21
I^sakc Cuotv Seix
1Ziouv ziux ninh gorngv nyei waac korv-lienh Saalaa yaac ei ninh laengz nyei waac zoux.
2Apc^laa^ham hnyangx-jeiv gox wuov zanc, Saalaa maaih gu'nguaaz, yungz duqv dauh dorn bun Apc^laa^ham doix nzengc Tin-Hungh laengz nyei ziangh hoc.⚓
3Saalaa yungz bun ninh wuov dauh dorn, Apc^laa^ham cuotv mbuox heuc I^sakc.
4Yiem I^sakc cuotv seix taux da'betv hnoi wuov hnoi, Apc^laa^ham ei Tin-Hungh hatc nyei waac tengx I^sakc ⟨jiex gaatv nyei leiz.⟩⚓
5Ninh nyei dorn, I^sakc, cuotv seix wuov zanc Apc^laa^ham duqv yietc baeqv hnyangx.
6Saalaa gorngv, “Tin-Hungh bun yie kuh jatv. Haaix dauh haiz yaac oix kuh jatv.”
7Ninh aengx gorngv, “Haaix dauh gaamv gorngv mbuox Apc^laa^ham, Saalaa haih maaih gu'nguaaz hopv nyorx? Apc^laa^ham gox haic aqv, mv baac yie yungz duqv dauh dorn bun ninh mi'aqv.”
Haagaa Caux I^saa^maa^en Zuqc Zunc Biaux
8Wuov dauh dorn hlo deix aqv. Taux guangc nyorx nyei hnoi Apc^laa^ham mbenc nyanc mbenc hopv hlo nyei houc ninh nyei dorn guangc nyorx.
9Mv baac Saalaa buatc I^yipv Mienh, Haagaa, yungz bun Apc^laa^ham wuov dauh dorn, I^saa^maa^en, jatv I^sakc.⚓
10Saalaa ziouc gorngv mbuox Apc^laa^ham, “Zunc naaiv dauh nouh beiz mbuo i dorn-maac cuotv maah! Weic zuqc naaiv dauh nouh beiz nyei dorn maiv haih caux yie nyei dorn, I^sakc, juangc jaa-dingh nzipc.”⚓
11Apc^laa^ham weic ninh nyei dorn nzauh haic.
12Mv baac Tin-Hungh gorngv mbuox ninh, “Meih maiv dungx laaix naaiv dauh dorn caux naaiv dauh nouh beiz nzauh oc. Saalaa oix meih hnangv haaix nor zoux, gunv ei jienv zoux aqv. Weic zuqc meih nyei hoz doic zeiv-fun oix yiem I^sakc daaih.⚓
13Nouh beiz nyei dorn yie yaac oix bun ninh benx yietc fingx, weic zuqc ninh benx meih nyei cien dorn.”
14Da'nyeic ndorm nziouv nyei, Apc^laa^ham jiez sin daaih, zorqv deix njuov caux yietc ndopv-mbuoqc wuom bun Haagaa buix jienv ziouc bun ninh dorh jienv wuov dauh dorn cuotv biauv mingh mi'aqv. Haagaa ziouc leih wuov norm dorngx mingh taux Mbe^e^qe^mbaa Deic-Bung-Huaang jiex naaiv jiex wuov nyei.
15Mingh gau, ndopv-mbuoqc nyei wuom nzengc mi'aqv. Haagaa ziouc bun ninh nyei dorn bueix jienv ndiangx-dorn-fomv ga'ndiev.
16Ninh ganh aeqv, mingh lorz dorngx zueiz jienv leih ninh nyei dorn ndongc buonv yietc nzitv forng nyei dorngx, weic zuqc ninh gorngv, “Yie maiv oix mangc jienv yie nyei dorn daic.” Ninh ziouc yiem wuov nyiemv.⚓
17Tin-Hungh haiz naaiv dauh dorn nyiemv. Tin-Hungh nyei fin-mienh yiem gu'nguaaic lungh heuc, “Haagaa aac, meih weic haaix diuc ndongc naaic nzauh? Maiv dungx gamh nziex oc. Naaiv dauh dorn bueix jienv wuov ndau nyiemv, Tin-Hungh haiz mi'aqv.
18Jiez sin mingh hlorpv ninh daaih nanv jienv buoz, weic zuqc yie oix bun ninh benx yietc guoqv hlo nyei.”
19Gorngv liuz, Tin-Hungh bun Haagaa buatc norm wuom-kuotv. Haagaa ziouc mingh zaangh wuom buangv ndopv-mbuoqc bun ninh nyei dorn hopv.
20Tin-Hungh caux wuov dauh dorn yiem. Ninh hlo daaih yiem deic-bung-huaang aengx benx dauh buonv orv henv nyei mienh.
21Ninh yiem Baalaan Deic-Bung-Huaang. Ninh nyei maa mingh gorngv dauh I^yipv sieqv bun ninh longc zoux auv.
Apc^laa^ham Caux Aa^mbi^me^lekv Liepc Ngaengc Waac
22Dongh wuov zanc Aa^mbi^me^lekv Hungh caux jienv ninh nyei domh baeng-bieiv, Fiko, gorngv mbuox Apc^laa^ham, “Maiv gunv meih zoux haaix nyungc, Tin-Hungh caux meih yiem.⚓
23Meih oix zuqc yiem naaiv ziangv jienv Tin-Hungh laengz meih maiv zoux haaix nyungc dorngc yie fai yie nyei dorn-jueiv fun-faqv. Yie hnangv haaix nor zoux longx bun meih, meih yaac oix zuqc hnangv wuov nor zoux longx bun yie caux meih ih zanc yiem jienv naaiv nyei deic-bung.”
24Apc^laa^ham gorngv, “Yie ziangv jienv Tin-Hungh laengz aqv.”
25Apc^laa^ham yaac guaix Aa^mbi^me^lekv nyei bou mbuo nzaeng wuov norm wuom-kuotv bun Aa^mbi^me^lekv muangx.
26Aa^mbi^me^lekv gorngv, “Yie maiv hiuv duqv haaix dauh hnangv naaiv nor zoux. Meih liemh maiv mbuox yie. Ih zanc cingx daaih haiz meih gorngv.”
27Apc^laa^ham ziouc dorh ngongh caux ba'gi yungh daaih bun Aa^mbi^me^lekv. Ninh mbuo i dauh yaac liepc jiez ngaengc waac.
28Apc^laa^ham yiem ninh nyei ba'gi yungh guanh ginv cuotv siec dauh ba'gi yungh zeic dorn bun nqoi dorngx yiem.
29Aa^mbi^me^lekv naaic gaax ninh, “Meih ginv cuotv naaiv deix siec dauh ba'gi yungh zeic dorn ganh ca'lengc an maaih haaix nyungc eix leiz?”
30Apc^laa^ham dau, “Yie tov meih longc naaiv deix siec dauh ba'gi yungh zeic dorn weic zoux zorng-zengx bun cing se dongh yie wetv naaiv norm wuom-kuotv.”
31Wuov norm dorngx ninh mbuo ziouc cuotv mbuox heuc Mbe^e^qe^mbaa,⚓ weic zuqc ninh mbuo i dauh yiem wuov lomh nzoih liepc jiez ngaengc waac.⚓
32Yiem Mbe^e^qe^mbaa liepc liuz ngaengc waac, Aa^mbi^me^lekv caux ninh nyei domh baeng-bieiv, Fiko, nzuonx Fi^li^saa^die Deic-Bung.
33Apc^laa^ham yiem wuov Mbe^e^qe^mbaa zuangx zungh linh liouz ndiangx, aengx yiem wuov gorngv cuotv Ziouv nyei mbuox zaangc Ziouv, dongh Yietc Liuz Yiem nyei Tin-Hungh.
34Apc^laa^ham corc yiem wuov Fi^li^saa^die Deic-Bung lauh nyei.
21
以撒出生
1耶和华照着他所说的眷顾撒拉，耶和华实现了他对撒拉的应许。
2亚伯拉罕年老，到上帝对他说的那所定的时候，撒拉怀了孕，给他生了一个儿子。
3亚伯拉罕给撒拉所生的儿子起名叫以撒。
4以撒出生后第八日，亚伯拉罕遵照上帝所吩咐的，为以撒行割礼。
5他儿子以撒出生的时候，亚伯拉罕年一百岁。
6撒拉说：“上帝使我欢笑，凡听见的人必与我一同欢笑”，
7又说：“谁能预先对亚伯拉罕说，撒拉要乳养孩子呢？因为在他年老的时候，我为他生了一个儿子。”
8孩子渐渐长大，就断了奶。以撒断奶的那一天，亚伯拉罕摆设丰盛的宴席。
夏甲和以实玛利被逐
9那时，撒拉看见埃及人夏甲为亚伯拉罕所生的儿子戏笑，
10就对亚伯拉罕说：“你把这使女和她儿子赶出去！因为这使女的儿子不可与我的儿子以撒一同承受产业。”
11亚伯拉罕为这事非常忧愁，因为关乎他的儿子。
12上帝对亚伯拉罕说：“你不必为这孩子和你的使女忧愁。撒拉对你说的话，你都要听从；因为从以撒生的，才要称为你的后裔。
13至于使女的儿子，我也必使他成为一国，因为他是你的后裔。”
14亚伯拉罕清早起来，拿饼和一皮袋水，给了夏甲，搭在她肩上，把她和孩子一起送走。夏甲就走了，但她却在别是巴的旷野流浪。
15皮袋的水用完了，夏甲就把孩子放在一棵小树下，
16自己走开约有一箭之远，相对而坐，说：“我不忍心看见孩子死”。她就坐在对面，放声大哭。
17上帝听见孩子的声音，上帝的使者就从天上呼叫夏甲说：“夏甲，你为何这样呢？不要害怕，上帝已经听见孩子在那里的声音了。
18起来！把孩子扶起来，用你的手握住他，因我必使他成为大国。”
19上帝开了夏甲的眼睛，她就看见一口水井。她就去，把皮袋装满了水，给孩子喝。
20上帝与这孩子同在，他就渐渐长大，住在旷野，成了一个弓箭手。
21他住在巴兰的旷野；他母亲从埃及地为他娶了一个妻子。
亚伯拉罕与亚比米勒立约
22那时候，亚比米勒和他的将军非各对亚伯拉罕说：“凡你所做的事，上帝都与你同在。
23我愿你如今在这里指着上帝对我起誓，不要亏待我和我的儿子，以及我的子孙。我怎样忠诚待你，你也要照样忠诚待我和你所寄居的这地。”
24亚伯拉罕说：“我愿意起誓。”
25先前，亚比米勒的仆人霸占了一口水井，亚伯拉罕为这事责备亚比米勒。
26亚比米勒说：“我不知道谁做了这事，你也没有告诉我，我到今日才听到。”
27亚伯拉罕把羊和牛给了亚比米勒，二人就彼此立约。
28亚伯拉罕把七只小母羊另放在一处。
29亚比米勒对亚伯拉罕说：“你把这七只小母羊另放一处是什么意思呢？”
30他说：“你要从我手里接受这七只小母羊，作我挖了这口井的证据。”
31所以他给那地方起名叫别是巴⚓，因为他们二人在那里起了誓。
32他们在别是巴立了约，亚比米勒就和他的将军非各起身回非利士人的地去了。
33亚伯拉罕就在别是巴种了一棵柳树，在那里求告耶和华—永恒上帝的名。
34亚伯拉罕在非利士人的地寄居了许多日子。