47
Vajtswv yog tus tuam vajntxwv kav hlo lub qab ntuj
Sau rau tus thawj coj hu nkauj. Zaj nkauj uas Khaula caj ces sau.
1Ib tsoom neeg 'e, cia li npuaj teg,
qw hu nkauj zoo siab xyiv fab
nrov nrov rau Vajtswv.
2Yawmsaub yog tus loj dua ntais,
yog tus uas txaus ntshai,
yog tus vajntxwv loj
uas kav tag nrho lub ntiajteb.
3Nws ua kom tej neeg los nyob
rau hauv peb kev tswjhwm,
thiab ua kom tej tebchaws nyob
rau hauv peb qab xib taws.
4Nws xaiv qub txeeg qub teg rau peb,
yog yam uas Yakhauj uas Vajtswv hlub
khav ntxhias.
5Vajtswv nce mus muaj suab qw nrov,
Yawmsaub nce mus muaj suab raj kub yaj.
6Cia li hu nkauj qhuas Vajtswv,
cia li hu nkauj qhuas los maj.
Cia li hu nkauj qhuas peb tus vajntxwv,
cia li hu nkauj qhuas los maj.
7Rau qhov Vajtswv yog tus vajntxwv
uas kav tag nrho lub ntiajteb.
Cia li hu nkauj zoo siab qhuas nws.
8Vajtswv kav hlo ib tsoom tebchaws,
Vajtswv nyob saum nws lub zwm txwv
uas dawb huv.
9Tej thawj hauv ib tsoom neeg
tuaj txoos ua ke
ua Aplahas tus Vajtswv haiv neeg.
Tej daim phiaj thaiv lub ntiajteb⚓
yog Vajtswv li.
Nws yog tus uas raug muab txhawb nqa
siab kawg nkaus.
47
Đức Chúa Trời là Vua Chúa của cả trái đất
Thơ con cháu Cô-rê làm. Cho thầy nhạc chánh
1 Hỡi các dân, hãy vỗ tay;
Hãy lấy tiếng thắng trận mà reo mừng cho Đức Chúa Trời.
2 Vì Đức Giê-hô-va Chí Cao thật đáng kinh;
Ngài là Vua lớn trên cả trái đất.
3 Ngài khiến các dân suy phục chúng tôi,
Và làm các nước phục dưới chân chúng tôi.
4 Ngài chọn cơ nghiệp cho chúng tôi,
Là sự vinh hiển của Gia-cốp mà Ngài yêu mến. (Sê-la)
5 Đức Chúa Trời ngự lên có tiếng reo mừng,
Đức Giê-hô-va thăng lên có tiếng kèn thổi.
6 Hãy hát ngợi khen Đức Chúa Trời, khá hát đi;
Hãy hát ngợi khen Vua chúng tôi, khá hát đi;
7 Vì Đức Chúa Trời là Vua của cả trái đất;
Hãy hát ngợi khen cách thông hiểu.
8 Đức Chúa Trời cai trị các nước,
Đức Chúa Trời ngự ngôi thánh Ngài.
9 Vua các dân đều nhóm nhau lại
Đặng làm dân Đức Chúa Trời của Áp-ra-ham;
Vì các khiên của đất đều thuộc về Đức Chúa Trời;
Ngài được tôn chí cao.