24
Ndaawitv Saauv I^saa^laa^en Caux Yu^ndaa Mienh
(Beiv mangc 1 Zunh Doic Douh 21:1-27)
1Ziouv aengx qiex! jiez haic I^saa^laa^en Mienh ziouc coqv Ndaawitv hoic ninh mbuo. Ninh mbuox Ndaawitv, “Mingh saauv I^saa^laa^en caux Yu^ndaa Mienh maah!”
2Ndaawitv ziouc gorngv mbuox Yo^aapc aengx caux ninh yiem nyei domh baeng-bieiv, “Mingh gormx fingx-fingx I^saa^laa^en Mienh, yiem Ndaan taux Mbe^e^qe^mbaa, saauv mienh weic bun yie hiuv duqv baeqc fingx nyei soux mouc.”
3Mv baac Yo^aapc gorngv mbuox hungh diex, “Tov Ziouv, meih nyei Tin-Hungh, bun baeqc fingx jaa hiaangx gauh camv ih zanc maaih nyei yietc baeqv gouv, bun yie nyei ziouv, hungh diex, nyei m'zing duqv buatc. Mv baac yie nyei ziouv hungh diex weic haaix diuc zoux naaiv deix sic?”
4Mv baac Yo^aapc caux domh baeng-bieiv ngaengc maiv duqv hungh diex nyei waac. Yo^aapc caux jun-baeng nyei domh baeng-bieiv ziouc yiem hungh nyei nza'hmien cuotv mingh saauv I^saa^laa^en Mienh nyei baeqc fingx.
5Ninh mbuo jiex liuz Jor^ndaen Ndaaih ziouc liepc ciangv yiem Aa^lo^e Zingh, dongh yiem horngz gu'nyuoz nyei naamh bung zingh. Ninh mbuo aengx hungx jienv Gaatc aengx jiex mingh taux Yaase.
6Ninh mbuo daaih taux Gi^le^aatc aengx mingh taux Daatim Hotc^qi.⚓ Ninh mbuo aengx mingh taux Ndan^yaa^an,⚓ wingc mingh taux Sai^ndorn.
7Ninh mbuo aengx taux weih wuonv nyei zingh, Tailaqv, aengx mingh taux Hiwai Mienh caux Kaa^naa^an Mienh nyei norm-norm zingh. Nqa'haav laai ninh mbuo taux Yu^ndaa nyei ⟨Negepc Deic,⟩ Mbe^e^qe^mbaa wuov norm dorngx.
8Ninh mbuo mingh gormx deic-bung liuz, ziouc nzuonx Ye^lu^saa^lem. Ninh mbuo longc nduoh hlaax caux nyic ziepc hnoi.
9Yo^aapc ziouc mingh mbuox Ndaawitv ninh saauv baeqc fingx nyei soux mouc. Yiem I^saa^laa^en haih longc nzuqc ndaauv yaac zoux henv nyei baeng maaih betv ziepc waanc dauh. Yu^ndaa maaih hmz ziepc waanc.
Ziouv Dingc Ndaawitv Nyei Zuiz
(Beiv mangc 1 Zunh Doic Douh 21:7-17)
10Ndaawitv saauv liuz mienh, ninh haiz hnyouv maiv longx. Ninh ziouc gorngv mbuox Ziouv, “Yie hnangv naaiv nor zoux yie baamz zuiz hlo haic. Mv baac Ziouv aac, tov meih guangc yie, meih nyei bou nyei zuiz, weic zuqc yie zoux naaiv deix sic za'gengh hngongx haic.”
11Da'nyeic ndorm Ndaawitv jiez sin daaih, Ndaawitv nyei douc waac mienh, Gaatc, duqv zipv Ziouv nyei waac mi'aqv.
12Ninh gorngv, “Mingh mbuox Ndaawitv, ‘Ziouv hnangv naaiv gorngv. Yie maaih buo nyungc bun meih ginv. Meih ginv haaix nyungc, yie ziouc zoux wuov nyungc bun meih.’+”
13Gaatc ziouc mingh lorz Ndaawitv, mbuox ninh, “Ziouv hnangv naaiv nor gorngv, ‘Meih oix bun meih nyei deic-bung zuqc buo⚓ hnyangx nyei domh ngorc fai? Fai oix zuqc meih nyei win-wangv zunc biaux buo hlaax nyieqc? Fai meih nyei deic-bung oix zuqc maaih buo hnoi nyei domh wuon-baengc?’ Ih zanc hnamv mangc gaax, yie oix zuqc hnangv haaix nor dau paaiv yie daaih wuov dauh?’+”
14Ndaawitv gorngv mbuox Gaatc, “Yie gengh haiz aqc haic. Yie tov yiem Ziouv nyei buoz weic zuqc ninh za'gengh korv-lienh haic mienh, mv baac tov maiv dungx bun yie zuqc yiem baamh mienh nyei buoz-ndiev.”
15Hnangv naaic, yiem lungh ndorm taux dingc daaih nyei ziangh hoc, Ziouv bun I^saa^laa^en Mienh butv domh wuon-baengc. Yiem Ndaan taux Mbe^e^qe^mbaa maaih siec waanc dauh I^saa^laa^en Mienh daic.
16Fin-mienh sung buoz oix mietc Ye^lu^saa^lem wuov zanc, Ziouv ziouc goiv za'eix mi'aqv. Ninh gorngv mbuox mietc mienh wuov dauh fin-mienh, “Gaux aqv. Hluotv meih nyei buoz maah!” Wuov zanc Ziouv nyei fin-mienh souv jienv yiem Ye^mbutc Mienh, Aa^laau^naa, nyei mborqv mbiauh ciangv.
17Ndaawitv buatc daix mienh wuov dauh fin-mienh ninh gorngv mbuox Ziouv, “Se dongh yie baamz zuiz. Se dongh yie zoux dorngc. Naaiv deix ba'gi yungh maiv zoux haaix nyungc. Tov bun meih nyei buoz zuqc yie caux yie nyei hmuangv doic hnangv.”
Ndaawitv Ceix Ziec-Dorngh
(Beiv mangc 1 Zunh Doic Douh 21:18-22:1)
18Dongh wuov hnoi Gaatc mingh lorz Ndaawitv yaac gorngv mbuox ninh, “Meih oix zuqc mingh Ye^mbutc Mienh, Aa^laau^naa, nyei mborqv mbiauh ciangv weic Ziouv ceix norm ziec-dorngh.”
19Ndaawitv ziouc ei jienv Ziouv longc Gaatc hatc nyei waac mingh aqv.
20Aa^laau^naa mangc buatc hungh diex caux ninh nyei jien hungx jienv ninh daaih, ninh cuotv mingh yiem hungh diex nyei nza'hmien mbaapv njiec, hmien taux ndau.
21Aa^laau^naa gorngv, “Yie nyei ziouv, hungh diex, weic haaix diuc daaih lorz yie, meih nyei bou?”
Ndaawitv dau, “Yie daaih maaiz meih nyei mborqv mbiauh ciangv weic Ziouv ceix norm ziec-dorngh bun baeqc fingx butv nyei domh wuon-baengc haih dingh.”
22Aa^laau^naa gorngv mbuox Ndaawitv, “Yie nyei ziouv, hungh diex, buatc haaix nyungc a'hneiv longc, gunv zorqv daaih longc ziec. Mangc maah! Naaiv maaih ngongh weic zoux buov ziec nyei ga'naaiv. Aengx maaih ngongh nyei ndiangx-gaaz caux mborqv mbiauh nyei ga'naaiv weic zoux zaangh.
23O hungh diex aah! Naaiv yietc zungv yie, Aa^laau^naa, fungx bun meih aqv.” Aa^laau^naa aengx jaa waac gorngv, “Tov Ziouv, meih nyei Tin-Hungh, horpc hnyouv hungh diex.”
24Mv baac hungh diex gorngv mbuox Aa^laau^naa, “Maiv zeiz lorqc. Yie oix ziux jaax-zinh tengx meih maaiz. Yie maiv oix longc baeqc baeqc duqv daaih nyei ga'naaiv fongc horc buov ziec bun Ziouv, yie nyei Tin-Hungh.”
Ndaawitv ziouc longc ziepc hmz lungz⚓ nyaanh maaiz mborqv mbiauh ciangv caux ngongh.
25Ndaawitv yiem wuov weic Ziouv ceix norm ziec-dorngh, aengx fongc horc buov ziec caux ziec weic jiu tong nyei ga'naaiv. Weic naaiv, Ziouv muangx weic wuov norm deic-bung tov nyei waac. Yiem I^saa^laa^en butv nyei domh wuon-baengc ziouc dingh mi'aqv.
24
大卫调查人口
（代上21．1－27）
1耶和华的怒气又向以色列发作，激起大卫来对付他们，说：“去，数点以色列人和犹大人。”
2大卫对跟随他的约押元帅说：“你来回走遍以色列众支派，从但直到别是巴，数点百姓，我好知道百姓的数目。”
3约押对王说：“愿耶和华－你的上帝使百姓的数目增加百倍，使我主我王亲眼得见。我主我王何必要做这事呢？”
4但王坚持他对约押和众军官的命令。约押和众军官就从王面前出去，数点以色列的百姓。
5他们过约旦河，在迦得谷中、城的右边亚罗珥安营，与雅谢相对。
6他们来到基列，到了他停．合示地⚓，又来到但．雅安，绕到西顿。
7他们来到推罗的堡垒，以及希未人和迦南人的各城，又出来，到犹大尼革夫⚓的别是巴。
8他们来回走遍全地，过了九个月又二十天，就回到耶路撒冷。
9约押向王报告百姓的总数：以色列拿刀的勇士有八十万；犹大有五十万人。
10大卫数点百姓以后，心中自责。大卫向耶和华说：“我做这事大大有罪了。耶和华啊，现在求你除掉仆人的罪孽，因我所做的非常愚昧。”
11大卫早晨起来，耶和华的话临到迦得先知，就是大卫的先见，说：
12“你去告诉大卫：‘耶和华如此说：我向你提出三样，随你选择一样，我好降给你。’”
13于是迦得来到大卫那里告诉他，问他：“你要国中有七⚓年的饥荒呢？或是你在敌人面前逃跑，被追赶三个月呢？或是在你国中有三日的瘟疫呢？现在你要考虑思量，我怎样去回覆那差我来的。”
14大卫对迦得说：“我很为难。我们宁愿落在耶和华的手里，因为他有丰盛的怜悯；我不愿落在人的手里。”
15于是，耶和华降瘟疫给以色列。自早晨到所定的时候，从但直到别是巴，百姓中死了七万人。
16天使向耶路撒冷伸手要毁灭这城的时候，耶和华改变心意，不降那灾难，就对那在百姓中施行毁灭的天使说：“够了！住手吧！”耶和华的使者正在耶布斯人亚劳拿的禾场那里。
17大卫看见那在百姓中施行毁灭的天使，就向耶和华说：“看哪，我犯了罪，行了恶，但这群羊做了什么呢？愿你的手攻击我和我的父家。”
18当日，迦得来到大卫那里，对他说：“你上去，在耶布斯人亚劳拿的禾场上为耶和华立一座坛。”
19大卫就照着迦得的话，照着耶和华所吩咐的上去了。
20亚劳拿观看，看见王和臣仆向他走过来。亚劳拿就出去，脸伏于地，向王下拜。
21亚劳拿说：“我主我王为何来到仆人这里呢？”大卫说：“我要买你这禾场，为耶和华筑一座坛，使瘟疫在百姓中停止。”
22亚劳拿对大卫说：“我主我王，你眼中看为好，就拿去献祭。看，这里有牛可以作燔祭，有打粮的器具和套牛的轭可以当作柴。
23王啊，这一切，亚劳拿都献给王。”亚劳拿又对王说：“愿耶和华－你的上帝悦纳你。”
24王对亚劳拿说：“不，我一定要按价钱向你买；我不能用白白得来的东西作燔祭献给耶和华－我的上帝。”大卫就用五十舍客勒银子买了那禾场与牛。
25大卫在那里为耶和华筑了一座坛，献燔祭和平安祭。耶和华垂听了为那地的祈求，瘟疫就在以色列中停止了。