2
Ninave yuav puam tsuaj
1Lub nroog Ninave, cov kws tsoo koj
tub tuaj ua rog rua koj lawm.
Kawgkag moog zuv rooj loog, zuv ncauj kev,
ca le sa hlaab khov kho npaaj tog,
sau tub rog txhwj zog.
2(Yawmsaub saamswm ua kuas Yakhauj tebchaws⚓
rov muaj fwjchim meej mom le qub
ib yaam le Yixayee tebchaws
yuav vaam meej nto moo,
vem yog tub saab lws puab
hab muab puab tej ceg ua lamswm taag.)
3Cov tub rog kws sab tuab
mas puab daim hlau thaiv lab ploog,
cov tub rog tej tsoog lab tsaus nti.
Nub kws npaaj txhwj mas tej tsheb ua rog
ci nplaag cuag le nplaim tawg,
cov neeg ua rog
kuj txauj teg peem quas qeeg yuav moog.
4Cov tsheb ua rog
mas dha raag quas ntwg taug kev,
moog tawg quas leeg
tej tshaav puam huv nroog,
ci nplaag le taws tsau,
laim quas lag le tsag lig xub.
5Cov thawj rog raug hu,
puab dha dawm taw pis poog moog,
puab dha ncaaj nraim rua ntawm ntsaa loog,
puab tsaa hlo daim hlau thaiv hauv ntaaj hauv muv.
6Lub qhov rooj dej qheb hlo lawm,⚓
cov huv vaajntxwv tsev poob sab taag.
7Puab muab tug puj vaaj tej tsoog tsho hle,
puab nteg puj vaaj coj moog.
Cov nkauj qhev kuj quaj ntsuag zum quas zawg
yaam nkaus le nquab quaj
hab puab ntaus hauv sab.
8Ninave zoo nkaus le lub paag dej
kws ndwg quas zug moog lawm.
Puab qw has tas, “Xob moog, xob moog,”
tassws tsw muaj leejtwg tig rov lug le.
9Ca le moog lws nyaj lws kub.
Muaj nyaj txag ntau kawg tsw paub taag le,
muaj ib puas tsaav yaam
hov txhua chaw muaj nqes.
10Ninave txom nyem lauj,
puam tsuaj taag du quas lug lauj!
Lub sab yaaj quas ntshws,
hauv caug tshee nduas quas txag,
ib ce tsaug quas tshua,
ntsej muag thum xem taag.
11Tsuv ntxhuav lub chaw nyob dua twg lawm?
Yog lub qhov tsua kws cov tsuv ntxhuav mog nyob
hab kwv nqaj moog noj
tsw muaj leejtwg nkaag moog taab kaum tau.
Qhov chaw kws tsw muaj leejtwg nkaag moog
zwg cov mivnyuas tsuv ntxhuav dua twg lawm?
12Tug tsuv ntxhuav dua nqaj
txaus cov mivnyuas noj
hab ntxo nkaus nqaj cej daab lug
rua cov maum tsuv ntxhuav.
Nwg nrhav nqaj coj lug puv nkaus qhov tsua
hab dua nqaj lug tso puv nkaus lub chaw nyob.
13Yawmsaub kws muaj fwjchim luj kawg nkaus,
has tas, “Saib maj, kuv tawm tsaam koj.
Kuv yuav hlawv koj tej tsheb ua rog
kuas nchu paa quas lug,
hab nav ntaaj yuav tua koj cov tsuv ntxhuav mog.
Kuv yuav muab cov nqaj kws koj noj
rhu tawm huv lub nplajteb moog,
hab yuav tsw nov
koj cov tub tshaaj xu lub suab le lawm.”
2
Lub Nroog Nineves Puastsuaj
1Nineves, koj yuav raug luag tua!
Lub hwjchim uas yuav tsoo koj twb los txog lawm.
Tus tubrog uas tiv thaiv!
Cia li zov kev kom zoo!
Cia li npaj tos sib tua!
(
2Tus TSWV twb rov txhim kho kom haivneeg Yixalayees tau koob meej ib yam li yav thaum ub uas lawv cov yeebncuab tseem tsis tau tuaj tua lawv.)
3Yeebncuab tej tubrog nqa tej daim thaiv hniav ntaj
uas liab nploog thiab hnav tej ris tsho uas liab nploog.
Lawv yeej npaj txhij tuaj tua rog lawm!
Lawv tej tsheb nees ntaus rog cig lamlug cuag nplaim taws!
Lawv tej nees khiav rag ntws tuaj!
4Lawv tej tsheb nees ntaus rog nias
tsaus tsi los rau hauv tej plawv kev,
thiab tej nees cab tsheb khiav mus
khiav los hauv plawv nroog.
Tej tsheb ntawd cig lamlug ib yam li
tes tsau thiab cig laim lias cuag xoblaim.
5Nws hu cov thawj tubrog;
thaum lawv sib tw khiav mus lawv dawm ntog pawg lug.
Lawv khiav nplawg ntia mus rau ntawm tus ntsayeej
thiab rho lawv tej thaiv hniav ntaj los npaj tos.
6Tej roojvag uas nyob ze tus dej los qhib lug cia;
muaj kev txhawj ntshai loj heev nyob hauv lub loog.
7Tus poj vajntxwv los raug ntes coj mus;
nws cov ntxhais qhev quaj ntsuag ib yam li nquab quaj;
thiab lawv ntaus lawv tej hauvsiab quaj tu siab nrho.
8Thaum cov neeg khiav tawm hauv
lub nroog Nineves
zoo ib yam li cov dej paim hauv lub pasdej tauv.
Muaj ib lub suab qw nrov nrov hais tias, “Nres! Nres!”
Tiamsis tsis muaj leejtwg tig rov qab li.
9Cia li huab tej nyiaj! Cia li huab tej kub!
Muaj nyiaj thiab kub puv nkaus hauv lub nroog!
10Nineves raug puastsuaj ua suabpuam
thiab nyob qhuav nquas cia!
Lawv tej siab ntsws puas tas vim txoj kev txhawj ntshai;
lawv tej hauvcaug tshee mos nyoos,
lawv zog ntaug thiab ntsejmuag daj tas.
11Puas yog nimno lub nroog ntawd zoo
ib yam li lub qhov tsov ntxhuav
uas yog qhov chaw tsov pub menyuam mis
thiab yog qhov chaw uas tus txiv thiab tus maum
tsov ntxhuav mus qhov twg lawm los cov menyuam
tsov ntxhuav nyob tso siab plhuav?
12Tsov ntxhuav yuav muab tus tsiaj
uas nws tom tau dua
faib rau lwm tus thiab nws cov menyuam noj;
nws yuav muab tej nqaij dua pov
pawglug rau hauv nws lub chaw.
13Tus TSWV uas muaj hwjchim loj kawg nkaus hais tias, “Kuv yog koj tus yeebncuab ntag! Kuv yuav muab koj tej tsheb nees hlawv kom kub hnyiab tas. Koj cov tubrog yuav raug tua tuag tas rau hauv tshavrog, thiab kuv yuav coj txhua yam uas koj mus txeeb tau ntawm lwm tus los mus huv tibsi thiab yuav tsis hnov koj tej neeg xa xov tej suab ntxiv lawm.”