9
1O feix duqv yie nyei m'nqorngv benx wuom,
yie nyei m'zing benx wuom-mueic nyei zingv,
yie ziouc weic yie nyei baeqc fingx zuqc daix daic nyei mienh
ziangh hnoi ziangh muonz nyiemv.
2Feix duqv yie yiem deic-bung-huaang
maaih jiex jauv mienh hitv nyei dorngx
weic bun yie haih leih nqoi yie nyei baeqc fingx,
yaac haih biaux ndutv ninh mbuo.
Weic zuqc ninh mbuo yietc zungv benx hienx nyei mienh,
benx guanh maiv ziepc zuoqv nyei mienh.
3“Ninh mbuo zoux mbietc ngau hnangv juang-zinx,
se jaav nyei jauv maiv zeiz zien leiz yiem deic-bung henv jienv faaux.
Weic zuqc ninh mbuo zoux naaiv nyungc orqv sic, aengx zoux wuov nyungc orqv sic,
ninh mbuo yaac maiv hiuv duqv yie.”
Naaiv se Ziouv gorngv nyei waac.
4“Dauh dauh mienh oix zuqc mbungh jienv ganh nyei juangc laangz mienh.
Yaac maiv dungx bungx hnyouv haaix dauh gorx-youz.
Weic zuqc dauh dauh gorx-youz zoux nduov mienh nyei mienh,⚓
mouz dauh juangc laangz mienh jiex naaiv jiex wuov gorngv waac-huv.
5Gorqv-mienh nduov gorqv-mienh nyei juangc laangz mienh,
maiv maaih yietc laanh gorngv zien waac.
Ninh mbuo njaaux ninh mbuo nyei mbietc gorngv-baeqc,
ninh mbuo longc nzengc qaqv baamz zuiz
maiv haih goiv hnyouv nzuonx.⚓
6Ninh mbuo zeix mienh aengx jaa zeix,
ninh mbuo nduov mienh aengx jaa nduov.
Ninh mbuo ngaengc jienv maiv kangv hiuv duqv yie.”
Naaiv se Ziouv gorngv nyei waac.
7Weic naaiv Nernh Jiex nyei Ziouv hnangv naaiv gorngv,
“Mangc maah! Laaix yie nyei baeqc fingx zoux nyei orqv sic
yie oix sinx ninh mbuo, kauv ninh mbuo.
Yie fungc haih ganh nyungc zoux?
8Ninh mbuo nyei mbietc hnangv doqc nyei forng,
gorngv waac nduov mienh.
Gorqv-mienh longc gorqv-mienh nyei nzuih gorngv baengh orn nyei waac
bun ninh nyei juangc laangz mienh,
mv baac yiem ninh nyei hnyouv
ninh daav za'eix hoic.”
9Ziouv gorngv, “Yie maiv zeiz oix zuqc weic naaiv deix sic
dingc ninh mbuo nyei zuiz fai?
Yie maiv zeiz oix winh bun
naaiv deix guoqv nyei mienh fai?”
10Yie oix zuqc weic mbong hnyouv mun nyei nyiemv,
yaac nyiemv weic deic-bung-huaang nyei miev-ciangv,
laaix zuqc guangc huaang,
maiv maaih mienh jiex,
yaac maiv haiz saeng-kuv heuc.
Liemh ndaamv-lungh nyei norqc
caux hieh zoih biaux nzengc.
11“Yie oix bun Ye^lu^saa^lem benx mbaang waaic nyei ga'naaiv-ndui,
benx hieh juv yiem nyei dorngx.
Yie oix bun Yu^ndaa nyei zingh benx zingh huaang,
maiv maaih mienh yiem.”
Deic-Bung Oix Zuqc Mietc, Mienh Zuqc Zunc Cuotv
12Haaix dauh maaih cong-mengh gaux bieqc hnyouv naaiv deix sic? Ziouv nyei nzuih caux haaix dauh gorngv jiex weic bun ninh haih gorngv cuotv naaiv deix jauv? Deic-bung weic haaix diuc zuqc baaic huaang nzengc, hnangv deic-bung-huaang maiv maaih mienh jiex mingh jiex daaih?
13Ziouv yaac gorngv, “Se laaix ninh mbuo guangc yie yiem ninh mbuo nyei nza'hmien liepc daaih nyei leiz-latc, maiv muangx yie nyei waac,⚓ maiv ei jienv zoux.
14Ninh mbuo ngaengc jienv ei ninh mbuo ganh nyei hnyouv zoux yaac zuotc ninh mbuo nyei ong-taaix njaaux nyei jauv, mingh gan ⟨Mbaa^an zienh.⟩
15Weic naaiv Nernh Jiex nyei Ziouv, I^saa^laa^en nyei Tin-Hungh, hnangv naaiv gorngv, “Mangc maah! Yie oix bun naaiv deix baeqc fingx nyanc yangh meuz aengx bun doqc nyei wuom ninh mbuo hopv.
16Yie oix bun ninh mbuo faatv nzaanx mingh yiem dongh ninh mbuo ganh caux ninh mbuo nyei ong-taaix maiv hiuv wuov deix guoqv nyei mienh mbu'ndongx. Yie yaac oix longc nzuqc ndaauv zunc ninh mbuo taux yie mietc nzengc ninh mbuo.”
17Nernh Jiex nyei Ziouv hnangv naaiv gorngv,
“Longx-longx nyei hnamv! Oix zuqc heuc tengx nzauh nyiemv nyei m'sieqv dorn daaih,
se paaiv mingh lorz gauh haih jiex wuov deix.
18Heuc ninh mbuo gaanv daaih weic yie mbuo nyiemv,
weic bun yie mbuo nyei m'zing cuotv wuom-mueic luqc luqc nyei,
yaac maaih wuom-mueic liouc cuotv yie mbuo nyei m'zing-ndopv.
19Muangx haiz maaih nyiemv nyei qiex yiem ⟨Si^on⟩ cuotv.
‘Yie mbuo zuqc baaic nzengc aqv loh!
Yie mbuo zuqc nyaiv taux daauh aqv.
Weic zuqc yie mbuo leih deic-bung,
yie mbuo nyei biauv yaac zuqc ninh mbuo baaic waaic nzengc.’+”
20M'sieqv dorn aah! Oix zuqc muangx Ziouv nyei waac.
Bun meih mbuo nyei m'normh zipv Ziouv nyei nzuih gorngv nyei waac.
Oix zuqc njaaux meih mbuo nyei sieqv baaux naanc zingh nzung,
gorqv-mienh njaaux gorqv-mienh nyei juangc laangz mienh baaux nzauh nyiemv nyei nzung.
21Weic zuqc bun mienh zuqc daic nyei jauv faaux daaih bieqc yie mbuo nyei fong muonh,
yaac bieqc yie mbuo nyei hungh dinc,
bun fu'jueiv yiem jaai-horngc
caux mienh lunx mienh yiem domh zuangx zaamc zuqc pai guangc.
22Meih oix zuqc gorngv, “Ziouv hnangv naaiv gorngv,
“+‘Mienh nyei sei oix king njiec yiem wuov ndau-njang hnangv nqaiv nor,
hnangv gaatv mbiauh mienh gaatv nyei mbiauh zeiv king njiec
yaac maiv maaih haaix dauh nzauz.’+”
23Ziouv hnangv naaiv nor gorngv,
“Maiv dungx bun cong-mengh mienh
bungx waac-maux ceng ninh ganh nyei cong-mengh.
Maiv dungx bun henv nyei mienh bungx waac-maux ceng ninh ganh nyei qaqv.
Maiv dungx bun butv-zoih mienh bungx waac-maux ceng ninh ganh nyei zinh zoih.
24Mv baac oix zuqc bun bungx waac-maux nyei mienh
hnangv naaiv bungx waac-maux,
weic ninh mengh baeqc yaac hiuv duqv yie, se Ziouv, yiem lungh ndiev
ziepc zuoqv nyei hnamv mienh, zoux baengh fim, zoux horpc.
Weic zuqc naaiv deix sic yie horpc hnyouv haic.”
Naaiv se Ziouv gorngv nyei waac.⚓
25Ziouv gorngv, “Mangc maah! Hnoi-nyieqc oix taux yie oix dingc yietc zungv ⟨jiex gaatv nyei leiz⟩ mv baac hnangv maiv jiex gaatv nyei leiz wuov deix mienh nyei zuiz nor,
26se I^yipv Mienh, Yu^ndaa Mienh, E^ndom Mienh, Ammon Mienh, Mo^apc Mienh caux yietc zungv yiem deic-bung-huaang japv mba'biei baengh nyei huing gormx m'nqorngv nyei mienh.⚓ Weic zuqc naaiv deix norm-norm guoqv nyei mienh yiem sin jiex gaatv nyei leiz mv baac ninh mbuo caux I^saa^laa^en nyei zuangx zeiv-fun, maiv yiem hnyouv jiex gaatv nyei leiz.
9
1但愿我的头为水，
我的眼为泪水的泉源，
我好为我百姓⚓中被杀的人昼夜哭泣。
2惟愿在旷野有旅客的客栈，
我好离开我的百姓而去；
因他们全都行奸淫，
是行诡诈的一党。
3他们弯起舌头像弓，
为要说谎话；
他们在国中增长势力，
不是为诚信。
他们恶上加恶，
并不认识我。
这是耶和华说的。
4你们各人当谨防邻舍，
不可信赖弟兄；
因为弟兄尽行欺骗，
邻舍也都往来毁谤人。
5他们互相欺骗，
不说真话，
训练自己的舌头说谎，
竭尽所能地作恶。
6你居住在诡诈的人中；
他们因行诡诈⚓，不愿意认识我。
这是耶和华说的。
7所以万军之耶和华如此说：
“看哪，我要熬炼他们，考验他们；
不然，为了我的百姓⚓，我该如何行呢？
8他们的舌头是毒箭，说话诡诈，
跟邻舍口说平安，
心却谋害他。
9我岂不因这些事向他们施行惩罚吗？
像这样的国家，我岂能不报复呢？
这是耶和华说的。”
10我要为山岭哭泣悲哀，
为旷野的草场扬声哀号；
因为都已枯焦，甚至无人经过。
牲畜的鸣叫听不见，
空中的飞鸟和地上的走兽也都逃离。
11我必使耶路撒冷成为废墟，为野狗的住处，
也必使犹大的城镇荒废，无人居住。
12谁是智慧人，可以明白这事？耶和华的口可向谁述说，使他传讲呢？这地为何毁灭，枯焦如旷野，无人经过呢？
13耶和华说：“因为这百姓离弃我在他们面前所设立的律法，不听从我的话，不肯遵行，
14反随从自己顽梗的心行事，照他们祖先所教训的随从诸巴力。”
15所以万军之耶和华－以色列的上帝如此说：“看哪，我必将茵陈给这百姓吃，又用苦水给他们喝。
16我要把他们分散在他们和他们祖宗所不认识的列国；我也要使刀剑追杀他们，直到将他们灭尽。”
耶路撒冷哀求援助
17万军之耶和华如此说：
“你们要考虑，
将唱哀歌的妇女召来，
差人召善哭的妇女前来，
18叫她们速速为我们举哀，
使我们泪眼汪汪，
使我们的眼皮涌出泪水。
19因为有哀声从锡安传来：
‘我们竟然败落！
我们何等惭愧！
我们撇下土地，
人拆毁了我们的房屋。’”
20妇女们哪，当听耶和华的话，
领受他口中的言语；
当教导你们的女儿举哀，
各人教导女伴唱哀歌。
21因为死亡从窗户进来，
进入我们的宫殿，
从外边剪除孩童，
从街上剪除少年。
22你当说，耶和华如此说：
人的尸首必倒在田野像粪土，
又像收割的人身后遗落的禾稼，
无人拾取。
23耶和华如此说：“智慧人不要因他的智慧夸口，勇士不要因他的力气夸口，财主也不要因他的财富夸口；
24夸口的却要夸自己有聪明，认识我是耶和华，知道我喜悦在世上施行慈爱、公平和公义。这是耶和华说的。
25“看哪，日子将到，这是耶和华说的，我要惩罚只在肉身受割礼的人，
26就是埃及、犹大、以东、亚扪人、摩押人，和住旷野所有剃鬓发的人；因为列国都未受割礼，以色列全家心中也未受割礼。”