40

Nau Rdâk Jêh Ri Nau Prăp An Ngih Bok

¹Yêhôva lah ma Y-Môis: ²"Nar nguay tâm khay nguay, ăn may rdâk ngih bok nau tâm rƀŭn. ³Ăn may dơm ta nây hip nau tâm rnglăp, jêh ri pôn hip tâm bok nching. ⁴Ăn may njŭn sưng jêh ri nkra ăn di ndơ dơm ta kalơ. Ăn may njŭn jâng jrêng jêh ri nkra ŭnh kađen. ⁵Ăn may dơm nơng mah gŭch mpa ƀâu kah ta năp hip nau tâm rnglăp, jêh ri nching bok nching ta mpông lăp ngih bok. ⁶Ăn may dơm nơng mpa nhhơr gŭch ta năp mpông lăp ngih bok nau tâm rƀŭn. ⁷Ăn may dơm thŭng dak vah vang ngih bok nau tâm rƀŭn đah nơng, jêh ri dơm dak tâm nây. ⁸Ăn may rdâk nkual rvăch jŭm, jêh ri nching bok nching ta mpông pêr nkual. ⁹Ăn may sŏk dak ƀâu kah prăp tŏ, jêh ri tŏ ngih bok jêh ri lĕ rngôch ndơ tâm păng. Ăn may prăp an păng nđâp lĕ rngôch ndơ dŏng ma păng, jêh ri păng mra jêng kloh ueh. ¹⁰Ăn may tŏ nơng nhhơr gŭch jêh ri lĕ rngôch ndơ dŏng ma păng, jêh ri prăp an nơng; jêh ri nơng mra jêng kloh ueh lơn. ¹¹Ăn may tŏ dak ƀâu kah ta thŭng dak nđâp jâng păng, jêh ri prăp an păng. ¹²Jêh nau nây ăn may njŭn Y-Arôn nđâp phung kon bu klâu păng ma mpông ngih bok nau tâm rƀŭn, jêh ri sâm ŭm khân păng ma dak. ¹³Ăn may sâm nsoh Y-Arôn ma bok ao kloh ueh jêh ri tŏ dak ƀâu kah ta păng prăp an păng, gay ma păng dơi pah kan ma gâp jêng Kôranh ƀư brah. ¹⁴Ăn may njŭn phung kon bu klâu păng jêh ri may sâm nsoh an khân păng ma ao jâr. ¹⁵Jêh ri tŏ dak ƀâu kah ma khân păng, nâm bu may tŏ jêh ma mbơ̆ khân păng, gay ma khân păng dơi pah kan ma gâp jêng phung Kôranh ƀư brah. Nau tŏ dak ƀâu kah nây gay ƀư nanê̆ ma khân păng nau jêng Kôranh ƀư brah ƀaƀơ tâm lĕ rngôch rnôk khân păng.
¹⁶Pô ri Y-Môis ƀư lĕ rngôch nau Yêhôva ntăm ma păng. ¹⁷Nar nguay tâm khay nguay năm bar khân păng ƀư jêh nau rdâk ngih bok. ¹⁸Y-Môis rdâk ngih bok; păng dơm rnơl păng, rdâk kađar păng, dơm mâng nđăng păng, jêh ri rdâk meh păng. ¹⁹Păng ling bok ta kalơ ngih bok, jêh ri păng nkŭm bok ta kalơ tĭng nâm Yêhôva ntăm jêh ma Y-Môis. ²⁰Păng sŏk kađar nau mbơh jêh ri dơm păng tâm hip, păng nsro mâng tung ta hip jêh ri dơm ndrŭp ntŭk yô̆ an ta kalơ hip. ²¹Păng njŭn hip tâm ngih bok jêh ri nching bok nching pôn hip nau tâm rnglăp tĭng nâm Yêhôva ntăm jêh ma Y-Môis. ²²Păng dơm sưng tâm ngih bok nau tâm rƀŭn mơ pa mpứ ngih bok pa dih bok nching. ²³Păng dăp piăng let di mbor ta năp Yêhôva tĭng nâm nau Yêhôva ntăm jêh ma Y-Môis. ²⁴Păng dơm jâng jrêng tâm ngih bok nau tâm rƀŭn mơ đah sưng mơ pa rđŭng ngih bok, ²⁵jêh ri păng nkra ŭnh kađen ta năp Yêhôva tĭng nâm Yêhôva ntăm jêh ma Y-Môis. ²⁶Păng dơm nơng mah tâm ngih bok nau tâm rƀŭn ta năp bok nching. ²⁷Păng gŭch ta kalơ nây mpa ƀâu kah tĭng nâm Yêhôva ntăm jêh ma Y-Môis. ²⁸Păng nching bok nching ta mpông lăp ngih bok. ²⁹Păng dơm nơng mpa nhhơr gŭch ta mpông lăp ngih bok nau tâm rƀŭn jêh ri păng nhhơr ta kalơ nây mpa nhhơr gŭch jêh ri ndơ nhhơr ranih muy tĭng nâm Yêhôva ntăm jêh ma Y-Môis. ³⁰păng dơm thŭng dak ta vah vang ngih bok nau tâm rƀŭn jêh ri nơng, jêh ri păng nkhŭt dak ta nây prăp rao. ³¹Y-Môis, Y-Arôn jêh ri lĕ rngôch kon bu klâu păng rao jêng ti ta nây. ³²Tơ lah khân păng lăp ngih bok nau tâm rƀŭn jêh ri tơ lah khân păng hăn dăch nơng, khân păng rao lơi, tĭng nâm Yêhôva ntăm jêh ma Y-Môis. ³³Păng rdâk nkual jŭm rvăch ngih bok jêh ri nơng, jêh ri păng nching bok mpông lăp nkual. Pô ri Y-Môis ƀư lôch kan nây.

Ndâr Ta Kalơ Ngih Bok

³⁴Jêh ri ndâr nkŭm ngih bok nau tâm rƀŭn, jêh ri nau chrêk rmah Yêhôva ƀư bêng ngih bok. ³⁵Y-Môis mâu dơi lăp ôh tâm ngih bok nau tâm rƀŭn, yorlah ndâr gŭ ta kalơ, jêh ri nau chrêk rmah Yêhôva ƀư bêng ngih bok. ³⁶Dôl lĕ nau khân păng sak nsong, tơ lah ndâr hao du bơh kalơ ngih bok, phung ƀon lan Israel hăn pa năp. ³⁷Ƀiălah lah tơ lah ndâr mâu hao du ôh khân păng mâu hăn ôh kŏ tât nar ndâr hao du kalơ. ³⁸Yorlah dôl lĕ nar khân păng sak nsong ndâr Yêhôva gŭ ta kalơ ngih bok dôl nar, jêh ri geh ŭnh tâm nây dôl măng, ta năp măt lĕ rngôch ngih Israel.

40

Thiết lập xong Đền tạm

¹Chúa Hằng Hữu bảo Mai-sen: ²“Vào ngày mồng một tháng giêng, con phải lo dựng Đền tạm. ³Con sẽ đặt Rương giao ước trong Đền rồi dùng bức màn ngăn nơi để rương lại. ⁴Đem cái bàn vào, xếp các đồ phụ tùng trên bàn. Đem chân đèn vào, thắp đèn lên. ⁵Đặt bàn thờ xông hương bằng vàng trước Rương giao ước. Treo bức màn che cửa Đền tạm lên. ⁶Đặt bàn thờ dâng của lễ thiêu trước cửa Đền tạm. ⁷Đặt bồn tắm giữa Đền tạm và bàn thờ, đổ nước vào bồn. ⁸Dựng hành lang chung quanh Đền tạm và treo bức màn che cửa hành lang lên.
⁹Con lấy dầu xức thánh xức cho Đền tạm và mọi vật ở trong Đền, hiến dâng Đền và mọi vật ở trong Đền, như vậy Đền tạm sẽ được thánh hóa. ¹⁰Con cũng xức dầu thánh cho bàn thờ dâng tế lễ thiêu và đồ phụ tùng, hiến dâng bàn thờ, bàn thờ sẽ nên rất thánh. ¹¹Xức dầu cho bồn tắm và chân bồn rồi hiến dâng bồn.
¹²Sau đó, con đem A-rôn và các con trai người đến trước cửa Đền hội kiến, lấy nước tắm rửa họ. ¹³Mặc bộ áo lễ thánh vào cho A-rôn, xức dầu cho người và hiến dâng người để người làm tế lễ phục vụ Ta. ¹⁴Cũng đem các con trai A-rôn đến, mặc áo dài cho họ; ¹⁵Xức dầu cho họ cũng như con đã xức dầu cho cha họ, để họ cũng làm thầy tế lễ phục vụ Ta. Lễ xức dầu thánh này có hiệu lực vĩnh viễn, con cháu họ sẽ làm thầy tế lễ phục vụ ta đời đời.
¹⁶Mai-sen vâng lời, làm tất cả mọi điều Chúa Hằng Hữu bảo ông. ¹⁷Vậy, vào ngày đầu của tháng thứ nhất, năm thứ hai, Đền tạm được dựng lên. ¹⁸Mai-sen dựng Đền tạm bằng cách đặt các lỗ trụ, dựng khung, đặt thanh ngang và dựng các trụ. ¹⁹Ông chăng vải trại lên trên, phủ các lớp kia bên trên vải trại, theo điều Chúa Hằng Hữu đã bảo ông.
²⁰Mai-sen để các bảng "Chứng cớ"⚓ vào Rương giao ước, xỏ đòn khiêng, và đặt Nắp chuộc tội lên trên Rương. ²¹Ông đem Rương vào Đền tạm, rồi dùng bức màn ngăn ra Nơi chí thánh để đặt Rương, như lời Chúa Hằng Hữu đã dạy bảo. ²²Ông đặt cái bàn về phía bắc, bên ngoài bức màn; ²³rồi để bánh trần thiết trên bàn trước mặt Chúa Hằng Hữu, như lời Ngài đã bảo. ²⁴Ông để chân đèn đối diện với cái bàn, về phía nam; ²⁵thắp đèn lên trước mặt Chúa Hằng Hữu như Ngài đã dặn ông. ²⁶Ông đặt bàn thờ bằng vàng trong Đền, đằng trước bức màn; ²⁷đốt hương trên bàn thờ này, như Ngài đã dặn ông. ²⁸Mai-sen treo bức màn che cửa Đền tạm lên; ²⁹rồi đặt bàn thờ dâng tế lễ thiêu trước cửa ra vào Lều hội kiến và dâng lên bàn thờ này một của lễ thiêu và của lễ chay, theo lời Chúa Hằng Hữu bảo ông.
^30,31Ông đặt bồn tắm khoảng giữa Lều hội kiến và bàn thờ, rồi đổ nước vào. Tại đây Mai-sen, A-rôn và các con trai A-rôn rửa tay chân. ³²Mỗi khi vào Lều hội kiến hay đến gần bàn thờ, họ rửa ráy sạch sẽ theo lời Chúa Hằng Hữu dạy Mai-sen.
³³Mai-sen dựng hành lang chung quanh Đền tạm và bàn thờ, treo bức màn che cửa hành lang lên. Vậy, Mai-sen hoàn tất mọi việc.
³⁴Có một đám mây kéo đến bao bọc Lều hội kiến và vinh quang của Chúa Hằng Hữu tràn ngập Lều. ³⁵Mai-sen không vào Lều hội kiến được vì đám mây dày đặc và vinh quang của Chúa Hằng Hữu đầy dẫy trong Lều.
³⁶Trong cuộc hành trình của người Y-sơ-ra-ên, mỗi khi thấy trụ mây bay lên từ nóc Lều hội kiến, họ ra đi. ³⁷Nếu không thấy trụ mây bay lên, họ cứ ở lại cho đến khi trụ mây rời chỗ. ³⁸Và trong suốt cuộc hành trình này, cứ ban ngày trụ mây ở trên Lều hội kiến, còn ban đêm, trong mây có lửa chiếu sáng cho toàn dân Y-sơ-ra-ên.