23
1Baulo nuqv-nuqv nyei mangc ⟨Gunv Sic Wuic⟩ nyei mienh yaac gorngv, “Yie nyei gorx-youz aac, yie yiem naaiv seix zaangc taux ih hnoi, Tin-Hungh buatc yie hnangv haaix nor yiem, ei yie nyei kuv laangh fim yie zoux duqv horpc.”
2Aa^naa^nie domh sai mienh heuc souv jienv Baulo nyei ga'hlen wuov deix mienh mbaix Baulo nyei nzuih.
3Baulo gorngv, “Hmien nzueic hnyouv ciouv nyei mienh aah! ⚓ Tin-Hungh yaac oix mbaix meih aqv. Meih zueiz naaic longc leiz-latc dunx yie nyei sic, mv baac meih ganh yaac zoux dorngc leiz-latc mbuox mienh mbaix yie.” ⚓
4Souv Baulo nyei ga'hlen wuov deix mienh gorngv, “Meih hnangv naaiv nor gorngv doqc Tin-Hungh nyei domh sai mienh?”
5Baulo aengx gorngv, “Gorx-youz aah! Yie maiv hiuv duqv ninh zoux domh sai mienh. Ging-Sou fiev jienv gorngv, ‘Maiv dungx gorngv doqc gunv baeqc fingx nyei jien.’ ” ⚓
6Baulo buatc yiem wuov nyei zuangx mienh maaih deix se ⟨Saa^ndu^si Mienh,⟩ maaih deix ⟨Saa^ndu^si Mienh,⟩ Ninh ziouc heuc mbui nyei mbuox Gunv Sic Wuic nyei mienh, “Gorx-youz aah! Yie yaac Faa^li^si Mienh, yaac zoux Faa^li^si Mienh nyei dorn. Yie yiem naaiv zuqc siemv se weic zuqc yie maaih lamh hnamv. Yie sienx mienh daic mingh aengx haih nangh daaih.” ⚓
7Baulo hnangv naaiv nor gorngv, Faa^li^si Mienh caux Saa^ndu^si Mienh nzaeng jiez jaax daaih. Wuic nyei zuangx mienh ziouc bun nqoi zoux i guanh mi'aqv.
8Weic zuqc Saa^ndu^si Mienh maiv sienx mienh daic mingh aengx haih nangh daaih, maiv sienx maaih fin-mienh, yaac maiv sienx maaih mienv, mv baac Faa^li^si Mienh sienx naaiv deix buo nyungc zungv maaih nyei. ⚓
9Zuangx mienh ziouc nzaeng jiez domh jaax. Maaih deix Faa^li^si Mienh yaac zoux njaaux leiz nyei fin-saeng souv jiez daaih congh qiex gorngv, “Yie mbuo maiv buatc naaiv laanh mienh zoux dorngc haaix nyungc. Se gorngv mienv fai fin-mienh daaih caux ninh gorngv waac hnangv haaix nor?”
10Gunv nzaeng gau qiex jiez, domh baeng-bieiv gamh nziex ninh mbuo haih betv nzengc Baulo. Ninh ziouc paaiv baeng njiec zuangx mienh mbu'ndongx mingh zorqv Baulo cuotv daaih aengx dorh mingh baeng yiem nyei dorngx.
11Wuov muonz Ziouv daaih souv jienv Baulo nyei ga'hlen gorngv, “Gunv bungx hnyouv oc. Meih yiem naaiv Ye^lu^saa^lem Zingh tengx yie zoux zorng-zengx, meih yaac oix zuqc fih hnangv nyei mingh Lomaa Zingh zoux zorng-zengx.”
Yiutai Mienh Daav Za'eix Daix Baulo
12Da'nyeic ndorm nziouv nyei, maaih deix Yiutai Mienh beic ndiev caangh laangh. Ninh mbuo lomh nzoih ndouv jiez zioux gorngv ninh mbuo maiv nyanc haaix nyungc maiv hopv haaix nyungc taux duqv daix liuz Baulo.
13Dongh hnyouv zoux nyei mienh maaih feix ziepc lengh laanh.
14Ninh mbuo mingh ⟨sai mienh bieiv⟩ caux mienh gox mbuo wuov gorngv mbuox ninh mbuo, “Yie mbuo lomh nzoih ndouv jiez zioux hlo nyei. Yie mbuo maiv nyanc haaix nyungc taux duqv daix guangc Baulo.
15Hnangv naaic, meih mbuo caux Gunv Sic Wuic nyei mienh oix zuqc tov domh baeng-bieiv dorh Baulo daaih meih mbuo naaiv zoux hnangv meih mbuo za'gengh oix hiuv muonc ninh nyei jauv-louc. Mv baac ninh maiv gaengh taux meih mbuo naaiv, yie mbuo oix dangv jienv ndaamv-jauv daix ninh.”
16Mv baac Baulo nyei muoc nyei dorn haiz gorngv naaiv deix mienh hnangv naaiv nor zoux, ninh ziouc mingh baeng yiem nyei dorngx wuov mbuox Baulo.
17Baulo ziouc heuc dauh baeng-bieiv daaih mbuox ninh, “Tov meih dorh naaiv dauh houh saeng mingh domh baeng-bieiv wuov. Naaiv dauh dorn maaih joux waac oix gorngv mbuox ninh.”
18Baeng-bieiv ziouc dorh ninh mingh buangh domh baeng-bieiv ziouc gorngv, “Wuonx loh wuov dauh Baulo tov yie dorh naaiv dauh houh saeng daaih. Ninh maaih joux waac oix daaih mbuox meih.”
19Domh baeng-bieiv ziouc ken wuov dauh houh saeng mingh lengh deix naaic ninh, “Meih maaih haaix nyungc oix mbuox yie?”
20Wuov dauh houh saeng gorngv, “Zoux hlo wuov deix Yiutai Mienh dongh hnyouv tov meih njang hnoi dorh yie nyei domh nauz Baulo mingh ninh mbuo nyei Gunv Sic Wuic wuov. Ninh mbuo oix zoux hnangv oix hiuv ninh nyei jauv gauh muonc deix.
21Mv baac tov meih maiv dungx muangx ninh mbuo nyei waac weic zuqc maaih feix ziepc lengh dauh zuov jienv ndaamv-jauv. Ninh mbuo ndouv jiez zioux gorngv ninh mbuo maiv nyanc yaac maiv hopv haaix nyungc taux duqv daix Baulo guangc. Ninh mbuo mbenc ziangx aqv, kungx zuov jienv meih nqoi nzuih bun Baulo mingh nyei waac hnangv.”
22Domh baeng-bieiv mbuox wuov dauh dorn nzuonx aqv. Aengx jaa waac gorngv, “Cin-maanc maiv dungx bun haaix dauh hiuv meih daaih mbuox naaiv joux waac yie.”
Baeng Aengx Dorh Baulo Mingh Felikv Wuov
23Domh baeng-bieiv ziouc heuc i dauh baeng-bieiv daaih mbuox ninh mbuo, “Meih mbuo oix zuqc liuc leiz ziangx nyic baeqv dauh yangh jauv nyei baeng, cietv ziepc dauh geh maaz nyei baeng, caux nyic baeqv dauh ndaam cang nyei baeng. Ih muonz nduoh norm ziangh hoc oix zuqc cuotv jauv mingh Si^saa^li^yaa Zingh.
24Yaac oix zuqc liuc leiz maaz bun Baulo geh, goux jienv ninh jauv zaangc baengh orn nyei mingh Felikv Zungx wuov.”
25Domh baeng-bieiv yaac fiev zeiv fienx. Fienx hnangv naaiv gorngv.
26“Zien oix nyei Felikv Zungx aah!
Yie Kaa^laau^ndi^atc Lisietv fiev fienx bun meih. Yie jangx taux meih.
27Yiutai Mienh zorqv naaiv laanh mienh yaac kaav deix daix ninh mi'aqv. Mv baac yie haiz gorngv ninh zoux Lomaa Mienh, yie caux baeng ziouc mingh caangv ninh cuotv daaih.
28Yie oix hiuv duqv ninh mbuo weic haaix diuc gox ninh ziouc dorh ninh mingh taux ninh mbuo nyei Gunv Sic Wuic wuov.
29Yie ziouc hiuv duqv ninh maiv dorngc haaix nyungc zic duqv daix fai zic duqv wuonx loh. Ninh mbuo gox nyei se nzaeng Yiutai Mienh nyei leiz hnangv.
30Yie hiuv duqv maaih deix mienh daav za'eix oix zorqv ninh nyei maengc, yie ziouc liemh zeih fungx ninh mingh meih naaic. Yie yaac heuc gox ninh wuov deix mienh mingh meih wuov gox.”
31Baeng ziouc ei jienv domh baeng-bieiv nyei waac zoux. Wuov muonz ninh mbuo fungx mingh An^ti^baa^di Mungv wuov.
32Da'nyeic hnoi yangh jauv nyei baeng daaux sin nzuonx. Kungx geh maaz nyei baeng ganh fungx ninh mingh hnangv.
33Mingh taux Si^saa^li^yaa Zingh, ninh mbuo zorqv fienx bun zungx yaac jiu Baulo bun ninh mi'aqv.
34Zungx doqc liuz fienx, ninh naaic gaax Baulo ninh yiem haaix norm saengv daaih nyei mienh. Hiuv duqv Baulo yiem Si^li^sie daaih ninh ziouc mbuox Baulo,
35“Zuov gox meih wuov deix mienh daaih taux, yie ziouc muangx meih nyei gorn-baengx.” Gorngv liuz, zungx ziouc paaiv baeng dorh mingh yiem Helotv nyei hungh dinc goux jienv.
23
1保罗定睛看着议会的人，说：“诸位弟兄，我在上帝面前，行事为人都是凭着清白的良心，直到今日。”
2亚拿尼亚大祭司就吩咐旁边站着的人打他的嘴。
3这时，保罗对他说：“你这粉饰的墙，上帝要打你！你坐堂是要按律法审问我，你竟违背律法，命令人打我吗？”
4站在旁边的人说：“你竟敢辱骂上帝的大祭司吗？”
5保罗说：“弟兄们，我不知道他是大祭司；因为经上记着：‘不可毁谤你百姓的官长。’”
6保罗看出他们一部分是撒都该人，一部分是法利赛人，就在议会中喊着：“诸位弟兄，我是法利赛人，也是法利赛人的子孙。我现在受审问是为有关死人复活的盼望。”
7说了这话，法利赛人和撒都该人争论起来，会众分为两派。
8因为撒都该人一方面说没有复活，另一方面没有天使和鬼魂；法利赛人却承认两方面都有。
9于是大大地争吵起来；有几个法利赛派的文士站起来争辩说：“我们看不出这人有什么错处；说不定有鬼魂或者天使对他说过话呢！”
10那时争辩越来越大，千夫长恐怕保罗被他们扯碎了，就命令士兵下去，把他从众人当中抢出来，带进营楼去。
11当夜，主站在保罗旁边，说：“放心吧！你怎样在耶路撒冷为我作见证，也必怎样在罗马为我作见证。”
杀害保罗的阴谋
12到了天亮，犹太人同谋起誓，说“若不先杀保罗就不吃不喝”。
13参与这阴谋的有四十多人。
14他们来见祭司长和长老，说：“我们已经发了重誓，若不先杀保罗就什么也不吃。
15现在你们和议会要通知千夫长，叫他把保罗带到你们这里来，假装要详细调查他的事；我们已经预备好，在他来到这里以前就杀掉他。”
16保罗的外甥听见他们设下埋伏，就来到营楼里告诉保罗。
17保罗请一个百夫长来，说：“你领这青年去见千夫长，他有事告诉他。”
18于是百夫长把他领去见千夫长，说：“被囚的保罗请我到他那里，求我领这青年来见你；他有事告诉你。”
19千夫长就拉着他的手，走到一旁，私下问他：“你有什么事告诉我呢？”
20他说：“犹太人已经约定，要求你明天把保罗带到议会去，假装要详细查问他的事。
21你切不要随从他们，因为他们有四十多人埋伏，已经起誓，若不先杀掉保罗就不吃不喝。现在都预备好了，只等你的允准。”
22于是千夫长打发那青年走，嘱咐他：“不要告诉人，你已将这些事报告我了。”
保罗被解交腓力斯总督
23于是，千夫长叫了两个百夫长来，说：“预备步兵二百、骑兵七十、长枪手二百，今夜九点往凯撒利亚去；
24也要预备牲口让保罗骑上，护送到腓力斯总督那里去。”
25千夫长又写了公文，大略说：
26“克劳第．吕西亚向腓力斯总督大人请安。
27这个人被犹太人拿住，快被杀害时，我得知他是罗马人，就带士兵下去，把他救了出来。
28因为我要知道他们告他的罪状，就带他下到他们的议会去。
29我查知他被告发是因他们律法上的争论，并没有什么该死或该监禁的罪名。
30后来有人把要害他的计谋告诉我，我立刻把他解到你那里去，又命令告他的人在你面前告他。⚓”
31于是士兵照所命令他们的，连夜把保罗带到安提帕底。
32第二天，由骑兵护送保罗，他们就回营楼去。
33骑兵来到凯撒利亚，把公文呈给总督，就叫保罗站在他面前。
34总督读了公文，问保罗是哪一省的人；一知道他是基利家人，
35就说：“等告你的人来到，我才详细听你。”于是他命令把保罗拘留在希律的衙门里。