21
I^sakc Cuotv Seix
1Ziouv ziux ninh gorngv nyei waac korv-lienh Saalaa yaac ei ninh laengz nyei waac zoux.
2Apc^laa^ham hnyangx-jeiv gox wuov zanc, Saalaa maaih gu'nguaaz, yungz duqv dauh dorn bun Apc^laa^ham doix nzengc Tin-Hungh laengz nyei ziangh hoc.⚓
3Saalaa yungz bun ninh wuov dauh dorn, Apc^laa^ham cuotv mbuox heuc I^sakc.
4Yiem I^sakc cuotv seix taux da'betv hnoi wuov hnoi, Apc^laa^ham ei Tin-Hungh hatc nyei waac tengx I^sakc ⟨jiex gaatv nyei leiz.⟩⚓
5Ninh nyei dorn, I^sakc, cuotv seix wuov zanc Apc^laa^ham duqv yietc baeqv hnyangx.
6Saalaa gorngv, “Tin-Hungh bun yie kuh jatv. Haaix dauh haiz yaac oix kuh jatv.”
7Ninh aengx gorngv, “Haaix dauh gaamv gorngv mbuox Apc^laa^ham, Saalaa haih maaih gu'nguaaz hopv nyorx? Apc^laa^ham gox haic aqv, mv baac yie yungz duqv dauh dorn bun ninh mi'aqv.”
Haagaa Caux I^saa^maa^en Zuqc Zunc Biaux
8Wuov dauh dorn hlo deix aqv. Taux guangc nyorx nyei hnoi Apc^laa^ham mbenc nyanc mbenc hopv hlo nyei houc ninh nyei dorn guangc nyorx.
9Mv baac Saalaa buatc I^yipv Mienh, Haagaa, yungz bun Apc^laa^ham wuov dauh dorn, I^saa^maa^en, jatv I^sakc.⚓
10Saalaa ziouc gorngv mbuox Apc^laa^ham, “Zunc naaiv dauh nouh beiz mbuo i dorn-maac cuotv maah! Weic zuqc naaiv dauh nouh beiz nyei dorn maiv haih caux yie nyei dorn, I^sakc, juangc jaa-dingh nzipc.”⚓
11Apc^laa^ham weic ninh nyei dorn nzauh haic.
12Mv baac Tin-Hungh gorngv mbuox ninh, “Meih maiv dungx laaix naaiv dauh dorn caux naaiv dauh nouh beiz nzauh oc. Saalaa oix meih hnangv haaix nor zoux, gunv ei jienv zoux aqv. Weic zuqc meih nyei hoz doic zeiv-fun oix yiem I^sakc daaih.⚓
13Nouh beiz nyei dorn yie yaac oix bun ninh benx yietc fingx, weic zuqc ninh benx meih nyei cien dorn.”
14Da'nyeic ndorm nziouv nyei, Apc^laa^ham jiez sin daaih, zorqv deix njuov caux yietc ndopv-mbuoqc wuom bun Haagaa buix jienv ziouc bun ninh dorh jienv wuov dauh dorn cuotv biauv mingh mi'aqv. Haagaa ziouc leih wuov norm dorngx mingh taux Mbe^e^qe^mbaa Deic-Bung-Huaang jiex naaiv jiex wuov nyei.
15Mingh gau, ndopv-mbuoqc nyei wuom nzengc mi'aqv. Haagaa ziouc bun ninh nyei dorn bueix jienv ndiangx-dorn-fomv ga'ndiev.
16Ninh ganh aeqv, mingh lorz dorngx zueiz jienv leih ninh nyei dorn ndongc buonv yietc nzitv forng nyei dorngx, weic zuqc ninh gorngv, “Yie maiv oix mangc jienv yie nyei dorn daic.” Ninh ziouc yiem wuov nyiemv.⚓
17Tin-Hungh haiz naaiv dauh dorn nyiemv. Tin-Hungh nyei fin-mienh yiem gu'nguaaic lungh heuc, “Haagaa aac, meih weic haaix diuc ndongc naaic nzauh? Maiv dungx gamh nziex oc. Naaiv dauh dorn bueix jienv wuov ndau nyiemv, Tin-Hungh haiz mi'aqv.
18Jiez sin mingh hlorpv ninh daaih nanv jienv buoz, weic zuqc yie oix bun ninh benx yietc guoqv hlo nyei.”
19Gorngv liuz, Tin-Hungh bun Haagaa buatc norm wuom-kuotv. Haagaa ziouc mingh zaangh wuom buangv ndopv-mbuoqc bun ninh nyei dorn hopv.
20Tin-Hungh caux wuov dauh dorn yiem. Ninh hlo daaih yiem deic-bung-huaang aengx benx dauh buonv orv henv nyei mienh.
21Ninh yiem Baalaan Deic-Bung-Huaang. Ninh nyei maa mingh gorngv dauh I^yipv sieqv bun ninh longc zoux auv.
Apc^laa^ham Caux Aa^mbi^me^lekv Liepc Ngaengc Waac
22Dongh wuov zanc Aa^mbi^me^lekv Hungh caux jienv ninh nyei domh baeng-bieiv, Fiko, gorngv mbuox Apc^laa^ham, “Maiv gunv meih zoux haaix nyungc, Tin-Hungh caux meih yiem.⚓
23Meih oix zuqc yiem naaiv ziangv jienv Tin-Hungh laengz meih maiv zoux haaix nyungc dorngc yie fai yie nyei dorn-jueiv fun-faqv. Yie hnangv haaix nor zoux longx bun meih, meih yaac oix zuqc hnangv wuov nor zoux longx bun yie caux meih ih zanc yiem jienv naaiv nyei deic-bung.”
24Apc^laa^ham gorngv, “Yie ziangv jienv Tin-Hungh laengz aqv.”
25Apc^laa^ham yaac guaix Aa^mbi^me^lekv nyei bou mbuo nzaeng wuov norm wuom-kuotv bun Aa^mbi^me^lekv muangx.
26Aa^mbi^me^lekv gorngv, “Yie maiv hiuv duqv haaix dauh hnangv naaiv nor zoux. Meih liemh maiv mbuox yie. Ih zanc cingx daaih haiz meih gorngv.”
27Apc^laa^ham ziouc dorh ngongh caux ba'gi yungh daaih bun Aa^mbi^me^lekv. Ninh mbuo i dauh yaac liepc jiez ngaengc waac.
28Apc^laa^ham yiem ninh nyei ba'gi yungh guanh ginv cuotv siec dauh ba'gi yungh zeic dorn bun nqoi dorngx yiem.
29Aa^mbi^me^lekv naaic gaax ninh, “Meih ginv cuotv naaiv deix siec dauh ba'gi yungh zeic dorn ganh ca'lengc an maaih haaix nyungc eix leiz?”
30Apc^laa^ham dau, “Yie tov meih longc naaiv deix siec dauh ba'gi yungh zeic dorn weic zoux zorng-zengx bun cing se dongh yie wetv naaiv norm wuom-kuotv.”
31Wuov norm dorngx ninh mbuo ziouc cuotv mbuox heuc Mbe^e^qe^mbaa,⚓ weic zuqc ninh mbuo i dauh yiem wuov lomh nzoih liepc jiez ngaengc waac.⚓
32Yiem Mbe^e^qe^mbaa liepc liuz ngaengc waac, Aa^mbi^me^lekv caux ninh nyei domh baeng-bieiv, Fiko, nzuonx Fi^li^saa^die Deic-Bung.
33Apc^laa^ham yiem wuov Mbe^e^qe^mbaa zuangx zungh linh liouz ndiangx, aengx yiem wuov gorngv cuotv Ziouv nyei mbuox zaangc Ziouv, dongh Yietc Liuz Yiem nyei Tin-Hungh.
34Apc^laa^ham corc yiem wuov Fi^li^saa^die Deic-Bung lauh nyei.
21
以撒出生
1耶和華照着他所說的眷顧撒拉，耶和華實現了他對撒拉的應許。
2亞伯拉罕年老，到上帝對他說的那所定的時候，撒拉懷了孕，給他生了一個兒子。
3亞伯拉罕給撒拉所生的兒子起名叫以撒。
4以撒出生後第八日，亞伯拉罕遵照上帝所吩咐的，為以撒行割禮。
5他兒子以撒出生的時候，亞伯拉罕年一百歲。
6撒拉說：「上帝使我歡笑，凡聽見的人必與我一同歡笑」，
7又說：「誰能預先對亞伯拉罕說，撒拉要乳養孩子呢？因為在他年老的時候，我為他生了一個兒子。」
8孩子漸漸長大，就斷了奶。以撒斷奶的那一天，亞伯拉罕擺設豐盛的宴席。
夏甲和以實瑪利被逐
9那時，撒拉看見埃及人夏甲為亞伯拉罕所生的兒子戲笑，
10就對亞伯拉罕說：「你把這使女和她兒子趕出去！因為這使女的兒子不可與我的兒子以撒一同承受產業。」
11亞伯拉罕為這事非常憂愁，因為關乎他的兒子。
12上帝對亞伯拉罕說：「你不必為這孩子和你的使女憂愁。撒拉對你說的話，你都要聽從；因為從以撒生的，才要稱為你的後裔。
13至於使女的兒子，我也必使他成為一國，因為他是你的後裔。」
14亞伯拉罕清早起來，拿餅和一皮袋水，給了夏甲，搭在她肩上，把她和孩子一起送走。夏甲就走了，但她卻在別是巴的曠野流浪。
15皮袋的水用完了，夏甲就把孩子放在一棵小樹下，
16自己走開約有一箭之遠，相對而坐，說：「我不忍心看見孩子死」。她就坐在對面，放聲大哭。
17上帝聽見孩子的聲音，上帝的使者就從天上呼叫夏甲說：「夏甲，你為何這樣呢？不要害怕，上帝已經聽見孩子在那裏的聲音了。
18起來！把孩子扶起來，用你的手握住他，因我必使他成為大國。」
19上帝開了夏甲的眼睛，她就看見一口水井。她就去，把皮袋裝滿了水，給孩子喝。
20上帝與這孩子同在，他就漸漸長大，住在曠野，成了一個弓箭手。
21他住在巴蘭的曠野；他母親從埃及地為他娶了一個妻子。
亞伯拉罕與亞比米勒立約
22那時候，亞比米勒和他的將軍非各對亞伯拉罕說：「凡你所做的事，上帝都與你同在。
23我願你如今在這裏指着上帝對我起誓，不要虧待我和我的兒子，以及我的子孫。我怎樣忠誠待你，你也要照樣忠誠待我和你所寄居的這地。」
24亞伯拉罕說：「我願意起誓。」
25先前，亞比米勒的僕人霸佔了一口水井，亞伯拉罕為這事責備亞比米勒。
26亞比米勒說：「我不知道誰做了這事，你也沒有告訴我，我到今日才聽到。」
27亞伯拉罕把羊和牛給了亞比米勒，二人就彼此立約。
28亞伯拉罕把七隻小母羊另放在一處。
29亞比米勒對亞伯拉罕說：「你把這七隻小母羊另放一處是甚麼意思呢？」
30他說：「你要從我手裏接受這七隻小母羊，作我挖了這口井的證據。」
31所以他給那地方起名叫別是巴⚓，因為他們二人在那裏起了誓。
32他們在別是巴立了約，亞比米勒就和他的將軍非各起身回非利士人的地去了。
33亞伯拉罕就在別是巴種了一棵柳樹，在那裏求告耶和華－永恆上帝的名。
34亞伯拉罕在非利士人的地寄居了許多日子。