8

Lub tebchaws zoo kws yuav tau moog nyob

¹Tej lug nkaw kws nub nua kuv muab cob rua mej, mej yuav tsum ceev faaj ua lawv nraim huvsw, sub mej txhad muaj txujsa hab fuam vaam coob hab moog txeeb tau lub tebchaws kws Yawmsaub cog lug ruaj ca rua mej tej laug. ²Mej yuav tsum ncu ntsoov txug tej kev kws mej tug Vaajtswv Yawmsaub coj mej taug huv tebchaws moj saab qhua tau plaub caug xyoo, sub nwg txhad txu tau mej tug fwjchim hab swm saib mej lub sab zoo le caag saib mej yuav tuav rawv nwg tej lug nkaw los tsw tuav. ³Yawmsaub txu mej tug fwjchim hab ca mej tshaib hab pub mana yug mej, yog tej mov kws mej hab mej tej laug tsw tau paub dua le, nwg txhad ua rua mej paub tas tsw yog tuab cov mov xwb yuav yug tau tuabneeg txujsa, yog txhua lu lug kws tawm ntawm Yawmsaub qhov ncauj lug txhad yug tau. ⁴Lub swjhawm plaub caug xyoo hov mej tej tsoog tsho yeej tsw nduag le, hab mej tej kwtaw kuj tsw o. ⁵Mej ca le paub huv lub sab tas leej txwv nplawm qhuab qha nwg tug tub le caag, mej tug Vaajtswv Yawmsaub nplawm qhuab qha mej ib yaam le ntawd.
⁶Vem le nuav mej yuav tsum tuav rawv mej tug Vaajtswv Yawmsaub tej lug nkaw, yog qhov kws ua lub neej lawv nraim nwg txujkev hab fwm hab paub ntshai nwg. ⁷Tsua qhov Yawmsaub kws yog mej tug Vaajtswv saamswm coj mej lug rua huv lub tebchaws kws zoo, yog lub tebchaws kws muaj haav dej, muaj qhov dej hab muaj dej txhawv ndwg huv tej haav hab peg tej roob, ⁸muaj mog muaj qeb, muaj txwv maab txwv cua txwv ntsab pobkws, hab yog lub tebchaws kws muaj ntoo aulib hab zwb ntaab, ⁹hab yog lub tebchaws kws mej yuav tau noj tsw tshaib tsw nqhes, hab mej yuav tsw tu ncua ib yaam daabtsw le, hab yog lub tebchaws kws tej pob zeb yog hlau hab mej yuav khaws tau tooj lab ntawm tej roob. ¹⁰Mej yuav tau noj tsau npo, hab mej yuav qhuas Yawmsaub kws yog mej tug Vaajtswv txug lub tebchaws zoo kws nwg muab pub rua mej ntawd.

Tsw xob nov qaab Yawmsaub

¹¹Koj yuav tsum ceev faaj zoo tsw xob nov qaab Yawmsaub kws yog koj tug Vaajtswv es tsw tuav nwg tej lug nkaw hab nwg tej kevcai hab nwg tej kaab ke kws nub nua kuv has rua koj. ¹²Ntshai tsaam thaus koj noj tsau npo hab ua zoo vaaj zoo tsev hab tau nyob huv lawm, ¹³hab koj tej nyuj tej yaaj tej tshws fuam vaam coob hab muaj nyaj muaj kub ntau zuj zug hab ib puas tsaav yaam kws koj muaj fuam coob, ¹⁴mas thaus ntawd koj lub sab yuav khaav theeb hab koj yuav nov qaab koj tug Vaajtswv Yawmsaub kws coj koj tawm huv Iyi tebchaws huv txujkev ua qhev lug. ¹⁵Nwg coj koj moog thoob plawg huv lub tebchaws moj saab qhua kws luj hab txaus ntshai kawg, kws muaj naab raaj kub sai hab raub rws teb, hab yog lub tebchaws qhuav nkig nkuav tsw muaj dej. Nwg pub dej tawm huv phaab zeb tawv tawv lug rua koj haus, ¹⁶hab pub cov mana kws koj tej laug tsw paub dua yug koj rua huv tebchaws moj saab qhua, sub nwg txhad txu tau koj tug fwjchim hab swm koj lub sab, mas thaus kawg koj txhad tau noj qaab nyob zoo. ¹⁷Koj yuav tsum ceev faaj tsaam tes koj has tuj tawg tas, “Yog kuv tug fwjchim hab kuv txhais teg tug zug tau ua rua kuv tau tej cuab txhaj cuab taam nuav.” ¹⁸Koj yuav tsum ncu ntsoov Yawmsaub kws yog koj tug Vaajtswv, tsua qhov nwg yog tug kws pub zug rua koj kuas tau tej cuab txhaj cuab taam nuav, sub nwg txhad tuav rawv nwg tej lug cog tseg kws nwg cog ruaj khov rua koj tej laug, ib yaam le naj nub nwgnuav. ¹⁹Yog koj nov qaab koj tug Vaajtswv Yawmsaub es moog lawv quas ncav luas tej daab hab ua koom rua hab pe tej daab hov, nub nua kuv has tseeb hlo rua mej tas mej yeej yuav puam tsuaj tag tag. ²⁰Ib yaam le tej haiv tuabneeg kws Yawmsaub muab ua puam tsuaj taag rua ntawm mej xubndag, mej yuav puam tsuaj taag ib yaam nkaus le hov ntaag, tsua qhov mej tsw noog mej tug Vaajtswv Yawmsaub tej lug.

8

Remember the Lord Your God

¹“Every commandment which I command you today ⚓you must be careful to observe, that you may live and ⚓multiply, and go in and possess the land of which the Lord swore to your fathers. ²And you shall remember that the Lord your God ⚓led you all the way these forty years in the wilderness, to humble you and⚓test you, ⚓to know what was in your heart, whether you would keep His commandments or not. ³So He humbled you, ⚓allowed you to hunger, and ⚓fed you with manna which you did not know nor did your fathers know, that He might make you know that man shall ⚓not live by bread alone; but man lives by every word that proceeds from the mouth of the Lord. ⁴⚓Your garments did not wear out on you, nor did your foot swell these forty years. ⁵⚓You should know in your heart that as a man chastens his son, so the Lord your God chastens you.
⁶“Therefore you shall keep the commandments of the Lord your God, ⚓to walk in His ways and to fear Him. ⁷For the Lord your God is bringing you into a good land, ⚓a land of brooks of water, of fountains and springs, that flow out of valleys and hills; ⁸a land of wheat and barley, of vines and fig trees and pomegranates, a land of olive oil and honey; ⁹a land in which you will eat bread without scarcity, in which you will lack nothing; a land whose stones are iron and out of whose hills you can dig copper. ¹⁰⚓When you have eaten and are full, then you shall bless the Lord your God for the good land which He has given you.
¹¹“Beware that you do not forget the Lord your God by not keeping His commandments, His judgments, and His statutes which I command you today, ¹²⚓lest—when you have eaten and are full, and have built beautiful houses and dwell in them; ¹³and when your herds and your flocks multiply, and your silver and your gold are multiplied, and all that you have is multiplied; ¹⁴⚓when your heart is lifted up, and you ⚓forget the Lord your God who brought you out of the land of Egypt, from the house of bondage; ¹⁵who ⚓led you through that great and terrible wilderness, ⚓in which were fiery serpents and scorpions and thirsty land where there was no water; ⚓who brought water for you out of the flinty rock; ¹⁶who fed you in the wilderness with ⚓manna, which your fathers did not know, that He might humble you and that He might test you, ⚓to do you good in the end— ¹⁷then you say in your heart, ‘My power and the might of my hand have gained me this wealth.’
¹⁸“And you shall remember the Lord your God, ⚓for it is He who gives you power to get wealth, ⚓that He may establish His covenant which He swore to your fathers, as it is this day. ¹⁹Then it shall be, if you by any means forget the Lord your God, and follow other gods, and serve them and worship them, ⚓I testify against you this day that you shall surely perish. ²⁰As the nations which the Lord destroys before you, ⚓so you shall perish, because you would not be obedient to the voice of the Lord your God.