47
Douc Waac Gorngv Fi^li^saa^die Mienh
1Faalo maiv gaengh mborqv Gaasaa wuov zanc, douc waac mienh, Ye^le^mi, duqv zipv Ziouv nyei naaiv deix waac gorngv taux Fi^li^saa^die Mienh.⚓
2Ziouv hnangv naaiv gorngv,
“Mangc maah! Wuom yiem baqv bung faaux daaih,
yaac oix benx wuom-beqv yiemx.
Wuom oix yiemx nzengc deic-bung caux yiem deic-bung yietc zungv ga'naaiv,
liemh zingh caux zingh gu'nyuoz nyei mienh.
Mienh oix heuc cuotv,
yiem deic-bung nyei mouz dauh baeqc fingx yaac oix nyiemv.
3Haiz maaz-gouv nyei deih tiux nyei qiex mbui,
mborqv jaax nyei maaz-cie qaau-qaau nyei,
cie-yienh qom-qom nyei mbui.
Weic die nyei buoz ba'laqc mau haic,
maiv haih huin nzuonx goux ganh nyei fu'jueiv.
4Weic zuqc hnoi-nyieqc oix taux,
oix mietc nzengc Fi^li^saa^die nyei yietc zungv mienh,
pai guangc dongh haih tengx Tailaqv
caux Sai^ndorn dauh dauh zengc njiec nyei mienh.
Weic zuqc Ziouv oix mietc Fi^li^saa^die Mienh,
se yiem Kapv^to⚓ nyei koiv-hlen zengc njiec nyei mienh.
5Gaasaa oix zuqc hliouv njang nyei,
Atc^ke^lon zuqc mietc mi'aqv.
Zengc njiec nyei Aanaakv Mienh aah!
Meih mbuo oix longc nzuqc gaatv sin ndongc haaix lauh?
6Ziouv nyei nzuqc ndaauv aah!
Meih taux haaix zanc cingx daaih dingh?
Meih bieqc paiv mingh maah!
Hitv kuonx yaac maiv dungx dongz.
7Ziouv paaiv ziangx meih,⚓
meih hnangv haaix nor haih dingh?
Ninh paaiv ziangx nzuqc ndaauv
mingh Atc^ke^lon caux koiv-hlen nyei dorngx mborqv jaax.”
47
A Message About the Philistines
1This is the word of the Lord that came to Jeremiah the prophet concerning the Philistines before Pharaoh attacked Gaza:
2This is what the Lord says:
“See how the waters are rising in the north;
they will become an overflowing torrent.
They will overflow the land and everything in it,
the towns and those who live in them.
The people will cry out;
all who dwell in the land will wail
3at the sound of the hooves of galloping steeds,
at the noise of enemy chariots
and the rumble of their wheels.
Parents will not turn to help their children;
their hands will hang limp.
4For the day has come
to destroy all the Philistines
and to remove all survivors
who could help Tyre and Sidon.
The Lord is about to destroy the Philistines,
the remnant from the coasts of Caphtor.⚓
5Gaza will shave her head in mourning;
Ashkelon will be silenced.
You remnant on the plain,
how long will you cut yourselves?
6“ ‘Alas, sword of the Lord,
how long till you rest?
Return to your sheath;
cease and be still.’
7But how can it rest
when the Lord has commanded it,
when he has ordered it
to attack Ashkelon and the coast?”