7
Longc Dorng Jaa Nyei Jauv Zoux Waac-Beiv
1Gorx-youz aac, naaiv deix waac yie caux hiuv leiz-latc nyei mienh gorngv. Meih mbuo maiv hiuv fai? Leiz-latc gunv mienh se dongh mienh ziangh jienv nyei ziangh hoc hnangv.
2Hnangv m'sieqv dorn longc jienv nqox nor. Nqox corc ziangh jienv nyei ziangh hoc, auv zuqc dorng jaa nyei leiz gunv jienv. Mv baac se gorngv nqox daic, auv ziouc leih ndutv, maiv zuqc dorng jaa nyei leiz gunv aqv.
3Hnangv naaic, nqox corc ziangh jienv nyei ziangh hoc, auv mingh longc ganh dauh m'jangc dorn, ninh ziouc duqv hienx nqox nyei mengh dauh. Mv baac se gorngv ninh nyei nqox daic mi'aqv nor, dorng jaa nyei leiz ziouc maiv gunv wuov dauh auv aqv. Ninh aengx mingh caux ganh dauh dorng jaa yaac maiv funx hienx nqox.
4Yie nyei gorx-youz aac, meih mbuo yaac hnangv naaic. Meih mbuo se hnangv daic mi'aqv nor. Leiz-latc gunv maiv duqv meih mbuo, weic zuqc meih mbuo juangc Giduc nyei sin. Ih zanc meih mbuo benx ganh dauh ziouv nyei mienh, dongh daic mingh aengx nangh daaih wuov dauh Giduc nyei mienh, weic zoux longx fu-sux Tin-Hungh.
5Dongh mbuo corc maaih baamz zuiz nyei fiem-fingx gunv jienv mbuo wuov zanc, leiz-latc yaac daux zuqc mbuo nyei hnyouv, bun mbuo oix baamz zuiz. Mbuo zoux nyei yietc zungv ziouc bun mbuo zuqc daic.
6Mv baac ih zanc mbuo leih ndutv leiz-latc mi'aqv. Mbuo se hnangv daic mi'aqv nor. Maiv maaih leiz-latc gunv jienv hnangv zinh ndaangc gunv mbuo wuov nor. Mbuo ih zanc maiv longc fiev jienv wuov deix loz-leiz-latc fu-sux Tin-Hungh. Mbuo longc Singx Lingh nyei siang-leiz fu-sux Tin-Hungh.
Leiz-Latc Bun Mienh Hiuv Duqv Zuiz
7Wuov nyungc mbuo oix zuqc hnangv haaix nor gorngv? Leiz-latc ganh baamz zuiz fai? Zungv maiv zeiz! Mv baac se gorngv maiv zeiz weic leiz-latc, yie maiv hiuv duqv haaix nyungc benx zuiz. Se gorngv leiz-latc maiv gorngv,
“Maiv dungx mauv ga'naaiv”,⚓
yie ziouc maiv hiuv duqv mauv ga'naaiv hnangv haaix nor.
8Zuiz bangc leiz-latc zoux gorn lorz qangx bun yie mauv naaiv mauv wuov. Se gorngv maiv maaih leiz-latc, zuiz ziouc daic mi'aqv.
9Yie zinh ndaangc ziangh jienv maiv gaengh maaih leiz-latc gunv yie, mv baac nqa'haav leiz-latc daaih, zuiz ziouc henv daaih, yie yaac daic mi'aqv.
10Leiz-latc horpc zuqc bun mienh ziangh jienv. Daaux nzuonx leiz-latc bun yie zuqc daic.
11Weic zuqc zuiz lorz qangx bun leiz-latc nduov yie, zuiz ziouc longc leiz-latc daix yie.
12Hnangv naaic, leiz-latc se cing-nzengc nyei. Leiz-latc nyei diuh diuh leiz yaac cing-nzengc nyei, baengh fim nyei, longx nyei.
13Wuov nyungc, se gorngv leiz-latc longx nyei, leiz-latc haih bun yie daic fai? Zungv maiv zeiz! Bun yie daic se dongh zuiz. Zuiz longc longx nyei ga'naaiv bun yie zuqc daic weic bun yie hiuv duqv zuiz za'gengh hnangv haaix nor. Hnangv naaic, laaix leiz-latc mbuo hiuv duqv zuiz se waaic taux daauh aqv.
Mienh Maaih I Diuc Hnyouv
14Mbuo hiuv duqv leiz-latc se yiem Tin-Hungh daaih. Mv baac yie zoux baamh mienh, zuqc maaic tengx zuiz zoux nouh gauv.
15Yie ganh zoux nyei, yie maiv mengh baeqc, weic zuqc yie oix zoux nyei, yie yaac maiv zoux. Daaux nzuonx zoux dongh yie nzorng nyei.⚓
16Dongh yie zoux liuz yie maiv oix zoux nyei sic, yie ziouc laengz leiz-latc se longx nyei.
17Hnangv naaic, maiv zeiz yie ganh zoux, se dongh yiem yie nyei hnyouv wuov deix zuiz zoux.
18Yie hiuv duqv yiem yie baamh mienh nyei hnyouv maiv maaih haaix nyungc longx. Yie gengh oix zoux longx nyei yaac maiv haih zoux.
19Yie oix zoux nyei kuv sic yie yaac maiv zoux. Mv baac dongh yie maiv oix zoux nyei waaic sic yie corc zoux jienv mingh.
20Se gorngv yie zoux dongh yie maiv oix zoux nyei sic, se maiv zeiz yie ganh zoux. Dongh yiem yie gu'nyuoz nyei zuiz zoux.
21Hnangv naaic, yie buatc maaih nyungc leiz cuotv daaih. Yie jiez hnyouv oix zoux longx, kungx haih zoux cuotv orqv nyei sic hnangv.
22Yiem yie nyei hnyouv gu'nyuoz yie a'hneiv haic Tin-Hungh nyei leiz.
23Mv baac yiem yie nyei sin maaih ganh nyungc leiz. Naaiv nyungc leiz aengx caux yie nyei hnyouv a'hneiv wuov nyungc leiz mborqv jaax. Hnangv naaic, yiem yie nyei sin bun yie baamz zuiz wuov nyungc leiz ziouc hingh yie, gunv jienv yie aqv.
24Aav! Yie za'gengh kouv haic aqv. Haaix dauh haih njoux yie leih ndutv naaiv haih zuqc daic nyei sin?
25Zongc zingh Tin-Hungh! Ninh bun mbuo nyei Ziouv Yesu Giduc njoux cuotv yie. Wuov nyungc, yiem yie nyei hnyouv yie oix ei jienv Tin-Hungh nyei leiz zoux. Mv baac yie ziux baamh mienh nyei hnyouv zoux, kungx gan bun yie baamz zuiz wuov nyungc leiz hnangv.
7
律法的约束力
1弟兄们，我对你们这些明白律法的人说，你们岂不知道律法约束人是在他活着的时候吗？
2就如女人有了丈夫，丈夫还活着，她就被律法约束；丈夫若死了，她就从丈夫的律法中解脱了。
3所以丈夫还活着，她若跟了别的男人，就叫淫妇；丈夫若死了，她就脱离了律法，虽然跟了别的男人，也不是淫妇。
4我的弟兄们，这样说来，你们藉着基督的身体对律法也是死了，使你们归于另一位，就是归于那从死人中复活的，为要使我们结果子给上帝。
5因为我们属肉体的时候，那因律法而生犯罪的欲望在我们肢体中发动，以致结出死亡的果子。
6但如今，我们既然在捆绑我们的律法上死了，就从律法中解脱，使我们服侍主，要按着圣灵⚓的新样，不按着仪文的旧样。
律法与罪的关系
7这样，我们要怎么说呢？律法是罪吗？绝对不是！但是，若不是藉着律法，我就不知何为罪；若不是律法说“不可贪心”，我就不知何为贪心。
8然而，罪趁着机会，藉着诫命，使各样的贪心在我里头发动，因为没有律法，罪是死的。
9以前没有律法的时候，我是活的；但是诫命来到，罪活起来，
10我就死了。那本该叫人活的诫命反而叫我死。
11因为罪趁着机会，藉着诫命诱惑我，并且藉着诫命杀了我。
12这样看来，律法是圣的，诫命也是圣的、义的、善的。
13那么，那善的是叫我死吗？绝对不是！叫我死的是罪。罪藉着那善的叫我死，为要显出这真是罪，以致罪藉着诫命更显出是恶极了。
灵与肉的交战
14我们原知道律法是属灵的，我却是属肉体的，是已经卖给罪了。
15因为我所做的，我自己不明白。我所愿意的，我并不做；我所恨恶的，我反而去做。
16如果我所做的是我所不愿意的，我得承认律法是善的。
17事实上，这不是我做的，而是住在我里面的罪做的。
18我也知道，住在我里面的，就是我肉体之中，没有善。因为立志为善由得我，只是行出来由不得我。
19我所愿意的善，我不去做；我所不愿意的恶，我反而去做。
20如果我去做我不愿意做的，就不是我做的，而是住在我里面的罪做的。
21我觉得有个律，就是我愿意行善的时候，就有恶缠着我。
22因为，按着我里面的人，我喜欢上帝的律，
23但我看出肢体中另有个律和我内心的律交战，把我掳去，使我附从那肢体中罪的律。
24我真苦啊！谁能救我脱离这必死的身体呢？
25感谢上帝，靠着我们的主耶稣基督就能！这样看来，一方面，我内心顺服上帝的律，另一方面，肉体却顺服罪的律了。