5

Klei Y-Salômôn Bi Mguôp Hŏng Mtao Y-Hiram

(II KYD 2:1-18)

¹Y-Hiram mtao ƀuôn Tir tiŏ nao phung dĭng buăl ñu kơ Y-Salômôn tơdah ñu hmư̆ leh arăng trôč êa ƀâo mngưi kơ ñu brei jing mtao čuê ama ñu. Kyuadah Y-Hiram khăp nanao kơ Y-Đawit. ²Y-Salômôn mơĭt asăp blŭ kơ Y-Hiram, ³“Ih thâo kơ Y-Đawit ama kâo amâo dưi mdơ̆ng ôh sa boh sang kơ anăn Yêhôwa Aê Diê ñu, kyuadah klei ñu bi blah hŏng phung roh jŭm dar ñu, tơl Yêhôwa dưm leh phung roh anăn ti gŭ jơ̆ng ñu. ⁴Ƀiădah ară anei Yêhôwa Aê Diê kâo brei leh kơ kâo klei mdei jŭm dar, amâo mâo pô bi kdơ̆ng ôh, kăn mâo klei jhat truh rei. ⁵ Snăn kâo čiăng ngă sa boh sang kơ anăn Yêhôwa Aê Diê kâo, tui si Yêhôwa blŭ leh kơ Y-Đawit ama kâo, ‘Anak êkei ih pô kâo srăng mdưm ti jhưng mtao ih čuê ih srăng mdơ̆ng sang kơ anăn kâo.’ ⁶Kyuanăn ară anei, mtă bĕ brei arăng druôm kyâo sêdar mơ̆ng čar Liƀan kơ kâo; leh anăn phung dĭng buăl kâo srăng bi mguôp hŏng phung dĭng buăl ih, leh anăn kâo srăng mưn phung dĭng buăl ih tui si ênoh ih bi kčah. Kyuadah ih thâo amâo mâo ôh sa čô hlăm phung hmei thâo druôm kyâo msĕ si phung Sidôn.”
⁷Tơdah Y-Hiram hmư̆ klei Y-Salômôn blŭ, ñu mơak snăk, leh anăn lač, “Mpŭ mni kơ Yêhôwa hruê anei, pô brei leh kơ Y-Đawit sa čô anak êkei thâo mĭn kiă kriê phung ƀuôn sang êngŭm anei.” ⁸Leh anăn Y-Hiram tiŏ arăng nao lač kơ Y-Salômôn, “Kâo hmư̆ leh klei blŭ ih mơĭt leh kơ kâo. Kâo răng čiăng ngă jih klei ih čiăng hlăm klei djŏ kơ kyâo sêdar leh anăn kyâo Čiprơ. ⁹Phung dĭng buăl kâo srăng ba kyâo anăn mơ̆ng čar Liƀan truh ti êa ksĭ; leh anăn kâo srăng kă kyâo anăn mbĭt brei nao ti êa ksĭ kơ anôk ih ktrâo brei, leh anăn kâo srăng kleh digơ̆ tinăn, leh anăn ih srăng mă tŭ digơ̆. Leh anăn ih srăng ngă klei kâo čiăng êjai brei mnơ̆ng ƀơ̆ng huă kơ phung sang kâo.” ¹⁰Snăn Y-Hiram mkra brei kơ Y-Salômôn jih jang kyâo sêdar leh anăn Čiprơ tui si ñu čiăng. ¹¹Hlăk anăn Y-Salômôn brei kơ Y-Hiram dua pluh êbâo kôr mdiê ƀlê jing mnơ̆ng ƀơ̆ng huă kơ phung sang gơ̆, leh anăn dua pluh kôr êa boh ôliwơ. Y-Salômôn brei mnơ̆ng anăn kơ Y-Hiram grăp thŭn. ¹²Leh anăn Yêhôwa brei kơ Y-Salômôn klei thâo mĭn tui si ñu ƀuăn leh kơ gơ̆; leh anăn mâo klei êđăp ênang Y-Hiram hŏng Y-Salômôn; leh anăn diñu dua ngă klei bi mguôp.
¹³Mtao Salômôn rĭng phung mă bruă mlan mơ̆ng jih jang phung Israel; leh anăn phung arăng rĭng mâo tlâo pluh êbâo čô êkei. ¹⁴ Leh anăn ñu tiŏ nao digơ̆ kơ čar Liƀan, pluh êbâo čô sa mlan. Sa mlan diñu dôk ti čar Liƀan, leh anăn dua mlan ti čar pô. Y-Adôniram jing khua bruă mlan anăn. ¹⁵Msĕ mơh Y-Salômôn mâo kjuh pluh êbâo čô mnuih kkung dŏ ktrŏ leh anăn sa păn pluh êbâo čô krah boh tâo hlăm čar kngư, ¹⁶êbeh kơ tlâo êbâo tlâo êtuh čô khua Y-Salômôn phung kiă kriê bruă, phung kiă kriê phung ƀuôn sang mă bruă anăn. ¹⁷Tui si klei mtao mtă diñu kblang boh tâo prŏng yuôm, čiăng mdơ̆ng tur sang hŏng boh tâo krah leh. ¹⁸Snăn phung mă bruă kơ Y-Salômôn leh anăn phung mă bruă kơ Y-Hiram leh anăn phung Gêbal druôm krah kyâo leh anăn boh tâo pioh mdơ̆ng sang.

5

所罗门准备建殿

（代下2．1－18）

¹推罗王希兰是大卫平生的好友。希兰听见以色列人膏所罗门接续他父亲作王，就派臣仆到他那里。 ²所罗门也派人到希兰那里，说： ³“你知道我父亲大卫因四围的战争，不能为耶和华－他上帝的名建殿，直等到耶和华使仇敌都服在他脚下。 ⁴现在耶和华－我的上帝使我四围太平，没有仇敌，没有灾祸。 ⁵看哪，我吩咐要为耶和华－我上帝的名建殿，是照耶和华向我父亲大卫说的：‘我必使你儿子接续你，坐你的王位，他必为我的名建殿。’ ⁶现在，请吩咐人在黎巴嫩为我砍伐香柏木，我的仆人必帮助你的仆人。至于你仆人的工钱，我必照你所定的给你。你知道，在我们中间没有人像西顿人那样擅长砍伐树木。”
⁷希兰听见所罗门的话，就很高兴，说：“今日耶和华是应当称颂的，因为他赐给大卫一个有智慧的儿子，治理这众多的百姓。” ⁸希兰送信给所罗门，说：“你派人向我所提的那事，我已听见了；论到香柏木和松木，我必照你一切的心愿去做。 ⁹我的仆人必把这木料从黎巴嫩运到海里，我会把它们扎成筏子浮在海上，运到你告诉我的地方，在那里拆开，你就可以收取；你也要照我的心愿做，把食物给我的家。” ¹⁰于是希兰照所罗门的心愿，给他香柏木和松木； ¹¹所罗门给希兰二万歌珥麦子，二十歌珥⚓捣成的油，作他家的食物。所罗门每年都是这样给希兰。 ¹²耶和华照着所应许的赐智慧给所罗门。希兰与所罗门和平相处，二人彼此立约。
¹³所罗门王从全以色列挑取服劳役的人，征来的人有三万， ¹⁴派他们轮流每月一万人上黎巴嫩去；一个月在黎巴嫩，两个月在家里。亚多尼兰管理他们。 ¹⁵所罗门有七万扛抬的，八万在山上凿石头的。 ¹⁶此外，所罗门有三千三百个监督工作的官长，监管百姓做工。 ¹⁷王下令，他们就凿出又大又贵重的石头来，用以立殿的根基。 ¹⁸所罗门的工匠和希兰的工匠，以及迦巴勒人，把石头凿好，预备了木料和石头来建殿。