71

老年人的祈禱

¹耶和華啊，我投靠你，
求你叫我永不羞愧！
²求你憑你的公義搭救我，救拔我；
側耳聽我，拯救我！
³求你作我常來棲身⚓的磐石，
你已經吩咐要救我，
因為你是我的巖石、我的山寨。

⁴我的上帝啊，求你救我脫離惡人的手，
脫離不義和殘暴之人的手。
⁵主耶和華啊，你是我所盼望的；
自我年幼，你是我所倚靠的。
⁶我自出母胎被你扶持，
使我出母腹的是你。
我要常常讚美你！

⁷許多人看我為異類，
但你是我堅固的避難所。
⁸我要滿口述說讚美你的話
終日榮耀你。
⁹我年老的時候，求你不要丟棄我！
我體力衰弱時，求你不要離棄我！
¹⁰我的仇敵議論我，
那些窺探要害我命的一同商議，
¹¹說：「上帝已經離棄他；
你們去追趕他，捉拿他吧！
因為沒有人搭救。」

¹²上帝啊，求你不要遠離我！
我的上帝啊，求你速速幫助我！
¹³願那與我為敵的，羞愧滅亡；
願那謀害我的，受辱蒙羞。
¹⁴我卻要常常仰望，
並要越發讚美你。
¹⁵我的口要終日述說你的公義和你的救恩，
因我無從計算其數。
¹⁶我要述說主耶和華的大能，
我單要提說你的公義。

¹⁷上帝啊，自我年幼，你就教導我；
直到如今，我傳揚你奇妙的作為。
¹⁸上帝啊，我年老髮白的時候，
求你不要離棄我！
等我宣揚你的能力給下一代，
宣揚你的大能給後世的人。

¹⁹上帝啊，你的公義極高；
行過大事的上帝啊，誰能像你？
²⁰你是叫我多經歷重大急難的，
必使我再活過來，
從地的深處救我上來。
²¹你必使我越發昌大，
又轉來安慰我。

²²我的上帝啊，我要鼓瑟稱謝你，
稱謝你的信實！
以色列的聖者啊，我要彈琴歌頌你！
²³我歌頌你的時候，我的嘴唇要歡呼；
我的性命，就是你所救贖的，也要歡呼。
²⁴我的舌頭也必終日講論你的公義，
因為那些謀害我的人已經蒙羞受辱了。

71

Ib tug yawm laug tej lug thov

(Nt.Nk. 31:1-4)

¹Au Yawmsaub, kuv lug cawm sav rua huv koj.
Thov tsw xob ca kuv raug txaaj muag hlo le.
²Vem koj ncaaj nceeg,
thov koj paab hab cawm kuv.
Thov tig ntsej noog kuv hab cawm kuv dim
³Thov koj ua txhwb zeb kws kuv nraim cev,
yog lub chaw ruaj khov kws cawm kuv dim,
tsua qhov koj yog kuv txhwb zeb
hab kuv lub chaw ruaj khov.
⁴Au kuv tug Vaajtswv, thov cawm kuv dim
huv cov tuabneeg limham txhais teg,
dim huv cov tuabneeg tsw ncaaj
hab tuabneeg nyaum lub xwb teg.

⁵Au Vaajtswv Yawmsaub,
koj yog kuv lub chaw vaam,
koj yog kuv lub chaw tso sab
txwj thaus yau lug.
⁶Txwj thaus yug kuv lug
kuv yeej vaam koj,
koj yog tug kws coj kuv tawm
huv nam lub plaab lug.
Kuv yeej qhuas koj tsw tu ncua le.
⁷Kuv ua txujci rua tuabneeg coob coob phemfwj,
tassws koj yog kuv lub chaw cawm sav
kws ruaj khov.
⁸Tej lug qhuas koj
puv nkaus kuv lub qhov ncauj,
hab ua rua koj tau koob meej
ib nub tsaus ntuj.
⁹Thaus kuv laug lawd
thov tsw xob muab kuv laim tseg,
thaus kuv tug zug taag lawm
thov tsw xob tso kuv tseg.
¹⁰Kuv cov yeeb ncuab pheej has txug kuv,
cov kws tog nrhw txuv kuv txujsa
pheej ntaus tswvyim,
¹¹hab has tas, “Vaajtswv tso nwg tseg lawm.
Ca le lawv moog nteg nwg,
tsua qhov tsw muaj leejtwg
yuav paab nwg dim.”
¹²Au Vaajtswv, tsw xob nyob deb kuv,
au kuv tug Vaajtswv,
thov maaj nroog tuaj paab kuv.
¹³Thov ca cov kws tawm tsaam kuv
raug txaaj muag hab raug puam tsuaj.
Thov ca cov kws nrhav kev ua phem rua kuv
raug thuaj raug luag poob ntsej muag kawg.

¹⁴Tassws kuv yuav muaj sab vaam
moog tsw tu le,
kuv tseed yuav qhuas koj heev zuj zug.
¹⁵Kuv lub qhov ncauj yuav pav txug
koj tej num ncaaj nceeg,
yuav has txug tej num kws koj cawm kuv dim
ib nub tsaus ntuj,
txawm yog tej num hov ntau kawg
kuv paub tsw taag kuj xwj.
¹⁶Kuv yuav coj Vaajtswv Yawmsaub tej num
kws muaj fwjchim moog hab,
kuv yuav qhuas koj txujkev ncaaj nceeg
kws yog koj tuab leeg le.
¹⁷Au Vaajtswv, koj tub qha kuv
txwj thaus yau lug,
hab kuv tseed pav koj tej num phemfwj.
¹⁸Txawm yog txug thaus kuv laug heev
plaubhau dawb paug kuj xwj,
au Vaajtswv, koj tsw xob tso kuv tseg,
moog txug thaus kuv pav koj tug fwjchim
rua txhua tam kws yuav lug,
hab pav koj tug zug
rua tej kws tseed yuav yug lug.
¹⁹Au Vaajtswv, koj txujkev ncaaj nceeg
moog txug sau ntuj kws sab kawg.
Au Vaajtswv, koj yog tug kws ua tej num luj,
leejtwg yuav zoo cuag le koj?
²⁰Koj yog tug kws ua rua kuv ntswb
kev ceblaaj txom nyem ntau heev,
mas koj yuav ua rua kuv rov muaj zug,
hab yuav coj kuv tawm lub qhov tub tub
huv nplajteb rov lug.
²¹Koj yuav pub koob meej tsaav rua kuv,
hab rov nplig kuv.

²²Au kuv tug Vaajtswv,
kuv yuav ntaus nkauj nog ncaas luj
qhuas koj txujkev ncaaj kws tso sab tau.
Au Yixayee tug Tswv kws Dawb Huv,
kuv yuav ntaus nkauj nog ncaas miv
hu nkauj qhuas koj.
²³Kuv daim tawv ncauj yuav qw xyiv faab hlo
rua thaus kuv hu nkauj qhuas koj.
Kuv tug ntsuj plig kws koj cawm dim
yuav hu hab.
²⁴Kuv tug nplaig yuav has txug koj txujkev paab
kws ncaaj nceeg taag naj taag nub,
tsua qhov cov kws nrhav kev ua phem rua kuv
raug txaaj muag hab poob ntsej muag lawm.