44
Yelemi has tej kev puam tsuaj
1Yawmsaub has lug tuaj rua Yelemi ntswg txug cov Yutai suavdawg huv Iyi tebchaws, kws nyob huv lub moos Mintoo hab Thapaahe hab Meefi hab huv tebchaws Palau, has tas,
2“Yawmsaub tug muaj fwjchim luj kawg nkaus, kws yog Yixayee tug Vaajtswv, has le nuav tas, Mej tub pum tej xwm txheej phem kws kuv tso lug rua huv Yeluxalee hab tej moos huv Yuta huvsw. Saib maj, naj nub nwgnuav tej moos ntawd nyob do cuas ca tsw muaj leejtwg nyob huv le.
3Tub yog vem tej kev phem kws puab ua zwg ua rua kuv chim, yog qhov kws puab moog hlawv xyaab hab ua koom rua luas tej daab kws puab tsw tau paub dua le, tsw has puab lossws mej hab mej tej laug.
4Tassws kuv tub tso kuv cov tub qhe kws yog cov xwbfwb cev kuv le lug suavdawg tuaj rua mej tsw tu ncua has tas, ‘Mej tsw xob ua tej kev qas vuab tsuab nuav kws kuv ntxub.’
5Tassws puab tsw noog, puab tsw tig ntsej noog es tig hlo ntawm tej kev phem hab tseg tsw xob hlawv xyaab rua luas tej daab.
6Vem le nuav kuv txhad nchuav kuv txujkev chim kev npau tawg lug rua huv Yuta tej moos hab huv tej kev huv lub nroog Yeluxalee, mas tej moos hov txhad raug muab tso tseg nyob do cuas yaam le naj nub nwgnuav.
7Mas nwgnuav Vaajtswv Yawmsaub tug muaj fwjchim luj kawg nkaus, kws yog Yixayee tug Vaajtswv, has le nuav tas, Ua caag mej ua tej kev phem luj nuav rua mej rws? Mej txav tej quaspuj quasyawg tej mivnyuas yau hab mivnyuas mog tawm huv Yuta mej txhad tsw tshuav tuabneeg nyob le.
8Ua caag mej txhais teg yuav ua tej kws zwg ua rua kuv chim? Yog qhov kws mej hlawv xyaab rua luas tej daab huv Iyi tebchaws kws mej lug nyob nuav, mej txhad raug muab txav pov tseg hab ua lu lug tsawm foom hab yuav raug ib tsoom tebchaws huvsw huv nplajteb thuaj luag.
9Mej nov qaab tej kev phem kws mej tej laug ua, hab tej kev phem kws Yuta tej vaajntxwv ua hab puab cov quaspuj ua, hab tej kev phem kws mej hab mej tej quaspuj ua, huv Yuta tebchaws hab huv tej kev huv Yeluxalee lawm lov?
10Txawm yog naj nub nwgnuav los puab tsw txu fwjchim, hab tsw fwm tsw ntshai kuv, hab tsw ua lawv le kuv txuj kevcai hab kuv tej kaab ke kws kuv qha rua mej hab mej tej laug.
11“Vem le nuav, Yawmsaub tug muaj fwjchim luj kawg nkaus kws yog Yixayee tug Vaajtswv has le nuav tas, Saib maj, kuv yuav tsom ntsoov coj xwm txheej phem lug raug mej, hab yuav txav Yuta pov tseg huvsw.
12Kuv yuav muab cov Yuta kws tseed tshuav nyob yog cov kws tau npaaj sab moog nyob rua huv Iyi tebchaws, mas puab yuav raug puam tsuaj taag huvsw. Puab yuav qaug taag huv Iyi tebchaws, puab yuav raug nav ntaaj hab kev tshaib nqhes puam tsuaj taag. Txwj tug miv kawg txug tug luj kawg puab yuav tuag nav ntaaj hab tuag tshaib tuag nqhes. Luas yuav tuav puab lub npe tsawm foom, puab yuav ua chaw rua luas ceeb hab ntshai, hab puab yuav ua lu lug tsawm foom hab puab yuav raug luas thuaj luag.
13“Kuv yuav rau txem rua puab cov kws moog nyob huv Iyi tebchaws ib yaam le kuv xuas ntaaj xuas kev tshaib nqhes hab mob kis rau txem rua Yeluxalee,
14ua rua cov tuabneeg Yuta kws tseed tshuav nyob kws tuaj nyob huv Iyi tebchaws yuav tsw dim ib tug le hab tsw tshuav kws yuav rov moog nyob huv Yuta tebchaws, yog lub chaw kws puab xaav rov moog nyob. Tassws puab tsw tau rov moog le, tsuas yog qee leej kws tswv moog cawm sav xwb.”
15Mas cov quasyawg suavdawg kws paub has tas nwg quaspuj tau hlawv xyaab rua luas tej daab, hab tej quaspuj kws sawv ua ke coob coob hov, yog suavdawg kws nyob huv Palau huv Iyi tebchaws, teb Yelemi tas,
16“Tej lug kws koj tuav Yawmsaub lub npe has rua peb, peb tsw noog.
17Peb yuav ua txhua yaam lawv le peb yeem lug ca, yog hlawv xyaab xyeem rua tug daab puj vaaj ntuj hab laub cawv xyeem rua nwg lawv le kws peb txeev ua, kws yog peb hab peb tej laug hab peb tej vaajntxwv hab cov thawj ua rua huv Yuta tej moos hab tej kev huv Yeluxalee. Thaus peb ua le hov peb muaj zaub mov noj txaus hab noj qaab nyob zoo hab tsw pum ib yaam xwm txheej phem le.
18Tassws txwj thaus peb tseg tsw hlawv xyaab rua tug daab puj vaaj ntuj hab tsw laub cawv xyeem rua nwg peb txawm pluag txhua yaam hab raug kev puam tsuaj ntawm nav ntaaj hab kev tshaib nqhes.”
19Cov quaspuj has tas, “Thaus peb hlawv xyaab rua tug daab puj vaaj ntuj hab laub cawv xyeem rua nwg, qhov kws peb ua lub ncuav zoo le daab puj vaaj ntuj xyeem hab laub cawv xyeem rua nwg hov, peb cov quasyawg tsw pum zoo lov?”
20Mas Yelemi has rua cov quaspuj quasyawg suavdawg kws teb nwg, has tas,
21“Tej xyaab kws mej hlawv huv Yuta tej moos hab tej kev huv Yeluxalee tsw has mej hab mej tej laug hab mej tej vaajntxwv hab mej cov thawj hab tej pejxeem, Yawmsaub tsw tau muab cim ca lov? Nwg ncu tsw txug lov?
22Yawmsaub thev tsw taug mej tej kev phem kev qas vuab tsuab kws mej ua ntawd ntxwv moog lawm. Vem le nuav mej lub tebchaws txhad raug muab tso tseg nyob do cuas hab ua lub chaw kws tsawm foom, tsw muaj tuabneeg nyob yaam le naj nub nwgnuav.
23Vem yog mej hlawv xyaab hab vem yog mej ua txhum rua Yawmsaub hab tsw noog Yawmsaub tej lug hab tsw ua lawv nwg txuj kevcai hab nwg tej kaab ke hab nwg tej lug qha, tej xwm txheej phem nuav txhad raug mej yaam le naj nub nwgnuav.”
24Yelemi has rua cov tuabneeg huvsw hab cov quaspuj huvsw tas, “Mej cov tuabneeg Yuta kws nyob huv Iyi tebchaws suavdawg, ca le noog Yawmsaub tej lug.
25Yawmsaub tug muaj fwjchim luj kawg nkaus kws yog Yixayee tug Vaajtswv has le nuav tas, Mej hab mej tej quaspuj tau has ntawm mej lub qhov ncauj ntaag hab mej txhais teg tau ua kuas tav, lawv le mej tau has tas, ‘Peb yuav ua tej kws peb tau yeem lug ca tag tag le, peb yuav hlawv xyaab rua daab puj vaaj ntuj hab laub cawv xyeem rua nwg.’ Mej ca le tuav rawv tej kws mej yeem lug tseg hab pauj tej kws mej yeem los maj.
26“Vem le nuav, cov tuabneeg Yuta kws nyob huv Iyi tebchaws suavdawg 'e, ca le noog Yawmsaub tej lug. Yawmsaub has tas, ‘Saib maj, kuv tuav kuv lub npe kws luj kawg cog lug khov kho tseg tas cov tuabneeg Yuta kws nyob huv Iyi tebchaws tsw has nyob hovtwg tsw muaj ib lub qhov ncauj twg yuav tuav kuv lub npe twv tas, “Muaj Vaajtswv Yawmsaub kws muaj txujsa nyob pum.”
27Saib maj, kuv saib quas ntsoov puab rua qhov phem tsw yog saib rua qhov zoo. Cov tuabneeg Yuta kws nyob huv Iyi tebchaws suavdawg yuav raug nav ntaaj hab kev tshaib nqhes puam tsuaj taag moog txug thaus puab suam kaum hlo.
28Hab cov kws tswv dim nav ntaaj yuav tswv huv Iyi tebchaws moog rua Yuta tebchaws muaj tsawg kawg, hab cov Yuta kws tshuav nyob huvsw kws tswv lug nyob huv Iyi tebchaws yuav paub tas leejtwg tej lug tseeb, yog puab le tseeb los yog kuv le tseeb.’
29“Yawmsaub has tas, ‘Nuav yog tej txujci kws yuav qha rua mej paub tas kuv yuav rau txem rua mej huv lub chaw nuav, sub mej txhad paub tas kuv tej lug kws has kev puam tsuaj rua mej yeej muaj tseeb.’
30Yawmsaub has le nuav tas, ‘Kuv yuav muab Iyi tug vaajntxwv Falau Haufa rua huv nwg cov yeeb ncuab txhais teg hab muab rua huv cov kws nrhav txuv nwg txujsa txhais teg, ib yaam le kws kuv muab Yuta tug vaajntxwv Xentekhiya rua huv vaajntxwv Nenpukhanexa huv Npanpiloo txhais teg, kws yog nwg tug yeeb ncuab hab nrhav txuv nwg txujsa.’ ”
44
Yelemi hais tej kev puam tsuaj
1Yawmsaub hais lus tuaj rau Yelemi ntsig txog cov Yudai sawvdaws hauv Iyi tebchaws, uas nyob hauv lub moos Midoo thiab Thapahe thiab Meefi thiab hauv tebchaws Palau, hais tias,
2“Yawmsaub tus muaj hwjchim loj kawg nkaus, uas yog Yixayee tus Vajtswv, hais li no tias, Nej twb pom tej xwm txheej phem uas kuv tso los rau hauv Yeluxalees thiab tej moos hauv Yuda huvsi. Saib maj, niaj hnub nimno tej moos ntawd nyob do cuas cia tsis muaj leejtwg nyob hauv li.
3Twb yog vim tej kev phem uas lawv ua zes ua rau kuv chim, yog qhov uas lawv mus hlawv xyab thiab ua koom tu luag tej dab uas lawv tsis tau paub dua li, tsis hais lawv lossis nej thiab nej tej poj koob yawm txwv.
4Tiamsis kuv twb tso kuv cov tub qhe uas yog cov xibhwb cev kuv lus sawvdaws tuaj rau nej tsis tu ncua hais tias, ‘Nej tsis txhob ua tej kev qias vuab tsuab no uas kuv ntxub.’
5Tiamsis lawv tsis mloog, lawv tsis tig ntsej mloog es tig hlo ntawm tej kev phem thiab tseg tsis txhob hlawv xyab rau luag tej dab.
6Vim li no kuv thiaj nchuav kuv txojkev chim kev npau taws los rau hauv Yuda tej moos thiab hauv tej kev hauv lub nroog Yeluxalees, mas tej moos ntawd thiaj raug muab tso tseg nyob do cuas yam li niaj hnub nimno.
7Mas nimno Vajtswv Yawmsaub tus muaj hwjchim loj kawg nkaus, uas yog Yixayee tus Vajtswv, hais li no tias, Ua cas nej ua tej kev phem loj no rau nej ris? Nej txiav tej pojniam txivneej tej menyuam yaus thiab menyuam mos tawm hauv Yuda nej thiaj tsis tshuav neeg nyob li.
8Ua cas nej txhais tes yuav ua tej uas zes ua rau kuv chim? Yog qhov uas nej hlawv xyab rau luag tej dab hauv Iyi tebchaws uas nej los nyob no, nej thiaj raug muab txiav pov tseg thiab ua lo lus tsawm foom thiab yuav raug ib tsoom tebchaws huvsi hauv ntiajteb thuam luag.
9Nej tsis nco qab tej kev phem uas nej tej poj koob yawm txwv ua, thiab tej kev phem uas Yuda tej vajntxwv ua thiab lawv cov pojniam ua, thiab tej kev phem uas nej thiab nej tej pojniam ua, hauv Yuda tebchaws thiab hauv tej kev hauv Yeluxalees lawm lov?
10Txawm yog niaj hnub nimno los lawv tsis txo hwjchim, thiab tsis hwm tsis ntshai kuv, thiab tsis ua raws li kuv txoj kevcai thiab kuv tej kab ke uas kuv qhia rau nej thiab nej tej poj koob yawm txwv.
11“Vim li no, Yawmsaub tus muaj hwjchim loj kawg nkaus uas yog Yixayee tus Vajtswv hais li no tias, Saib maj, kuv yuav tsom ntsoov coj xwm txheej phem los raug nej, thiab yuav txiav Yuda pov tseg huvsi.
12Kuv yuav muab cov Yuda uas tseem tshuav nyob yog cov uas tau npaj siab mus nyob rau hauv Iyi tebchaws, mas lawv yuav raug puam tsuaj tag huvsi. Lawv yuav ntog tag hauv Iyi tebchaws, lawv yuav raug hniav ntaj thiab kev tshaib nqhis puam tsuaj tag. Txij tus me kawg txog tus loj kawg lawv yuav tuag hniav ntaj thiab tuag tshaib tuag nqhis. Luag yuav tuav lawv lub npe tsawm foom, lawv yuav ua chaw rau luag ceeb thiab ntshai, thiab lawv yuav ua lo lus tsawm foom thiab lawv yuav raug luag thuam luag.
13Kuv yuav rau txim rau lawv cov uas mus nyob hauv Iyi tebchaws ib yam li kuv xuas ntaj xuas kev tshaib nqhis thiab mob kis rau txim rau Yeluxalees,
14ua rau cov neeg Yuda uas tseem tshuav nyob uas tuaj nyob hauv Iyi tebchaws yuav tsis dim ib tug li thiab tsis tshuav uas yuav rov mus nyob hauv Yuda tebchaws, yog lub chaw uas lawv xav rov mus nyob. Tiamsis lawv tsis tau rov mus li, tsuas yog qee leej uas khiav mus cawm siav xwb.”
15Mas cov txivneej sawvdaws uas paub hais tias nws pojniam tau hlawv xyab rau luag tej dab, thiab tej pojniam uas sawv ua ke coob coob ntawd, yog sawvdaws uas nyob hauv Palau hauv Iyi tebchaws, teb Yelemi tias,
16“Tej lus uas koj tuav Yawmsaub lub npe hais rau peb, peb tsis mloog.
17Peb yuav ua txhua yam raws li peb yeem lus cia, yog hlawv xyab xyeem rau tus dab poj vaj saum ntuj thiab hliv cawv xyeem rau nws raws li uas peb txeev ua, uas yog peb thiab peb tej poj koob yawm txwv thiab peb tej vajntxwv thiab cov thawj ua rau hauv Yuda tej moos thiab tej kev hauv Yeluxalees. Thaum peb ua li ntawd peb muaj zaub mov noj txaus thiab noj qab nyob zoo thiab tsis pom ib yam xwm txheej phem li.
18Tiamsis txij thaum peb tseg tsis hlawv xyab rau tus dab poj vaj saum ntuj thiab tsis hliv cawv xyeem rau nws peb txawm pluag txhua yam thiab raug kev puam tsuaj ntawm hniav ntaj thiab kev tshaib nqhis.”
19Cov pojniam hais tias, “Thaum peb hlawv xyab rau tus dab poj vaj saum ntuj thiab hliv cawv xyeem rau nws, qhov uas peb ua lub ncuav zoo li dab poj vaj saum ntuj xyeem thiab hliv cawv xyeem rau nws ntawd, peb cov txiv tsis pom zoo lov?”
20Mas Yelemi hais rau cov pojniam txivneej sawvdaws uas teb nws, hais tias,
21“Tej xyab uas nej hlawv hauv Yuda tej moos thiab tej kev hauv Yeluxalees tsis hais nej thiab nej tej poj koob yawm txwv thiab nej tej vajntxwv thiab nej cov thawj thiab tej pejxeem, Yawmsaub tsis tau muab cim cia lov? Nws nco tsis txog lov?
22Yawmsaub thev tsis taus nej tej kev phem kev qias vuab tsuab uas nej ua ntawd ntxiv mus lawm. Vim li no nej lub tebchaws thiaj raug muab tso tseg nyob do cuas thiab ua lub chaw uas tsawm foom, tsis muaj neeg nyob yam li niaj hnub nimno.
23Vim yog nej hlawv xyab thiab vim yog nej ua txhaum rau Yawmsaub thiab tsis mloog Yawmsaub tej lus thiab tsis ua raws nws txoj kevcai thiab nws tej kab ke thiab nws tej lus qhia, tej xwm txheej phem no thiaj raug nej yam li niaj hnub nimno.”
24Yelemi hais rau cov neeg huvsi thiab cov pojniam huvsi tias, “Nej cov neeg Yuda uas nyob hauv Iyi tebchaws sawvdaws, cia li mloog Yawmsaub tej lus.
25Yawmsaub tus muaj hwjchim loj kawg nkaus uas yog Yixayee tus Vajtswv hais li no tias, Nej thiab nej tej pojniam tau hais ntawm nej lub qhov ncauj ntag thiab nej txhais tes tau ua kom tiav, raws li nej tau hais tias, ‘Peb yuav ua tej uas peb tau yeem lus cia tiag tiag li, peb yuav hlawv xyab rau dab poj vaj saum ntuj thiab hliv cawv xyeem rau nws.’ Nej cia li tuav rawv tej uas nej yeem lus tseg thiab pauj tej uas nej yeem lus maj.
26“Vim li no, cov neeg Yuda uas nyob hauv Iyi tebchaws sawvdaws 'e, cia li mloog Yawmsaub tej lus. Yawmsaub hais tias, ‘Saib maj, kuv tuav kuv lub npe uas loj kawg cog lus khov kho tseg tias cov neeg Yuda uas nyob hauv Iyi tebchaws tsis hais nyob qhovtwg tsis muaj ib lub qhov ncauj twg yuav tuav kuv lub npe twv tias, “Muaj Vajtswv Yawmsaub uas muaj txojsia nyob pom.”
27Saib maj, kuv ntsia ntsoov lawv rau qhov phem tsis yog ntsia rau qhov zoo. Cov neeg Yuda uas nyob hauv Iyi tebchaws sawvdaws yuav raug hniav ntaj thiab kev tshaib nqhis puam tsuaj tag mus txog thaum lawv suaj kaum kiag.
28Thiab cov uas khiav dim hniav ntaj yuav khiav hauv Iyi tebchaws mus rau Yuda tebchaws muaj tsawg kawg, thiab cov Yuda uas tshuav nyob huvsi uas khiav los nyob hauv Iyi tebchaws yuav paub tias leejtwg tej lus tseeb, yog lawv li tseeb los yog kuv li tseeb.’
29Yawmsaub hais tias, ‘No yog tej txujci uas yuav qhia rau nej paub tias kuv yuav rau txim rau nej hauv lub chaw no, kom nej thiaj paub tias kuv tej lus uas hais kev puam tsuaj rau nej yeej muaj tseeb.’
30Yawmsaub hais li no tias, ‘Kuv yuav muab Iyi tus vajntxwv Falau Haufa rau hauv nws cov yeeb ncuab txhais tes thiab muab rau hauv cov uas nrhiav txov nws txojsia txhais tes, ib yam li uas kuv muab Yuda tus vajntxwv Xedekhiya rau hauv vajntxwv Nenpukhanexa hauv Npanpiloo txhais tes, uas yog nws tus yeeb ncuab thiab nrhiav txov nws txojsia.’ ”