20

Hexekhiya mob

(2VKk. 32:24-26; Yxy. 38:1-8, 21-22)

 1Lub swjhawm ntawd Hexekhiya mob nyaav heev tub yuav tuag. Mas Amoj tug tub Yaxaya kws yog xwbfwb cev Vaajtswv lug tuaj cuag nwg hab has rua nwg tas, “Yawmsaub has le nuav tas, Koj ca le tu tej kev teb kev chaw kuas zoo, koj yuav tuag koj yuav tsw nquag.”
  2Mas Hexekhiya tig ndag rua tim phaab ntsaa hab thov Yawmsaub has tas, 3“Au Yawmsaub, kuv taij thov koj ncu txug tas kuv ua lub neej xwb rua koj rua ntawm koj lub xubndag kawg sab kawg ntsws hab tau ua tej kws koj pum tas zoo.” Tes Hexekhiya txawm quaj heev kawg. 4Thaus Yaxaya tsw tau tawm huv lub tshaav puam ntawm vaajntxwv tsev, Yawmsaub has lug tuaj rua nwg tas, 5“Ca le rov qaab moog has rua Hexekhiya kws yog kuv haiv tuabneeg tug thawj tas, ‘Koj yawm koob Tavi tug Vaajtswv Yawmsaub has le nuav tas, Kuv tub nov koj tej lug thov lawm, kuv tub pum koj tej kua muag lawm. Kuv yuav khu kuas koj zoo mas nub peb koj yuav tau moog rua huv Yawmsaub lub tuam tsev. 6Kuv yuav txuas koj txujsa ntev kaum tswb xyoo ntxwv hab. Kuv yuav cawm koj hab lub nroog nuav dim ntawm Axilia tug vaajntxwv txhais teg, hab kuv yuav tsom kwm lub nroog nuav vem yog saib rua kuv hab saib rua kuv tug qhev Tavi.’ ” 7Mas Yaxaya has tas, “Ca le coj ib lub ncuav txwv cua lug, kuas puab muab lub ncuav hov npuab rua ntawm lub rwj sub nwg txhad le rov qaab zoo.”
  8Hexekhiya has rua Yaxaya tas, “Yuav muaj ib yaam daabtsw qha kuas paub tas Yawmsaub yuav khu kuv hab peb nub kuv yuav tau moog rua huv Yawmsaub lub tuam tsev?” 9Yaxaya has tas, “Nuav yog yaam txujci kws Yawmsaub ua rua koj paub tas nwg yuav ua lawv le nwg tub cog lug lawm. Yuav ca tug duab nub moog tom ntej kaum qeb los rov tom qaab kaum qeb?” 10Hexekhiya teb tas, “Yoojyim ua rua tug duab nub moog tom ntej kaum qeb. Yog le nuav thov ca tug duab thim rov qaab kaum qeb.” 11Tes Yaxaya kws yog xwbfwb cev Vaajtswv lug taij thov Yawmsaub, mas Yawmsaub ua rua tug duab nub thim rov qaab kaum qeb kws tug duab tub moog dhau lawd ntawm lub chaw ntsuag kws Aha ua.

Hexekhiya txais tog Npanpiloo cov tim xyoob

(Yxy. 39:1-8)

 12Thaus ntawd Npalantaa tug tub Melauntanpalantaa kws ua vaajntxwv huv Npanpiloo khaiv cov tim xyoob coj tsaab ntawv hab tshaav ntuj moog pub rua Hexekhiya vem yog nwg nov xuv tas Hexekhiya mob. 13Mas Hexekhiya zoo sab txais tog puab hab coj puab moog saib nwg tej txhaab nyaj huvsw, saib tej nyaj, tej kub, tej txum lom, tej roj tswm txaj, hab saib lub txhaab kws rau cuab yeej ua rog, yog txhua yaam kws nyob huv nwg tej txhaab. Tsw tshuav ib yaam huv nwg lub tsev hab thoob plawg huv nwg lub tebchaws kws nwg tsw tau muab qha rua puab saib le. 14Mas Yaxaya kws yog xwbfwb cev Vaajtswv lug tuaj cuag vaajntxwv Hexekhiya, hab has rua nwg tas, “Cov tuabneeg nuav tuaj has daabtsw? Hab puab tuaj hovtwg tuaj cuag koj?” Hexekhiya teb tas, “Puab tuaj deb deb le tuaj, yog tuaj Npanpiloo tebchaws tuaj.” 15Yaxaya nug tas, “Puab pum daabtsw huv koj lub vaaj lub tsev?” Hexekhiya teb tas, “Puab pum txhua yaam huv kuv lub vaaj lub tsev, tsw tshuav ib yaam daabtsw huv kuv tej txhaab kws kuv tsw tau muab qha rua puab saib le.”
  16Tes Yaxaya txawm has rua Hexekhiya tas, “Ca le noog Yawmsaub tej lug. 17Saib maj, lub caij lub nyoog saamswm lug txug lawm kws txhua tsaav txhua yaam huv koj lub vaaj lub tsev hab tej kws koj tej laug khaws tau ca lug txug nub nua yuav raug muab coj moog rua Npanpiloo, tsw tshuav ib yaam daabtsw hlo le. Yawmsaub has le nuav ntaag. 18Hab koj tej tub kws koj yug muaj qee leej yuav raug muab coj moog hab puab yuav ua nraug saam rua huv vaajntxwv Npanpiloo lub tsev.” 19Mas Hexekhiya has rua Yaxaya tas, “Yawmsaub tej lug kws koj has nuav kuj zoo.” Tsua qhov nwg xaav huv lub sab tas, “Yog muaj kev thaaj yeeb hab nyob kaaj sab lug moog taag kuv swm neej, kuj yog zoo lawm los tsw yog?”

Hexekhiya tuag

(2VKk. 32:32-33)

 20Lwm yaam num kws Hexekhiya ua, hab nwg tug peevxwm huvsw hab qhov kws nwg ua lub paag dej hab tug cav dej tso dej lug rua huv lub nroog mas tub muab sau ca rua huv phoo ntawv kws has txug cov Yuta tej vaajntxwv le keeb kwm. 21Tes Hexekhiya txawm tuag moog nrug nwg tej laug nyob, mas nwg tug tub Manaxe sawv kaav nyob nwg chaw.

20

Hexekiyas Mob Thiab Rov Zoo

(Yaxayas 38.1-8; 2 Xwmtxheej Vajntxwv 32.24-26)

 1Thaum ntawd Vajntxwv Hexekiyas mob hnyav heev thiab yuav tuag, ces tus cev Vajtswv lus Yaxayas uas yog Amauxes tus tub, txawm tuaj xyuas Hexekiyas thiab hais rau nws hais tias, “Tus TSWV hais tias koj cia li npaj txhua yam kom txhij rau lub tebchaws, rau qhov koj yuav tsis zoo. Koj yeej yuav tuag xwb.”
  2Ces Hexekiyas txawm tig xubntiag rau tim phabntsa thiab thov hais tias, 3“Tus TSWV, thov koj nco hais tias kuv ua koj tes haujlwm ntawm lub siab ncaj ncees, muab siab npuab koj thiab ua txhua yam raws li koj xav kom kuv ua.” Ces Hexekiyas txawm quaj tu siab heev.
  4Thaum Yaxayas tseem mus tsis tau dhau lub tshavpuam ntawm vajntxwv lub loog, tus TSWV txawm hais kom Yaxayas 5rov mus hais rau Hexekiyas tus uas kav tus TSWV haivneeg hais tias, “Kuv yog tus TSWV uas yog koj yawgkoob Daviv tus Vajtswv, kuv hnov koj tej lus thov thiab pom koj tej kua muag lawm. Kuv yuav kho koj kom zoo, peb hnub saum no koj yuav tau mus rau hauv kuv lub Tuamtsev. 6Kuv yuav ntxiv hnubnyoog kaum tsib xyoo rau koj. Kuv yuav pab koj thiab lub nroog Yeluxalees no kom dim ntawm cov Axilias tus vajntxwv txhais tes. Kuv yuav tsomkwm lub nroog no, kom kuv thiaj tau ntsejmuag thiab kom muaj raws li tej lus uas kuv tau cog tseg rau kuv tus tubtxib Daviv lawm.”
  7Yaxayas kom vajntxwv cov tubtxib muab txiv ncuavpias tsoo qhwv vajntxwv lub rwj, ces nws yuav zoo. 8Vajntxwv Hexekiyas nug hais tias, “Puas yuav muaj dabtsi ua cim qhia rau kuv paub hais tias, tus TSWV yuav kho kuv thiab peb hnub saum no kuv yuav tau mus rau hauv tus TSWV lub Tuamtsev?”
  9Yaxayas teb hais tias, “Tus TSWV yuav ua ib qhov cim qhia rau koj paub hais tias, nws yuav ua raws li nws tau coglus tseg lawm. Koj xav kom tus TSWV ua rau tus duab ntawm tus ntaiv nce mus kaum qib lossis nqe los kaum qib?”
 10Hexekiyas teb hais tias, “Kuj yoojyim cia tus duab nce mus kaum qib, tiamsis kuv thov tus TSWV ua kom tus duab nqis rov los kaum qib!”
 11Yaxayas thov tus TSWV, thiab tus TSWV ua rau tus duab ntawm tus ntaiv uas Vajntxwv Ahas ua nqis rov los kaum qib.

Cov Xa Ntawv Uas Tuaj Npanpiloos Tuaj

(Yaxayas 39.1-8)

 12Thaum ntawd, Npaladas tus tub Melaudas Npaladas uas ua vajntxwv kav lub tebchaws Npanpiloos hnov hais tias Vajntxwv Hexekiyas mob, nws thiaj sau ib tsab ntawv thiab xa ib co khoom tuaj pub rau Hexekiyas. 13Hexekiyas tos txais lawv thiab coj lawv mus ncig saib nws tej txhab nyiaj txhab kub, tej txujlom, tej roj tsw qab thiab nws tej cuabyeej ua rog. Tsis tshuav ib yam dabtsi hauv nws tej txhab lossis hauv nws lub tebchaws uas nws tsis tau coj lawv mus saib li. 14Ces Yaxayas uas yog tus cev Vajtswv lus tuaj cuag Vajntxwv Hexekiyas thiab nug nws hais tias, “Cov neeg ntawd tuaj qhov twg tuaj thiab lawv hais dabtsi rau koj?”
 Hexekiyas teb hais tias, “Lawv tuaj tim tebchaws Npanpiloos uas deb heev tuaj.”
  15Yaxayas nug hais tias, “Lawv pom dabtsi hauv koj lub loog?”
 Hexekiyas teb hais tias, “Lawv pom txhua yam huv tibsi, tsis tshuav ib yam nyob hauv tej txhab uas kuv tsis tau qhia rau lawv li.”
  16Yaxayas hais rau vajntxwv hais tias, “Tus TSWV uas muaj hwjchim loj kawg nkaus hais tias, 17muaj ib hnub txhua yam uas nyob hauv koj lub loog thiab txhua yam uas koj cov yawgkoob khwv tseg thaum ub los txog rau niaj hnub no, yuav raug luag coj mus rau tim tebchaws Npanpiloos, yuav tsis tshuav ib yam dabtsi li. 18Koj cov tub xeebntxwv ibtxhia yuav raug luag ntes coj mus thiab muab sam cia ua haujlwm hauv tus vajntxwv uas kav lub tebchaws Npanpiloos lub loog.”
 19Vajntxwv Hexekiyas txawm xav hais tias thaum uas nws tseem ua neej nyob, lub tebchaws yuav muaj kev thajyeeb thiab nyob tso siab lug, nws thiaj teb hais tias, “Cov lus uas tus TSWV kom koj hais rau kuv yog lus zoo.”

Hexekiyas Tuag

(2 Xwmtxheej Vajntxwv 32.32-33)

 20Dua li lwm yam uas Vajntxwv Hexekiyas ua, tej uas nws muaj peevxwm ua, tauv tau lub pasdej thiab khawb tus kwjdeg tso dej los rau hauv lub nroog, puavleej muab sau cia rau hauv Phau Ntawv Keebkwm uas teev cov Yudas cov Vajntxwv lub neej lawm. 21Hexekiyas tuag thiab nws tus tub Manaxes ua vajntxwv hloov nws chaw.