1
Yawmsaub hu Yelemi
1Nuav yog Yelemi kws yog Hikhiya tug tub tej lug. Nwg yog ib tug pov thawj kws nyob huv lub moos Anathau huv Npeeyamee tebchaws.
2Yawmsaub has lug tuaj rua Yelemi rua xyoo kaum peb kws Amoo tug tub Yauxiya ua vaajntxwv kaav Yuta tebchaws,
3hab rua thaus Yauxiya tug tub Yehauyakhi ua vaajntxwv kaav Yuta, moog txug xyoo kaum ib kws Yauxiya tug tub Xentekhiya kws ua vaajntxwv kaav Yuta, hab moog txug thaus Yeluxalee raug nteg rua lub tswb hlis.
4Yawmsaub has lug tuaj rua kuv tas,
5“Kuv tub paub koj ua ntej kws
kuv tswm koj rua huv lub plaab,
hab thaus koj tsw tau yug huv plaab lug
kuv tub muab koj cais ca rua kuv lawm,
kuv tub tsaa koj ua tug cev kuv le lug
rua ib tsoom tebchaws.”
6Tes kuv has tas, “Au Vaajtswv Yawmsaub, saib maj, kuv tsw paub has le caag txhad zoo tsua qhov kuv tseed hluas.”
7Yawmsaub txhad has rua kuv tas,
“Tsw xob has tas koj tseed hluas,
tsua qhov koj yuav tsum moog txug
txhua tug kws kuv khaiv koj moog,
kuv has le caag rua koj
koj yuav tsum has le ntawd.
8Tsw xob ntshai puab vem kuv nrug nraim koj
hab yuav cawm koj.
Yawmsaub has le nuav ntaag.”
9Tes Yawmsaub txawm cev teg kov kuv lub qhov ncauj hab has rua kuv tas,
“Saib maj, kuv muab kuv tej lug
rua huv koj lub qhov ncauj.
10Nub nua kuv tsaa koj nyob sau
ib tsoom tuabneeg hab ib tsoom tebchaws,
koj yuav muab dob hab muab ua kuas pob taag,
muab ua puam tsuaj hab muab rhuav tshem pov tseg,
hab muab tswm hab muab cog.”
11Yawmsaub has lug tuaj rua kuv tas, “Yelemi 'e, koj pum daabtsw?” Kuv teb tas, “Kuv pum ib ceg txwv duaj deg.”
12Mas Yawmsaub has rua kuv tas, “Koj pum tseeb lawm, tsua qhov kuv zuv rawv⚓ kuv tej lug txhad ua tau kuas tav.”
13Yawmsaub has lug tuaj rua kuv zag ob tas, “Koj pum daabtsw?” Kuv teb tas, “Kuv pum ib lub laujkaub saamswm npau qaij saab peg tuaj.”
14Mas Yawmsaub has rua kuv tas, “Xwm txheej phem yuav tawm plawg saab peg tuaj rua sau cov tuabneeg suavdawg kws nyob huv lub tebchaws nuav.
15Saib maj, kuv saamswm hu txhua haiv tuabneeg huv tej tebchaws saab peg suavdawg tuaj.” Yawmsaub has le nuav ntaag. “Puab yuav tuaj txug hab yuav txawb puab tej zwm txwv rua ntawm txujkev kws nkaag rua huv Yeluxalee lub rooj loog hab vej puag ncig Yeluxalee tej ntsaa loog hab Yuta tej moos huvsw.
16Kuv yuav has kuv tej lug teem txem rua kuv haiv tuabneeg vem puab tej kev limham huvsw kws tso kuv tseg. Puab hlawv xyaab xyeem rua luas tej daab hab pe hawm tej kws puab txhais teg ua ca.
17Koj ca le sa hlaab khov kho ntawm duav, ca le sawv tseeg hab has txhua yaam kws kuv has rua koj lawm rua puab noog. Tsw xob ntshai puab, kuv txhad tsw ua rua koj ntshai taab meeg puab.
18Saib maj, nub nua kuv muab koj ua lub nroog ruaj khov hab ua ncej hlau hab ua ntsaa loog tooj lab tawm tsaam lub tebchaws huvsw hab tawm tsaam Yuta tej vaajntxwv hab cov thawj hab cov pov thawj hab cov pejxeem huv lub tebchaws nuav.
19Puab yuav tawm tsaam koj tassws kov tsw yeej koj, vem kuv nrug nraim koj hab yuav cawm koj dim.” Yawmsaub has le nuav ntaag.
1
1这些是便雅悯地亚拿突城的祭司，希勒家的儿子耶利米的话。
2亚们的儿子犹大王约西亚在位第十三年，耶和华的话临到耶利米。
3从约西亚的儿子犹大王约雅敬在位的时候，直到约西亚的儿子犹大王西底家在位的末年，就是第十一年五月间耶路撒冷被掳时，耶和华的话也常临到耶利米。
耶利米蒙选召
4耶利米说，耶和华的话临到我，说：
5“我尚未将你造在母腹中，就已认识你；
你未出母胎，我已将你分别为圣，
派你作列国的先知。”
6我就说：“唉！主耶和华，看哪，我不知道怎么说，因为我年轻。”
7耶和华对我说：
“不要说‘我年轻’，
因为我差遣你到谁那里去，你都要去；
我吩咐你说什么话，你都要说。
8你不要怕他们，
因为我与你同在，要拯救你。
这是耶和华说的。”
9于是耶和华伸手按住我的口，
对我说：
“看哪，我已将我的话放在你口中。
10我今日立你在列邦列国之上，
为要拔出，拆毁，毁坏，倾覆，
又要建立，栽植。”
两个异象
11耶和华的话临到我，说：“耶利米，你看见什么？”我说：“我看见一根杏树枝。”
12耶和华对我说：“你看得不错；因为我要看守⚓我的话，使它实现。”
13耶和华的话第二次临到我，说：“你看见什么？”我说：“我看见一个水烧开的锅，从北而倾。”
14耶和华对我说：“必有灾祸从北方发出，临到这地所有的居民。
15看哪，我要召北方列国的万族。这是耶和华说的。他们要来，各安宝座在耶路撒冷的城门口，周围攻击城墙，又要攻击犹大的一切城镇。
16这民离弃我，向别神烧香，跪拜自己手所造的，我要针对这一切恶行，向他们宣读我的判决。
17所以你当束腰，起来，将我所吩咐你的一切话都告诉他们；不要因他们惊惶，免得我使你在他们面前惊惶。
18看哪，我今日使你成为坚城、铁柱、铜墙，对抗全地和犹大的君王、官长、祭司，并这地的百姓。
19他们要攻击你，却不能胜过你，因为我与你同在，要拯救你。这是耶和华说的。”