3

Dũ Náq Cóq Cucốh Rup Yễng

¹Vớt ki, puo Nabũ-canêt-sa ớn noau tooc muoi lám rup toâq yễng, sarỡih tapoât chít coat, la‑a tapoât coat.⚓ Án dŏq rup ki tâng ntốq tapín Dura tâng cruang Ba-bulôn. ²Chơ puo ớn dũ náq máh cũai sốt tâng dũ cruang án sốt toâq rôm parnơi, bữn neq: máh cũai sốt pưn puo, máh ayững atĩ alới, máh cũai sốt vil, máh cũai yống práq tâng cruang, máh cũai parchĩn parnai, máh cũai rasữq, cớp máh cũai sốt canŏ́h hỡ. Máh cũai sốt nâi cóq toâq pỡ ntốq noau sang rup yễng ca puo Nabũ-canêt-sa táq ki. ³Tữ cũai sốt ki toâq dũ nheq chơ, alới tayứng choâng moat rup yễng ki. ⁴Bữn manoaq pau casang neq: “Máh proai tễ dũ tỗp, dũ cruang, cớp dũ parnai ơi! ⁵Toâq anhia sâng sưong lavia, sưong khũi, sưong achúng toâr, sưong achúng cớt, sưong sacơr, cớp máh sưong crơng lampỡiq canŏ́h trantríq parnơi muoi prớh, cóq anhia pũp cucốh sang rup yễng puo Nabũ-canêt-sa khoiq ayứng ki. ⁶Khân cũai aléq ma tỡ bữn pũp cucốh sang, lứq noau takễl amut cũai ki chu lo ũih blữ ca hang cutâu lứq.”
⁷Yuaq ngkíq, toâq noau sâng sưong lampỡiq ki casang, cũai tễ dũ tỗp, dũ cruang, cớp dũ parnai, alới cucốh sang rup yễng puo Nabũ-canêt-sa ayứng ki.

Noau Cauq Pái Náq Yớu Daniel

⁸Bữn máh cũai Ba-bulôn toâq cauq cũai I-sarel. ⁹Alới pai chóq puo Nabũ-canêt-sa neq: “Sễq puo ỡt cóng tamoong dũn! ¹⁰Puo khoiq patâp dŏq chơ, toâq sâng máh sưong lampỡiq casang achỗn, dũ náq cũai cóq pũp cucốh sang rup yễng ki. ¹¹Khân cũai aléq ma tỡ bữn pũp cucốh sang rup yễng, ki lứq noau takễl án tâng lo ũih blữ hang lứq. ¹²Bữn máh cũai tễ tỗp I-sarel ca anhia khoiq chóh yỗn táq ranáq tâng cruang Ba-bulôn, alới tỡ bữn trĩh santoiq anhia ớn. Cũai ki la Satrac, Mê-sac, cớp Abet-nacô. Alới tỡ bữn cucốh yiang anhia, tỡ la pũp sang rup anhia ayứng dŏq ki.”
¹³Cỗ tễ ranáq nâi, puo sâng cutâu mứt lứq, cớp ớn noau dững samiang pái náq ki toâq ramóh án. ¹⁴Chơ án blớh alới neq: “Ơ Satrac, Mê-sac, cớp Abet-nacô ơi! Lứq ma tỡ bữn, anhia tỡ bữn cucốh sang yiang cứq, cớp tỡ bữn pũp sang rup yễng cứq khoiq ayứng ki? ¹⁵Sanua nâi toâq anhia sâng sưong lavia, sưong khũi, sưong achúng toâr, sưong achúng cớt, sưong sacơr, cớp máh sưong crơng lampỡiq canŏ́h trantríq parnơi muoi prớh, cóq anhia pũp cớp cucốh sang rup ki. Khân anhia tỡ bữn cucốh sang, ki noau takễl anhia tâng lo ũih blữ sanua nâi toâp. Anhia chanchớm bữn yiang aléq têq chuai anhia tỡ?”
¹⁶Satrac, Mê-sac, cớp Abet-nacô ta‑ỡi neq: “Cucốh puo hếq ơi! Lứq hếq tỡ têq lễc ntrớu dŏq chuai tỗ hếq bữm. ¹⁷Khân Yiang Sursĩ hếq sang yoc ễ chuai hếq yỗn vớt tễ lo ũih cớp tễ chớc anhia, ki Yiang Sursĩ lứq chuai. ¹⁸Ma khân Yiang Sursĩ tỡ bữn chuai hếq, ki hếq sễq atỡng yỗn anhia dáng, la lứq samoât hếq tỡ bữn cucốh sang máh yiang anhia, tỡ la sang rup yễng anhia khoiq ayứng dŏq.”

Noau Takễl Alới Pái Náq Tâng Lo Ũih Blữ

¹⁹Chơ puo Nabũ-canêt-sa sâng cutâu mứt lứq chóq Satrac, Mê-sac, cớp Abet-nacô toau moat múh án cỡt cusâu. Yuaq ngkíq, án ớn noau chóq ũih tữm ễn tâng lo ki, táq yỗn hang clữi tễ nhũang tapul trỗ. ²⁰Chơ, án ớn máh samiang bán rêng tâng tỗp tahan án toâq chŏ́q samiang pái náq ki, cớp takễl amut tâng lo ũih blữ. ²¹Ngkíq, tahan ki chŏ́q pái náq samiang ki dếh tampâc tâng tỗ alới, la au yáng tiah cớp au yáng clống, muoc, cớp máh crơng canŏ́h hỡ. Chơ noau takễl alới amut tâng lo ũih blữ ca cutâu lứq ki. ²²Ma cỗ tễ parnai puo ớn ki, lo ki blữ rêng cớp hang lứq, toau cat dếh tahan ca ntôm takễl alới; chơ tahan ki cuchĩt nheq. ²³Ma Satrac, Mê-sac, cớp Abet-nacô satooh tâng lo ũih, dếh sarnŏ́q noau chŏ́q alới.
²⁴Chơ Nabũ-canêt-sa yóiq toâp án yuor tayứng, cỗ sâng dớt lứq tâng mứt. Án blớh máh cũai ayững atĩ án neq: “Anhia khoiq chŏ́q cớp takễl ống pái náq cũai samiang amut tâng lo ũih hang lứq, pĩeiq tỡ?”
Alới ta‑ỡi án neq: “Pĩeiq, puo ơi!”
²⁵Puo blớh alới ễn neq: “Khân ngkíq, nŏ́q cứq hữm cỡt pỗn náq samiang tayáh tâng ũih ki? Ariang noau tỡ bữn chŏ́q loâng alới, cớp tỡ hữm cỡt bớc chũl ntrớu cỗ tễ ũih cat; cớp án ca pỗn ễn tâng tỗp alới, ki ariang ranễng Yiang Sursĩ.”⚓

Puo Acláh Pái Náq Samiang

²⁶Ngkíq, Nabũ-canêt-sa pỡq cheq ngoah lo ũih noâng blữ ki, cớp arô alới neq: “Satrac, Mê-sac, cớp Abet-nacô ơi! Anhia ca táq ranáq Yiang Sursĩ la Yiang sốt clữi nheq tễ canŏ́h ơi! Anhia loŏh tễ ki!”
Ngkíq, Satrac, Mê-sac, cớp Abet-nacô loŏh. ²⁷Máh cũai sốt pưn puo, cũai ayững atĩ alới, máh cũai sốt vil, cớp máh cũai puo dốq sarhống, nheq tữh alới toâq rôm nhêng pái náq samiang ki. Alới pái náq ki tỡ bữn bớc chũl ntrớu tễ pla ũih, sóc la tỡ bữn rachũan, tampâc la tỡ bữn cat, cớp tâng tỗ chác alới la tỡ bữn sâng hỡi khĩu phĩac ũih. ²⁸Chơ puo pai neq: “Lứq khễn Yiang Sursĩ tỗp Satrac, Mê-sac, cớp Abet-nacô sang. Yiang Sursĩ toâp ớn ranễng án tễ paloŏng sễng chuai máh cũai táq ranáq án cớp trĩh án. Alới tỡ bữn trĩh parnai cứq, cớp alới chĩuq pứt rangứh, yuaq tỡ ễq pũp sang yiang canŏ́h, khân tỡ cỡn Yiang Sursĩ alới.
²⁹“Sanua cứq ễ aloŏh phễp rit neq: Khân bữn manoaq cũai aléq, lứq pai án ỡt tâng cruang ntrớu tễ tỗp aléq, tỡ la táq ntỡng parnai ntrớu, ma án ayê ra‑ac ramứh Yiang Sursĩ ca Satrac, Mê-sac, cớp Abet-nacô sang, cóq noau cŏ́h cũai ki cỡt sa‑ữi béq, cớp cóq talốh táh nheq dống án. Yuaq tỡ bữn yiang aléq ma têq chuai ariang Yiang alới sang.”
³⁰Chơ puo achỗn chớc yỗn Satrac, Mê-sac, cớp Abet-nacô tâng cruang Ba-bulôn.

3

尼布甲尼撒下令拜金像

¹尼布甲尼撒王造了一个金像，高六十肘，宽六肘，立在巴比伦省的杜拉平原。 ²尼布甲尼撒王差人将总督、钦差、省长、参谋、财务、法官、地方官和各省的官员都召了来，为尼布甲尼撒王所立的像行开光礼。 ³于是总督、钦差、省长、参谋、财务、法官、地方官和各省的官员都聚集，站在尼布甲尼撒所立的像前，要为尼布甲尼撒王所立的像行开光礼。 ⁴那时传令的大声呼叫说：“各方、各国、各族⚓的人哪，有命令传给你们： ⁵你们一听见角、号、琴、瑟、三角琴、鼓和各样乐器的声音，就当俯伏，拜尼布甲尼撒王所立的金像。 ⁶凡不俯伏下拜的，必立刻扔在烈火的窑中。” ⁷因此百姓一听见角、号、琴、瑟、三角琴⚓和各样乐器的声音，各方、各国、各族的人就都俯伏，拜尼布甲尼撒王所立的金像。

但以理的三个朋友被控违令

⁸在那时，有几个迦勒底人进前来控告犹大人。 ⁹他们对尼布甲尼撒王说：“愿王万岁！ ¹⁰你，王啊，你曾降旨，凡听见角、号、琴、瑟、三角琴、鼓和各样乐器声音的，都当俯伏拜这金像。 ¹¹凡不俯伏下拜的，必扔在烈火的窑中。 ¹²现在有几个犹大人，就是王所派管理巴比伦省事务的沙得拉、米煞、亚伯尼歌；王啊，这些人不理你的谕旨，不事奉你的神明，也不拜你所立的金像。”
¹³当时，尼布甲尼撒大发烈怒，命令把沙得拉、米煞、亚伯尼歌带过来；他们就把这几个人带到王面前。 ¹⁴尼布甲尼撒问他们说：“沙得拉、米煞、亚伯尼歌，你们不事奉我的神明，不拜我所立的金像，是真的吗？ ¹⁵现在，你们若准备好，一听见角、号、琴、瑟、三角琴、鼓和各样乐器的声音，就俯伏拜我所造的像；若不下拜，必立刻扔在烈火的窑中，有哪一个神明能救你们脱离我的手呢？”
¹⁶沙得拉、米煞、亚伯尼歌对王说：“尼布甲尼撒啊，这件事我们不必回答你， ¹⁷即便如此，我们所事奉的上帝能将我们从烈火的窑中救出来。王啊，他必救我们脱离你的手； ¹⁸即或不然，王啊，你当知道，我们绝不事奉你的神明，也不拜你所立的金像。”

但以理的三个朋友被扔进火窑

¹⁹当时，尼布甲尼撒怒气填胸，向沙得拉、米煞、亚伯尼歌变了脸色，命令把窑烧热，比平常热七倍； ²⁰又命令他军中的几个壮士，把沙得拉、米煞、亚伯尼歌捆起来，扔在烈火的窑中。 ²¹这三人穿着内袍、外衣、头巾和其他的衣服，被捆起来扔在烈火的窑中。 ²²因为王的命令紧急，窑又非常热，那抬沙得拉、米煞、亚伯尼歌的人都被火焰烧死。 ²³但是这三个人，沙得拉、米煞、亚伯尼歌被捆绑着，掉进烈火的窑中。
²⁴那时，尼布甲尼撒王惊奇，急忙站起来，对谋士说：“我们捆起来扔在火里的不是三个人吗？”他们回答王说：“王啊，是的。” ²⁵王说：“看哪，我看见有四个人，并没有捆绑，在火中行走，也没有受伤；那第四个的相貌好像神明的儿子。”

三人获释且得高升

²⁶于是尼布甲尼撒靠近烈火窑门，说：“至高上帝的仆人沙得拉、米煞、亚伯尼歌，出来，来吧！”沙得拉、米煞、亚伯尼歌就从火中出来。 ²⁷那些总督、钦差、省长和王的谋士一同聚集来看这三个人，见火不能伤他们的身体，头发没有烧焦，衣裳也没有变色，都没有火烧过的气味。 ²⁸尼布甲尼撒说：“沙得拉、米煞、亚伯尼歌的上帝是应当称颂的！他差遣使者救护倚靠他的仆人，他们不遵王的命令，甚至舍身，在他们上帝以外不肯事奉敬拜别神。 ²⁹现在我降旨，无论何方、何国、何族，凡有人毁谤沙得拉、米煞、亚伯尼歌的上帝，他必被凌迟，他的房屋必成粪堆，因为没有别神能像这样施行拯救。” ³⁰那时王在巴比伦省使沙得拉、米煞、亚伯尼歌高升。