17
Aloos Tus Pas Nrig
1Tus TSWV hais rau Mauxes hais tias,
2“Koj hais rau cov Yixalayees cov thawjcoj ntawm txhua xeem, kom nyias nqa nyias tus pas nrig tuaj, tagnrho yog kaum ob tug. Sau lawv txhua tus npe rau ntawm nyias tus pas,
3thiab sau Aloos npe rau ntawm cov Levis tus pas. Tsuas pub ib tug pas rau ib xeem tus thawjcoj xwb.
4Koj muab cov pas nrig ntawd coj mus tso rau hauv tus TSWV lub Tsevntaub sib ntsib, thiab muab coj mus tso rau tom hauv ntej lub Phijxab uas ntim Vajtswv tej lus cog tseg uas yog qhov chaw kuv ntsib koj.
5Ces tus neeg uas kuv xaiv lawm tus pas nrig yuav hlav ntsuag. Qhov uas kuv ua li no, yog ua kom cov Yixalayees tej suab uas yws koj ntsiag tsis muaj ntxiv lawm.”
6Yog li ntawd, Mauxes thiaj hais rau cov Yixalayees, thiab lawv txhua tus thawjcoj nyias nqa nyias tus pas nrig tuaj, ib xeem ib tug, tagnrho yog kaum ob tug thiab muab Aloos tus pas nrig coj mus tso nrog cov ntawd thiab.
7Ces Mauxes muab tagnrho cov pas nrig ntawd, coj mus tso rau hauv lub Tsevntaub sib ntsib ntawm tus TSWV lub Phijxab Coglus tseg hauv ntej.
8Tagkis tom qab, thaum Mauxes mus hauv lub Tsevntaub sib ntsib, nws pom Aloos tus pas nrig uas yog xeem Levis tus, hlav ntsuag, hlav nplooj, tawg paj thiab txi txiv!
9Mauxes muab cov pas nrig ntawd nqa mus qhia rau cov Yixalayees. Lawv pom hais tias, yeej muaj tej xwm txheej no tshwmsim tiag, yog li ntawd, cov thawjcoj nyias thiaj nqa nyias tus pas nrig rov mus lawm.
10Tus TSWV hais rau Mauxes hais tias, “Koj muab Aloos tus pas rov mus tso rau ntawm lub Phijxab uas ntim Vajtswv tej lus cog tseg hauv ntej. Tus pas ntawd yuav ua lub cim rau cov Yixalayees uas ntxeev siab. Qhov no yuav ua kom lawv tseg tsis txhob yws kuv, lawv thiaj tsis tuag.”
11Mauxes ua raws li tus TSWV tau hais rau nws.
12Cov Yixalayees hais rau Mauxes hais tias, “Zaum no peb yuav tuag tas li lauj!
13Yog hais tias, leejtwg txav mus ze tus TSWV lub Tsevntaub sib ntsib yuav raug tua tuag. Ces peb sawvdaws txawm yuav tuag tas tiag los?”
17
Aloo tug paas nreg
1Yawmsaub has rua Mauxe tas,
2“Ca le has rua cov Yixayee kuas coj txhua xeem le paas nreg tuaj, yog txhua xeem tug thawj tug paas nreg, huvsw yog kaum ob tug. Ca le sau txhua tug tswv paas hov lub npe rua nwg tug paas nreg.
3Sau Aloo lub npe rua xeem Levi tug paas nreg. Txhua xeem tug thawj yuav tsum muaj ib tug paas nreg.
4Koj yuav muab cov paas nreg hov tso rua huv lub tsev ntaub sws ntswb rua ntawm lub swb xaab kws rau Vaajtswv tej lug saab xubndag, yog lub chaw kws kuv ntswb mej.
5Tug kws kuv xaiv lawm nwg tug paas nreg yuav hlaav nplooj, ua le nuav kuv txhad ua rua cov Yixayee lub suab ywg kws puab ywg koj ntsag moog.”
6Mauxe txhad has le nuav rua cov Yixayee mas puab txhua xeem cov thawj txhua tug txhad muab ib leeg ib tug paas nreg rua Mauxe, huvsw yog kaum ob tug paas nreg. Mas Aloo tug paas nreg kuj nyob huv cov ntawd hab.
7Mas Mauxe muab cov paas nreg ntawd tso rua ntawm Yawmsaub xubndag huv lub tsev ntaub kws muaj Vaajtswv tej lug.
8Taagkig tom qaab Mauxe nkaag moog rua huv lub tsev ntaub kws muaj Vaajtswv tej lug, na cav Aloo tug paas nreg kws yog xeem Levi tug tau hlaav nplooj ua cos tawg paaj hab txw txwv duaj deg sav lawm.
9Mauxe txawm coj tej paas nreg hov huvsw ntawm Yawmsaub lub xubndag lug rua cov Yixayee suavdawg. Puab tshuaj saib hab nyag txais nyag tug paas nreg lug.
10Yawmsaub has rua Mauxe tas, “Ca le coj Aloo tug paas nreg rov moog tso rua ntawm lub swb xaab kws muaj Vaajtswv tej lug saab xubndag, muab khaws ca ua lub hom thawj rua cov kws faav xeeb, sub koj txhad tswj tau qhov kws puab ywg kuv puab txhad tsw tuag.”
11Mauxe kuj ua le ntawd. Yawmsaub has kuas nwg ua le caag, nwg kuj ua lawv nraim le ntawd.
12Cov Yixayee has rua Mauxe tas, “Saib maj, peb puam tsuaj, peb lamswm, peb suavdawg lamswm taag lawm.
13Txhua tug kws txaav lug ze Yawmsaub lub tsev ntaub yuav tuag. Peb yuav tuag taag huvsw lov?”