31
1Yawmsaub has tas, “Lub swjhawm hov kuv yuav ua txhua xeem Yixayee tug Vaajtswv, hab puab yuav ua kuv haiv tuabneeg.”
2Yawmsaub has le nuav tas,
“Cov tuabneeg kws dim nav ntaaj
tau txais txujkev hlub huv tebchaws moj saab qhua.
Thaus cov Yixayee nrhav chaw su,
3Yawmsaub lug tshwm rua puab pum deb deb.⚓
Kuv hlub mej huv txujkev hlub kws muaj moog ib txhws,
vem le nuav kuv hlub mej ruaj khov moog le.
4Yixayee kws yog tug nkauj dawb huv 'e,
kuv yuav muab koj tswm dua,
koj yuav raug muab tswm dua tshab.
Koj yuav coj nruag npuaj ua zaam dua
hab tawm moog seev cev nrug cov kws ua lomzem ua ke.
5Koj yuav rov cog vaaj txwv maab rua sau Xamali tej roob,
cov kws cog kuj yuav cog hab tau tej txwv ntawd noj.
6Tseed yuav muaj ib nub kws tug faaj xwm yuav qw
peg toj sab Efa‑i tebchaws tas,
‘Ca le sawv tseeg, ca peb moog rua huv Xi‑oo lauj,
moog cuag Yawmsaub kws yog peb tug Vaajtswv.’ ”
7Yawmsaub has le nuav tas,
“Ca le hu nkauj zoo sab xyiv faab vem yog Yakhauj,
hab tsaa suab qw vem yog ib tsoom tebchaws tug thawj.
Ca le qhuas tshaaj tawm has tas,
‘Yawmsaub cawm nwg haiv tuabneeg dim,⚓
yog cov Yixayee kws tseed tshuav nyob.’
8Saib maj, kuv yuav coj puab tawm tebchaws saab peg lug,
hab qaws puab huv qhov kws deb kawg huv qaab ntuj.
Muaj cov tuabneeg dig muag ceg tawv,
hab cov quaspuj kws suab mivnyuas
hab cov kws ua mob teb nrug puab lug ua ke,
puab yuav lug ua ib paab coob coob rua ntawm nuav.
9Puab yuav quaj quas lawg lug,
hab kuv yuav nplig puab lub sab coj puab rov lug,⚓
kuv yuav coj puab taug haav dej,
yog txujkev taj kws puab yuav tsw dawm,
vem kuv ua Yixayee txwv
hab Efa‑i yog kuv tug tub hlub.
10“Ib tsoom tebchaws 'e, ca le noog Yawmsaub tej lug,
hab tshaaj tawm rua huv tej tebchaws
ntawm ntug havtxwv kws deb deb has tas,
‘Tug kws lawv cov Yixayee tswv rw quas sua
yuav qaws puab rov lug, hab yuav tsom kwm puab
yaam le tug yug yaaj tsom kwm nwg paab yaaj.’
11Tsua qhov Yawmsaub tub txhwv Yakhauj ca lawm,
hab tso nwg dim huv tug kws muaj zug dua nwg txhais teg.
12Puab yuav lug qw zoo sab rua sau lub roob Xi‑oo,
hab puab yuav zoo sab xyiv faab
vem Yawmsaub tej moov zoo,
yog tej qoob loos, tej cawv txwv maab, tej roj,
hab tej yaaj tej tshws tej nyuj cov mivnyuas.
Puab lub neej yuav zoo le lub vaaj kws muaj dej ywg,
puab yuav tsw tsaug leeg dua le lawm.
13Cov ntxhais hluas yuav zoo sab hab yuav seev cev,
cov tub hluas hab cov laug yuav xyiv faab.
Kuv yuav muab puab txujkev quaj ntsuag
ntxeev ua kev xyiv faab,
kuv yuav nplig puab hab muab txujkev zoo sab
hloov txujkev nyuaj sab chaw.
14Kuv yuav muab tej qoob loos ntau nplua mag
yug cov pov thawj tsau npo,
kuv haiv tuabneeg yuav txaus sab
rua kuv tej hov txhua chaw zoo.”
Yawmsaub has le nuav ntaag.
15Yawmsaub has le nuav tas,
“Tau nov suab nrov huv Lama,
yog suab quaj ntsuag suab quaj lwj sab.
Lachee quaj nwg tej mivnyuas,
nwg tsw yuav tej lug nplig sab
tsua qhov nwg tej mivnyuas tsw nyob lawm.”
16Yawmsaub has le nuav tas,
“Ca le tswj lub suab quaj tseg los maj,
hab tauv lub kua muag ntawm koj qhov muag,
tsua qhov koj teg num yuav tau nqe zug,
hab puab yuav rov huv yeeb ncuab lub tebchaws lug.”
Yawmsaub has le nuav ntaag.
17“Koj lub neej tom hauv ntej tseed muaj vaam,
hab koj tej mivnyuas yuav rov lug rua huv puab lub tebchaws.”
Yawmsaub has le nuav ntaag.
18“Kuv tau nov Efa‑i quaj has tas,
‘Koj nplawm qhuab qha kuv hab kuv raug nplawm
yaam le tug mivnyuas nyuj kws tsw tau seej.
Thov koj coj kuv rov qaab mas kuv yuav tig rov lug cuag koj,
tsua qhov koj yog kuv tug Vaajtswv Yawmsaub.
19Thaus kuv tig xubndag moog lawd,
kuv ntxeev dua sab.
Thaus kuv raug qhuab qha lawd,
kuv ntaus kuv hauv sab.
Kuv raug txaaj muag hab poob ntsej muag,
tsua qhov kuv rws txujkev txaaj muag
kws kuv ua thaus kuv tseed hluas.’
20Efa‑i tsw yog tug tub kws kuv hlub lov?
Nwg tsw yog tug mivnyuas kws kuv nyam lov?
Kuv ywg nwg thaus twg,
kuv kuj ncu txug nwg thaus hov.
Vem le nuav kuv lub sab tseed tshua txug nwg,
kuv yeej yuav khuvleej nwg.”
Yawmsaub has le nuav ntaag.
21“Koj ca le rhais phua qha kev rua koj,
ca le ua daim phaj qha kev rua koj,
ca le ua tuab zoo saib txuj nam kev
yog txuj kev kws mej tawm moog hov.
Yixayee kws yog tug nkauj dawb huv 'e,
ca le rov qaab lug, ca le rov qaab lug
rua huv koj tej moos nuav.
22Tug ntxhais kws tso kuv tseg 'e,
koj yuav ywj faab ywj fwj ntev le caag?
Yawmsaub tswm ib yaam tshab rua huv lub nplajteb,
yog ib tug quaspuj yuav tsom kwm⚓ tug quasyawg.”
23Cov Yixayee tug Vaajtswv Yawmsaub kws muaj fwjchim luj kawg nkaus has le nuav tas, “Thaus kuv pub puab rov vaam meej le qub, puab yuav swv tej lug nuav huv Yuta tebchaws hab huv puab tej moos dua ib zag, yog has tas,
“ ‘Lub chaw kws txujkev ncaaj nceeg nyob 'e,
lub roob dawb huv 'e,
thov Yawmsaub foom koob moov rua koj.’
24“Yuta hab Yuta tej moos huvsw hab cov kws ua laj ua teb hab cov kws yug yaaj kws moog moog lug lug yuav nyob ua ke hov ntawd.
25Kuv yuav ua kuas lub sab kws qaug zug tsau npo,hab txhua lub sab kws tsaug leeg kuv yuav pub kuas muaj zug puv npo tuaj.”
26Taamswm hov kuv tswm dheev lug hab tsaa muag saib, mas qhov kws kuv pw tsaug zug hov kuj ua rua kuv zoo sab.
Tej lug cog tseg tshab
27Yawmsaub has tas, “Saib nawj, lub caij lub nyoog saamswm lug yuav txug mas kuv yuav tseb noob tuabneeg hab noob tsaj txhu rua huv cov Yixayee hab cov Yuta.
28Kuv saib ntsoov puab hab muab puab dob hab muab ua pob taag hab ua kuas puam tsuaj hab coj xwm txheej phem lug raug puab le caag, kuv yuav saib ntsoov puab hab muab puab tswm dua tshab hab muab cog dua ib yaam le ntawd.” Yawmsaub has le nuav ntaag.
29“Thaus ntawd puab yuav tsw has dua tas,
“ ‘Leejtxwv noj txwv maab qaub,
tug mivnyuas rhab nav.’
30Tassws txhua tug yuav tuag rua nwg lub txem. Txhua tug kws noj txwv maab qaub kuj yuav rhab nav.”
31Yawmsaub has tas, “Saib nawj,
lub caij lub nyoog saamswm lug yuav txug
mas kuv yuav cog dua lug tshab
rua cov Yixayee hab cov Yuta,
32tsw thooj le kws kuv cog rua puab tej laug
rua thaus kuv caab puab teg
coj puab tawm huv Iyi tebchaws lug.
Kuv tub yog puab tug quasyawg
los puab muab kuv tej lug cog tseg rhuav lawm.”
Yawmsaub has le nuav ntaag.
33“Nuav yog tej lug cog tseg kws kuv yuav cog
rua cov Yixayee ua qaab ncua swjhawm ntawd.”
Yawmsaub has le nuav ntaag.
“Kuv yuav muab kuv txuj kevcai
tso rua huv puab, hab sau ca rua huv puab lub sab.
Kuv yuav ua puab tug Vaajtswv
hab puab yuav ua kuv haiv tuabneeg.
34Txhua tug yuav tsw qha nwg kwvtij zej zog
hab nwg tej kwvtij txheeb kuas paub Yawmsaub dua le lawm,
tsua qhov puab txhua tug yeej yuav paub kuv
txwj tug yau kawg moog txug tug luj kawg.
Kuv yuav zaam puab tej kev txhum
hab tsw cim ntsoov puab lub txem dua le lawm.”
Yawmsaub has le nuav ntaag.
35Yawmsaub kws ua lub nub ci pum kev nruab nub,
hab teem caij nyoog rua lub hli hab tej nub qub ci rua mo ntuj,
hab yog tug kws du havtxwv ndaas tej nam nthwv nrov vig voog,
nwg lub npe yog Yawmsaub kws muaj fwjchim luj kawg nkaus,
nwg has le nuav tas,
36“Yog tej kevcai ruaj khov nuav pluj ntawm kuv xubndag lawm,
mas Yixayee caaj ceg yuav pluj plag tsw ua ib haiv tuabneeg
rua ntawm kuv xubndag moog ib txhws.”
Yawmsaub has le nuav ntaag.
37Yawmsaub has le nuav tas,
“Yog ntsuag tau sau nruab ntug,
hab tshuaj tau tej taw kws tag huv qaab lub nplajteb,
tes kuv le muab Yixayee caaj ceg laim pov tseg
vem txhua yaam kws puab tau ua hov.”
Yawmsaub has le nuav ntaag.
38Yawmsaub has tas, “Lub caij lub nyoog saamswm lug yuav txug mas yuav muab lub nroog nuav tswm dua tshab rua Yawmsaub, txwj ntawm lub chaw tsom faaj Hananee moog txug lub rooj loog ntawm lub kaum loog.
39Hab txuj hlua ntsuag yuav dhau plhawv ncaaj nraim moog txug lub pov roob Kale le tig moog txug Kau‑a.
40Taag nrho lub haav kws pov tuabneeg tuag hab tej tshauv, hab tej teb taag nrho moog txug ncua lub haav Khiloo, moog txug lub Rooj Loog Neeg ntawm kaum loog moog rua saab nub tuaj, mas puavleej yog tej chaw kws dawb huv rua Yawmsaub. Lub nroog yuav tsw raug muab dob hlo caag lossws muab laim pov tseg dua moog ib txhws le.”
31
以色列人回鄉
1耶和華說：「那時，我必作以色列各家的上帝，他們必作我的子民。」
2耶和華如此說：
「從刀劍生還的百姓
在曠野蒙恩；
以色列尋找安歇之處。」
3耶和華從遠方向我顯現：
「我以永遠的愛愛你，
因此，我以慈愛吸引你。」
4少女以色列啊，
我要再建立你，你就得以建立；
你必再拿起手鼓，
隨着歡樂的舞者而出。
5你必在撒瑪利亞的山上栽葡萄園，
栽種的人栽種，而且享用。
6日子將到，守望的人必在以法蓮山上呼叫：
「起來吧！我們要上錫安，
到耶和華－我們的上帝那裏去。」
7耶和華如此說：
「你們當為雅各歡樂歌唱，
為萬國中為首的歡呼。
當傳揚，頌讚說：
『耶和華啊，
求你拯救你的百姓⚓，
拯救以色列的餘民。』
8看哪，我必將他們從北方之地領來，
從地極召集而來；
同他們來的有盲人、瘸子、孕婦、產婦；
他們必成羣結隊回到這裏。
9他們要哭泣而來。
我要照他們懇求的引導他們，
使他們在河水旁行走正直的路，
他們在其上必不致絆跌；
因為我是以色列的父，
以法蓮是我的長子。
10列國啊，要聽耶和華的話，
要在遠方的海島傳揚，說：
「趕散以色列的必召集他，
看守他，如牧人看守羊羣。」
11因為耶和華救贖了雅各，
救贖他脫離比他更強之人的手。
12他們來到錫安的高處歌唱，
因耶和華的宏恩而喜樂洋溢，
就是五穀、新酒和新的油，
並羔羊和牛犢。
他們必像有水澆灌的園子，
一點也不再有愁煩。
13那時，少女必歡樂跳舞；
年輕的、年老的，都一同歡樂；
因為我要使他們的悲哀變為歡喜，
並要安慰他們，使他們的愁煩轉為喜樂。
14我必以肥油使祭司的心滿足，
我的百姓也要因我的恩惠知足。
這是耶和華說的。
耶和華憐憫以色列
15耶和華如此說：
「在拉瑪聽見號咷痛哭的聲音，
是拉結哭她兒女，不肯因她兒女受安慰，
因為他們都不在了。」
16耶和華如此說：
「不要出聲哀哭，
你的眼目也不要流淚；
因你的辛勞必有報償，
他們必從仇敵之地歸回。
這是耶和華說的。
17你末後必有指望，
你的兒女必回到自己的疆土。
這是耶和華說的。
18我聽見以法蓮為自己悲嘆說：
『你管教我，我便受管教，
我如未馴服的牛犢。
求你使我回轉，我便回轉，
因為你是耶和華－我的上帝。
19我背離以後就懊悔，
受教以後就捶胸⚓；
我因擔當年輕時的凌辱就抱愧蒙羞。』
20以法蓮是我的愛子嗎？
是我喜歡的孩子嗎？
我每逢責備他，仍深顧念他。
因此，我的心腸牽掛着他，
我必要憐憫他。
這是耶和華說的。
21少女以色列啊，
當為自己設立路標，
為自己豎起指路牌。
要留心向着大道，
就是你曾走過的路；
你當回轉，回到你自己的城鎮。
22背道的女子啊，
你翻來覆去要到幾時呢？
耶和華在地上造了一件新事，
就是女子護衛男子。」
上帝子民光明的前途
23萬軍之耶和華－以色列的上帝如此說：「我使被擄之人歸回的時候，他們在猶大地和其中的城鎮必再這樣說：
公義的居所啊，聖山哪，
願耶和華賜福給你。
24猶大和猶大城鎮的人，耕地的和帶着羣畜遊牧的人，都要一同住在其中。
25疲乏的人，我使他振作；愁煩的人，我使他滿足。」
26於是我醒了，我看到我睡得香甜。
27「看哪，日子將到，我要使人的後代和牲畜的種，在以色列家和猶大家繁衍。這是耶和華說的。
28我先前怎樣看守他們，為要拔出、拆毀、毀壞、傾覆、苦害，也必照樣看守他們，為要建立、栽植。這是耶和華說的。
29當那些日子，人不再說：
『父親吃了酸葡萄，
兒子牙齒就酸倒。』
30但各人要因自己的罪死亡；凡吃酸葡萄的，自己的牙必酸倒。
31「看哪，日子將到，我要與以色列家和猶大家另立新的約。這是耶和華說的。
32這約不像我拉着他們祖宗的手，領他們出埃及地的時候與他們所立的約。我雖作他們的丈夫，他們卻背了我的約。這是耶和華說的。
33那些日子以後，我與以色列家所立的約是這樣：我要將我的律法放在他們裏面，寫在他們心上。我要作他們的上帝，他們要作我的子民。這是耶和華說的。
34他們各人不再教導自己的鄰舍和弟兄說：『你該認識耶和華』，因為他們從最小的到最大的都必認識我。我要赦免他們的罪孽，不再記得他們的罪惡。這是耶和華說的。」
35耶和華使太陽白晝發光，
按定例使月亮和星辰照耀黑夜，
又攪動大海，使海中波浪澎湃，
萬軍之耶和華是他的名，
他如此說：
36「這些定例若能在我面前廢掉，
以色列的後裔才會在我面前斷絕，
永遠不再成國。
這是耶和華說的。」
37耶和華如此說：
「若有人能測量上面的天，
探索下面地的根基，
我才會因以色列後裔所做的一切棄絕他們。
這是耶和華說的。」
38看哪，日子將到，這城必為耶和華而造，從哈楠業樓直到角門。這是耶和華說的。
39丈量的繩子要往外拉出，直到迦立山，又轉到歌亞；
40拋屍的全谷和倒灰之處，並一切田地，直到汲淪溪，又到東邊馬門的角落，都要歸耶和華為聖；不再拔出，不再傾覆，直到永遠。