2

Da'faam Nyungc Laauc Yaangh Nyei Sic

Ndorqc Nyei Hlaang

¹Yie aengx cau hmien mangc, buatc dauh mienh nanv jienv ndorqc nyei hlaang. ²Yie ziouc naaic ninh, “Meih mingh haaix?”
Ninh dau yie, “Yie mingh ndorqc Ye^lu^saa^lem Zingh mangc gaax ndongc haaix jangv, ndongc haaix ndaauv.”
³Wuov zanc caux yie gorngv waac wuov dauh fin-mienh mingh mi'aqv. Aengx maaih ganh dauh fin-mienh daaih buangh ninh, ⁴yaac gorngv mbuox ninh, “Tiux jienv mingh gorngv mbuox wuov dauh mienh lunx mienh, ‘Maaih mienh oix daaih yiem Ye^lu^saa^lem Zingh camv nyei, hnangv yiem maiv maaih zingh laatc nyei laangz, weic zuqc baeqc fingx caux saeng-kuv camv haic.’ ⁵Ziouv gorngv, ‘Yie oix benx guaax douz zoux zingh laatc weih jienv naaiv norm zingh. Yie yaac oix benx naaiv norm zingh nyei njang-laangc.’+”

Heuc Zuqc Caangv Nyei Mienh Nzuonx

⁶Ziouv gorngv, “Daaih maah! Daaih maah! Oix zuqc biaux nqoi baqv bung nyei deic-bung, weic zuqc yie bun meih mbuo nzaanx mingh yiem lungh ndiev nyei biei bung.”⚓Ziouv hnangv naaiv gorngv.
⁷“Caux Mbaa^mbi^lon Mienh⚓ yiem nyei mienh aah! Oix zuqc biaux mingh ⟨Si^on.”⟩ ⁸Nernh Jiex nyei Ziouv hnangv naaiv gorngv, “Ninh taaih liuz yie,⚓ nqa'haav paaiv yie mingh taux luv meih mbuo wuov deix guoqv nyei mienh, weic zuqc haaix dauh hoic meih mbuo se hnangv hoic Tin-Hungh ganh nyei m'zing-mienh nor. ⁹Mangc maah! Yie oix sung yie nyei buoz mborqv ninh mbuo. Ninh mbuo ziouc zuqc fu-sux ninh mbuo wuov deix mienh daaux nzuonx daaih luv ninh mbuo. Wuov zanc meih mbuo ziouc zieqv duqv se Nernh Jiex nyei Ziouv paaiv yie mingh.”
¹⁰Ziouv gorngv, “O Si^on Mienh aah!⚓ Oix zuqc njien-youh nyei baaux nzung, weic zuqc yie daaih yaac oix yiem meih mbuo mbu'ndongx. ¹¹Taux wuov hnoi, ziex norm guoqv nyei mienh oix daaih guei yie, Ziouv, yaac benx yie nyei baeqc fingx. Yie yaac oix yiem meih mbuo mbu'ndongx. Meih mbuo ziouc hiuv duqv Nernh Jiex nyei Ziouv paaiv yie daaih taux meih mbuo naaiv. ¹²Ziouv oix nzipc Yu^ndaa benx ninh nyei buonc yiem wuov norm cing-nzengc deic-bung yaac aengx oix ginv nzunc Ye^lu^saa^lem. ¹³Maanc mienh aah! Oix zuqc yiem Ziouv nyei nza'hmien sekv nzieqc nyei, weic zuqc ninh yiem ninh cing-nzengc nyei dorngx cuotv daaih.”⚓

2

A Man With a Measuring Line

¹Then I looked up, and there before me was a man with a measuring line in his hand. ²I asked, “Where are you going?”
He answered me, “To measure Jerusalem, to find out how wide and how long it is.”
³While the angel who was speaking to me was leaving, another angel came to meet him ⁴and said to him: “Run, tell that young man, ‘Jerusalem will be a city without walls because of the great number of people and animals in it. ⁵And I myself will be a wall of fire around it,’ declares the Lord, ‘and I will be its glory within.’
⁶“Come! Come! Flee from the land of the north,” declares the Lord, “for I have scattered you to the four winds of heaven,” declares the Lord.
⁷“Come, Zion! Escape, you who live in Daughter Babylon!” ⁸For this is what the Lord Almighty says: “After the Glorious One has sent me against the nations that have plundered you—for whoever touches you touches the apple of his eye— ⁹I will surely raise my hand against them so that their slaves will plunder them.⚓ Then you will know that the Lord Almighty has sent me.
¹⁰“Shout and be glad, Daughter Zion. For I am coming, and I will live among you,” declares the Lord. ¹¹“Many nations will be joined with the Lord in that day and will become my people. I will live among you and you will know that the Lord Almighty has sent me to you. ¹²The Lord will inherit Judah as his portion in the holy land and will again choose Jerusalem. ¹³Be still before the Lord, all mankind, because he has roused himself from his holy dwelling.”