrôk dui (nđuih) ndeh păng, jêh ri du rmưn bar phung tahan cho seh.
²⁷Bi phung kôranh ăp nkual, nkra prăp ndơ sông sa ma Hađăch-Salômôn, ăp nơm nkra prăp di du khay nal ma khân păng, jêh ri mbu moh văch tât dơi sông ndrel ma păng; khân păng mâu ăn pưt du ndơ ôh. ²⁸Khân păng leo njŭn đŏng ba orgơ jêh ri rahe ăn ma seh jêh ri ma seh nchuăt dŭt prăl bu ncho ma ntŭk bu hŏ tâm nal ma khân păng. ²⁹Brah NDu ăn ma Y-Salômôn nau gĭt mĭn jêh ri nau gĭt vât mâu dơi ntĭt ôh, nau gĭt rbăng âk nâm bu choih ta kơh dak mƀŭt. ³⁰Nau gĭt mĭn Y-Salômôn rlau lơn nau gĭt mĭn lĕ rngôch phung ƀon lan Bri Lơ jêh ri lĕ nau gĭt mĭn n'gor bri Êjipt.
³¹Y-Salômôn gĭt mĭn lơn ma lĕ rngôch bu nuyh êng, gĭt mĭn lơn ma Y-Êthan buklâu Êsrahit jêh ri Y-Hêman, Y-Kalkôl, jêh ri Y-Darda phung kon buklâu Y-Mahôl. Nau lư n'găr păng bu tăng lư tâm lĕ rngôch bri dak gŭ jŭm. ³²Hađăch ngơi jêh geh pe rbăn nau hôr, jêh ri păng geh du rbăn prăm nau mprơ. ³³Păng ngơi di ma tơm si, tă bơh tơm si sêdar ta n'gor Liban tât ma gơ̆ nse hisôp hon ta mpir; păng ngơi đŏng di ma mpô mpa bri, ma sĭm, ma mpa vơr, jêh ri ma ka. ³⁴Bu văch tât tă bơh lĕ rngôch ntil mpôl bunuyh gay ŭch iăt nau gĭt mĭn Y-Salômôn. Lĕ phung hađăch lam bri văr neh tơlah tăng bu nkoch ma nau gĭt mĭn Y-Salômôn bu ŭch iăt ma nau gĭt mĭn păng.

4

Solomon’s Administration

¹So King Solomon was king over all Israel. ²And these were his officials: Azariah the son of Zadok, the priest; ³Elihoreph and Ahijah, the sons of Shisha, scribes; ⚓Jehoshaphat the son of Ahilud, the recorder; ⁴⚓Benaiah the son of Jehoiada, over the army; Zadok and ⚓Abiathar, the priests; ⁵Azariah the son of Nathan, over ⚓the officers; Zabud the son of Nathan, ⚓a priest and⚓the king’s friend; ⁶Ahishar, over the household; and ⚓Adoniram the son of Abda, over the labor force.
⁷And Solomon had twelve governors over all Israel, who provided food for the king and his household; each one made provision for one month of the year. ⁸These are their names: Ben-Hur, in the mountains of Ephraim; ⁹Ben-Deker, in Makaz, Shaalbim, Beth Shemesh, and Elon Beth Hanan; ¹⁰Ben-Hesed, in Arubboth; to him belonged Sochoh and all the land of Hepher; ¹¹Ben-Abinadab, in all the regions of Dor; he had Taphath the daughter of Solomon as wife; ¹²Baana the son of Ahilud, in Taanach, Megiddo, and all Beth Shean, which is beside Zaretan below Jezreel, from Beth Shean to Abel Meholah, as far as the other side of Jokneam; ¹³Ben-Geber, in Ramoth Gilead; to him belonged⚓the towns of Jair the son of Manasseh, in Gilead; to him also belonged⚓the region of Argob in Bashan—sixty large cities with walls and bronze gate-bars; ¹⁴Ahinadab the son of Iddo, in Mahanaim; ¹⁵⚓Ahimaaz, in Naphtali; he also took Basemath the daughter of Solomon as wife; ¹⁶Baanah the son of ⚓Hushai, in Asher and Aloth; ¹⁷Jehoshaphat the son of Paruah, in Issachar; ¹⁸⚓Shimei the son of Elah, in Benjamin; ¹⁹Geber the son of Uri, in the land of Gilead, in⚓the country of Sihon king of the Amorites, and of Og king of Bashan. He was the only governor who was in the land.

Prosperity and Wisdom of Solomon’s Reign

²⁰Judah and Israel were as numerous ⚓as the sand by the sea in multitude, ⚓eating and drinking and rejoicing. ²¹So ⚓Solomon reigned over all kingdoms from ⚓the River to the land of the Philistines, as far as the border of Egypt. ⚓They brought tribute and served Solomon all the days of his life.
²²⚓Now Solomon’s provision for one day was thirty kors of fine flour, sixty kors of meal, ²³ten fatted oxen, twenty oxen from the pastures, and one hundred sheep, besides deer, gazelles, roebucks, and fatted fowl.
²⁴For he had dominion over all the region on this side of the River from Tiphsah even to Gaza, namely over ⚓all the kings on this side of the River; and ⚓he had peace on every side all around him. ²⁵And Judah and Israel ⚓dwelt safely, ⚓each man under his vine and his fig tree, ⚓from Dan as far as Beersheba, all the days of Solomon.
²⁶⚓Solomon had forty thousand stalls of ⚓horses for his chariots, and twelve thousand horsemen. ²⁷And ⚓these governors, each man in his month, provided food for King Solomon and for all who came to King Solomon’s table. There was no lack in their supply. ²⁸They also brought barley and straw to the proper place, for the horses and steeds, each man according to his charge.
²⁹And ⚓God gave Solomon wisdom and exceedingly great understanding, and largeness of heart like the sand on the seashore. ³⁰Thus Solomon’s wisdom excelled the wisdom of all the men ⚓of the East and all ⚓the wisdom of Egypt. ³¹For he was ⚓wiser than all men—⚓than Ethan the Ezrahite, ⚓and Heman, Chalcol, and Darda, the sons of Mahol; and his fame was in all the surrounding nations. ³²⚓He spoke three thousand proverbs, and his ⚓songs were one thousand and five. ³³Also he spoke of trees, from the cedar tree of Lebanon even to the hyssop that springs out of the wall; he spoke also of animals, of birds, of creeping things, and of fish. ³⁴And men of all nations, from all the kings of the earth who had heard of his wisdom, ⚓came to hear the wisdom of Solomon.