21
掃羅的後代被處死
1大衛在位年間有饑荒，一連三年，大衛求問耶和華，耶和華說：「掃羅和他家犯了流人血之罪，因為他殺死了基遍人。」
2大衛王召了基遍人來，跟他們說話。基遍人不是以色列人，而是亞摩利人中所剩下的人。以色列人曾向他們起誓，掃羅卻為以色列人和猶大人大發熱心，追殺他們，為了要消滅他們。
3大衛對基遍人說：「我當為你們做甚麼呢？要用甚麼贖這罪，使你們為耶和華的產業祝福呢？」
4基遍人對他說：「我們和掃羅以及他家的事與金銀無關，也不要因我們的緣故殺任何以色列人。」大衛說：「你們怎樣說，我就為你們怎樣做。」
5他們對王說：「那謀害我們、要消滅我們、使我們不得住以色列境內的人，
6請把他的子孫七人交給我們，我們好在耶和華面前，把他們懸掛在基比亞，就是耶和華揀選掃羅的地方。」王說：「我必交給你們。」
7王顧惜掃羅的孫子，約拿單的兒子米非波設，因為在大衛和掃羅的兒子約拿單之間，有指着耶和華的誓言。
8王卻把愛亞的女兒利斯巴為掃羅所生的兩個兒子亞摩尼和米非波設，以及掃羅的女兒米拉⚓為米何拉人巴西萊兒子亞得列所生的五個兒子
9交在基遍人的手裏。基遍人在耶和華面前把他們懸掛在山上，這七人就一起死了。他們被殺的時候正是收割的頭幾天，就是開始收割大麥的時候。
10愛亞的女兒利斯巴用麻布舖在磐石上搭棚，從收割的開始直到天降雨在屍體上，她白日不許空中的飛鳥落在屍體上，夜間不讓田野的走獸前來。
11有人把掃羅的妃子愛亞女兒利斯巴所做的事告訴大衛。
12大衛就去，從基列的雅比人那裏把掃羅和他兒子約拿單的骸骨搬來。先前非利士人在基利波殺了掃羅，把屍體懸掛在伯‧珊的廣場上，後來基列的雅比人把屍體偷走。
13大衛把掃羅和他兒子約拿單的骸骨從那裏搬上來，又收殮了被懸掛的那些人的骸骨。
14他們將掃羅和他兒子約拿單的骸骨葬在便雅憫的洗拉，在掃羅父親基士的墳墓裏。他們遵照王所吩咐的一切做了。此後上帝垂聽了為那地的祈求。
攻打非利士巨人
（代上20．4－8）
15非利士人與以色列人打仗。大衛帶領僕人下去，與非利士人交戰，大衛就疲乏了。
16巨人族的後裔以實‧比諾說要殺大衛；他的銅槍重三百舍客勒，腰間又佩着新刀⚓。
17但洗魯雅的兒子亞比篩幫助大衛攻擊非利士人，殺死了他。當日，大衛的人向大衛起誓說：「你不可再與我們一同出戰，免得以色列的燈熄滅了。」
18後來，在歌伯又與非利士人打仗，那時戶沙人西比該殺了巨人族的後裔撒弗。
19他們又在歌伯與非利士人打仗，伯利恆人雅雷⚓的兒子伊勒哈難殺了迦特人歌利亞；這人的槍桿粗如織布機的軸。
20又有一次，他們在迦特打仗。那裏有一個身材高大的人，雙手各有六根手指，雙腳各有六根腳趾，共有二十四根；他也是巨人族的後裔。
21他向以色列罵陣，大衛的哥哥示米亞的兒子約拿單就殺了他。
22這四個人是迦特巨人族的後裔，都仆倒在大衛和他僕人的手下。
21
Gi^mbe^on Mienh Duqv Jaauv Win
1Ndaawitv zoux hungh gunv nyei ziangh hoc buangh zuqc linh jienv buo hnyangx nyei domh ngorc. Ndaawitv ziouc mingh yiem Ziouv nyei nza'hmien naaic Ziouv.Ziouv gorngv, “Se laaix Saulo daix Gi^mbe^on Mienh cingx maaih daix mienh daic nyei nziaamv guoqv jienv Saulo caux ninh nyei douh zong.”
2Hungh diex ziouc heuc Gi^mbe^on Mienh daaih. (Gi^mbe^on Mienh se maiv zeiz I^saa^laa^en Mienh. Ninh mbuo se zengc njiec nyei Aa^mo^lai Mienh. I^saa^laa^en Mienh caux ninh mbuo laengz ngaengc waac liouh ninh mbuo nyei maengc,⚓ mv baac Saulo lorz jauv daix ninh mbuo weic zuqc ninh jorm hnyouv oix tengx I^saa^laa^en caux Yu^ndaa Mienh.)
3Ndaawitv naaic Gi^mbe^on Mienh, “Yie oix zuqc weic meih mbuo zoux haaix nyungc? Yie oix zuqc hnangv haaix nor zoux cingx fiqv duqv nzengc zuiz weic bun meih mbuo buang waac bun Ziouv nzipc nyei buonc?”
4Gi^mbe^on Mienh dau hungh diex, “Yie mbuo caux Saulo caux ninh nyei douh zong nyei sic maiv haih longc jiem nyaanh mbenc sung. Yie mbuo yaac maiv maaih leiz daix haaix dauh I^saa^laa^en Mienh daic.”
Ndaawitv gorngv, “Meih mbuo oix yie weic meih mbuo zoux haaix nyungc?”
5Ninh mbuo gorngv mbuox hungh diex, “Zinh ndaangc Saulo daav za'eix hoic yie mbuo, oix mietc nzengc yie mbuo, maiv liouh yie mbuo duqv yiem I^saa^laa^en Deic-Bung nyei haaix norm dorngx.
6Tov zorqv siec dauh ninh nyei zeiv-fun, dongh m'jangc dorn wuov deix, bun yie mbuo yiem Ziouv nyei nza'hmien, dongh Ziouv ginv daaih wuov dauh Saulo nyei buonv-deic mungv, Gi^mbe^aa, ndiux ninh mbuo daic.”
Hungh diex gorngv, “Yie zungv zorqv ninh mbuo daaih jiu bun meih mbuo.”
7Mv baac Ndaawitv liouh Saulo nyei fun, Yo^naa^taan nyei dorn, Me^fi^mbo^setv, weic zuqc Ndaawitv caux Saulo nyei dorn, Yo^naa^taan, ⟨laengz jiex ngaengc waac.⟩⚓
8Ninh zorqv Ai^aa nyei sieqv, Litv^baa, yungz bun Saulo nyei i dauh dorn, Aan^mo^ni caux Me^fi^mbo^setv. Ninh aengx zorqv Saulo nyei sieqv, Melaapv, yungz bun Me^hox^laa Mienh, Mbaa^sin^lai nyei dorn, Aatc^li^en, nyei biaa dauh dorn.⚓
9Ndaawitv jiu bun Gi^mbe^on Mienh. Gi^mbe^on Mienh ziouc yiem norm mbong gu'nguaaic, yiem Ziouv nyei nza'hmien ndiux ninh mbuo siec dauh daic. Naaiv deix siec dauh ziouc yietc njiec daic. Ninh mbuo zuqc daix daic nyei ziangh hoc se doix zuqc gaatv mbiauh nyei hnoi-nyieqc, se jiez gorn gaatv mbiauh mbaali nyei ziangh hoc.
10Ai^aa nyei sieqv, Litv^baa, longc la'maah ndie-cou corng⚓ la'bieiv-zorng gu'nguaaic. Yiem jiez gorn gaatv mbiauh nyei ziangh hoc taux lungh duih mbiungc, lungh hnoi zanc ninh maiv bun ndaamv-lungh nyei norqc daaih nzopc ninh mbuo nyei sei, lungh muonz zanc yaac maiv bun lomc-huaang nyei hieh zoih daaih nitv fatv.
11Maaih mienh mbuox Ndaawitv, Saulo nyei jaav-zeih auv, Ai^aa nyei sieqv, Litv^baa, hnangv haaix nor zoux.
12Ndaawitv ziouc mingh Yaa^mbetc Gi^le^aatc zorqv Saulo caux ninh nyei dorn, Yo^naa^taan nyei mbungv nzuonx daaih. (Zinh ndaangc Fi^li^saa^die Mienh yiem Gin^mbo^aa daix Saulo mbuo, aengx dorh ninh mbuo nyei sei mingh ndiux jienv yiem Mbetc Saan nyei domh zuangx zaamc. Yaa^mbetc Gi^le^aatc nyei mienh mingh nimc ninh mbuo daaih.)⚓
13Ndaawitv dorh Saulo caux ninh nyei dorn, Yo^naa^taan, nyei mbungv nzuonx daaih aengx siou zunv zuqc ndiux daic wuov deix siec dauh nyei mbungv.
14Ninh mbuo zangx Saulo caux ninh nyei dorn, Yo^naa^taan, nyei mbungv yiem Saulo nyei die, Kitv, nyei zouv, Mben^yaa^min Deic, Ze^e^laa wuov. Zuangx mienh ziouc ziux hungh diex paaiv nyei waac zoux ziangx nzengc. Nqa'haav Tin-Hungh muangx weic wuov norm deic-bung jouh nyei waac.
Caux Fi^li^saa^die Mienh Mborqv Jaax
(Beiv mangc 1 Zunh Doic Douh 20:4-8)
15Fi^li^saa^die Mienh aengx daaih caux I^saa^laa^en Mienh mborqv jaax. Ndaawitv caux ninh nyei jun-baeng njiec mingh mborqv Fi^li^saa^die Mienh. Mborqv gau jaax, Ndaawitv haiz kouv haic.
16Maaih dauh ziangh duqv hlo hlang nyei mienh⚓ nyei zeiv-fun, mbuox heuc Itc^mbi Mbenopv. Ninh maaih dongh siqv cang, hniev-daauh i joih cietv lungz.⚓ Ninh aengx sai jienv siang-nzuqc ndaauv. Ninh hnamv oix daix Ndaawitv.
17Mv baac Se^lu^yaa nyei dorn, Aa^mbi^qai, daaih tengx Ndaawitv. Ninh mborqv wuov dauh Fi^li^saa^die Mienh aengx daix ninh aqv. Nqa'haav gan Ndaawitv nyei mienh houv jienv gorngv, “Yangh naaiv mingh yie mbuo maiv bun meih cuotv mingh caux yie mbuo mborqv jaax. Nziex I^saa^laa^en Mienh nyei hungh douh haih zutc.”⚓⚓
18Hoz daaih I^saa^laa^en Mienh aengx caux Fi^li^saa^die Mienh mborqv jaax yiem Gopc. Wuov nzunc Husaa Mienh, Sipc^mbe^kai, daix dauh naaiv deix hlo hlang mienh nyei zeiv-fun, mbuox heuc Sapc^be.
19Yiem Gopc aengx maaih caux Fi^li^saa^die Mienh mborqv nzunc jaax. Mbetc^le^hem Mienh, Yaa^aa^le O^le^gim, nyei dorn, En^haa^nan, daix Gatc Mienh, Go^li^atc,⚓ naaiv dauh mienh nyei cang-baengx lomh nzenc suix ndatv ndie nyei biaav hlo.
20Nqa'haav yiem Gatc aengx maaih nzunc mborqv jaax. Yiem wuov norm dorngx maaih dauh mienh ziangh duqv hlo hlang nyei. Ninh nyei buoz yietc jieqv maaih juqv norm buoz-ndoqv. Ninh nyei zaux yietc jieqv yaac maaih juqv norm zaux-ndoqv. Yietc zungv maaih nyic ziepc feix norm. Ninh yaac zoux hlo hlang wuov deix mienh nyei zeiv-fun.⚓
21Ninh ndouv I^saa^laa^en Mienh caux ninh mborqv jaax. Ndaawitv nyei gorx, Si^me^haa nyei dorn, Yo^naa^taan, ziouc daix ninh aqv.
22Naaiv deix biei dauh se yiem Gatc Zingh hlo hlang mienh nyei zeiv-fun. Ninh mbuo zuqc Ndaawitv caux ninh nyei jien nyei buoz daix nzengc.