8
Amôt Hữm Crưo Poân Palâi Aluang
1Yiang Sursĩ Ncháu Nheq Tữh Cũai sapáh yỗn cứq hữm palâi aluang poân muoi crưo.
2Chơ Yiang Sursĩ blớh cứq neq: “Amôt ơi! Mới hữm ntrớu noâq?”
Cứq ta‑ỡi: “Cứq hữm crưo poân moang palâi aluang.”
Chơ Yiang Sursĩ atỡng cứq neq: “Tangái parsốt⚓ khoiq toâq chơ pỡ cũai I-sarel, la proai cứq. Cứq tỡ bữn avĩaq noâng máh ranáq ca ễ toâq, ma alới cóq roap tôt.
3Tâng tangái ki, máh cansái ũat tâng dống puo pĩen cỡt sưong nhiam ra‑ỗq ramễq ễn. Dũ ntốq bữn moang sac cũai cuchĩt. Noau voang aloŏh máh sac ki, chơ ntốq ki cỡt ngua parngeh.”
Ŏ́c Bap Toâq Pỡ Tỗp I-sarel
4Ơ anhia ca dốq tĩn sarúq cũai tỡ bữn noau rachuai, cớp pupứt máh cũai túh cadĩt tâng cruang anhia! Cóq anhia tamứng máh santoiq nâi.
5Anhia pai chóq tỗ anhia bữm neq: “Tỗp hái tỡ riap acoan noâng yỗn toau moâm máh tangái cha bũi Casâi Loŏh Tamái nâi, yuaq hái yoc ễ chếq máh saro. Noâng dũn maléq Tangái Rlu nâi moâm, dŏq hái têq chếq saro? Chơ, hái têq ĩt kia luat tễ kia tiaq, tâc crơng voal tỡ bữn pĩeiq, cớp atức canân dŏq hái lôp cũai chỡng crơng hái.
6Hái têq chếq saro apam toâq kia ntâng. Hái chi-chuaq cớp chỡng cũai cadĩt yỗn cỡt sũl hái, kia alới máh muoi cu cỡp.”
7Yiang Sursĩ, Ncháu tỗp I-sarel, thễ dũan nhơ ramứh án bữm neq: “Cứq tỡ nai khlĩr máh ranáq sâuq tỗp alới khoiq táq.
8Cỗ ngkíq, nỡ‑ra cốc cutễq nâi cacưt; cớp dũ náq cũai tâng cloong cutễq nâi cỡt ngua lứq. Cruang anhia cỡt rachâu cacưt, án satũol achỗn cớp sarũq asễng samoât crỗng Nil.
9Tâng tangái ki cứq táq yỗn moat mandang pât bo noâng mandang toâng, cớp táq yỗn cốc cutễq nâi cỡt canám bo noâng tangái. Cứq Yiang Sursĩ Ncháu Nheq Tữh Cũai pai máh santoiq nâi.
10Cứq ễ táq yỗn máh tangái anhia cha bũi puai rit cỡt chíq tangái tanúh. Cớp cứq ễ rapĩen cansái ũat bũi óh cỡt sưong nhiam cuclỗiq cucling ễn. Cứq ễ táq yỗn anhia cũah plỡ cớp tâc tampâc tanúh; chơ anhia cỡt samoât mpiq mpoaq ca nhiam tanúh bo con samiang clúng alới cuchĩt. Tâng tangái ki bữn moang ŏ́c ngua arức sâng.
11“Tangái ki khoiq cheq lứq chơ, la tangái cứq ớn ranáq panhieih khlac toâq chũop cloong cutễq nâi. Máh cũai cỡt panhieih, mŏ tỡ cỡn panhieih bễng mi; arooq alới cỡt khỗ, mŏ tỡ cỡn cỗ ễ nguaiq dỡq. Alới sâng panhieih khlac cỗ ễ tamứng parnai tễ Yiang Sursĩ. Cứq Yiang Sursĩ Ncháu Nheq Tữh Cũai pai máh santoiq nâi.
12“Tâng tangái ki bữn cũai luloah pỡq chu tễ dỡq mưt Boi toau toâq dỡq mưt Mê-di-tarian, cớp tễ coah angia pỡng toau toâq coah angia mandang loŏh. Alới ravoât dũ ntốq cu nnơi ễ tamứng parnai tễ Yiang Sursĩ, ma alới tỡ bữn ramóh.
13Tangái ki, máh cumũr cớp tatoam bán rêng lứq la dớm tê mán ễ cuchĩt, cỗ tian alới khlac dỡq.
14Máh cũai thễ dũan nhơ máh rup yiang tỗp Sa-mari, chơ alới pai neq: ‘Nhơ ramứh yiang vil Dan,’ tỡ la ‘Nhơ ramứh yiang vil Bêr-si-ba,’ chơ alới dớm cớp tỡ têq yuor tayứng noâng.”
8
Vision of the Summer Fruit
1Thus the Lord God showed me: Behold, a basket of summer fruit.
2And He said, “Amos, what do you see?”
So I said, “A basket of summer fruit.”
Then the Lord said to me:
⚓“The end has come upon My people Israel;
⚓I will not pass by them anymore.
3And ⚓the songs of the temple
Shall be wailing in that day,”
Says the Lord God—
“Many dead bodies everywhere,
⚓They shall be thrown out in silence.”
4Hear this, you who swallow up the needy,
And make the poor of the land fail,
5Saying:
“When will the New Moon be past,
That we may sell grain?
And ⚓the Sabbath,
That we may trade wheat?
⚓Making the ephah small and the shekel large,
Falsifying the scales by ⚓deceit,
6That we may buy the poor for ⚓silver,
And the needy for a pair of sandals—
Even sell the bad wheat?”
7The Lord has sworn by ⚓the pride of Jacob:
“Surely ⚓I will never forget any of their works.
8⚓Shall the land not tremble for this,
And everyone mourn who dwells in it?
All of it shall swell like the River,
Heave and subside
⚓Like the River of Egypt.
9“And it shall come to pass in that day,” says the Lord God,
⚓“That I will make the sun go down at noon,
And I will darken the earth in broad daylight;
10I will turn your feasts into ⚓mourning,
⚓And all your songs into lamentation;
⚓I will bring sackcloth on every waist,
And baldness on every head;
I will make it like mourning for an only son,
And its end like a bitter day.
11“Behold, the days are coming,” says the Lord God,
“That I will send a famine on the land,
Not a famine of bread,
Nor a thirst for water,
But ⚓of hearing the words of the Lord.
12They shall wander from sea to sea,
And from north to east;
They shall run to and fro, seeking the word of the Lord,
But shall ⚓not find it.
13“In that day the fair virgins
And strong young men
Shall faint from thirst.
14Those who ⚓swear by ⚓the sin of Samaria,
Who say,
‘As your god lives, O Dan!’
And, ‘As the way of ⚓Beersheba lives!’
They shall fall and never rise again.”