6

Nau Tâm Saơ Puăn Mlâm Ndeh Seh

¹Gâp n'gơr đŏng măt jêh ri uănh saơ; aơ, geh puăn mlâm ndeh seh luh tă bơh ta nklang bar mlâm yôk; jêh ri phung yôk nây jêng yôk ma kông. ²Ntŭk ndeh seh saơm geh phung seh chăng; ndeh seh tal bar, geh seh krăk; ³ndeh seh tal pe, seh nglang; ndeh seh tal puăn geh seh êr rvanh. ⁴Pônây gâp lah ma tông păr ueh nơm ngơi đah gâp, lah: Hơi kôranh gâp! Moh bu ntĭt lĕ ndơ nây? ⁵Tông păr ueh plơ lah: Nây jêng puăn nuyh huêng brah tâm sial kalơ trôk, luh tă bơh ntŭk khân păng dâk panăp măt kôranh Brah lam bri neh ntu. ⁶Phung seh krăk dui ndeh nƀuih tât n'gor bri dor, jêh ri phung seh nglang hăn tĭng păng; jêh ri phung seh rvanh êr hăn mpeh bri rđŭng. ⁷Groi pakơi phung seh dăng-nđuih uĕh hăn lam neh ntu. Tông păr lah ma khân păng: Hăn hom, chop uănh neh ntu. Pôri khân păng chop uănh neh ntu. ⁸Pônây, păng kuăt gâp, jêh ri lah ma gâp: Aơ, phung seh hăn tât bri dor hă ƀư ăn Huêng Brah gâp gŭ mpăn tâm bri dor.

Nau Ndô Đon Hađăch Ma Y-Yôsuê Jêng Nau Hôr

⁹Pôaơ nau Y-Yêhôva ngơi ma gâp: ¹⁰Ăn may sŏk sĭt lơi phung bună lĕ sĭt nây tă bơh Y-Hêldai, bơh Y-Tôbia jêh ri Y-Jêdaya phung hŏ tât jêh tă bơh ƀon Babylôn; jêh ri tâm nar nây ăn may hăn hom rlet ma ngih Y-Jôsia kon bu klâu Y-Sôphôni. ¹¹Sŏk dơn prăk jêh ri miah ƀư du mlâm đon hađăch ndơ kalơ bôk kôranh ƀư brah toyh Y-Yôsuê kon buklâu Y-Jêhôsadak. ¹²Ăn may lah ma păng pôaơ: Yêhôva ma phung tahan lah: Ao, geh du huê bunuyh amoh păng jêng Nkŭr-keh, mra văch ma toyh nâm bu n'gĭng tă bơh ntŭk păng, jêh ri ndơ nây mra ndâk ngih brah Yêhôva. ¹³Păng nơm yơh mra ndâk ngih brah Yêhôva; jêh ri păng nơm yơh mra bu yơk, gŭ chiă uănh ta kalơ sŭng hađăch păng, ƀư kôranh ƀư brah gŭ kalơ sưng hađăch păng; jêh ri mra geh nau tâm rnglăp ăn đăp mpăn ndăng lĕ bar nau kan. ¹⁴Đon hađăch mra gŭ tâm ngih brah Yêhôva jêng du ntil ndơ kah gĭt ma Y-Hêldai, Y-Tôbia, Y-Jêlaya jêh ri Y-Hen kon bu klâu Y-Sôphôni. ¹⁵Phung gŭ ngai mra tât, ndâk ngih brah Yêhôva; jêh ri khân may mra gĭt Yêhôva ma phung tahan prơh gâp hăn tât ma khân may; tơlah khân may gơih srôih tông bâr Yêhôva may, pôri nau nây mra tât ngăn.

6

Four Chariots

¹I looked up again, and there before me were four chariots coming out from between two mountains—mountains of bronze. ²The first chariot had red horses, the second black, ³the third white, and the fourth dappled—all of them powerful. ⁴I asked the angel who was speaking to me, “What are these, my lord?”
⁵The angel answered me, “These are the four spirits⚓ of heaven, going out from standing in the presence of the Lord of the whole world. ⁶The one with the black horses is going toward the north country, the one with the white horses toward the west,⚓ and the one with the dappled horses toward the south.”
⁷When the powerful horses went out, they were straining to go throughout the earth. And he said, “Go throughout the earth!” So they went throughout the earth.
⁸Then he called to me, “Look, those going toward the north country have given my Spirit⚓ rest in the land of the north.”

A Crown for Joshua

⁹The word of the Lord came to me: ¹⁰“Take silver and gold from the exiles Heldai, Tobijah and Jedaiah, who have arrived from Babylon. Go the same day to the house of Josiah son of Zephaniah. ¹¹Take the silver and gold and make a crown, and set it on the head of the high priest, Joshua son of Jozadak.⚓ ¹²Tell him this is what the Lord Almighty says: ‘Here is the man whose name is the Branch, and he will branch out from his place and build the temple of the Lord. ¹³It is he who will build the temple of the Lord, and he will be clothed with majesty and will sit and rule on his throne. And he⚓ will be a priest on his throne. And there will be harmony between the two.’ ¹⁴The crown will be given to Heldai,⚓ Tobijah, Jedaiah and Hen⚓ son of Zephaniah as a memorial in the temple of the Lord. ¹⁵Those who are far away will come and help to build the temple of the Lord, and you will know that the Lord Almighty has sent me to you. This will happen if you diligently obey the Lord your God.”